 |
|
|
Rusiya ordusunun Ukraynada geri çəkilməsi Zaporojye və Xerson vilayətlərində və Donbassın bir hissəsində mümkündür.
Zaporojye və Xerson vilayətlərində düşmən real olaraq, müdafiəyə hazırlaşmır - bunu Ukrayna Silahlı qüvvələrinin ehtiyatda olan polkovniki, hərbi pilot-təlimatçı Roman Svitan «Qlavred» çatı zamanı danışıb («UNİAN»).
«…xoş məramlı jestlərə» gəlincə, bu, ondan görünür ki, rusiyalılar necə və harada müdafiəyə hazırlaşırlar. Xerson və Zaporojye vilayətlərində onların müdafiəyə real hazırlığı yoxdur, ona görə də hər şeydən əvvəl onlar oradan Krıma doğru gedəcəklər» - həmsöhbət qeyd edib.
Onun sözlərinə görə, düşmən çətin ki, Luqansk vilayətinin şimalını müdafiə etməyə hazırlaşsın. Onun fikrincə, işğalçılar hər şeydən əvvəl, Ukraynanın şərqində qışlayacaqlar - fevralın 24-dəki sərhədlərdə.
Polkovnik hesab edir ki, düşmənlər Seversk Donetsk çayını adlayacaqlar - müvəqqəti işğal olunmuş Luqansk istiqamətində.
Amerika Birləşmiş Ştatları (ABŞ) hərbi-dəniz qüvvələrinin (HDQ) «Ohayo» sinifli-ballistik raketli sualtı qayığı (Tennessee) və Böyük Britaniya Krallıq donanmasının «Avanqard» sinifli atom sualtı qayığı (hər ikisi Trident nüvə başlıqlı raketləri ilə silahlanmış) nadir fotosessiya ilə Şimali Atlantikada qeydə alınıb.
Bu barədə dekabrın 14-də “UK Defense Journal” onlayn nəşri xəbər verib.
ABŞ HDQ fotoxronikası onu nümayiş etdirir ki, göstərilən gəmilər, həm də idarəetmə və rabitə “F-6 Merkuri” təyyarəsi Amerika donanmasının kəşfiyyat 4-cü eskadrilyasına və vertolyot “MN60 R Sea Navk” 72-ci zərbə dəniz ekadrilyasına aiddir.
ABŞ HDQ fotosessiyanı «taktika, üsul və prosedur yoxlamaları üçün ikitərəfli dəniz təlimləri» kimi təsvir edib və bildirib ki, təlimlər unikal yaxın müttəfiqlərin münasibətlərinin möhkəmlənməsinə xidmət edir - kollektiv təhlükəsizlik və qaşıdurma sahəsində. «Birləşmiş Ştatlar və Böyük Britaniya strateji silahların, köməkçi sistemlərin işlənməsi və yerləşdirilməsi istiqamətində əməkdaşlıq barədə çoxdankı sazişə malikdirlər» - Amerika donanmasının komandanlığında əlavə ediblər.
«Ohayo» sinifli sualtı gəmisi ABŞ sualtı qayıqlarının nəhəng tipidir. Onun uzunluğu 170 metr təşkil edir, su tutumu isə 18 min tondur.
Dəniz zərbə platformaları müxtəlif qabaqcıl texnologiyalar və silah sistemləri ilə təchiz olunub - o cümlədən, ballistik və qanadlı raketlər, torpedolarla. Qayıq geniş dairəli tapşırıqları yerinə yetirmək üçün, o cümlədən, strateji qarşıdurma, xüsusi əməliyyatlar və adi döyüş fəaliyyəti üçün nəzərdə tutulub.
«Avanqard» sinifli atom sualtı qayığı Krallıq donanmasının ən güclü sualtı gəmisidir. Onların hər birinin uzunluğu 170 metrdir və “Tritent” tipli 16 raket daşıya bilir.
Kəlbəcər rayonunda 4-ü hərbçi olmaqla 8 nəfər minaya düşüb, onlardan biri şəhid olub
Bu barədə Baş Prokurorluq və Müdafiə Nazirliyinin yaydığı birgə məlumatda bildirilib.
