Dağıstanın (Rusiya Federasiyası) Dərbənd və Mahaçqala şəhərlərində baş verən terror aktları nəticəsində ölənlərin sayı 6-ya, xəsarət alanların sayı isə 23 nəfərə çatıb. Ölənlərin polis əməkdaşları olduqları bildirilir.

Bu barədə Rusiya Federasiyasının İstintaq Komitəsi məlumat yayıb.

Bundan başqa Dağıstanın Dərbənd şəhərində bütün kütləvi tədbirlər ləğv edilib.

Dağıstanın Daxili İşlər Nazirliyi məlumat yayıb ki, atəş açan iki silahlı məhv edilib. Hadisə ilə bağlı cinayət işi açılıb.

Mənbə: "112" "Telegram" kanalı

***

Dağıstan Respublikasının paytaxtı Mahaçqala şəhərində naməlum şəxslərin hücumu nəticəsində 1 polis əməkdaşı həlak olub, 6-sı yaralanıb.

Bu barədə Dağıstanın Daxili İşlər Nazirliyi məlumat yayıb.

“Mahaçqalada ilkin olaraq bir polis əməkdaşı həlak olub, altısı yaralanıb”, - məlumatda deyilir.

Mülki əhali arasında yaralı və ölənlərin olmadığı qeyd edilir. “BAZA” teleqram kanalı məlumat yayıb ki, polis əməkdaşlarına hücum edən iki terrorçu məhv edilib.

Bundan əvvəl Dağıstanın Dərbənd şəhərində naməlum şəxslər sinaqoq və kilsəni avtomat silahlardan atəşə tutub.//Report

***

Rusiyanın Dərbənd şəhərində naməlum şəxslər sinaqoq və kilsəni avtomat silahlardan atəşə tutub, bir polis əməkdaşı həlak olub, biri isə yaralanıb.

Bu barədə Dağıstanın Daxili İşlər Nazirliyi məlumat yayıb.

“Təxminən saat 18:00-da (Bakı vaxtı ilə 19:00- Qeyd) Dərbənddə naməlum şəxslər sinaqoq və kilsəni avtomat silahlardan atəşə tutub. İlkin məlumata görə, bir polis əməkdaşı həlak olub, biri isə yaralanıb. Şübhəlilərin qaçdığı avtomobil müəyyən edilib. Ölən və yaralanan polis əməkdaşları ilə bağlı məlumatlar dəqiqləşdirilir”, – məlumatda vurğulanıb.

Cənubi Qafqazda nəhənglərin geopolitik savaşının təzahürləri Ermənistanın cəmiyyətində ortaya çıxmaqda davam edir. Dünya nəhənglərinin regional qarşıdurması hazırda Ermənistanın gələcək taleyini müəyyən edəcək mərhələyə keçməyə başlayıb. Hər halda, ABŞ və Qərb Paşinyan hakimiyyətinin mövqelərinin möhkəmlənməsində maraqlıdır. Və Ermənistanda dövlət çevrilişi hələlik yalnız Rusiyanın geopolitik maraqlarına cavab verir.

Ancaq Rusiya kəşfiyyatının nəzarəti altında olan erməni radikallar Paşinyan hakimiyyətini dəyişdirmək hədəfinə yaxınlaşmaqda çətinlik çəkirlər. Xüsusilə də, "kilsə qoyamı"nın son vaxtlar tədricən zəifləməkdə olduğu da müşahidə edilir. Və bu baxımdan, Paşinyan hakimiyyəti tədricən özünü daha rahat hiss etmək şansı qazanıb.

Digər tərəfdən, Paşinyan hakimiyyəti son vaxtlar ABŞ və Qərbin də siyasi dəstəyini öz arxasına almağa nail olub. Halbuki, Qərb siyasi dairələri Ermənistanda "erməni üçlüyü"nün dövlət çevrilişi cəhdlərinə mümkün qədər təmkinli yanaşmağa üstünlük verirdilər. Son vaxtlar CİA və ABŞ Dövlət Departamentinin yüksək rütbəli təmsilçilərinin İrəvana ardıcıl səfərləri Qərbin Paşinyan hakimiyyətinə siyasi dəstəyi kimi qəbul olunur.

