Son günlər uşaqlar arasında yüksək hərarət, ürək bulanmaları, mədə ağrıları, ishal və halsızlıq əlamətləri olan yeni infeksiya yayılıb. Paytaxt sakinlərinin sözlərinə görə, bu hal günlərdir ki, uşaqlarda müşahidə olunur. Pravda.az Xəzər TV-yə istinadən bildirir ki, həkim-terapevt Rasif Bağırov deyir ki, sözügedən virusun konkret olaraq adı yoxdur. Hər fəsil dəyişikliyi zamanı bu hal xüsusilə uşaqlarda müşahidə edilir.

Rasif Bağırovun sözlərinə görə, virusa ən çox immun sistemi zəif olan uşaqlar yoluxur.

Həkim deyir ki, uşaqları yoluxmadan qorumaq üçün immun sistemini möhkəmləndirmək lazımdır. Yəni vitaminli qidalar və meyvə-tərəvəzə üstünlük verilməsi, fiziki aktivliyin artırılması və açıq havada gəzinti çox vacibdir.

Hər il mayın 31-də Ümumdünya Tütünsüz Günü qeyd olunur. Ümumdünya Tütünsüz Gününün məqsədi tütünün səbəb olduğu sağlamlıq risklərini və ölümləri azaltmaq və bütün dünyada siqareti daha da azaltmaqdır.

ÜST-nin məlumatına görə, tütün epidemiyası dünyada indiyədək əhalinin sağlamlığı üçün yaranmış ən ciddi təhlükələrdən biridir. Hər il səkkiz milyondan çox insan ondan ölür. Bu ölümlərin yeddi milyondan çoxu bilavasitə tütün istifadəsi, təxminən 1,3 milyonu isə ikinci əl tüstüsünə məruz qalma səbəbindəndir.

Tribunainfo.az xəbər verir ki, tütün məmulatlarının, o cümlədən qəlyanın tərkibində 7 mindən çox kimyəvi maddə var ki, onlardan ən azı 250-nin zəhərli və ya kanserogen olduğu məlumdur.

Tütündən istifadə insan orqanizminin demək olar ki, hər bir orqanına mənfi təsir göstərir. Siqaret infarkt, insult, ağız, boğaz, ağciyər xərçəngi, astma, vərəm, II tip diabet, demans və bir çox başqa xəstəliklərin inkişafına səbəb olur.

Ümumdünya Səhiyyə Təşkilatı (ÜST) xəbərdarlıq edir ki, 1 milyarddan çox insan siqaret çəkir, onların 80 faizi tütündən istifadə nəticəsində xəstəlik və ölüm hallarının ən yüksək yükü olan aşağı gəlirli ölkələrdə yaşayır.

ÜST 2024-cü ilin yanvar ayı üçün dünyada yetkin tütün istifadəçilərinin ümumi sayının 1,25 milyard nəfər olduğunu təxmin edir.

Siqaret çəkənlərin əksəriyyəti Cənub-Şərqi Asiyada yaşayır (26,5 faiz). Bununla belə, Qərbi Sakit okean regionunda tütün istehlakçılarının 79 faizi Çinin payına düşür. Avropa regionunda istehlak nisbəti 25,3 faiz təşkil edir. Afrika tütün istehlakının ən aşağı səviyyəsinə malikdir, 2000-ci ildəki 18 faizdən 2022-ci ildə yüzdə 10-dan aşağı düşərək.

Amerika qitəsindəki ölkələrin üçdə birindən çoxu 2030-cu ilə qədər tütünün 30 faiz azaldılması hədəfinə çatmaq yolundadır.

Bakıda daha bir gənc qız gözəllik qurbanı olub.

Milli.Az-ın məlumatına görə kosmetoloqlardan birinə müraciət edən qızın dodağına bədən geli vurulub.

Ucuz xidmətə qaçan qadının dodağı eybəcər hala düşüb.

Bu barədə görüntülər sosial şəbəkələrdə yayılıb.

TEREF fotoları təqdim edir:

“Şikayətim “Ahu” Estetik Klinikasındandır. Əhmədlidə yerləşir….” Dia-az.Media xəbər verir ki, bu barədə “Müştəriyəm Şikayətim Var” sosial qrupunda giley olunur.
Narazı vətəndaş daha sonra başına gələnləri belə nəql edir: “1. Çox qeyri-professional iş görürlər. Yazıldığım saatdan əvvəl getdim hətta, Dr. Sida Abuşova mənim üzümə dərman vurub tam 2 saat gözlətdi, məndən sonra yazılmadan gələn pasienti qəbul edib, onun üzərində prosedur etməyə başladı.
2. Preparatların tarixi 2023-2025-ci illər idi, yəni bitməyinə 1-2 ay qalan preparatları kampaniya adı ilə insanların üzünə vururlar.
3. Resepşn xanıma iradımı bildirdim, ümumiyyətlə hamı ilə kobud danışır.
Bir sözlə əziz xanımlar, əvvəla onu bilin ki, hamımız gözəlik. Rədd olsun belə şeylər…. İkincisi də nəbadə yolunuz oraya düşə. Əsəbdən üzünüz qırışacaq…”

"Krandan çiy su içməyin, çünki infeksiyaya yoluxacaqsınız".