Belə ki, dekabrın 14-də, saat 18 radələrində Kəlbəcər rayonunun Çıraq kəndi ərazisində 8 nəfər şəxsin minaya düşməsi barədə Kəlbəcər hərbi prokurorluğuna məlumat daxil olub.
Aparılmış ilkin araşdırmalarla müəyyən olunub ki, təmir-tikinti işləri ilə məşğul olan şirkətin 4 nəfər əməkdaşı Kəlbəcər rayonunun Çıraq kəndi ərazisində piyada əleyhinə minaya düşüb.
Həmçinin, müəyyən olunub ki, təxliyə ilə bağlı hadisə yerinə yollanan 4 nəfər hərbçi də minaya düşüb, onlardan 3-ü müxtəlif dərəcəli bədən xəsarətləri alıb, 1-i isə həlak olub.
Hazırda faktla bağlı Kəlbəcər Hərbi Prokurorluğunda araşdırma aparılır.
Rusiya sülhməramlılarının müvəqqəti nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası davam edir.
Aksiya iştirakçılarının təhlükəsizliyini Azərbaycan Daxili İşlər Nazirliyi Daxili Qoşunlarının (DQ) hərbçiləri igidliklə qoruyurlar.
Bunu aksiyanın ilk günündə (dünən, dekabrın 12-də) Rusiya sülhməramlıları “Report” İnformasiya Agentliyinin avtomobilinin qarşısını kəsərək əməkdaşları ilə kobud davranarkən DQ hərbçilərinin köməyə gəlməsini özündə əks etdirən videokadrlardan da görmək olar.
Biz - həm media əməkdaşları, həm də sıravi insanlar olaraq DQ hərbçilərinin hərəkətlərindən qürur duyduq və duyuruq.
Bu, həm də bizi arxayın edir ki, Azərbaycan jurnalistləri heç nədən çəkinmədən, istənilən şəraitdə öz fəaliyyətini uğurla davam etdirə bilərlər. Çünki ölkəmizin belə oğulları – hərbçiləri var. (oxu.az)
Bu gün səhər saatlarında Rusiyanın Bryansk vilayətinin Klints şəhəri Ukrayna hərbçiləri tərəfindən raket atəşinə tutulub.
Bu barədə Rusiya Teleqram kanalları məlumat yayıb.
Məlumata görə, hərbi hissəyə endirilən zərbələr nəticəsində Rusiya ordusuna məxsus bir neçə texnika məhv edilib.
Rusların canlı qüvvə itkiləri barədə məlumat verilməyib.
Qeyd edək ki, Ukrayna sərhədindən Bryansk şəhərinin özünə məsafə hava yolu ilə 154 km-dir.
ABŞ Konqresi 2023-ci il üçün hərbi büdcəni razılaşdırıb. Konqresin hərbi büdcəsi Nümayəndələr Palatası ilə Senatın komissiyalarında qızğın müzakirələrdən keçib. ABŞ 2023-cü ildə hərbi məqsədlər üçün 858 milyard dollar xərcləyəcək. Bu astronomik məbləğdir. Misal üçün Amerikanın builki hərbi büdcəsi 778 milyard dolar civarında idi.
Hərbi büdcə imzalanmaq üçün prezident Co Baydenə göndərilib. Ukrayna müharibəsi və Rusiyanı dayandırmaq baxımından Amerikanın gələn il üçün hərbi xərclərinin artırılması nəzərdə tutulub. Hərbi büdcənin 800 milyon dolları Ukraynanın təhlükəsizliyinə xərclənəcək. Əvvəlki büdcədə 500 milyon dollar nəzərdə tutulmuşdu, 300 milyon dollar əlavə edilib. Amerikanın Avropadakı hərbi varlığına 6 milyard dollar ayrılacaq, bu əvvəlki büdcə layihəsindən 2 milyard dollar artıqdır.
Konqress Qərb ölkələrinin Rusiyadan enerji asılılığını azaltmaq, sanksiyaların artırılması və Rusiyanı “böyük iyirmilərdən” çıxarılması yolları üzərində də düşünür. Kreml Konqresin gərginliyi artıran sənədini tənqid edib.
