TEREF.AZ TASS-a istinadən yazır ki, Rusiyanın müdafiə naziri Sergey Şoyqu Ukraynadakı birləşmiş qüvvələr qrupunun komandanı Sergey Surovikinin məruzəsindən sonra rus qoşunlarının işğalın ilk günlərində işğal olunmuş Xersondan Dnepr çayının sol sahilinə çıxarılması barədə göstəriş verib.

“Razıyam.... Qoşunların çıxarılmasına davam edin”, - Şoyqu bildirib.

Günün birinci yarısında rusiyalı hərbi bloqçular bəzi mühüm xəbərləri açıqladılar - ehtimal ki, Ukraynanın payızda əks-hücum etdiyi istiqamətdə Xersonla bağlı.
Ekspertlər və hərbi bloqçular uzun müddətdir ki, Dnepr çayının iki sahilini birləşdirən Antonovski körpüsünün qismən dağıdılmasından sonra təchizatı dayandırılan rus qoşunlarının Xersondan geri çəkilməsini düşünürlər. Ukraynanın Xerson vilayətində payız hücumu başlayandan və işğal administrasiyasının evakuasiya tədbirlərindən sonra hadisələrin belə inkişafı daha da gözlənilən oldu.

“Kiyev Rusiyanın Ukraynaya qarşı İran silahlarından istifadə etməsinin qarşısını almaq üçün sərt tədbirlər görməyə davam edəcək”.

Bunu Ukrayna Xarici İşlər Nazirliyinin (XİN) nümayəndəsi Oleq Nikolenko feysbuk səhifəsində yazıb.

“İranın xarici işlər naziri açıq şəkildə etiraf edib ki, Tehran Ukraynaya genişmiqyaslı müdaxilədən bir neçə ay əvvəl Rusiyaya pilotsuz uçuş aparatları (PUA) təhvil verib. Amma bundan qabaq İran Rusiyaya silah tədarükü həyata keçirdiyini inkar edirdi”, – o qeyd edib.

Onun sözlərinə görə, Tehran anlamalıdır ki, Rusiyanın Ukraynaya qarşı həyata keçirdiyi cinayətlərdə iştirak etməyin mənfi nəticələri Moskvaya dəstək verən zaman əldə etdiyi faydadan qat-qat böyük olacaq.

Ukraynanın şərqindəki bir sıra bölgələrdə hava xəbərdarlığı elan edilib.

“Report” “Air Alert Map”ə istinadla xəbər verir ki, Xarkov, Dnepropetrovsk, Poltava, Sumı və Zaporojye vilayətlərində həyəcan siqnalı verilib.

Bundan başqa, Xarkov vilayətində partlayışların olması barədə də məlumat yayılıb.

Ukrayna ordusu cənubda 30-dan çox işğalçını, üç sursat anbarını və texnikanı məhv edib.

Teref.Az teleqraf.com-a istinadən bildirir ki, bu barədə Cənub əməliyyat komandanlığından bildirilib.

"Cənub Buzka əməliyyat zonasında vəziyyət çətin olaraq qalır, lakin ərazi Ukrayna ordusunun nəzarətindədir. Təmas xəttində aktiv döyüşlər davam edir. Düşmən qüvvələri işğal olunmuş mövqelərdə müdafiə əməliyyatları aparılmağa, zərbələr endirməyə çalışır", - "Cənub" əməliyyat komandanlığının mətbuat katibi Vladislav Nazarov bildirib.

Nazarovun sözlərinə görə, gün ərzində Ukrayna artilleriyaçıları, reaktiv yaylım atəşi sistemləri düşmən mövqelərinə və düşmən qüvvələrinin cəmləşdiyi ərazilərə zərbələr endirib:

"Rus ordusu Berislavski və Xerson rayonlarında 32 personal, 4 zenit və artilleriya qurğusu, 3 tank, 3 avtomobil, 3 sursat anbarı itirib. Krımın cənub-qərb sahilləri boyunca manevr edən düşmənin 7 gəmisi və kateri Qara dənizin sularında öz tapşırıqlarını yerinə yetirir".

