Əgər simptomlar 24 saatdan çox davam edərsə, həkimə müraciət etmək mütləqdir.
Qarpız və ya yemişdən sonra ürəkbulanma, qusma, diareya və titrəmə halı kimi zəhərlənmə əlamətlərini hiss etdikdə, daha çox maye içmək, uzun müddət qusmağa laqeyd yanaşmamaq, həmçinin bir müddət qida və spirtli içkilərdən imtina etmək lazımdır.
Bu barədə Moskva vilayətinin Səhiyyə Nazirliyinin Vidnovski Klinik Xəstəxanasının qastroenteroloqu Lyudmila Suxorukova RİA Novosti-yə bildirib.
"Zəhərlənmə zamanı ilk yardım: bu halda daha çox maye içmək məsləhətdir. Bunun üçün adi qazsız su, meyvə kompotları (meyvə şirələri deyil) və ya bir qədər şirinləşdirilmiş su uyğundur. Susuzluğun ağır nəticələrinin qarşısını almaq üçün su-elektrolit balansını saxlamaq məqsədi ilə xüsusi məhlullar var. Bunlar suda həll olunmuş toz və ya sistem (vena daxili infuziya) ola bilər. Sistem xəstəxana şəraitində həkim təyinatı ilə həyata keçirilir", Suxorukova bildirib.
Həkim qeyd edib ki, diareya zamanı reseptsiz dərmanlar qəbul etmək olar. Ancaq qeyd etmək lazımdır ki, onların hamısı uşaqlar üçün uygun olmaya bilər.
"Uzun müddət qusmağa laqeyd yanaşmayın. Qusma başlayırsa və bir neçə saat dayanmırsa, kömək üçün həkimə müraciət edin. Təcili yardım və ya xəstəxana həkimləri onu dayandırmaq üçün iynə vura bilərlər", agentliyin həmsöhbəti əlavə edib.
Əgər hərarət yüksəlirsə, titrəmə və baş ağrıları yaranırsa, qızdırma əleyhinə dərman qəbul etmək və istirahət etməyə çalışmaq tövsiyə olunur.
"Bir müddət yeməkdən imtina edin. Xalq təbabəti ilə müalicə etmək və spirtli içki qəbul etmək məsləhət deyil. Əgər simptomlar 24 saatdan çox davam edərsə, həkimə müraciət etmək mütləqdir", Suxorukova söyləyib.
Qastroenteroloqun sözlərinə görə, qarpız və ya yemiş yeyiləndən sonra zəhərlənmənin ilk əlamətləri bir saatdan iki günə qədər davam edə bilər. Bunun ciddiyəti bir çox amillərdən, o cümlədən zəhərlənmənin növündən (qabıqdakı bakteriyalar, xarab olmuş qarpız və ya yemiş, pestisidlər və ya nitratlar), insanın yaşından, çəkisindən, yediyinin miqdarından və müşayiət olunan xəstəliklərin olmasından asılıdır. Zəhərlənmənin ən çox rast gəlinən simptomlarını ürək bulanma və qusma, diareya, qarında narahatlıq, zəiflik, titrəmə, həddindən artıq tərləməni qeyd etmək olar.

Qarabaşaq vitamin və faydalı mikroelementlərlə zəngin qidalardandır, bağırsaqların fəaliyyətini, öd əmələ gəlməsini yaxşılaşdırır, lakin mədə-bağırsaq xəstəlikləri olan insanlar axşam saatlarında ondan çox yeməməlidirlər.Foodinfo.az xəbər verir ki, bu barədə pediatr Regina Nikolaeva xəbərdarlıq edib.Onun sözlərinə görə, həzm problemi və ya kəskin xroniki xəstəlikləri olan insanlar bu məhsuldan istifadə edərkən daha diqqətli olmalıdırlar, çünki axşam saatlarında çox yeyildikdə spazm və köpün yaranmasına səbəb ola bilər, bu isə yuxuya mənfi təsir edəcək.Buna baxmayaraq, qarabaşaq yarması ilə bağlı heç bir ciddi əks göstəriş yoxdur.

Epilepsiya sinir sistemini təsir edən və beynin fəaliyyətini müvəqqəti pozan və qıcolma şəklində baş verən mühüm sağlamlıq problemidir. Hər yaşda insanda uzun müddət görülə bilən bu problem özü ilə bir çox simptomları da gətirir.

Demokrat.az xəbər verir ki, Türkiyə Qidalanma və Pəhriz Departamentindən Dyt. Betül Merd epilepsiya xəstələrinin qidalanması haqqında məlumat verib.

1- Baş gicəllənməsi səbəbiylə çökmə,

2- Nəzarət oluna bilməyən titrəmə və titrəmə hissi ilə müşayiət olunan boş nəzərlərlə baxmaq,

3- Qol və ayaqlarda karıncalanma hissi,

4- Qol və ayaqlarda qeyri-iradi sancmalar, əlləri idarə edə bilməmək, qışqırmaq,

5- Ağızdan köpük çıxması, qeyri-iradi sidik qaçırma.

