Sergey Surovikin
Ukrayna üzərinə hücumdan öncədən xəbəri olan Rusiya generalı iri gəlirli biznes sövdələşmələrindən mənfəət götürüb. Yeni araşdırma bu sövdələşmələrdə generalın arvadının Suriyadakı fosfat mədən biznesində iştirakını üzə çıxarıb.

General Sergey Surovikin 2010-cu illərin sonlarında Rusiyanın Suriyadakı qoşunlarının komandiri olub. O, qəddarlığına görə Suriyada “General Armageddon” ləqəbini qazanıb.

Oktyabrın 8-də Putin Surovikini Rusiyanın Ukraynadakı qoşunlarının komandiri təyin edib. Kreml çoxsaylı məğlubiyyətlərdən sonra müharibənin gedişatını öz xeyrinə dəyişməyə ümid edir.

Timçenkonun biznesi “birbaşa Putinə bağlıdır”

Noyabrın 9-da Surovikin və Müdafiə naziri Sergey Şoyqu qoşunları Xerson bölgəsində Dnepr çayının qərb sahilindən geri çəkdiklərini elan etdilər.

Rusiyada ekstremist təşkilat sayılan, həbsdə olan müxalifət lideri Aleksey Navalnının təsis etdiyi Antikorrupsiya Fondunun əməkdaşlarının çoxu 24 fevral hücumundan sonra Rusiyanı tərk etməyə məcbur olub. Fondun noyabrın 10-da yaydığı yeni hesabatda Surovikinin Suriyadakı Rusiya qoşunlarının komandiri olduğu müddətdə və ondan sonra Kremlə bağlı olan ziddiyyətli işadamı Gennadi Timçenko ilə dolaşıq sövdələşmədən böyük mənfəət götürdüyünü bildirib. Timçenkonun özü “Gunvor” adlı şirkəti vasitəsilə neft və enerji ticarətindən milyardlarla dollar qazanıb.

ABŞ Xəzinədarlıq Departamenti bildirir ki, Timçenkonun biznesi “birbaşa Putinə bağlıdır” və “Putinin “Gunvor”da sərmayələri və ola bilsin ki, “Gunvor”un maliyyə vəsaitlərinə çıxışı var”.

Fosfat mədənləri

Hesabatda detalları açıqlanan sövdələşmələrə görə, Timçenkoya məxsus “Stroytransgaz” tikinti şirkəti Suriyanın Palmira şəhəri yaxınlığında iki fosfat mədəninə çıxış əldə edib. Bu mədənlərdən biri Əl-Şarkiya, digəri isə Xneyfisdir.

“Stroytransgaz” bu mədənlərdə gübrə istehsalında istifadə olunan fosfat hasilatına Rusiyanın Suriya diktatoru Bəşər Əl-Əsədi dəstəkləmək üçün bu ölkəyə ordu göndərməsindən iki il sonra, 2017-ci ilin yayında başlayıb.

2017-ci ilin əvvəlində Rusiyanın Suriyadakı qoşunlarının komandiri təyin olunan Surovikin eyni ilin dekabrında Rusiya televiziyasında Putinə Əl-Şarkiya və Xneyfisin azad edilməsi haqda raport verib. Putin də Suriyaya səfər edəcəyini bildirib.

Üstündən çox keçməmiş Putin Surovikini Suriyadakı komandir vəzifəsindən azad edərək Rusiya aerokosmik qüvvələrinin baş komandanı təyin edib.

Borclar

Antikorrupsiya Fondunun araşdırmalarından məlum olur ki, “Stroytransgaz”ın “STG Logistika” adlı filialı 2020 – 2021-ci illərdə “Argus SFK” adlı taxta-şalban şirkətinə 104 milyon rubl borc verib. Bu ozamankı məzənnəyə görə 2 milyon dollar deməkdir. Rusiyanın Sverdlovsk regionunda yerləşən şirkətin həmtəsisçiləri isə Surovikinin arvadı ilə həmin regionun qubernatoru olmuş Aleksandr Mişarinin qızıdır.