Təbii ki, rəsmi İrəvan situasiyanın öz xeyrinə dəyişməsindən maksimum səviyyədə yararlanmaq niyyətindədir. Paşinyan hakimiyyətinin son vaxtlar öz siyasi rəqiblərinin üzərinə yeriməsi də bunu təsdiqləyir. Hər halda, baş nazir Nikol Paşinyan "erməni üçlüyü"nü sıradan çıxartmaq istiqamətində qətiyyətli addımlar atmağa başlayıb. Və Paşinyan hakimiyyətinin bu məsələdə xüsusi plan əsasında hərəkət etdiyi də nəzərə çarpır.

Məsələ ondadır ki, rəsmi İrəvan ilk növbədə erməni kilsəsinin Ermənistan cəmiyyətinə təsir mexanizmlərinı sıradan çıxartmaq niyyətindədir. Hakim partiya erməni kilsəsinin vergiyə cəlb olunması məqsədilə xüsusi qanunların qəbul edilməsinə hazırlaşır. Yəni, Paşinyan hakimiyyəti erməni kilsəsinin maliyyə qaynaqlarını nəzarətə almağa hazırlaşır. Və bunu edəcəyi təqdirdə, erməni kilsəsi tamamilə küncə sıxışdırılmış dini quruma çevrilmiş olacaq.

Belə anlaşılır ki, Paşinyan hakimiyyəti terror mərkəzi olan erməni kilsəsini öz maraqları üçün ən ciddi təhlükə hesab edir. Çünki "kilsə qiyamı"na paralel olaraq, baş nazir Nikol Paşinyanın terror təhdidlərinin hədəfinə çevrilməsi rəsmi İrəvanı qətiyyətli davranmaq məcburiyyətində buraxıb. Və hətta erməni kilsəsinin "qələm"inin qırılmaq üzrə olduğu da qətiyyən şübhə doğurmur.

Paşinyan hakimiyyətinin hədəfində ikinci sırada erməni diasporu yer alır. Baş nazir Nikol Paşinyan son vaxtlar erməni diasporunun əleyhinə kəskin ittihamlar səsləndirməyə başlayıb. O, hesab edir ki, erməni diasporu Ermənistana beynəlxalq məkanda dəstək olan mexanizm rolunu oynamalıdır. Və erməni diasporunun Ermənistanın siyasi idarəçilik prosesinə kobud müdaxilə etməsi yolverilməzdir, çünki bu, dövlətçiliyə sarsıdıcı zərbə vurur.

Göründüyü kimi, Paşinyan hakimiyyəti erməni diasporunu da Ermənistandan müəyyən məsafədə saxlanmasına cəhd göstərir. Əgər, buna nail olarsa, daxili siyasi rəqiblərin tamamilə sıradan çıxarılması elə bir ciddi problem yaratmaz. Çünki təxribat mərkəzi olan kilsə və diasporun bloklanmasından sonra daxili radikal siyasi rəqiblər demək olar ki, təklənmiş vəziyyətə düşmüş olacaq. Və onların öhdəsindən gəlmək isə o qədər də ciddi problem yaratmayacaq.

Maraqlıdır ki, Paşinyan hakimiyyəti "erməni üçlüyü"nün tərkibində yer alan Qarabağ klanının sıradan çıxarılması prosesinə artıq start verib. Hazırda Qarabağ klanının liderləri olan keçmiş prezidentlər Robert Köçəryan və Serj Sarkisyanın yaxın ətrafı küncə sıxışdırılır. Onların biznes fəaliyyəti məhdudlaşdırılır, maliyyə qaynaqları nəzarət altına alınır. Və bu siyasi-iqtisadi klanın Rusiya ilə birbaşa bağlantıları olan təmsilçiləri müxtəlif bəhanələrlə həbs olunur.

Belə anlaşılır ki, Paşinyan hakimiyyəti Ermənistanda Rusiyanın "beşinci kalon"unu tamamilə sıradan çıxartmaq niyyətindədir. Buna nail olmaq üçün isə rəsmi İrəvan Qarabağ klanının əsas sosial bazasını darmadağın etməyə çalışır. Xüsusilə də, Azərbaycanı könüllü tərk edərək, Ermənistana mühacirət edənlərin nəzarət altına alınmasına başlanılıb. Və bu addımın atılmasında bir neçə önəmli faktor önəmli rol oynayır.

