 |
|
|
Ukrayna Silahlı Qüvvələri Rusiya ordusunu Luqansk vilayətinin Karmazinovka, Myasojarovka və Nevskoye və Donetsk vilayətinin Novosadovo yaşayış məntəqələrindən sıxışdıraraq çıxarıb.
“Report” “RBK-Ukraina”ya istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
“Düşmən müvəqqəti işğal etdiyi əraziləri saxlamağa, taktiki vəziyyəti yaxşılaşdırmağa çalışır, müəyyən istiqamətlərdə müdafiə qüvvələrinin hərəkətlərinin qarşısını almağa səylərini cəmləşdirir, eyni zamanda Baxmut və Avdeyevski istiqamətlərində hücum əməliyyatları aparır”, - məlumatda deyilir.
Ukrayna Silahlı Qüvvələri son sutka ərzində Spirnoye, Soledar, Baxmut, Andreyevka, Maryinka və Pervomayskoye yaşayış məntəqələri ərazilərində hücumları dəf edib.
“Ukraynanın raket qoşunları və artilleriya qüvvələri son sutkada dörd komanda məntəqəsini, canlı qüvvənin, silah və hərbi texnikanın cəmləşdiyi on ərazini, altı sursat anbarını, zenit-raket kompleksini, artilleriya atəşi mövqelərinin ərazisini və düşmənin digər üç mühüm hədəfini vurub”, - Baş Qərargahdan bildirilib.
Qeyd edək ki, daha əvvəl Ukrayna Silahlı Qüvvələrinin Xerson vilayətində 90-dan çox yaşayış məntəqəsini işğaldan azad etdiyi bildirilmişdi.
Rusiya Baş Qərargah rəisi Valeri Gerasimov ilə ABŞ Birləşmiş Qərargah Rəisləri Komitəsinin sədri Mark Milli arasında baş tutan telefon danışığı zamanı Ukraynanın “çirkli bomba”dan mümkün istifadəsi üzrə müzakirələr davam etdirilib.
“Report” “İnterfaks”a istinadən xəbər verir ki, bu barədə Rusiya Müdafiə Nazirliyindən bildirilib.
Bundan əvvəl isə Rusiya Müdafiə Nazirliyi Gerasimovun Böyük Britaniyanın Müdafiə Qərargah rəisi Toni Radakinlə telefon danışığı apardığını bildirmişdi.
Eyni zamanda, oktyabrın 23-də Rusiyanın müdafiə naziri Sergey Şoyqu Pentaqonun rəhbəri Lloyd Ostin, Fransanın müdafiə naziri Sebastyan Lekornyu, Türkiyənin müdafiə naziri Hulusi Akar və Böyük Britaniyanın müdafiə naziri Ben Uolleslə telefon danışıqları barədə məlumat verilmişdi. Rusiya hərbçiləri Kiyevin “çirkli bomba” və ya az güclü nüvə silahından istifadə edərək təxribat yaratmaq planları barədə məlumatlara malik olduqlarını bildiriblər.
İran Silahlı Qüvvələrinin Quru Qoşunları Qərbi Azərbaycan vilayətində, İraq və Türkiyə ilə sərhəddə hərbi təlimlərə başlayıb.
Redaktor.az xəbər verir ki, bu barədə “Mehr” məlumat yayıb.
Manevrlər xüsusilə Pasve və Piranşəhr yaşayış məntəqələri ərazisində təşkil olunub.
Hərbi təlimlərin keçirilməsində məqsəd bölmələrin döyüş hazırlığının artırılması və gecə saatlarında hərəkətlərin işlənib hazırlanmasıdır.
Qeyd edək ki, bundan əvvəl İran İnqilab Keşikçiləri Qvardiyası (SEPAH) Araz çayı sahilində, Azərbaycan Respublikası ilə sərhəddə irimiqyaslı hərbi təlim keçirib.
Təlimə regional Aşura qərargahı komandanlıq edib. Təlimlər hərbi manevr döyüş hazırlığının artırılması və yoxlanılması məqsədilə keçirilib.