Araşdırmada deyilir ki, “Stroytransgaz”ın yüksək rütbəli menecerlərindən birinin arvadı da “Argus SFK”ə 25 milyon rublluq (412 min dollar) borc verib.

Navalnının komandası iddia edir ki, bu “borc” Surovikinə Suriya əməliyyatı dövründə ortaya qoyduğu biznes sövdələşmələri müqabilində verilib.

Məlumatlar gizli kateqoriyaya salınıb

Rusiyanın Müdafiə Nazirliyi, “Stroytransgaz” və Timçenkonun şirkətləri məsələ ilə bağlı açıqlama xahişlərini cavabsız qoyublar.

Tədqiqatçılar hesabat üzərində əsasən şirkət və daşınmaz əmlak sənədləri ilə işləyiblər.

Bu ay Rusiyanın milli daşınmaz əmlak qeydiyyat sistemi qəfildən Surovikinin ailəsi və qohumlarının əmlakları ilə bağlı qeydlərə çıxışı məhdudlaşdıraraq onları gizli kateqoriyasına salıb.

Ötən ilin yanvarında Almaniyada müalicədən qayıdan kimi Moskvada həbs olunan Navalnı 2,5 il müddətinə azadlıqdan məhrum edilib. 2022-ci ilin martında isə ona mənimsəmə ittihamı ilə əlavə doqquz il həbs cəzası verilib. O və tərəfdarları bu ittihamların və ona qarşı daha öncə açılan cinayət işlərinin absurd və siyasi motivli olduğunu deyirlər. Navalnı Rusiyanın mərkəzi hissəsindəki Vladimir regionunun Melexovo kəndindəki həbsxanada saxlanılır.(Azadliq radiosu)

İran Yəmən ərazilərinə silah, pilotsuz uçan aparatlar (PUA) və narkotik maddələr daşımağa davam edir.

Teleqraf.com xəbər verir ki, bu barədə Yəmənin informasiya naziri Müəmmər əl-İryani məlumat verib.

Nazir dünən ölkəsinin cənubundakı Sokotra adasında narkotik daşıyan İran gəmisinin ələ keçirilməsinə reaksiya verib.

Ötən illərdə narkotik qaçaqmalçılığı və ticarəti ilə məşğul olan iranlı dənizçilərin tutulduğunu, gəmilərinin ələ keçirildiyini xatırladan İryani bunlardan bölgədəki yaraqlıların əsas maliyyə mənbəyi kimi istifadə edildiyini, gənclərin terror aktlarına yönəldildiyini və hədəfə alınmış ölkələrdəki insan resurslarının məhv edildiyini bildirib.

İranı Yəmənə silah, dron və narkotik daşımaqda ittiham edən nazir beynəlxalq ictimaiyyət, BMT və bu qurumun Təhlükəsizlik Şurası və ABŞ-a müraciət edən nazir müvafiq qərarları və beynəlxalq konvensiyaları kobud şəkildə pozaraq Yəməndə silah və narkotik qaçaqmalçılığını davam etdirən və ölkənin daxili işlərinə qarışan İrana qarşı açıq mövqe tutmağa çağırıb.

Dünən Sokotra adasında narkotik daşıyan İran gəmisi ələ keçirilib. Müsadirə edilən narkotiklərin həcmi ilə bağlı məlumat verilməsə də, saxlanılan gəminin lazımi hüquqi prosedurların tamamlanması üçün Sokotranın Hadibu limanında saxlandığı bildirilir.

Ukrayna Silahlı Qüvvələri Xerson vilayətində 500 Rusiya işğalçısının olduğu binaya “HİMARS”la zərbə endirib. Nəticədə düşmənlər oradan iki yük maşını dolu meyit çıxarıblar.

