Şuşadan keçən Xankəndi-Laçın yolunda Rusiya sülhməramlılarına məxsus daha 2 ədəd hərbi avtomobilinin hərəkət etməsinə növbəti dəfə şərait yaradılıb.

“Report”un aksiya keçirilən ərazidə olan əməkdaşı xəbər verir ki, nəqliyyat vasitələrinin maneəsiz şəkildə hərəkət etməsi təmin olunub.

Belə ki, həmin avtomobillər Laçından Xankəndi istiqamətinə keçib. Bu, bir daha onu sübut edir ki, yol aksiyanın keçirilməsinə baxmayaraq, humanitar məqsədlər üçün açıqdır.

Qeyd edək ki, gün ərzində hər iki istiqamətdə Rusiya sülhməramlılarına məxsus ümumilikdə 14 avtomobil maneəsiz hərəkət edib.

Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda keçirilən etiraz aksiyası 15 gündür davam edir.

Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.

2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

Rusiyanın yeni hücumu 2023-cü ilin aprelində başlayacaq.

Teref.az xəbər verir ki, bu barədə Almaniya mətbuatı məlumat yayıb.

“Əldə olunan sənədlər onu göstərir ki, Berlində Rusiyanın yeni ildə Ukraynada necə hərəkət edəcəyi barədə dəqiq məlumatlar var. İki senari mümkündür. Birinci senariyə əsasən, Rusiya Donbasın Ukraynanın nəzarətində olan hissələrinə hücuma keçəcək. Burada Moskva Belarus Prezidenti Aleksandr Lukaşenkoya ümid edir. Belarus qoşunları hücum zamanı təhdid və diqqəti yayındırmaq üçün istifadə olunacaq. İkinci senariyə görə isə Belarus ordusu müharibədə birbaşa iştirak edəcək. Amma bu, daha az ehtimal olunan variantdır. Həm də bu ssenarinin reallaşması üçün Rusiyada ümumi səfərbərlik elan olunmalıdır”, – məlumatda qeyd olunub./Konkret.az

Rusiya tezliklə İrana 24 ədəd Su-35 qırıcısı verəcək.

Axar.az xəbər verir ki, bu barədə "İsrailinfo" məlumat yayıb.

"Söhbət Misir üçün nəzərdə tutulan qırıcılardan gedir. Amerikalılar Qahirəni sövdələşmədən imtina etməyə inandırıblar. Ruslar isə təyyarənin başqa alıcılarını axtarırmış. İran Rusiya ordusu üçün pilotsuz təyyarələrin (Şahid) tədarükçüsü olduqdan sonra məsələ öz həllini tapıb", - məlumatda deyilir.

Ukrayna ordusu “Vaqner” özəl hərbi şirkətinin hərbçilərini əsir götürüb.

Bu barədə ukraynalı jurnalist Vladimir Zolkin məlumat verib.

Əsirlərin keçmiş dustaqlar olduğu bildirilib.

Ukraynadakı hərbi əməliyyatların intensivliyi göstərdi ki, onların istifadəsi təsirsizdir.

Axar.az xəbər verir ki, bunu ukraynalı hərbi-siyasi ekspert Aleksandr Kovalenko Rusiyanın Belarusa “Tor-M2” zenit raket kompleksini yerləşdirməsinə münasibət bildirərkən deyib.

Ekspert qeyd edib ki, ruslar bununla Belarusdakı obyektlərin hava müdafiəsini yalnız bir qədər gücləndirə bilərlər.

Ukraya böhranının sonluğu ssenarisi ilə bağlı Kiyev və Vaşinqton arasında fikir ayrılığı yaranıb.

Axar.az xəbər verir ki, bu barədə “Nyusvik” jurnalının şərhçisi Deniel Depetris yazıb.

“Görünür, ABŞ konfliktin diplomatik yolla həllində maraqlıdır, lakin Ukrayna hazırda danışıqlada iştirak etmək istəmir”, - deyə o bildirib.

Müəllifin fikrincə, ukraynalılar “gələcək qələbələr” arzusunda olan Vladimir Zelenskinin “qumar cəsarəti”nə uymamalıdırlar.

Depetris hesab edir ki, Birləmiş Ştatlar hələ ki, Kiyevə dəstək bəyanatları ilə ziddiyyət təşkil etməməsi üçün sülh dialoqu barədə ucadan danışmaq istəmir.

“Roskosmos”un keçmiş baş direktoru Dmitri Roqozin Ukraynanın işğal altında olan Dontesk vilayətində yaralanıb.

“Report” “TASS”a istinadən xəbər verir ki, hadisə Roqozinin ad gününü qeyd edən zaman baş verib.

Belə ki, “Şeş-Beş” hoteli Ukrayna ordusunun Sezar özüyeriyən artilleriya qurğusundan atdığı 155 mm-lik mərmilərlə atəşə tutulub.

Qeyd olunub ki, üç dəqiq atəş nəticəsində bir nəfər ölüb, D. Roqozin və bir neçə nəfər yaralanıb. “Roskosmos”un keçmiş baş direktoru xəstəxanaya aparılıb. O, kürəyindən yaralanıb, həyatı təhlükəsi yoxdur.

“Biz nüvə qoşunlarımızın döyüş hazırlığını təkmilləşdirməyə davam edəcəyik”.

Bu barədə Rusiya Prezidenti Vladimir Putin Müdafiə Nazirliyinin genişləndirilmiş iclasında çıxışı zamanı bildirib.


O, NATO-nun Rusiyaya qarşı bütün hərbi potensialından istifadə etdiyini bildirib.

“NATO qüvvələri və hərbi vasitələri ilə bağlı bütün məlumatlar təhlil edilməli və Rusiya Silahlı Qüvvələrinin təşkilində istifadə olunmalıdır”, – deyə Putin qeyd edib.

Putin Rusiyanın hərbi potensialını artıracağını bildirib.

“Rusiyanın hər yerində və onun yeni torpaqlarında xalqın təhlükəsizliyi təmin olunacaq. Ordumuzun maliyyələşdirilməsində heç bir məhdudiyyətimiz yoxdur”, – deyə o vurğulayıb.

Putin həmçinin nüvə qoşunlarının döyüş hazırlığını təkmilləşdirməyə davam edəcəklərini qeyd edib. O, qitələrarası raket sarayının inşa olunacağını və yaxın gələcəkdə öz missiyasına başlayacağını da əlavə edib.