Birincisi, Azərbaycandan Ermənistana keçən erməni separatçı-terrorçular Paşinyan hakimiyyətinə qarşı potensial təhlükə mənbəyi hesab olunur. Çünki bu təbəqənin əhəmiyyətli bir hissəsi vaxtilə hərbi təlim keçiblər, terror-diversiya üzrə "ixtisaslaşıblar". Üstəlik, Ermənistanın müxtəlif bölgələrində yerləşmiş erməni separatçı-terrorçuların əlində çoxlu sayda silah-sursat cəmləşdiyi də bildirilir. Və bu, kifayət qədər ciddi daxili təhlükə deməkdir.

Məsələ ondadır ki, Rusiya kəşfiyyatının nəzarətində olan erməni separatçı-terrorçular Ermənistanı hər an daxili savaşa sövq edə biləcək imkanlara malikdirlər. Ona görə də, rəsmi İrəvan bu terrorçu qruplaşmanı sıradan çıxartmaqla, Rusiyanın və Qarabağ klanının Ermənistanda siyasi-ictimai manevr imkanlarını məhdudlaşdırmağa can atır.

Onu da qeyd etmək lazımdır ki, rəsmi İrəvan Azərbaycandan Ermənistana könüllü mühacirət edən ermənilərin əhəmiyyətli bir hissəsinin ölkəni tərk etməsinə nail olub. Bu məqsədlə onlara dolayısı ilə inzibati təzyiqlər göstərilib. İndi isə erməni separatçı-terrorçuların rəhbərləri və daha radikal təmsilçiləri birbaşa hədəfə alınıb. Və rəsmi İrəvan Ermənistan daxilində "dövlət"in yolverilməz olduğunu bəyan etməklə, hərəkət edir.

Belə anlaşılır ki, rəsmi İrəvan Azərbaycan daxilində 30 il hərbi cinayətlər törətmiş erməni separatçı-terrorçulara vaxtilə "status" tələb etsə də, indi onların Ermənistanda təşkilatlanmasına imkan vermək niyyətində deyil. Ona görə də, bu təbəqənin təmsilçiləri Paşinyan hakimiyyəti tərəfindən hər hansı rəsmi statusda qəbul olunmur. Onların rəhbərliyi açıq-aşkar təzyiqlərə məruz qoyulur.

Ermənistan xüsusi təyinatlılarının İrəvandakı "dağlıq Qarabağ nümayəndəliyi"nə basqın etməsi bu baxımdan, rəsmi İrəvanın əsas siyasi hədəfini təxmin etməyə əsas verir. Eyni zamanda, erməni separatçı-terrorçuların sonuncu rəhbəri Samvel Şahramanyanın avtomobilinin zorla aparılması da rəsmi İrəvanın bu cinayətkar qruplaşmaya tolerant yanaşmayacağını göstərir. Və belə anlaşılır ki, Azərbaycan ərazisində 30 il terrorçuluqla məşğul olmuş ermənilərə Ermənistan cəmisi heç bir il belə, səbr göstərmədi.(Yeni Müsavat)

Mahaçqalada terrorçuların qarşısı Müqəddəs Fərziyyə Katedralində alınıb

İyunun 23-ü axşam saatlarında Dərbənddə terrorçular pravoslav kilsəsinə hücum ediblər. AYNA “Regnum”a istinadən xəbər verir ki, kilsənin başçısı 66 yaşlı Nikolay Kotelnikov və mühafizəçi ölüb. Cinayətkarlar sinaqoqa da hücum ediblər və nəticədə sinaqoq yanıb.

Respublika Müftiliyi ölənlərin ümumi sayının 9 nəfər olduğunu, onlardan yeddisinin hüquq-mühafizə orqanlarının əməkdaşı olduğunu qeyd edib. 25 nəfərin yaralandığı, 16 nəfərin isə Mahaçqaladakı xəstəxanalara yerləşdirildiyini bildirib. Dərbənddə polis idarəsinin rəisi həlak olub.

Dərbənddə baş verən hücumla eyni vaxtda bir qrup terrorçu yol polisi postuna hücum edib. İnternetdə yayılan görüntülərdə polis avtomobilini ələ keçirən bir neçə cinayətkarın avtomat silahdan atəş açdığı göstərilir. Bundan əvvəl hüquq-mühafizə orqanlarının əməkdaşları dörd hücumçunun məhv edilməsi barədə məlumat vermişdilər.