Müalicəsi varmı?

1- Epilepsiya əleyhinə dərman deyilən dərmanların istifadəsi əsas müalicədir,

2- Cərrahi müdaxilə,

3- Tutmaları idarə etməyə kömək edə biləcək bir cihazı bədənə yerləşdirmək,

4- Ketogenik pəhriz, nöbetləri idarə etməyə kömək edə biləcək xüsusi bir pəhriz
Balanslı və sağlam qidalanma əhəmiyyətlidir.

Balanslı və sağlam qidalanma bütün insanlar üçün vacib və əvəzedilməz bir qaydadır.

Xüsusilə xəstəlik dedikdə bu qayda ağla gəlsə də, həyatın hər dövründə bu qaydanı tətbiq edən insanlar daha sağlam olurlar. Bugünkü elmi araşdırmalar nəticəsində müəyyən edilib ki, ümumi sağlamlığa təsiri sübuta yetirilən balanslı və nizamlı qidalanma bir çox xəstəliklərlə mübarizəyə müsbət təsir edir.

Epilepsiya ilə mübarizədə təsirli olan əsas qidalanma tövsiyələri aşağıdakılardır:

1- Bədəndə qan şəkərinin balanslı olması hər xəstəlikdə olduğu kimi epilepsiyanın sonunda da vacibdir. Buna görə qanda şəkərin qəfil artması epileptik tutmalara səbəb ola bilər. Şəkər səviyyəsini artıracaq şəkərli qidalardan qaçınılmalı və şəkəri az olan taxıllı qidalar istehlak edilməlidir.

2- Sağlam yağlarla hazırlanan qidalar gündəlik qidalanma proqramına daxil edilməlidir.

3- Xüsusilə sağlam zeytun yağı istifadə edilməli, Omega 3 və Omega 9 kimi qida qaynaqlarına üstünlük verilməlidir.

4- Epileptik tutmalara səbəb ola biləcək spirtli içkilərdən qaçınılmalıdır.

5- Tərkibində kofein olan qəhvə, çay və kakao istehlakı məhdudlaşdırılmalıdır.

6- Epilepsiya müalicəsində istifadə edilən dərmanlarla qarşılıqlı təsir göstərmə ehtimalı olan qidalar mütəxəssis həkimlərin nəzarəti altında istehlak edilməlidir.

7- Kalsium, maqnezium və natrium baxımından zəngin paxlalılar, tam taxıl məhsulları və yaşıl yarpaqlı tərəvəzlər istehlak edilməlidir.

8- Bədənin qida ilə kifayət qədər miqdarda vitamin və mineral alması təmin edilməlidir.
Qan şəkəri balanslanmalıdır
Epilepsiya xəstələrinin qidalanmasında diqqət edilməli olan ən vacib məsələlərdən biri də xəstənin qan şəkərinin balanslı olmasıdır.

Bu səbəbdən bu xəstəliyə tutulanların tərkibində şəkər olan qidalardan uzaq durmaları, un əvəzinə tam taxıl məhsulları istehlak etmələri çox vacibdir.

Xəstələr yeməkləri atlamamalıdırlar, çünki uzun müddətli oruc qan şəkərinin həddindən artıq aşağı düşməsinə səbəb olur.

Belə xəstələr üçün balıq istehlakı çox vacibdir. Balıqda olan Omeqa 3 və Omeqa 9 kimi sağlam yağlar epilepsiya xəstələri üçün çox faydalıdır. Bu səbəblə epilepsiya xəstələri balıq yeməkdə diqqətli olmalıdırlar. Epilepsiya xəstələri spirtli içki və çayı çox istifadə etməməli, kofe və kola kimi tərkibində kofein olan içkilərin istehlakını məhdudlaşdırmalıdırlar. Bu içkilər epileptik tutmaları tetiklemek xüsusiyyətinə malikdir.

Epilepsiya üçün istifadə edilən bəzi dərmanlar nar və qreypfrut kimi meyvələrlə qarşılıqlı təsir göstərə bilər ki, bu da dərmanın təsirini azalda bilər. Bu səbəblə qreypfrut, nar kimi meyvələrin istehlakına diqqət edilməli və mütəxəssisə müraciət edilməlidir.

Son aylarda dünyanın bir neçə ölkəsində "Qərbi Nil" virusuna yoluxma ilə bağlı xəbərlər yayılıb. Bir neçə gün əvvəl sözügedən virus Ermənistan ərazisində də aşkarlanıb və bir nəfər bu virusda ölüb. "Qərbi Nil" virusu ilə bağlı xəbərlər Azərbaycanda da təşvişə səbəb olub.

Səhiyyə Nazirliyindən Modern.az-ın sorğusuna cavab olaraq bildirilib ki, Azərbaycan "Qərbi Nil” virusuna endemik ölkə deyil.

"Digər ölkələrdən gətirilmə hadisəsi olarsa, onun yayılma riski sıfıra bərabərdir. Çünki bu virusun ötürülməsində iştirak edən daşıyıcı ağcaqanad növü bizim ölkəmizin ərazisində mövcud deyil", - qurumdan verilən açıqlamada qeyd olunub.