Yeni hərbi büdcəyə görə texnoloji xərclər artırılacaq, yeni təyyarələr və gəmilər üzərində çalışmalar davam edəcək. Yeni nəsil bombardmançı təyyarələr istehsal ediləcək. ABŞ müdafiə naziri Loyd Ostin “B-21 Raider” tipli təyyarə istehsalını tarixi hadisə adlandırıb. Bu təyyarələr dünyanın istənilən nöqtəsinə adi və nüvə başlıqlı raketlər daşımaq imkanına malikdirlər. Digər tərəfdən yeni təyyarələr “Stels” texnologiyası kimi hava hücumundan müdafiə sistemlərinin radarlarına düşmür.
ABŞ hərbi büdcəsinin artımı yalnız Rusiyanın işğalçı siyasəti ilə bağlı deyil. Vaşinqton Çini də durdurmaq istəyir. ABŞ Hind-Sakit okean bölgəsindəki xərclərini 11 milyard 500 milyon dollar civarında planlaşdırıb. Bu həm Çini durdurmaq, həm də Amerikanın bölgədəki müttəfiqlərinə dəstək üçün nəzərdə tutulub. Bu çərçivədə Amerika Tayvanın təhlükəsizliyinin gücləndirilməsi üçün 5 ildə 10 milyard dollar xərcləyəcək.
“Atlas” Araşdırmalar Mərkəzi
Teref.az
İraqın şimalındakı terrorçular türklərə təslim oldular
“Anadolu Agentliyi” xəbər verir ki, Türkiyənin Milli Müdafiə Nazirliyi PKK terror təşkilatının dörd nəfər üzvünün İraqın şimalında Türkiyə hərbçilərini təslim olduqlarını göstərən kadrları paylaşıb.
Türkiyə Silahlı Qüvvələrinin İraqın şimalıdakı antiterror əməliyyatlarından birində terrorçular pusquya salınıblar.
Təslim olmaq məcburiyyətində qalan terrorçulardan dörd ədəd AK-47 avtomatı, 10 əl qumbarası, ratsiya və snayper arpacıqları (nişan almaq üçün silahın lüləsinin uc tərəfindəki çıxıntı – red.) aşkar edilib.
“Slovakiya “MiQ-29” qırıcılarını Ukrayna hərbçilərinə verməyə hazırdır. Yaxın vaxtlarda bu məsələni həll etmək üçün Ukrayna nümayəndə heyəti Bratislavaya gələcək”.
“Report” xəbər verir ki, bunu Slovakiyanın xarici işlər naziri Rastislav Kaçer “İnterfaks-Ukrayna”ya müsahibəsində deyib.
Onun sözlərinə görə, qırıcıların verilməsi məsələsi Ukrayna Prezidenti Volodimir Zelenski ilə ətraflı müzakirə olunub.
“Müdafiə naziri prezidentə bunu necə edə biləcəyimizi izah etdi. Düşünürəm ki, yaxın həftələrdə Ukrayna nümayəndə heyəti Slovakiyaya gələcək və amerikalı dostlarımızla birlikdə bunun reallaşması üçün çalışacağıq”, - nazir bildirib.
O qeyd edib ki, dekabrın 7-də Slovakiya həmçinin adıçəkilən qırıcılar üçün bir neçə min raketin tədarükü məsələsini də təsdiqləyib.
Türk Ordusu Misirdən Türkiyəyə, oradan da Yunanıstana keçmək istəyən 3 terrorçunu qandallayıb.
Bu barədə Türkiyə Silahlı Qüvvələri məlumat yayıb.
Bildirilir ki, terrorçulardan 2-si PKK terror qruplaşmasının, digəri isə FETÖ-nün üzvüdür.
Naxçıvanda hərbi xidmət keçən bir qrup zabit və MAXE “Gündəlik Naxçıvan” vasitəsi ilə ictimaiyyətə və DTX əməkdaşlarına müraciət ünvanlayıb.
