Biz Rusiyanı bölməyə heç kəsə icazə verməyəcəyik.

APA-nın Moskva müxbiri xəbər verir ki, bunu Rusiya prezidenti Vladimir Putin Ümumdünya Rus Xalq Kilsəsinin plenar iclasında çıxışında bildirib.

O, Ümumdünya Rus Xalq Kilsəsinə dövlətçiliyi dəstəklədiyinə və möhkəmləndirdiyinə görə təşəkkür edib .

Qeyd edib ki, ️Rusiyanın suverenlik və ədalət uğrunda döyüşü milli-azadlıq xarakteri daşıyır:

"Rusiya indi daha ədalətli dünya nizamının yaradılmasında ön sıralardadır. Rusiya xüsusi əməliyyatda bütün dünyanın azadlığı uğrunda mübarizə aparır, hegemon diktaturası isə bərbad vəziyyətdədir" .

Putin vurğulayıb ki, güclü Rusiya olmadan möhkəm dünya nizamının qurulmaıl mümkün deyil.

"Rusofobiya və digər irqçilik və neonasizmin formaları Qərb elitasının rəsmi ideologiyasına çevrilib. Ukraynada baş verənlər təkcə ruslara qarşı deyil, Rusiyanın bütün xalqlarına qarşı yönəlib. Qərbə böyük Rusiya lazım deyil. Qərbdə Rusiyanı parçalayıb talamaq istəyirlər. Rusiya onun işlərinə hər hansı kənar müdaxiləni təcavüz kimi qiymətləndirir və buna uyğun reaksiya verəcək. Rusiyanın rəqabət üstünlüyü müxtəliflikdədir, bu ümumi irsdir və qorunmalıdır", deyə Rusiya prezidenti bildirib.

Türkiyədə daha bir fenomen cütlük, gözəllik mərkəzləri sahibi olan Tayyar Öz və Özlem Öz barədə istintaq başladılıb.

Qafqazinfo xəbər verir ki, cütlüyə qarşı Anadolu Cümhuriyyət Baş Prokurorluğu tərəfindən "cinayət törətmək məqsədi ilə təşkilat qurmaq", "cinayət törətmək məqsədilə yaradılmış təşkilata üzv olmaq", "rəsmi sənədlərin saxtalaşdırılması", "vergi proseduru qanununun pozulması" və "aktiv dəyərlərinin qeyri-qanuni mənbəyini gizlətmə" ittihamları irəli sürülərək haqlarında araşdırma başlanılıb.

Xatırladaq ki, Türkiyədə son günlər sosial media fenomenlərindən polisə çoxsaylı şikayətlər daxil olur. Keçirilən əməliyyatlar çərçivəsində noyabrın 1-də məşhur fenomen Dilan Polat və həyat yoldaşı Engin Polat, həmçinin Dilanın bacısı Sıla Doğu, Enginin qardaşı Kürşat Polat daxil olmaqla 24 nəfər saxlanılıb.

Noyabrın 14-ü sosial media fenomenləri Bahar və Nihal Candan bacıları çirkli pulların yuyulması iddiaları ilə saxlanılıb.

Noyabrın 23-ü isə müğənni və fenomen Banu Parlak saxlanılsa da, sərbəst buraxılmışdı.

“Ermənistan Respublikası Qarabağ da daxil olmaqla, Azərbaycanın ərazi bütövlüyünü tam dəstəkləyir”

Hurriyyet.az xəbər verir ki, Ermənistan parlamentinin spikeri Alen Simonyan Qarabağ problemi deyilən nəsnənin artıq mövcud olmadığını, Ermənistanın Azərbaycanın ərazi bütövlüyünü təsdiqlədiyini bəyan edib.

Simonyan jurnalistlərə açıqlamasında deyib: “Qarabağ problemi həll edilibmi – nə deməkdir? Məsələnin həll olunub-olunmaması nədən ibarətdir? Hazırda Ermənistan Respublikasının qarşısında belə bir məsələ yoxdur. Ermənistan Respublikası Qarabağ da daxil olmaqla, Azərbaycanın ərazi bütövlüyünü tam dəstəkləyir. Son bir il, ilyarım ərzində dəfələrlə bunu təkrarlamışıq”.

Amerika Mərkəzi Kəşfiyyat İdarəsinin direktoru Uilyam Börns İsrailin MOSSAD kəşfiyyat agentliyinin rəhbəri David Barnea, Qətərin baş naziri Şeyx Məhəmməd bin Əbdül Rəhman Əl Tani və HƏMAS hərəkatının üzvləri ilə gizli görüşlər keçirmək üçün Qətərə gəlib.

Qaynarinfo xəbər verir ki, bu barədə Amerikanın "The Washington Post” qəzeti mənbələrə istinadən məlumat yayıb.