Sozcu.az “TSN”-ə istinadla xəbər verir ki, Ukrayna Silahlı Qüvvələri Baş Qərargahının “Facebook” səhifəsində yayılan məlumatda belə deyilir.

Yerli vaxtla Saat 06:00-ya olan əməliyyat məlumatlarına əsasən, Xerson vilayətində işğalçıların cəmləşdiyi ərazinin Müdafiə Qüvvələri tərəfindən vurulduğu qeyd olunur.

“Dnepryane qəsəbəsi ərazisində 500-ə qədər işğalçının olduğu binaya yüksək dəqiqliklə zərbə endirilib. Nəticədə ölən işğalçıların iki yük maşını dolu meyiti Tavriçeskoye məntəqəsinə aparılıb”, – deyə məlumatda bildirilir.

Baş Qərargah qeyd edib ki, 56 ağır yaralı işğalçı ən yaxın xəstəxanaya çatdırılıb, onlardan daha 16-sı tezliklə dünyasını dəyişib. İşğalçıların itkiləri ilə bağlı yekun məlumat dəqiqləşdirilir.

Xatırladılır ki, noyabrın 12-də Rusiya Silahlı Qüvvələrinin şəxsi heyəti arasında ümumi döyüş itkiləri təxminən 80 210 nəfər təşkil edib. Gün ərzində 800-dən çox işğalçı məhv edilib.

Ukraynalı snayper 2710 metrdən rus əsgəri belə vurdu - VİDEO13 Noyabr 2022 17:08

Ukraynalı snayper hərbi əməliyyat zamanı 2710 metrlik məsafədən hədəfi məhv edib.

Teref.az Axar.az-a istinadla xəbər verir ki, onun nəticəsi Ukrayna Silahlı Qüvvələrinin komandanlığı tərəfindən təsdiq olunub.

Hazırda ukraynalı snayper bu göstəriciyə görə adı açıqlanmayan kanadalı snayperdən geri qalır. Kanadalı 2017-ci ildə İraqda döyüş tapşırığı zamanı 3540 metr məsafədən düşməni məhv etmişdi.

Üçüncü yeri isə 2475 metrlik məsafə ilə britaniyalı Kreyq Harrison tutur.

Rusiyalı diktator Vladimir Putin «Silah» proqramının fəaliyyətini dayandırıb, bu proqramın icrası üçün federal büdcədən son 10 il üçün 20 trilyon rubl ayrılmışdı.

Rusiyanın «Vedemosti» nəşrinin mənbələrə istinadla xəbər verdiyi kimi, noyabrın əvvəlində Rusiya Prezidenti orduya tədarük normativlərini yenidən yazmağı və onları ordunun 14 noyabra qədərki real ehtiyaclarına uyğunlaşdırmağı tapşırıb («UNİAN»).

Beləliklə, faktiki olaraq, silah istehsalı üzrə dövlət proqramı dayadırılıb - bu proqram əsasında son illər hərbi-sənaye kompleksinin satınalmaları və maliyyələşdirilməsi həyata keçirilib.

Yeni proqramın işlənməsi də dayandırılıb - bu fəaliyyət 22 trilyon rubl qiymətləndirilmişdi.

AzPolitika.info

Azərbaycan ərazisinə müvəqqəti yerləşdirilmiş sülhməramlıların tam şəkildə öz vəzifələrini yerinə yetirdiklərini söyləmək mümkün deyil.

Bu sözləri Axar.az-a rus sülhməramlıların Qarabağa yerləşdirilməsinin ikinci ili ilə bağlı açıqlamasında Türkiyənin Azərbaycandakı keçmiş hərbi attaşesi, general Yücel Karauz deyib.

General bildirib ki, rus sülhməramlılar oradakı Ermənistan hərbi birləşmələri və terrorçu ünsürləri ərazidən çıxarmaq, təxribatların qarşısını almaq, minalanmış ərazilərin xəritələrini Azərbaycana təhvil verilməsi və digər məsələlərin həllinə kömək etməklə bölgədə təhlükəsizliyi təmin etməli idi: “Ancaq bu missiyanı onlar yerinə yetirə bilmədilər. Biz rus sülhməramlılardan öz vəzifələrini obyektiv və bitərəf şəkildə yerinə yetirmələrini gözləyirik”.