Həmçinin Mahaçqaladan 65 kilometr cənubda yerləşən Serqokala kəndinin mərkəzində polis maşını atəşə tutulub, bir nəfər yaralanıb.

Milli Antiterror Komitəsi (MAK) Dağıstanda antiterror əməliyyatı rejiminin tətbiqi barədə məlumat yayıb. İdarədən bildirilib ki, bu qərar vətəndaşların təhlükəsizliyinin təmin edilməsi, terror aktlarının qarşısının alınması və silahlı hücumda iştirak edən şəxslərin saxlanılması məqsədilə qəbul edilib.

Hazırda Dərbəndin mərkəzi hissəsi enerjisizləşdirilib. MAK-ın məlumatına görə, əməliyyatın aktiv mərhələsi başa çatıb. Mahaçqalada terrorçuların qarşısı Müqəddəs Fərziyyə Katedralində alınıb və döyüş də artıq başa çatıb.

Hər iki şəhərin küçələrində zirehli texnikanın peyda olduğu barədə məlumatlar var. Sağ qalan terrorçuların şəhərdən qaça bilməməsi üçün respublikanın paytaxtından çıxışlar polis tərəfindən bağlanıb.

Dağıstan hakimiyyəti operativ qərargah yaradıb.

“Bütün xidmətlər təlimatlara uyğun fəaliyyət göstərir. Hücum edənlərin şəxsiyyəti müəyyənləşdirilir. Operativ qərargah yaradılıb, respublika sakinlərinin təhlükəsizliyi naminə bütün lazımi qərarlar operativ şəkildə qəbul ediləcək”, - deyə respublika rəhbəri Sergey Melikov yazıb.

O, həmçinin terrorçuların çaxnaşma yaratmağa və qorxu toxumu səpməyə ümid etdiklərini qeyd edib və sakinləri sakit olmağa çağırıb.

Rusiya İstintaq Komitəsinin Dağıstan Respublikası üzrə İstintaq İdarəsi “terror aktı” maddəsi ilə cinayət işi açıb.

Hüquq-mühafizə orqanları oğulanları və qardaşı oğlu terror qruplaşmasının tərkibində olan Dağıstanın Serqokalinski rayonunun rəhbəri Maqomed Ömərovu saxlayıb.

Dağıstanda baş verən terror aktlarından sonra Şimali Osetiyanın təhlükəsizlik qüvvələri gücləndirilmiş iş rejiminə keçirilib. Onların üzərinə ictimai yerlərin, ticarət mərkəzlərinin və sosial müəssisələrin təhlükəsizliyini gücləndirmək tapşırılıb.

“Bir dəstə təxribatçı məhz buna nail olmağa çalışır – sabitliyi pozmaq, Qafqazda müxtəlif xalqların və dini konfessiyaların nümayəndələri arasında düşmənçilik toxumu səpməkdir. Biz artıq bundan keçmişik, lakin bu, alınmayacaq”, - deyə respublikanın rəhbəri bildirib.

Müəllif: Turan Abdulla

Dünyada xəritədə tapmaq demək olar ki, mümkün olmayan mikro dövlətlər var.

TEREF kiçikdən böyüyə doğru həmin 10 ölkənin siyahısını sizə təqdim edir.

1. VATIKAN (0,44 km²) – həm ərazisi, həm də əhalisinin sayına görə, dünya dövlətlərinin ən kiçik, eyni zamanda müstəqil və suveren ölkəsidir.

2. MONAKO (2,02 km²) – dünyada ən kiçik fransızdilli ərazi sayılır.

3. NAURU (21 km²) – dünyada ən kiçik müstəqil respublika, ən kiçik ada-dövlət, Avropadan kənarda ən kiçik dövlət və rəsmi paytaxtı olmayan dövlətdir.

4. TUVALU (26 km²) – Sakit okeanda doqquz mərcan adasından ibarət Polineziya ölkəsi. Ölkə Avstraliya və Havay adalarının arasında yerləşir.