Burns HƏMAS və İsraili girovların siyahısını kişilər və hərbçilər də daxil olmaqla genişləndirməyə çalışır. Tərəflər hazırda yalnız qadın və uşaq mübadiləsi aparırlar.

Qəzetin mənbələri bildirirlər ki, o, həmçinin İsrailin HƏMAS-la müharibədə fasilə verdiyi hər gün üçün ən azı 10 nəfəri azad etmək tələbini nəzərə alaraq, hərbi əməliyyatlarda daha uzun bir neçə günlük fasilə tələb edir.

Onların sözlərinə görə, MKİ rəhbəri həm də Amerika tərəfinin 9 nəfər hesab etdiyi amerikalı girovların HƏMAS əsirliyindən dərhal azad edilməsində israrlıdır.

Mərkəzi Kəşfiyyat İdarəsi Burnsun gizli saxlanılan səfəri ilə bağlı şərh verməkdən imtina edib.

Simonyan: “Ermənilər Azərbaycanda, azərbaycanlılar Ermənistanda yaşayacaqlar”
Hurriyyet.az xəbər verir ki, Ermənistan parlamentinin spikeri Alen Simonyan jurnalistlərlə söhbətində ermənilərlə azərbaycanlıların dinc yanaşı yaşayacağı zamanın gələcəyini söyləyib.

Simonyan deyib: “Biz buna ümid edirik və bunun üçün hər şeyi edəcəyik. Ermənilər və azərbaycanlılar bir-biri ilə ticarət eləməlidirlər. İstisna etmirəm ki, bəzi adamlar Azərbaycan ərazisindəki evlərinə qayıdacaqlar. İstisna etmirəm ki, bir müddət keçndən sonra azərbaycanlılar da bura əlib məskunlaşacaqlar”.

Sülh müqaviləsində belə bir maddənin olub-olmadığı sualının cavabında Simonyan deyib ki, belə bir bəndlə qarşılaşmayıb: “Sülh müqaviləsi tamamilə beynəlxalq prinsiplərə əsaslanır - ərazi bütövlüyü, kommunikasiyaların açılması və s”.

Dünya səviyyəsində insan haqlarının müdafiəsi ilə məşğul olan, bu mövzuda araşdırmalar aparıb, yayımlayan beynəlxalq qeyri-hökumət təşkilatı “Human Rights Watch” Azərbaycanın mina problemi ilə bağlı beynəlxalq çağırışlarından xəbərsiz olduğunu iddia edib.

“Report”un ABŞ bürosu xəbər verir ki, təşkilatın rəsmisi problemdən məlumatlı olmadığını deyib.

Belə ki, “Human Rights Watch” təşkilatının BMT-dəki direktoru Luis Şarbonau (Louis Charbonneau) XXI əsrdə Azərbaycanın üz-üzə olduğu ekoloji fəlakət, Ermənistanın 30 illik işğal dövründə ölkəmizdə buraxdığı dəhşətli mirasdan məlumatsız olduqlarını iddia edib: “Biz bu məsələdən xəbərdar deyilik. Mən də bununla bağlı heç bir araşdırma tapa bilmirəm, amma həmkarlarımdan soruşacağam”.

“Human Rights Watch” təşkilatının rəsmisi L.Şarbonau ona ünvanlanan sualları həmkarları ilə araşdıracağını vəd versə də, növbəti sorğular iki aydır, cavabsız qalıb.

Müharibə və postmüharibə dövrlərində dövlət qurumları və qeyri-hökumət təşkilatları tərəfindən dəfələrlə Ermənistan tərəfindən beynəlxalq hüquq, o cümlədən beynəlxalq humanitar hüquq norma və prinsiplərinin pozulması faktları ilə bağlı bir çox hesabatlar hazırlanaraq müvafiq qaydada “Human Rights Watch” təşkilatının rəsmilərinə paylaşılsa da, məlumatlar təşkilatın yayımladığı hesabatda əksini tapmayıb. Həmin məlumatlarda 2020-ci il 10 noyabr tarixli üçtərəfli birgə Bəyanatdan sonra Azərbaycanda 350-dən çox şəxsin minaya düşməsi ilə bağlı müfəssəl məlumat qeyd olunub.