TEREF oxu.az-a istinadən xəbər verir ki, sosial şəbəkələrdə Bakının bəzi ərazilərdə kran suyu içdiyi üçün uşaq və böyüklərin infeksiyaya yoluxması ilə bağlı iddialar yayılıb.

Qeyd olunub ki, Bakıxanov, Sulutəpə və Ramana qəsəbələri ərazisində krandan gələn suyu çiy halda içdiklərinə görə infeksiyaya yoluxanlar olub.

Məsələ ilə bağlı İri Şəhərlərin Birləşmiş Su Təchizatı Xidmətinə sorğu ünvanladıq.

Qurumun Mətbuat Xidmətindən Oxu.Az-ın sorğusuna cavab olaraq bildirildi ki, münasibəti yalnız həkim rəyi göndərildikdən sonra bildirə bilərlər.

Son vaxtlar mədə-bağırsaq infeksiyasına yoluxma səbəbindən gələn xəstələrin sayında hər hansı artım olub-olmaması ilə bağlı sualı isə Kliniki Tibbi Mərkəzə yönəltdik.

Qurumun Mətbuat Xidmətindən Oxu.Az-ın sorğusuna cavab olaraq bildirildi ki, Kliniki Tibbi Mərkəzin Təcili və təxirəsalınmaz tibbi yardım şöbəsinə hər il yay aylarında qastrointestinal infeksiyalarla müraciət sayında artımlar müşahidə olunur.

"Bu da mövsümlə əlaqədardır. Həmin dövrdə şöbəyə ay ərzində təxminən 400-500 müraciət daxil olur. Payız-qış aylarında isə bu sayda azalma müşahidə olunur", - deyə məlumatda bildirilir.

Lakin məhz kran suyundan içməklə infeksiyaya yoluxma halları ilə bağlı KTM-dən bildirdilər ki, təcili yardıma müraciət edən xəstələrin suyu haradan içməsi məsələsi araşdırılmır.

"Əgər zəhərlənmə baş veribsə, adekvat müalicə aparılır, mədə yuyulur və problem aradan qaldırılır", - deyə açıqlamada vurğulanıb.

Beləliklə, kran suyu içməklə infeksiyaya yoluxma halları hələlik təsdiqini tapmayıb. Lakin mövsüm dəyişikliyi ilə əlaqədar qastrointestinal xəstəliklərə diqqətli yanaşmaq və gigiyena qaydalarına ciddi əməl etmək vətəndaşlara edilən tövsiyələr arasındadır.

Şizofreniya üçün 30 ildən sonra ilk dəfə yeni dərman təsdiqlənib
ABŞ Qida və Dərman İdarəsi (FDA) 30 ildən artıq müddətdə ilk dəfə olaraq şizofreniya xəstəliyinin müalicəsi üçün yeni dərmanı təsdiqləyib.

İndex.az xəbər verir ki, “Cobenfy” adlı bu dərman “Bristol Myers Squibb” tərəfindən hazırlanıb və iki fərqli dərmanı (xanomeline və trospium xlorid) birləşdirərək şizofreniya simptomlarını idarə etməyə kömək edir. “Cobenfy” gündə iki dəfə qəbul edilən həb şəklində olacaq.

“Cobenfy” tərkibində xanomelin və trospium xlorid (və ya trospium xlorid) adlı iki aktiv maddə var. Klinik sınaqlarda bu birləşmənin şizofreniya xəstələrində sanrılar, halüsinasiyalar və qeyri-mütəşəkkil düşüncə kimi ümumi simptomları idarə etməyə kömək etdiyi göstərilib.

Şizofreniyanı müalicə etmək üçün istifadə edilən ənənəvi dərmanlar ümumiyyətlə beyin kimyəvi dopamini hədəf alırsa, “Cobenfy” bunun əvəzinə yaddaş, öyrənmə və diqqətə kömək edən başqa bir beyin kimyəvi maddəsi olan asetilkolini hədəf alır. Bu yeni mexanizmin şizofreniya müalicəsində tez-tez rast gəlinən çəki artımı, yuxululuq və hərəkət pozğunluqları kimi yan təsirlərin azaldılmasına töhfə verə biləcəyi ifadə edilir.

“Cobenfy”ın klinik sınaqları zamanı yan təsirlərə görə dərmanı dayandıran xəstələrin nisbətinin yalnız yüzdə 6 olduğu bildirildi. Ənənəvi tibbdə bu nisbət yüzdə 20-30-a çata bilər. Bununla belə, “Cobenfy”ın bəzi yan təsirləri də var. FDA-ya görə, ən çox görülən yan təsirlərə ürəkbulanma, həzmsizlik, qəbizlik, qusma, yüksək qan təzyiqi, qarın ağrısı, ishal, ürək döyüntüsünün artması və başgicəllənmə daxildir. Bununla belə, mütəxəssislər ənənəvi dərmanların yan təsirlərinə dözə bilməyən xəstələrin “Cobenfy”dan böyük fayda əldə edə biləcəklərini bildirirlər.