5. SAN MARINO (61 km²) – Cənubi Avropada anklav mikrodövlət. San-Marino dörd tərəfdən İtaliya ilə əhatə olunmuşdur.

6. LİXTENSŞTEYN (160 km²) – və ya rəsmi adı ilə Lixtenşteyn Knyazlığı. Mərkəzi Avropanın cənub-qərbində mikrodövlət.

7. MARŞALL ADALARI (181 km²) – Marşall Adaları Respublikası – 1986-cı ilə qədər ABŞ-nin qəyyumluğu altında olmuşdur. Respublikanın ərazisində 34 mərcan adası, 1150 digər adalar daxildir.

8. SENT-KİTS VƏ NEVİS FEDERASİYASI (262 km²) – Karib dənizinin şərq hissəsində yerləşən dövlət, Sent-Kids və Nevis adalarından ibərətdir.

9. MALDIV ADALARI (298 km²) – Hindistanın cənubunda, Hind okeanındakı atollarda, Ərəbistan dənizində yerləşir.

10. MALTA (316 km²) – və ya rəsmi adı ilə Malta Respublikası Cənubi Avropada ada-dövlət

lent.az

"İranla nüvə sazişi ətrafında vəziyyət elə bir nöqtədə dayanıb ki, buradan sazişlərin tam şəkildə pozulmasına doğru hərəkət başlaya bilər".

Bu sözləri Rusiya xarici işlər nazirinin müavini Sergey Ryabkov E.M.Primakov Xarici Siyasət Əməkdaşlıq Mərkəzinin "Yaxın Şərq Ekspressi" podkastında deyib.

"Diplomatik fəaliyyətin resursu tam tükənməyib, biz olduqca effektiv olan bu sxemin tam şəkildə məhvinin qarşısını almaq üçün opponentlərə ardıcıl şəkildə təsir göstərməkdə davam edirik", - deyə Ryabkov qeyd edib.

O xatırladıb ki, Böyük Britaniya, Fransa və Almaniya "İranı pisləyən destruktiv qətnamə"ni baxılması üçün Beynəlxalq Atom Enerjisi Agentliyinin (BAEA) İdarə Şurasına təqdim ediblər.

"Bu, təbii ki, Tehranda narazılıqlara səbəb oldu. Biz də həmçinin bu cür hərəkətləri qınayırıq. Bu qəbildən addımlar problemin həllinə töhfə vermir, əksinə, nəzarətsiz eskalasiya riskini artırır. Biz avropalıları bu cür siyasətin nəticələrini ölçməyə çağırırıq, lakin indi onlar, ümumiyyətlə, ABŞ kimi, onlara tamamilə çıxılmaz və bir çox cəhətdən absurd olan öz xətlərindən fərqli olaraq təklif olunan heç bir şeyi qəbul etməyə hazır deyillər", - deyə Sergey Ryabkov bildirib.

Xatırladaq ki, iyunun 6-da Moskva, Pekin və Tehran bəyanatla çıxış ediblər və İranın nüvə proqramı üzrə Birgə Hərtərəfli Fəaliyyət Planının müddəalarının qüvvədə qaldığı fikrində olduqlarını qeyd ediblər.

2015-ci ildə İranla imzalanan Birgə Hərtərəfli Fəaliyyət Planı BMT Təhlükəsizlik Şurasının daimi "beşliyi" və Almaniya tərəfindən nüvə inkişafı ilə bağlı yaranan böhranın aradan qaldırılması məqsədi daşıyıb. Sənəd Tehranın nüvə fəaliyyətlərini məhdudlaşdırması öhdəliyi müqabilində sanksiyaların mərhələli şəkildə ləğvini nəzərdə tuturdu. ABŞ-nin əvvəlki prezidenti Donald Tramp 2018-ci ildə bu sazişdən çıxmaq qərarına gəlib. Rusiya, Böyük Britaniya, Almaniya, Çin, ABŞ və Fransa 2021-ci ilin aprelindən Birgə Hərtərəfli Fəaliyyət Planının ilkin formada bərpası ilə bağlı İran tərəfi ilə Vyanada danışıqlar aparırlar. Lakin bir neçə raunddan sonra bu danışıqlar 2022-ci ilin noyabrında heç bir nəticə əldə edilmədən başa çatıb.

Mənbə: TASS

“İrəvanın Fələstin dövlətçiliyini tanıması onun İsraillə münasibətlərinə mənfi təsir göstərəcək”.