İranın noyabrın 3-də Moskvaya göndərdiyi nəqliyyat təyyarəsində kamikadze-dronları ola bilər.

"Report" xəbər verir ki, bu barədə “RBK-Ukraina” Almaniyanın “Bild” nəşrinə istinadən məlumat yayıb.

Nəşrin məlumatına görə, “İl-76” təyyarəsi noyabrın 3-ü səhər tezdən Tehrandan havaya qalxaraq günorta saatlarında Moskvadakı “Vnukovo” hava limanına enib.

“Bild”in hərbi eksperti Yulian Röpke qeyd edir ki, uçuş ABŞ-ın sanksiyalar siyahısında olan “Pouya Air” aviaşirkəti tərəfindən həyata keçirilib. Eyni zamanda ABŞ Maliyyə Nazirliyi bu aviaşirkətin təyyarələrinin qeyri-qanuni yüklərin daşınması üçün istifadə olunduğunu iddia edir.

Y.Röpke hesab edir ki, məhz “İl-76”da rusların Ukraynaya qarşı müharibədə fəal şəkildə istifadə etdiyi “Şahed-136” dronlarının yeni partiyası Moskvaya gətirilib.

Hərbi ekspert: “Bu, güc nümayişidir və Azərbaycan sərsəm fikrə düşən qonşumuza necə cavab verəcəyini göstərir”

Azərbaycan Ordusunun xüsusi təyinatlı qüvvələrinin təlimləri başlayıb. Müdafiə Nazirliyi bildirir ki, təlimlər Azərbaycanın cənub sərhədlərinə yaxın ərazilərdə keçirilir.

“Xüsusi təyinatlı qüvvələrin komandanı, general-leytenant Hikmət Mirzəyevin rəhbərliyi ilə keçirilən təlimlərin planına əsasən, hərbi hissələr “Həyəcan” siqnalı ilə qaldırılıb.

Xüsusi təyinatlılar daimi dislokasiya məntəqələrini tərk edərək əməliyyat rayonuna irəlilədikdən sonra komandirlərin məruzələri dinlənilib, tapşırıqlar dəqiqləşdirilib. Təlimlərə cəlb olunan Hərbi Hava Qüvvələrinin hissələri və bölmələri, raket və artilleriya qoşunları müvafiq aerodrom və rayonlarda cəmləşib. Onların digər qoşun növləri ilə qarşılıqlı əlaqəsi təşkil edilib”, – deyə press-relizdə bildirilir.

Plana əsasən, təlimin sonrakı mərhələlərində xüsusi təyinatlı birləşmələr Hərbi Hava Qüvvələri və onlara dəstək verən raket-artilleriya bölmələri ilə birgə bir sıra tapşırıqları yerinə yetirəcək.

Qeyd edək ki, təlimlər çərçivəsində xüsusi təyinatlı birləşmələrin ayrı-ayrılıqda müəyyən xüsusi hazırlıqları da yoxlanılır.

Turan agentliyi xəbər verir ki, press-relizdə də vurğulandığı kimi, təlimlər müdafiə nazirinin 2022-ci il üçün təsdiq etdiyi döyüş hazırlığı planına uyğun olaraq keçirilir.

Xatırladaq edək ki, oktyabr ayında İran İslam İnqilabı Keşikçiləri Korpusunun qüvvələri Azərbaycan sərhədinin bilavasitə yaxınlığında genişmiqyaslı təlimlər keçirib. Və bu təlimlər İran generallarının Azərbaycana qarşı təhdid xarakterli bəyanatları ilə müşayiət olunub.

Bu mənzərəni Bakının cavab addımı hesab etmək olarmı? Azərbaycan İrana qorxmadığını və aqressiv eyhamlara cavab verəcək qüvvəsinin olduğunu nümayiş etdirir? Bu cavab praktiki baxımdan nə dərəcədə faydalıdır? Bunun molla rejiminə soyuq duş təsiri ola bilərmi?