Ümumdünya Səhiyyə Təşkilatının (ÜST) məlumatına görə, dünyada təxminən 24 milyon insan şizofreniya ilə yaşayır. Bu o deməkdir ki, hər 300 nəfərdən biri bu xroniki və çətin xəstəliyin təsirini yaşayır. Xəstəlik adətən gec yeniyetməlik və ya erkən yetkinlik dövründə başlayır və lazımi müalicə olunmazsa, ömürlük əlilliyə səbəb ola bilər.

Son vaxtlar düyülərə siçan dərmanı (arsen) qatılması ilə bağlı şikayətlər səslənir. Qaynadılıb süzülərkən bu dərmanın kəskin qoxusu hiss olunur.

Məsələ ilə bağlı Tribunainfo.az-a açıqlama verən “Muğan düyü” şirkətinin nümayəndəsi Namiq Quliyev bildirib ki, “Həşimi” düyü sortu İran toxumudur. İranda düyü 200-300 ildir ki, əkilir.

Quliyevin sözlərinə görə, bizim texnoloqların arasında da savadlı, işinin peşəkarı iranlılar var. İranlı texnoloqlar deyir ki, sizin “Həşimi” düyüsü iran düyüsündən dadlıdır.

“Məsələ ondadır ki, onlar uzun illərdir düyü əkir, artıq torpaq qüvvətdən düşüb. Bizim torpaqlar isə qüvvətlidir. Çünki cəmi 8 ildir ki, düyü əkirik. Bizdə münbit torpaqdır, axan su belə Xanbulaqdan istifadə olunur. Bizim torpaqlarda ziyanvericilərə qarşı dərman vurulmur. Çünki ona ehtiyac belə yoxdur. Bizim öz,məhsullarımız demək olar ki, orqanikə yaxın olan məhsullardır. Çalışın yerli məhsullara üstünlük verin”.

İstənilən miqdarda alkoqol qəbul etmək müxtəlif növ xərçəng, qaraciyər xəstəliyi və insult da daxil olmaqla, vaxtından əvvəl ölümün müxtəlif səbəbləri riskini əhəmiyyətli dərəcədə artırır.
Alimlər müəyyən ediblər ki, erkən ölüm hallarının ən aşağı faizi həyatı boyu alkoqoldan imtina edənlər arasında olub. Xarici kivlərin məlumatına görə, son illərdə "çox az miqdarda alkoqol"un faydaları ilə bağlı araşdırmalar xüsusilə populyarlaşıb.
Təkcə 2021-ci ildə bununla bağlı 60-a yaxın oxşar elmi məqalə elan edilib. Məlum olub ki, onların hamısı ya birbaşa alkoqol sənayesi tərəfindən maliyyələşdirilib, ya da alkoqol sənayesi ilə əlaqəsi olan tədqiqatçılar tərəfindən yazılıb.
Məsələn, bir neçə il əvvəl Sietldəkı Vaşinqton Universiteti alkoqolun 40 yaşdan yuxarı insanlar üçün faydalı ola biləcəyini söyləyib. Bu tədqiqatın nəticələrinə görə, gündə bir stəkan qırmızı şərab potensial olaraq ürək xəstəliyi, insult və diabet riskini azaldır.
Bununla belə, bütün əvvəlki araşdırmaların təhlilinə əsaslanan hazırkı araşdırma alkoqolun sağlamlıq üçün hər hansı faydasını təkzib edir. Problem ondadır ki, keçmiş tədqiqatlar ciddi metodoloji qüsurları nəzərdən qaçırıblar. Əsas problemlərdən biri o idi ki, içki içməyən qruplar arasında ölüm riski çox vaxt yüksək qiymətləndirilmişdi, çünki bura sağlamlıq səbəbi ilə içməyi dayandıran xeyli sayda alkoqolik daxil idi. İnsanların bu faizini "kəssəniz", məlumatlar kəskin şəkildə dəyişir.
Son təhlillər müəyyən edib ki, istənilən miqdarda alkoqol qəbul etmək müxtəlif növ xərçəng, qaraciyər xəstəliyi və insult da daxil olmaqla, vaxtından əvvəl ölümün müxtəlif səbəbləri riskini əhəmiyyətli dərəcədə artırır. Müvafiq olaraq, alkoqol istehlakı (hətta "lap azacıq miqdarda") birbaşa sağlamlıq nəticələri və vaxtından əvvəl ölüm riski ilə bağlıdır.
Bundan əvvəl bal arısının zəhərinin xərçəng hüceyrələrini məhv etdiyi barədə məlumat verilmişdi.