Bu müraciət vasitəsi ilə hərbçilər, ictimaiyyəti Naxçıvan Əlahiddə Ümumqoşun Ordusundakı korrupsiya, rüşvət və özbaşınalıq halları ilə məlumatlandırmaq istəyirlər. Onlar həmçinin DTX-dan bu orduda yoxlamalara başlayıb, baş verən qanunsuzluqlara son qoymalarını xahiş edirlər:
“Biz, Naxçıvanda hərbi xidmət edən zabitlər və digər rütbəli hərbi qulluqçular Azərbaycanı canımız qədər sevirik və vətən uğrunda canımızdan keçməyə hazırıq. Bunu, bizim 2-ci Qarabağ Müharibəsindəki iştirakımız da göstərdi. Lakin, Əlahiddə Ümumqoşun Ordusunun komandanı general-polkovnik Kərəm Mustafayev bizimlə bir hərbçi kimi yox, öz şəxsi mülkiyyəti kimi davranır, bütün hüquqlarımız tapdayır, maaşımızı kəsir, bizim qul kimi işlədilməmizə şərait yaradır. Naxçıvanda aparılan bütün söküntü və park tikintisi işlərini biz hərbçilərə gördürüb, büdcədən ayrılan milyonları mənimsəyirlər. Bunun üçün zabit, MAXE və əsgərlərdən qanunsuz olaraq, xüsusi briqadaları yaradılıb. Hər gün yüzlərlə hərbçi mülki formada tikintilərdı qul kimi işlədilir. Onların gördüyü iş mülki şəxslərin adına sənədləşdirilir və bu maaşlar mənimsənilir. Bu işlərə generalın qardaşı Nemət Mustafayev rəhbərlik edir.
Kərəm Mustafayev bütün ordu heyətini heç bir hərbi rütbəsi və savadı olmayan, tərbiyəsiz hərəkətləri ilə tanınan qardaşı Nemətin tabeliyinə verib. Nemət Mustafayev orduda qeyri-rəsmi olaraq, ikinci sözükeçən adamdır. Rütbə və vəzifəsindən asılı olmayaraq, bütün hərbçilər onun qarşısında farağat dayanmağa, ona itaət etməyə məcbur edilir. Nemət Mustafayev istədiyi vaxt hərbi hissələrə girir, ona tabe olmaq istəməyən yüksək rütbəli zabitləri tərbiyəsiz sözlərlə söyür, təhqir edir, üzünə tüpürür, döyür, həbs etdirir, bizim hərbçi qürurumuz tapdalayır. Bu cür ağlasığmaz özbaşınalığa şərait yaradan komandan Kərəm Mustafayevdir. Axı, biz qalib ordunun əsgərləriyik. Bizimlə bu cür davranmaq ordumuzun adına ləkədir.
Bundan əlavə orduda aşağıdakı rüşvət və korrupsiya halları mövcuddur:
– Hərbi hissələrdəki bütün texnikalar hərbçilərin öz hesabına təmir edilir. Bunun üçün büdcədən ayrılan milyonlarla manat isə mənimsənilir. Hərbi hissələrə Bakıdan verilən ehtiyat hissələr Nemət Mustafayev vasitəsi ilə bazarlara çıxarılır. Tabeliyində olan texnikası xarab olan hərbçilərdən tələb olunur ki, həmin hissələri öz pullarıyla alıb, texnikanı təmir etdirsinlər. Buna maddi imkanı çatmayan hərbçilər kredit götürməyə məcbur olurlar.
– Hərbi şəhərciklərdəki evlər rüşvətlə satılır, kirayə pulları isə mənimsənilir.
– Məzuniyyət pulları mənimsənilir.
Siyahını uzatmaq da olar. Ordumuzun hərbi sirrini yaymamaq üçün, bir çox ciddi korrupsiya və rüşvət hallarını qeyd etmək istəmirik. Əgər araşdırılma başlayarsa, hər şeyi danışmağa hazırıq.
Az qala hər bir hərbçi yuxarıda sadaladığımız və sadalamadığımız özbaşınalıqlara dözməyərək, intihar edir. Onların ailələri təhdid altında susmağa məcbur edildiyindən, bu intiharlar ört-basdır edilir. Biz ümid edirik ki, hazırda Naxçıvanda yoxlama aparan DTX, Əlahiddə Ümumqoşun Ordusundakı bu özbaşınalıqlar da araşdıracaq, cavabdeh şəxslər layiqli cəzasını alacaq, bu ləkə Azərbaycan ordusunun üzərindən götürüləcək”.