“İspaniya bundan sonra da Ukraynaya dəstəyini davam etdirəcək. Artıq ilk “Hawk” hava hücumundan müdafiə sistemləri ölkəyə gətirilib”.

“Report” “RBK-Ukraina”ya istinadən xəbər verir ki, bunu Ukraynanın müdafiə naziri Aleksey Reznikov tviter səhifəsində yazıb.

Nazirin sözlərinə görə, İspaniya Ukraynaya humanitar yardım göstərməklə yanaşı, təhlükəsizlik sahəsində də yardımı davam etdirəcək.

“Daha çox əsgərimiz İspaniyada təlim keçəcək”, - nazir yazıb.

Hərbi strukturlarla siyasi strukturların məsələlərə yanaşması fərqli olur.
Rusiya Müdafiə Nazirliyinin Azərbaycanın yaşayış məntəqələrinin adlarını uydurma erməni toponimləri ilə qeyd etməsində də yanaşma fərqli olmalı idi. Məsələ ondadır ki, biz bunun tam əksini görürük.
Belə ki, Azərbaycan Müdafiə Nazirliyi artıq neçənci dəfədir, Rusiya Müdafiə Nazirliyini də yox, məhz sülhməramlıları hədəf alaraq adların səhv yazılışına görə qınayır.
Əslində qınamır da, “təəssüf edirik” yazır.
Müdafiə Nazirliyi açıqlamasında bildirir ki, Rusiya Federasiyasının sülhməramlı kontingentinə müraciətlər edib. Bunu hansısa siyasi təşkilat, Qeyri Hökumət Təşkilatı etsə, anlamaq olar. Ancaq hərbi qurum nəyi, necə etməyi bilməli idi.
Gəlin məsələni bir qədər açaq.
Rusiya sülhməramlıları müəyyən bir istiqamətdə hadisə baş verəndə, Vardanyana, Ohanyana, nə bilim hansısa yana zəng edib, yer adı soruşub, məsləhətləşmələr edib, qeydlərini aparmırlar. Hərbçilər hadisələrə xəritələr üzərindən baxırlar və o xəritələrdən bir addım belə kənara çıxa bilməzlər. Yəni Rusiya sülhməramlıları əraziyə daxil olduğu gündən özləri ilə birgə Rusiya Baş qərargahının təsdiq edib, cənub hərbi dairəsinə göndərdiyi və oradan da sülhməramlı kontingentinə təqdim edilmiş məxfiləşdirilimiş 1:50 000 miqyaslı hərbi xəritə gətiriblər. Gündəlik hesabatı yığıb, onu Müdafiə Nazirliyinə təqdim edən zabit əslində “Mardakert” yox, Ağdərə olduğunu bilsə belə, məxfiləşdirilmiş xəritə üzərində necə yazılıbsa, elə də yazmalıdır. Hətta zabit o xəritə üzərindən yazılandan kənara çıxsa, cəzalandırılacaq.
Rusiya Müdafiə Nazirliyinin yaydığı yer adlarından belə görünür ki, onların əlində olan xəritələr, ən azı yer adları yenilənməyib, SSRİ zamanından qalmadır.
Azərbaycan Müdafiə Nazirliyi kimi elə mətbuatı da odu qoyub külü ilə oynayır.
Müdafiə Nazirliyi də günahı Rusiya sülhməramlılarında görür, mətbuat da. Mətbuat bir qədər də irəli gedərək bu işin başında sülhməramlı kontingentin komandanı Volkovu günahkar bilir. Volkovu hər şeydə tənqid etmək olar, ancaq bu məsələdə tənqidlər ona yapışmır. Əminəm, yazılanları oxuduqca, gülür ki, Azərbaycanda heçmi bilmirlər bu işlər şəxslərə yox, xəritələrə bağlıdır?..
Ordu iyerarxiya ilə idarə olunur. Dünyanın bütün ordularında əmr və göstərişlər aşağıdan yuxarı yox, yuxarıdan aşağıya doğru gəlir.
Azərbaycan Müdafiə Nazirliyi Rusiya sülhməramlı kontingentinə müraciətlər edib, təəssüf hissi keçirməkdənsə, qurumun əməliyyat idarəsi ərazinin xəritəsini adları dəqiq şəkildə qeyd edərək Rusiya Müdafiə Nazirliyinə təqdim etməlidir. Eyni zamanda siyasi basqı edilməlidir ki, bundan sonra rəsmi Bakının təqdim etdiyi xəritə ilə işləsinlər.
Müdafiə Nazirliyi bunu etməyib, hər gün etiraz mətni yaymaqla bu məsələ həll olacaq deyil. Müdafiə Nazirliyi bu mətnlərlə yalnız ictimaiyyətə işləyir, göstərməyə çalışır ki, “baxın, etiraz edirik”, “mübarizə aparırıq”, “işləyirik”. Buna da ancaq prosedur qaydasını bilməyənləri inandırmaq olar.

Hazırda həbsdə olan azərbaycanlı iş adamı, “Bina Tikinti Kompaniyası” MMC-nin sahibi Üzeyir Həsənov barəsində açılmış cinayət işinin detalları məlum olub.