Təəssüf ki, “Human Rights Watch” təşkilatı həmin rəsmi məlumatlarda qeyd edilən insan hüquqları pozuntularını araşdırmaq üçün heç vaxt hər hansı addım atmır, əksinə, qərəzli hesabatlar yaymaqda davam edir. Hesabatlarında Azərbaycanla bağlı dəfələrlə qərəzli məqamlar paylaşan beynəlxalq təşkilatın İkinci Qarabağ müharibəsindən sonra arasında mülkü şəxslərin və jurnalistlər, minatəmizləyənlər, hərbçilər və uşaqların da olduğu yüzlərlə insanın həyatına son qoyan minalar, partlamamış hərbi sursatlarla bağlı məlumatsız olması iddiası çox da təəccüb doğurmur. Çünki beynəlxalq təşkilatın Azərbaycan və Ermənistanla bağlı yayımladığı bütün hesabatlar ermənilərin maraqlarına xidmət edir.
Analitik: “Human Rights Watch” təşkilatının baş verənlərə biganə münasibəti anti-Azərbaycan qərəzinin göstəricisidir”

Bu ilin iyun ayında Qarabağa səfər edən amerikalı jurnalist, “Schirach Report” İnformasiya Agentliyinin təsisçisi və baş redaktoru, Vaşinqtonda fəaliyyət göstərən “Qlobal Siyasət İnstitutu”nun (“Global Policy Institute”) prezidenti, “Bay Atlantik” Universitetinin Siyasi Elmlər və Beynəlxalq Münasibətlər üzrə professoru Paolo fon Şirax açıqlamasında “Human Rights Watch” təşkilatının Ermənistan silahlı qüvvələrinin Qarabağı uzun müddətli qanunsuz işğalı zamanı Azərbaycanda torpaqlarında basdırdığı minalarla bağlı araşdırma aparmamasını, baş verənlərə biganə münasibətinin Azərbaycana qərəzinin göstəricisi kimi qiymətləndirib: “Mən bölgəni ziyarət etdiyim zaman öz gözlərimlə gördüm ki, ərazilərdə ermənilər tərəfindən döşənən piyada əleyhinə minalar ucuz və ölümcül alətlərdir. Bu məsələ ilə bağlı iddia edilən məlumatsızlıq inandırıcı deyil, çünki rəsmi Bakı baş verənlərlə bağlı yetərli qədər məlumatlar hazırlayaraq yayıb. O cümlədən Ermənistan hökumətinin mina sahələrinin xəritələrini paylaşmaqda əməkdaşlıq etməməsi bölgədə cərəyan edən ən böyük problemin həllini gecikdirir. Əgər Ermənistan razılığa gəlsə, uzun illər tələb edən və olduqca bahalı olan minatəmizləmə əməliyyatları daha sürətlə davam edə bilər.

Bölgədə cərəyan edən ən böyük fəlakətə “Human Rights Watch” təşkilatının məhəl qoymaması, qəribə və qeyri-obyektiv yanaşması çox təəssüf doğurur.

Ermənilərin arxalarında buraxdıqları geniş minalı bölgələri görməzdən gəlmək, onların məsuliyyətinə məhəl qoymamaq əksər analitiklərin ermənilərin qurban, Azərbaycan hökumətinin isə işğalçı olması ilə bağlı qəbul etdiyi rəvayətlərə çox uyğun gəlir. Bunu görməzdən gəlmək və rəvayətlərə inanmaq doğru deyil”.

“Azərbaycan, Türkiyə və Gürcüstan müdafiə nazirlərinin üçtərəfli görüşünün əməkdaşlıq üçün çox faydalı olacağını düşünürəm. Ölkələrimiz regionda sülh və inkişaf üçün birgə əməkdaşlığı bundan sonra da davam etdirəcək”.

AZƏRTAC xəbər verir ki, bunu Türkiyə Respublikasının milli müdafiə naziri Yaşar Güler Bakıda Azərbaycan-Türkiyə-Gürcüstan müdafiə nazirlərinin 10-cu üçtərəfli görüşünün yekununa həsr olunmuş mətbuat konfransında söyləyib.

O bildirib ki, “3+3” formatındakı görüşlərin Cənubi Qafqazda problemlərin həllində, qalıcı sülhün əldə olunmasında mühüm əhəmiyyəti var:
“Amma Ermənistan sülh üçün yaranan şəraiti lazımınca dəyərləndirmir”.

“Biz Azərbaycan və Ermənistan üçün sülhə nail olmaq üçün real imkan görürük”.

“Report” xəbər verir ki, bunu ABŞ dövlət katibinin Avropa və Avrasiya məsələləri üzrə köməkçisi Ceyms O-Brayen bu gün keçirdiyi mətbuat konfransında deyib.

“Hər iki tərəfin bir-biri ilə birbaşa və vasitəçilərlə danışıqlar aparması bizi ruhlandırır. Bunun sayəsində (hər iki tərəfin danışıqları-red) regiona fayda üçün real imkan görürük. Məsələn, Mərkəzi Asiyadan ticarət Azərbaycan və Ermənistandan Türkiyəyə keçsə, bu, ticarət yolu üzərində yerləşən bütün ölkələr üçün əhəmiyyətli təkan olacaq.

Bilirik ki, onlar tezliklə sülh sazişinin əldə olunmasında maraqlı olduqlarını bildiriblər və biz bunun baş tutmasını istərdik”, - ABŞ dövlət katibinin köməkçisi deyib.