Dietoloq Alena Kapustina acı və ya tünd şokoladın bəzi insanlar üçün təhlükəli ola biləcəyini bildirib.
Həkimin sözlərinə görə, bu xüsusilə allergiya xəstələrinə aiddir.Tünd şokolad üyüdülmüş kakao paxlasından ibarət təbii məhsul olduğundan, kakao yağı olmadan ona allergik reaksiya ola bilər. Qırtlağın qaşınması, şişməsi, anafilaktik şoka qədər özünü göstərə bilər.Tünd şokoladda çox kofein yoxdur, lakin bəzi insanlarda yuxusuzluq, narahatlıq və ürək döyüntüsü ola bilər.

Limon vitamin C ilə zəngin olduğu üçün sağlamlıq baxımından çox faydalıdır. Ancaq keyfiyyətli və təzə limon seçmək üçün bəzi vacib məqamlara diqqət etmək lazımdır. Foodinfo.az xəbər verir ki, təzə limonun qabığı parlaq və hamar olmalıdır. Kobud və solğun qabıq limonun quruduğunu göstərir. Sarı limonlar daha yetişmiş hesab olunur, yaşıl ləkələr isə hələ tam yetişməmiş olduğunu göstərir. Limonun çəkisi onun şirəliliyini göstərir. Eyni ölçüdə iki limon arasında daha ağır olanını seçin. Limonu əlinizlə sıxdığınızda çox sərt və ya çox yumşaq olmamalıdır. Yumşaq limon köhnə, çox sərt limon isə yetişməmiş ola bilər. Qabığını ovuşdurduğunuz zaman təravətli sitrus qoxusu gəlməlidir. Kifayət qədər qoxusu olmayan limon keyfiyyətsiz ola bilər. Şirə üçün limon alırsınızsa, nazik qabıqlı olanları seçin. Qabığı çox qalın olan limonların içində az şirə olur. Qabığında qaralmış və ya çürümüş ləkələr olan limonlardan uzaq durun. Çatlamış və ya çox yumşaq hissələr olan limon köhnəlmiş olur.Limonları soyuducuda və ya kölgəli yerdə saxlanılan yerlərdən alın. Günəş işığına məruz qalan limonlar tez quruyur və keyfiyyətini itirir. Təzə limon seçmək həm yeməklərinizin dadını artıracaq, həm də sağlamlığınıza daha çox fayda gətirəcək.

Son günlər aktual olan mövzulardan biri də uğursuz plastik əməliyyatlarla bağlıdır.

Xüsusilə də qadınların üstünlük verdiyi plastik əməliyyatlar heç də hər zaman müsbət nəticələnmir.

Xatırladaq ki, bugünlərdə 1995-ci il təvəllüdlü Bakı şəhər sakini Mansurlu Nəzrin Aydın qızının müalicə aldığı xəstəxanada ölməsi faktı qeydə alınıb.

İlkin araşdırma zamanı Nəzrin Mansurlunun yanvarın 3-də paytaxtın Nəsimi rayonu ərazisində yerləşən klinikalardan birində rinoplastika əməliyyatı edilməsi, əməliyyatdan qısa müddət sonra vəziyyəti kəskin ağırlaşdığı üçün müalicə məqsədilə yerləşdirildiyi xəstəxanada ölməsi müəyyən edilib. Faktla bağlı Nəsimi rayon prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanaraq istintaq aparılır, artıq Nəzrini əməliyyat edən həkim saxlanılıb.

Qeyd edək ki, hazırda xəstəxanalarda çalışan həkimlərin bəzilərinin tibbi təhsili olmadığı iddiaları var. Baş prokuror yanında Korrupsiyaya qarşı Mübarizə Baş İdarəsi tərəfindən keçirilmiş əməliyyat-axtarış tədbirləri nəticəsində Səhiyyə Nazirliyinin İnsan resursları, elm və təhsil şöbəsinin müdiri Rüstəmova Səidə Nurəddin qızının qabaqcadan əlbir olduğu əvvəllər həmin Nazirliyin İctimai Səhiyyə və islahatlar Mərkəzinin akkreditasiya şöbəsinin müdiri vəzifəsində işləmiş Cabbarova Lətafət Kərim qızı və korrupsiya şəbəkəsinin digər üzvləri ilə birgə qanunsuz olaraq həkimlərin ixtisaslarının dəyişdirilməsi, onların tibbi və ya əczaçılıq fəaliyyəti ilə, o cümlədən plastik cərrahiyyə fəaliyyəti ilə məşğul olma hüququ verən sertifikasiya imtahanlarına buraxılmasına icazələrin verilməsi, saxta məqbul qiymətləndirmə ilə müvafiq sertifikatlarla təmin olunması və digər bu kimi sui-istifadə hallarına yol verməsi müqabilində çoxsaylı şəxslərdən müxtəlif məbləğlərdə rüşvət almalarına əsaslı şübhələr müəyyən edilib.