Teref.az “Kriminalqafqaz”a istinadən xəbər verir ki, iş adamı ümumilikdə 9 milyon manata yaxın dövlət əmlakını mənimsəməkdə təqsirli bilinir. İttihama görə, Ü.Həsənov şirkətin baş mühasibi Emil Dadaşev və qeyriləri əlbir olaraq rəsmi sənədlərə bilə-bilə yalan məlumatlar daxil edib. Ona etibar edilmiş xüsusilə külli miqdarda dövlət əmlakını qulluq mövqeyindən istifadə etməklə talayıb.

Belə ki, Ü.Həsənov 2011-2017-cı illərdə Müdafiə Nazirliyinin sifarişi əsasında rayonlardan birində həyata keçirilən mərkəzi silah-sursat anbarlarının tikintisi, kommunikasiya xətləri, ərazinin abadlaşdırılması, tikinti və mebel avadanlıqlarının quraşdırılmasına görə dövlət büdcəsindən ayrılmış 7 milyon manatdan çox pulu mənimsəyib. Müqavilə üzrə təmir-tikinti öhdəliklərinin iş həcmi yerinə yetirilmədiyi və dəyərlərinin artırıldığı halda rəsmi sənədlərə bilə-bilə yalan məlumatların daxil edilməsini təmin edib.

Bundan başqa, o, 2018-2019-cu illərdə baş mühasiblə birlikdə Əmlak Məsələləri Dövlət Xidmətinin sifarişi əsasında Azərbaycan Tarix Muzeyinin ekspozisiyasının yüksək texnologiyalar əsasında təkmilləşdirilməsi, işıqlandırma və yanğın siqnalizasiya sistemlərinin yenidən qurulması, təmir-bərpa işlərin aparılmasına görə dövlət büdcəsindən ayrılmış 1.8 milyon manatadan çox pulu mənimsəyib.

Ü.Həsənov barəsində Cinayət Məcəlləsinin 179.4 (mənimsəmə və israfetmə) və 313-cü (vəzifə saxtakarlığı) maddələri ilə cinayət işi başlanıb. Ü.Həsənov hazırda Dövlət Təhlükəsizlik Xidmətinin təcridxanasında saxlanılır. Onun işinə Bakı Ağır Cinayətlər Məhkəməsində baxılır.

Almaniya NATO ərazisinin mühafizəsi səylərinə töhfəsini artırmaq niyyətindədir və 2025-ci ildən alyansı yüksək döyüş hazırlığında olacaq 30 min hərbçi ilə təmin etməyi planlaşdırır.

"Report" xarici KİV-ə istinadən xəbər verir ki, bunu Berlində Almaniya kansleri Olaf Şolts NATO-nun baş katibi Yens Stoltenberqlə birgə mətbuat konfransında deyib.

Kansler, həmçinin qeyd edib ki, o, Stoltenberqlə xüsusilə Şimali Avropada kritik infrastrukturun qorunması məsələsini müzakirə edib.

"Şimal axınındakı təxribat göstərdi ki, biz enerji infrastrukturumuz üçün riskləri tamamilə yenidən qiymətləndirmək məcburiyyətindəyik. Bu, xüsusilə Şimal dənizinə aiddir", - Şolts bildirib.

“İran rejiminin Ukraynaya zərbələr endirmək üçün ruslara təhvil verdiyi döyüş PUA-larının sayı yüzlərlədir”.

Bunu Pentaqonun spikeri general Patrik Rayder brifinqdə deyib.

O qeyd edib ki, Rusiya əlavə döyüş sistemləri əldə etməyin yollarını axtarmaqda davam edir.

Pentaqonun sözçüsü İran və Rusiya arasında qarşılıqlı fəaliyyətdən də narahatlığını dilə gətirib. Onun sözlərinə görə, onlar “terror ixracını davam etdirirlər və bu sistemlərdən qeyri-hərbi hədəflərə, o cümlədən mülki şəxslərə hücum etmək üçün istifadə edirlər”.

Suriyada Bəşər Əsəd administrasiyasına dəstək verən Rusiya Türkiyə sərhədindən təxminən 15 kilometr uzaqlıqdakı Tel Rifat bölgəsinə əlavə qüvvələr göndərdiyi məlum olub.

Sitat.info xəbər verir ki, Yerli sakinlər və Suriya İnsan Haqları Müşahidə Qrupunun AFP xəbər agentliyinə verdiyi məlumata görə, Rusiya qüvvələri Türkiyənin qurudan hücuma başlamaqla hədələdiyi kürd qüvvələri və Suriya ordusunun nəzarətində olan bölgədə varlığını artırıb.

Tel Rifat sakinləri Rusiyanın əlavə qüvvələrinin şəhərə çatdığını bildiriblər. Yerli sakinlərin sözlərinə görə, Rusiya qüvvələri bölgədə kürdlərin nəzarətində olan ərazilərlə Türkiyəyönlü qüvvələrin arasında yeni barrikadalar yerləşdirib.