Qeyd edək ki, "Qərbi Nil” virusu ilk dəfə 1937-ci ildə Uqandada qeydə alınıb. Virus insanlara "Culex” növündən olan ağcaqanadların dişləməsi ilə keçir. Virusun əsas əlamətləri ürəkbulanma, dəridə yaranan qızarmalar, ishal, halsızlıqdır.

E vitamini sağlam dərinin qorunmasında mühüm rol oynayır. Onun çatışmazlığı ilə dəri quru və solğun ola bilər. Bu vitamin görmə kəskinliyi, əzələ tonusu və bədəndəki bir çox digər funksiyalar üçün də vacibdir. Buna görə də səviyyənizi izləmək vacibdir, çünki E vitamininin həm çatışmazlığı, həm də artıqlığı problemlər yarada bilər. Pravda.az lent.az-a istinadən bildirir ki, E vitamini səkkiz kimyəvi formada mövcuddur, onların hər biri fərqli bioloji aktivliyə malikdir. E vitamini hüceyrə membranlarını oksidləşmədən və məhv olmaqdan qoruyan yağda həll olunan birləşmədir. Bu vitamin orqanizmdə sintez olunmur. E vitamini çatışmazlığı bulanıq görmə, zəiflik, əzələ gücünün azalması, əzalarda uyuşma, zəif koordinasiya, quru dəri və piqmentasiya kimi özünü göstərə bilər.

Tokoferol yağ toxumasında, qaraciyərdə və əzələlərdə toplanır. Yetkinlərdə E vitamininin normal səviyyəsi 5,5-17 mkq/ml təşkil edir. E vitamini üçün gündəlik tələbat kişilər, qadınlar və hamilə qadınlar üçün 15 mq, süd verən analar üçün isə 19 mq təşkil edir.

E vitamininin həddindən artıq qəbulu ishal, qusma, şişkinlik və qan təzyiqinin artmasına səbəb ola bilər.

Yüksək dozada E vitamininin uzun müddət istifadəsi şübhə doğurur. Tədqiqatlar xroniki xəstəlikləri olan xəstələrdə yüksək dozada E vitamininin (400 IU və ya daha çox) uzun müddət istifadəsi ilə ölüm və ürək çatışmazlığının mümkün artımını göstərir.

Yüksək dozada E vitamini trombositlərin yığılmasına mane ola bilər ki, bu da hemorragik insult riskini artırır. Bundan əlavə, yüksək dozada tokoferolun istifadəsi ilə prostat xərçəngi riskinin artmasına dair sübutlar var.

Kilosu 22manat olan və endirimə düşən şokaladın içindən qurd çıxıb.

Tribunainfo.az-ın xəbərinə görə, ətdən baha olan bu şokaladlar satılmadığı üçün piştaxtalarda aylarla qalır, qurd basır və endirimə düşür.

Sosial şəbəkələrdə gündəm olan videonun altına gələn rəylər də ironik olub.

Şərh yazanlardan biri qeyd edib ki, “Bravo”dan aldığı bahalı şokoladı yedikdən sonra görüb ki, içi qurdludur.

Digəri qeyd edir ki, “nə olacaq, vitamindi”.

Başqa bir istifadəçi isə bildirib ki, endirimdə olmayan şokaladlarda da qurd çıxıb.

Görüntüləri təqdim edirik:

ABŞ-nin Texas ştatının San Antonio şəhərində yaşayan və daha əvvəl hotel meneceri işləmiş Melissa Henksin etirafları sosial şəbəkə istifadəçiləri arasında narahatlığa səbəb olub.

TikTok-da video paylaşan Henks müştərilərə hotellərdəki şampunlardan istifadə etməməyi tövsiyə edib.

Keçmiş menecer bildirib ki, otellərdə pulsuz verilən hamam-tualet ləvazimatları ilə ehtiyatlı davranmaq lazımdır. O, xüsusilə insanlara şampun, kondisioner və bədən losyonlarından uzaq durmağı məsləhət görüb:

''Duş qəbul edərkən ağzına qədər doldurulmuş şampun şüşələri hamamda sizi gözləyir. Heç vaxt bu şampunlardan istifadə etməyin, çünki sizdən əvvəl müştəri onların içərisinə nəsə tökmüş ola bilər. Bəzən belə məhsullarda saç boyası, ağardıcılara rast gəlirik. Məncə, otelə gələndə özünüzlə mini ölçülü şampun və losyonunuzu gətirin.

Öz qulluq vasitələriniz yoxdursa, resepşına gedin və yeni qulluq dəsti istəyin. Belə xoşagəlməz hallarla gözlənildiyindən də tez-tez rastlaşırıq”,- o söyləyib.

Sosial şəbəkə istifadəçilərindən biri isə bildirib ki, şampunun içərsinə tük tökən krem əlavə edənlər də olur.

Sözügedən video sosial şəbəkələrdə 1 milyondan çox baxış toplayıb.