Karauz bildirib ki, sülhməramlıların öz funksiyasını bəlli çərçivə və müddətdə yerinə yetirməsi əvəzinə onların bölgədə nəzərdə tutulan müddətdən artıq qalmaq üçün hazırlıqlar apardıqlarını müşahidə edirik:

“Sülhməramlılar üçün inşa edilən müşahidə postları, yaşayış korpusları və s. Rusiyanın Qarabağda daha uzun müddət qalmaq niyyətindən xəbər verir. Sanki bunlar Qarabağa beş illik yox, ömürlük gəliblər. Ancaq Ali Baş Komandan İlham Əliyev də Şuşadakı son çıxışı zamanı rus sülhməramlıların fəaliyyət müddətinin bəlli olduğunu və göstərilən müddət bitdikdən sonra öz ölkələrinə qayıdacaqlarını qəti şəkildə vurğuladı. Bu, Rusiya, Qərb və Ermənistana ən yüksək səviyyədə verilən mesajdır. Biz də rus sülhməramlıların öz xidmət müddətlərini bitirib ölkələrinə dönmələrini istəyirik. Çünki Azərbaycan öz suveren torpaqlarında dayanıqlı sülhü təmin etmək üçün hərtərəfli gücə sahibdir”.

Gah Laçın dəhlizi ilə Qarabağdakı qanunsuz erməni birləşmələrinə silah daşıyırlar, gah başlarından böyük qələt edib, Fərrux kəndinə müşahidə kameraları yerləşdirməyə cəhd edirlər, gah da erməni qızları ilə günlərini keçirirlər. Rəsmi adı sülhməramlı olan, lakin sülhü təmin etməkdən başqa hər hoqqadan çıxan bu terrorməramlıların "buraxdığı quşlar" saymaqla bitmir. Gəlin 10 noyabrda imzalanan kapitulyasiya aktının 4-cü bəndini xatırlayaq. Orada yazılır ki, Rusiya sülhməramlı kontingenti erməni silahlı birləşmələrinin çıxarılması ilə paralel şəkildə yerləşdirilir. Yəni “sülhməramlı”ların öhdəliklərindən biri də bu terror qruplaşmalarını ərazidən rədd etməkdir. Amma onlar əvəzində terrorçuları himayə etməklə məşğuldurlar.

Təhlükəsizlik üzrə ekspert Cümşüd Nuriyev məsələyə belə münasibət bildirib:

“Sülhməramlıların BMT tərəfindən hər hansı bir mandatı yoxdur. Bundan başqa, sülhməramlılar BMT Nizamnaməsinin 36-cı, 46-cı maddələrini kobud şəkildə pozaraq münaqişəni yatırmaq əvəzinə, qızışdırmaqla məşğuldurlar”.

Görünür, hər fürsətdə erməniyə qahmar çıxan, hətta “din” qardaşlarının təxribatlarına göz yuman şərməramlılar sonlarını özləri hazırlayır.

C.Nuriyev Azərbaycanın etimadını doğrultmayan rusiyalı hərbçilərlə bağlı atıla biləcək addımlar haqqında isə bunları deyib:

“BMT Təhlükəsizlik Şurasına sülhməramlıların burada yerləşməsinə səlahiyyət verib-verməməsi ilə bağlı müraciət etməliyik. Təbii ki, Rusiya təşkilata üzv olduğundan BMT veto qoya bilər. Amma bu siyasi addımı atmalıyıq. İkincisi, Azərbaycan parlamenti Rusiya Dövlət Dumasına müraciət etməlidir ki, üzərilərinə öhdəliklər götürsünlər və bu öhdəliklər ratifikasiya olunsun. Bundan başqa, Müdafiə Nazirliyi XİN-ə arayış verməlidir. XİN isə səfirliyə nota göndərməlidir”.