Press Klubun suallarını hərbi ekspert, Müdafiə Nazirliyinin İnformasiya-analitik şöbəsinin keçmiş əməkdaşı Azad İsazadə cavablandırıb:

– Prinsipcə, bu cür manevrlərin bir az əvvəl başlayacağını gözləyirdim. Amma görünür, hansısa hazırlıq işləri gedirmiş, çünkü onlar elan olunmadı. Niyə bir az əvvəl keçiriləcəyini gözləyirdim? Çünki biz ümumiyyətlə beynəlxalq təcrübədə tez-tez görürük ki, hansısa dövlət sərhəd yaxınlığında manevrlər keçirəndə, qonşu ölkənin silahlı qüvvələri də təxminən eyni zonada qarşılıqlı təlimlər keçirməyə başlayır. Xüsusən də onlar demək olar ki, eyni vaxtda keçirilirsə, bu, ona işarədir ki, biz də qoşunları bura çəkmişik və əgər sizin manevrləriniz rəvan şəkildə hansısa təxribata çevrilsə, bizim qoşunlarımız da buradadır və onlar hazırdırlar.

Ümumiyyətlə, hər hansı bir manevr təkcə təlim deyil, həm də güc nümayişidir. Deməli, İran bu yaxınlarda Azərbaycanla sərhəddə gücünü nümayiş etdirdi və buna cavab olaraq Bakı da nümayiş etdirir ki, biz qorxmuruq, vəziyyətin istənilən inkişafına hazırıq və silahlı qüvvələr yaxın ərazidə təlimlər keçirir.

Xüsusi təyinatlı qüvvələrin, Hərbi Hava və raket qüvvələrinin birgə təlim keçirməsi isə Azərbaycan tərəfinin nəyə hazır olduğunu təsəvvür etməyə imkan verir. Birincisi, cənub sərhədində iki hava limanımız açıqdır. Onların təlimlərə cəlb olunacağı fakt deyil, amma tamamilə mümkündür ki, hərbi pilotlar təlimlər zamanı bu obyektlərlə tanış olacaqlar. Bu hava limanları, xüsusi hallarda həm də “atlama aerodromları” kimi xidmət edə bilərlər – yəni havaya qalxdılar, vurdular və geri döndülər.

Raket və artilleriya qoşunları isə nümayiş etdirir ki, lazım gələrsə, Araz çayı üzərindən hər hansı qanunsuz keçidlərə zərbələr endiriləcək.

Ehtimal edək ki, İran Silahlı Qüvvələri sərhədimizi keçib və hücum əməliyyatları aparır. Burada Ukraynadakı vəziyyətlə kiçik bir paralel apara bilərsiniz – dərhal təcavüzkar tərəfin rabitə, sursat, yanacaq, ərzaq təminatına ehtiyacı yaranır. Müdafiə olunan tərəfin xüsusi təyinatlı qüvvələrinin vəzifəsi bu əlaqəni kəsmək, arxada təxribat törətmək, sursat anbarlarını partlatmaq və sairdir. Nəzərə alsaq ki, Arazın o tayında da azərbaycanlılar yaşayırlar, xüsusi təyinatlı qüvvələrə mümkün düşmənin arxasında, İran İslam Respublikası ərazisində belə təxribat törətmək heç də çətin olmayacaq.

Dəhşətli mənzərədir, ancaq bu manevrlərdə hansı oyunların oynanıla biləcəyini çatdırmaq istəyirəm. Və müvafiq olaraq, bütün bu üç qoşun növü qarşılıqlı əlaqədə olmalıdır. Xüsusi təyinatlılar ilk növbədə kəşfiyyat aparmalı, həm raket-artilleriya atəşi, həm də aviasiya atəşi üçün hədəfi göstərməlidir.

Deməli, bəli, bu, güc nümayişidir və indi Azərbaycan, artıq dəfələrlə sərhədlərimiz yaxınlığında təlimlər keçirən cənub qonşumuz hansısa sərsəm fikir düşərsə, ona necə verəcəyini açıq şəkildə göstərir.

Rauf Orucov