Əməliyyat-axtarış tədbirləri ilə bir sıra vəzifəli şəxslərin xidməti otaqlarında aparılmış axtarışlarla iş üçün əhəmiyyət kəsb edən sübutlar əldə edilərək götürülüb. Həmin faktlarla bağlı Baş İdarədə Azərbaycan Respublikası Cinayət Məcəlləsinin 311.3.1, 311.3.2, 311.3.3 (qabaqcadan əlbir olan bir qrup şəxs tərəfindən təkrarən külli miqdar rüşvət alma), 308.2 (ağır nəticələrə səbəb olmaqla vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb. Toplanmış sübutlar əsasında Səidə Rüstəmova və Lətafət Cabbarovaya Cinayət Məcəlləsinin müvafiq maddələri ilə ittiham elan edilib, istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında Binəqədi Rayon Məhkəməsinin qərarı ilə barələrində ev dustaqlığı (əsas) və vəzifədən kənarlaşdırma (əlavə) növündə qətimkan tədbirləri seçilib.

Hazırda cinayət işi üzrə zəruri istintaq-əməliyyat tədbirləri davam etdirilməklə qanunsuz əməllərin törədilməsində iştirak edən digər şəxslərin cinayət məsuliyyətinə cəlb edilməsi təmin ediləcək. Onu da vurğulayaq ki, səhiyyə nazirinin müvafiq əmri ilə Azərbaycan Respublikası Səhiyyə Nazirliyinin, Azərbaycan Respublikası Baş Prokurorluğunun, Azərbaycan Respublikası Daxili İşlər Nazirliyinin və Azərbaycan Respublikası Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası yaradılıb.

Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər.

Mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq.

Hazırda vətəndaşlar plastik əməliyyat və yaxud digər xəstəliklə bağlı müraciət edəcəkləri həkim barədə məlumat almaq üçün nə edəcəyini bilmir. Həkimlərlə bağlı məlumatlara əsasən televiziyalarda, sosial şəbəkələrdəki reklam xarakterli paylaşımlarda rast gəlinir. Bu səbəbdən də çox zaman pasiyentlər həkimi xəstəxanadan yox, məhz sosial şəbəkələrdən seçirlər. Buna görə də həkimlərin vahid reyestrinin olub-olmaması sual doğurur.

Məsələ ilə bağlı Səhiyyə Nazirliyindən “Cebheinfo.az”-ın sorğusuna cavab olaraq bildirilib ki, hazırda həkimlərin reyestri var:

“Əgər vətəndaş müraciət edəcəyi həkimlə bağlı məlumat almaq istəyirsə bu, rəsmi qaydada yazılmalıdır. Vətəndaş müraciət edir və ona rəsmi cavab verilir. Bunun üçün vətəndaşlar “office@health.gov.az “ ünvanına müraciət etməlidirlər. Vətəndaş həkimin ad, soyad, atasının adı və lazım olan məlumatı yazacaq, məktub müvafiq şöbəyə yönləndiriləcək və cavablandırılacaq”.

Nigar Abdullayeva
“Cebheinfo.az”

Cancer Research UK mütəxəssisləri qarın boşluğunun xərçənginin ən gizli və lal növ olduğunu bildirib.

“Medicina” xəbər verir ki, boşluqda olan törəmələr heç bir narahatlıq vermir, pasiyentlər şiş nəhəng ölçüyə çatanda, orqan və damarları sıxanda müayinə olunur.

Belə şişləri birinci mərhələdə aşkar etmək alınmır.

Qarın boşluğunun karsinozları boşluğun bədxassəli hüceyrələrlə tam zədələnməsidir.