oxu.az

"Evin tək uşaqlarının cəbhəyə göndərilməməsi təklifinin reallaşacağını düşünmürəm".
Bunu "Sherg.az"a hərbi ekspert Ədalət Verdiyev deyib. Onun sözlərinə görə, Azərbaycanda onsuz da təkuşaqlı ailələrin sayı çoxdur:
"Bu, sonrakı uşaqların dünyaya gəlməsi üçün problemlər yarada bilər. Müdafiə Nazirliyinin qeyri-rəsmi olaraq, tək uşaqların cəbhəyə göndərilməməsinə dair məlum təlimatı mövcuddur.

Lakin hazırda bunu tam şəkildə həyata keçirmək mümkün deyil. Orduda həm evin tək uşaqları, həm də şəhid ailəsi üzvləri xidmət edirlər. Ölkəmizdə isə hazırkı şəraitdə təkuşaqlı ailələr 12-13 faiz arası təşkil edir.

Təklifləri verməzdən əvvəl Səfərbərlik və Hərbi Xidmətə Çağırış üzrə Dövlət Xidməti, Müdafiə Nazirliyi ilə bu məsələləri razılaşdırmaq, tək uşaqların faiz nisbətini öyrənmək, orduda xidmət edənləri neçə faizinin cəbhə ilə əlaqədar olmayan işlərə cəlb olunmasını nəzərə almaq vacibdir".

Qeyd edək ki, deputat Sabir Rüstəmxanlı Milli Məclisin İctimai birliklər və dini qurumlar, Mədəniyyət, Elm və təhsil, Səhiyyə, Ailə, qadın və uşaq məsələləri komitələrinin birgə iclasında təkliflə çıxış edib. O söyləyib ki, evin tək uşaqları cəbhəyə göndərilməsinlər.

Fransa Prezidenti Emmanuel Makron ölkəni mümkün müharibəyə hazırlamağı nəzərdə tutan yeni milli strategiya doktrinasını təqdim etməyə hazırlaşır.

Axar.az xəbər verir ki, bu barədə “Le Fiqaro” nəşri yazıb.

“Yeni doktrina 2017-ci ildə qəbul edilmiş sənədin davamı olacaq və Fransanın maraqlarını qorumaq üçün on strateji hədəfi ehtiva edəcək. Müharibə iqtisadiyyatı ilə bağlı bir maddə var. Eyni zamanda, “ümumbəşəri hərbiləşdirmə”dən söhbət getmir”, - nəşr qeyd edib.

Sənəddə deyilir ki, Fransa Silahlı Qüvvələri zəif tərəflərini düzəltməli, hakimiyyət isə dünya nizamının qurulması prizmasından öz strateji ambisiyalarını yenidən nəzərdən keçirməlidir.

Fransız ordusunun hazırkı modeli ekspedisiya missiyalarında iştirak etməyi nəzərdə tutur, lakin yüksək intensivli münaqişələri deyil. Yeni doktrina 2030-cu ilə qədər müvafiq transformasiyaları nəzərdə tutur. Sənəddə respublika üçün yeni imkanlar yaradan üç əsas sütunun adı çəkilir: nüvədən çəkindirmə, adi silahlar və cəmiyyətin qarşılıqlı dəstək üçün səfərbər edilməsi.

İsrailin İrana zərbə endirmək imkanı var. Lakin ölkə rəhbərliyi belə bir addım atmağı zəruri hesab edərsə, bu qərarı diqqətlə nəzərdən keçirməli olacaq. Bunu yəhudi dövlətinin müdafiə naziri Beni Qants bildirib.

Eyni zamanda, nazir xatırladıb ki, əvvəllər belə bir ssenariyə Netanyahunun baş nazir olduğu illərdə də baxılıb, lakin sonradan zərbə endirməmək qərara alınıb.

Mənbə: TASS