Kürd qüvvələrinin əlində olan Tel Rifat bir tərəfdən Suriya ordusu, digər tərəfdən isə Türkiyənin dəstəklədiyi müxalif qüvvələr tərəfindən mühasirəyə alınıb.

Dövlət Sərhəd Xidmətinin (DSX) hərbi helikopterinin Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramasından 1 il ötür.

APA-nın məlumatına görə, 2021-ci il noyabrın 30-da saat 10:40 radələrində Dövlət Sərhəd Xidmətinin hərbi helikopteri Xızı rayonunda yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğrayıb.

Hadisə nəticəsində 14 nəfər yüksək rütbəli zabit şəhid olub, 2 nəfər isə ağır yaralanıb:

Şəhid olan hərbçilərin adları:

1. Polkovnik Cavadov Füzuli Əli İbram oğlu;

2. Polkovnik-leytenant Nəzirov Emil Nəzir oğlu;

3. Mayor Həsənov Elmir Mircəlil oğlu;

4. Mayor Əhmədov Elbrus Səmrəddin oğlu;

5. Mayor Mayılov Emil Şahid oğlu;

6. Mayor Məmmədov Murad Yaşar oğlu;

7. Mayor Əliyev Emil Elman oğlu;

8. Tibb xidməti kapitanı Əhmədxanov Ceyhun Xanlar oğlu;

9. Kapitan Bayramlı Cavid Əhliman oğlu;

10. Kapitan Əliyev Xəyyam Əlixan oğlu;

11. Kapitan Qaraisayev Teymur Ənvər oğlu;

12. Leytenant Süleymanov Abdulla Telman oğlu;

13. Baş leytenant Nağıyev Fərid Təyyar oğlu;

14. Nəbiyev Elçin Fikrət oğlu (ehtiyatda olan polkovnik).

Hadisə zamanı polkovnik-leytenant Cəfərov Emil Məmməd oğlu və kapitan Ədilov Ramin Ramiz oğlu yaralanıblar.

Faktla bağlı Baş Prokurorluğun İstintaq idarəsində Cinayət Məcəlləsinin müvafiq maddələri ilə cinayət işi başlanıb və cinayət işinin istintaqı Baş Prokuror tərəfindən xüsusi nəzarətə götürülüb.

“Patriot” kompleksləri şəxsi heyətlə birlikdə Kiyevə çatdırılsa, onlar Moskvanın hərbi hədəflərinə çevriləcək".

"Report" xəbər verir ki, bu barədə Rusiya Təhlükəsizlik Şurasının sədr müavini Dmitri Medvedyev teleqram kanalında yazıb.

Qeyd edək ki, NATO baş katibi Yens Stoltenberq alyans ölkələrinin xarici işlər nazirlərinin iclasının yekunları üzrə mətbuat konfransında bildirib ki, təşkilat hazırda Ukraynaya "Patriot" hava hücumundan müdafiə sistemlərinin verilməsini müzakirə edir.

Rusiya Federasiyasının sülhməramlı kontingentinin müraciətlərimizə etinasız yanaşması təəssüf doğurur.

Bu barədə Azərbaycan Müdafiə Nazirliyinin açıqlamasında deyilir.

Nazirliyin açıqlamasına görə, Azərbaycan Respublikası ərazisindəki yaşayış məntəqələrimizin adlarının uydurma erməni toponimləri ilə qeyd olunması, o cümlədən "Dağlıq Qarabağ ərazisi" ifadəsinin işlənməsi ilə bağlı bir daha qeyd etmək istəyirik ki, bu YOLVERİLMƏZDİR.

"Rusiya Federasiyasının sülhməramlı kontingentini rəsmi məlumatlarında qeyd etdiyimiz yanlış ifadələrdən istifadə etməməyə çağırırıq və bu çağırışımıza əməl olunacağına ümid edirik. Bundan başqa ölkəmizin adının da paylaşdıqları xəritədə düzgün qeyd olunmasını tələb edirik.

Bir daha xatırlatmağı özümüzə borc bilirik ki, Rusiya Federasiyasının Müdafiə Nazirliyinin rəsmi internet səhifəsində dərc olunan Rusiya Federasiyasının sülhməramlı kontingentinin 29.11.2022-ci il tarixli rəsmi məlumatında "Dağlıq Qarabağ ərazisi" kimi qeyd olunan ərazi Qarabağ iqtisadi rayonudur, “Mardakert” və "Martuni" kimi adlandırılan Azərbaycan yaşayış məntəqələrinin rəsmi adları isə müvafiq olaraq AĞDƏRƏ, XOCAVƏNDDİR", - açıqlamada bildirilir.

Nazirlikdən o da vurğulanıb ki, sülhməramlı kontingentin həmin məlumatda qeyd etdiyi guya Azərbaycan Ordusunun bölmələri tərəfindən Şuşa istiqamətində atəş açılması və nəticədə iki nəfərin yaralanması barədə xəbərin də heç bir real əsası yoxdur, tamamilə yalandır.