Globalinfo.az xəbər verir ki, bunu baş nazir Netanyahunun ofisinin müşaviri Dmitri Gendelman deyib.

“Ermənistan tərəfindən Fələstin dövlətinin tanınması HƏMAS və digər qruplarından olan terrorçular üçün bir mükafatdır” – deyə Gendelman vurğulayıb.

Qeyd edək ki, Fələstini İspaniya, İrlandiya, Norveç və Sloveniya kimi ölkələr tanıyıb. İndi Ermənistan Xarici İşlər Nazirliyi də Fələstini müstəqil dövlət kimi tanıdığını bəyan edib.

Ermənistan Xarici İşlər Nazirliyinin bəyanatında qeyd olunur ki, bu, beynəlxalq hüquqa, xalqların bərabərlik, suverenlik və dinc yanaşı yaşaması prinsiplərinə sadiqlik əsasında həyata keçirilib. İsrail Xarici İşlər Nazirliyi bununla bağlı Ermənistan səfirini dəqiqləşdirmə aparmaq üçün çağırıb.

Şotlandiya müstəqil bir ölkə olmadığı üçün onların milli himnləri yoxdur. Bu səbəblə onlar “Flower of Scotland” ("Şotlandiyanın Çiçəyi") adlı musiqini de-fakto olaraq himn kimi qəbul edirlər.

Himn Robert Bryusun rəhbərliyi altında şotlandların ingilislərə qarşı apardıqları müharibədən və İngiltərə kralı II Edvardın Şotlandiyanı fəth etməzdən əvvəl “yenidən düşünmək üçün” evə necə göndərildiyindən bəhs edir. Himnin son misrasındakı “o günlər geridə qaldı, amma biz yenə də millət olmaq üçün ayağa qalxa bilərik” sözləri əvvəllər senzuraya məruz qalırdı. Lakin şotlandlar 1990-cı illərdən sonra çıxdıqları futbol matçlarında himnin tam versiyasını səsləndirməyə başlayıblar. Şotlandiya millisi 1980-ci illərə qədər İngiltərə millisinin də istifadə etdiyi "God Save the Queen" ("Tanrı kraliçanı qorusun") himnini oxuyurdu.

90-cı illərə qədər Şotlandiyada milliyyətçilik zəif idi. Elə həmin dövrdə keçirilən muxtariyyət referendumu və artan millətçilik Şotlandiyanı rəsmi Londonun gözündə artıq “təhlükəsiz qonşu” olaraq görünməsindən xeyli uzaqlaşdırdı. 100 il əvvəl ölkədə müstəqillik istəyini vətənə xəyanətlə eyniləşdirirdilərsə, bu gün demək olar ki, əhalinin yarısı bunu dəstəkləyir.

Bəlkə də filmi izləyənlər razılaşar, məncə, bu dəyişiklikdə “Cəsur Ürək” ("Braveheart") filminin böyük payı var. Yuxarıda qeyd etdiyim və himnin ithaf olunduğu Robert Bryus da həmin filmdə təsvir olunduğu kimi torpaq və pula görə əvvəlcə Uilyam Uollasa qarşı çıxır və Kral I Edvardın (Edward Longshanks) yanında yer alır. Uollasın edamından sonra isə o, peşman olur və özü ordunun başına keçir. Beləliklə, Bryus Kral I Edvardın (Edward Longshanks) oğlu II Edvardı müharibədə məğlub edən şotland komandanı kimi tarixə düşür...

Apasport.az AVRO-2024-ün A qrupu çərçivəsində keçirilən İsveçrə - Şotlandiya matçından öncə bütünləşmiş bir millət kimi himni oxuyan şotlandların videosunu sizə təqdim edir:

Azərbaycan və Mərakeş ümumvətəndaş pasportlarının sahiblərini viza tələbindən azad edir.

İndex.az xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçiriləcək iclasının gündəliyinə daxil edilən “Azərbaycan Respublikası Hökuməti ilə Mərakeş Krallığı Hökuməti arasında ümumvətəndaş pasportlarının sahiblərinin viza tələbindən azad edilməsi haqqında Saziş”in təsdiq edilməsi barədə” qanun layihəsində əksini tapıb.