Bunun bir neçə səbəbi var:

- Boşluqda düyünlərin yaranması

- İkincili şişlər, şişin mənbəyi başqa orqandır

- Nadir halda rast gəlinən boşluğun özünün divarının törəməsi

Britaniyalı ekspertlərin sözlərinə görə, qarın boşluğu xərçənginin əsas simptomları bunlardır:

- Daim şişkin, köp qarın

- İshal və ya qəbizlik

- Qarında tez-tez ağrılar

- İştahın azalması

- Tualetdə ağrı

Eləcə də xəstə və ya həkim qarın boşluğunu əllə palpasiya edəndə ağrı, yanma hissidir.

Gecikmiş mərhələdə qarın çox böyüyür, sirrozda olduğu kimi maye yığılır. Əl-ayaqlar şişir, xəstə arıqlayır, qarnı anormal böyük olur, təngnəfəs olur və yorulur.

Əgər bu əlamətlər varsa, ən azı terapevt və ya cərraha görünün.

Gəncə şəhəri, Z.Əliyeva küçəsi 281 ünvanında fəaliyyət göstərən, fiziki şəxs Əsgərov Ayəddin İsa oğluna məxsus quş əti emalı müəssisəsində Agentliyin əməkdaşları yoxlama keçirib.Agentlikdən Foodinfo.az-a verilən məlumata görə, müəssisədə qida təhlükəsizliyi tələblərinin pozulduğu aşkarlanıb. Belə ki, xammalın qəbulu, saxlanması, emalı, satışı üçün müvafiq avadanlıq və inventarlarla təchiz olunmuş sahələrin mövcud olmadığı, emal prosesinin eyni sahədə həyata keçirildiyi, məhsulların antisanitar vəziyyətdə yerdən yığılaraq saxlandığı, işçi heyətin tibbi müayinədən keçmədiyi və digər nöqsanlar müəyyən edilib.Faktla bağlı qanunsuz emal olunan məhsulların satışının qarşısı alınıb və saxlanca qoyulub, nümunələr götürülərək laborator müayinələrə cəlb olunub, sahibkar barəsində inizibati protokol tərtib edilib, müəssisənin fəaliyyəti məhdudlaşdırılıb.

“Çində aşkar edilən mutasiyaya uğramış meymunçiçəyi virusu tənəffüs sistemi vasitəsilə ötürülə bilər”.
Tribunainfo.az xəbər verir ki, bu barədə TASS-a Rusiya Elmlər Akademiyasının (RAA) akademiki Sergey Netesov məlumat verib.
O qeyd edib ki, Afrikada meymunçiçəyi xəstəliyinin iki növü var: Mərkəzi Afrika və Qərbi Afrika. Viroloqun sözlərinə görə, Mərkəzi Afrika çeşidi virusun gəldiyi Konqo üçün xarakterikdir.
“Virusun tənəffüs yolu ilə ötürülməsində artım var. Virusun müəyyən edilmiş variantı, xüsusən də Çin kimi sıx məskunlaşan ölkədə təkamül etməyə davam edə bilər”, deyə Netesov bildirib.
Alim eyni zamanda əlavə edib ki, Çin lazımi miqdarda peyvənd ehtiyatına malik mütəşəkkil ölkədir:
“99% əminəm ki, vəziyyət inkişaf etməyə başlasa, onlar peyvənd etməyə başlayacaqlar”
Qeyd edək ki, ötən gün Azərbaycanda meymunçiçəyi xəstəliyinə ilk yoluxma halının aşkarlanıb. Məlum olub ki, bu il yanvarın 2-dən 11-dək həmin şəxs xaricə turist səfərində olub. Qayıdandan sonra halsızlıq, yüksək hərarət, cinsiyyət nahiyəsində qabarcıqlı səpgilər, həmçinin limfa düyünlərinin böyüməsi və əzələ ağrılarından şikayət edərək Bakıdakı klinikaya müraciət edib.

ABŞ-ın Qida və Dəman Nəzarəti İdarəsi (FDA) “Red 3” adlı qırmızı qida rəngləndiricisinin istifadəsini qadağan edib.

Axar.az xəbər verir ki, bu barədə “Environmental Working Group” qeyri-kommersiya təşkilatı məlumat yayıb.

Məlumata görə, buna səbəb maddənin xərçəng yaratmasıdır.

Qeyd edək ki, “Red 3” konfetlərin, qazlı içkilərin, öskürək əleyhinə siropların hazırlanmasında istifadə olunur.

Avropa Birliyi bu maddənin istifadəsinə 1994-cü ildə qadağa qoyub.