Ukrayna prezidenti Vladimir Zelenskinin fikrincə, Avropanın bu hissəsində yalnız bir subyekt nüvə silahından istifadə edə bilər, o da Ruisyadan başqası deyil.
Musavat.com xarici agentliklərə istinadən xəbər verir ki, bunu Ukrayna lideri Rusiya müdafiə naziri Sergey Şoyqunun bəyanatını şərh edərkən söyləyib.
“Bu gün Rusiyanın müdafiə naziri telefon karuseli təşkil edəndə və xarici işlər nazirlərinə qondarma çirkli nüvə bombası haqqında hekayələr danışanda da hamı hər şeyi çox gözəl başa düşür”, - deyə o, videomüraciətində bildirib.
"Rusiya hara ölüm və deqradasiya gətirdisə, biz normal həyatı bərpa edirik. Söhbət ukraynalılardan gedir. Ukraynanın olduğu yerdə həyat heç vaxt məhv edilmir. Amma Rusiya gələn yerdə özündən sonra kütləvi məzarlar, xaraba qalmış şəhərlər, minalanmış torpaqlar, dağılmış infrastruktur və təbii fəlakətlər buraxır",-deyə Zelenski qeyd edib.
"Əgər kimsə Avropanın bizim olan hissədə nüvə silahından istifadə edə bilərsə, bu, bir nəfərdən başqası deyil. O da yoldaş Şoyquya harasa zəng etməyi əmr edəndir",-deyə Ukrayna prezidenti söyləyib.
Xatırladaq ki, Rusiya mediası Ukraynanın guya “çirkli bomba”dan istifadə edərək təxribat hazırladığına dair iddialar yaymağa başlayıb. Bunu Rusiya müdafiə naziri Sergey Şoyqu Türkiyə, Fransa, Böyük Britaniya və ABŞ-dan olan həmkarları ilə söhbətində də bildirib.
Suriya Müşahidə Mərkəzinin məlumatına görə, İran PUA-ları üçün sursat və ehtiyat hissələrinin axını 2022-ci ilin yanvarında Dimas hava limanına gəlməyə başlayıb.
Bundan əlavə, terrorçu Hizbullah üzvləri İranın strateji silahlarını saxlamaq üçün bu hava limanında və onun ətrafında qazma işləri aparırdılar.
Dimas hərbi hava limanına edilən hücum nəticəsində hissələri İranda istehsal olunaraq Suriyaya göndərilən pilotsuz təyyarələrin toplanması yeri məhv edilib.
Uçuş-enmə zolaqlarından biri də dağıdılıb, hərbi radar zədələnib.
Ermənistana görə bizə hədə gələn İran nə üçün susur???
Cavid Dəmirli
Teref.az
HDQ və HHQ sahəsində vəziyyətin daha ağır olduğu bildirilir
Yüksək inflyasiya və avronun zəifləməsinə görə Almaniya bəzi hərbi proqramları təxirə salıb.
Teref.az-ın APA-ya istinadla xəbərinə görə, büdcənin vəziyyəti yeni arsenalın alınmasına imkan vermir. HDQ və HHQ sahəsində vəziyyət daha ağırdır. İnflyasiya bütün proqramlara təsir göstərib. Bura il növbədə "K130" gəmiləri və "Eurofighter" təyyarələrinin alınması daxildir.
İranlı təlimatçılar Ukraynadakı infrastruktur obyektlərində "Şahed-136" kamikadze pilotsuz təyyarələrin buraxılışını koordinasiya işində Rusiyaya kömək etmək üçün Belarusa yola düşüblər.
“Report” bu barədə Ukrayna mətbuatına istinadən xəbər verir.
Qeyd olunur ki, Qomel vilayətinin Mikuliçi kəndində İslam İnqilabı Keşikçiləri Korpusunun zabitləri görünüb.
Məlumata görə, onlar Ukraynanın şimal və qərb vilayətlərində, eləcə də Kiyev vilayətində yerləşən infrastruktur obyektlərində pilotsuz təyyarələrin buraxılmasını həyata keçirəcək.
Rusiyalı hərbi jurnalist, “WarGonzo” layihəsinin müəllifi Semyon Peqov yaralanıb. Bu barədə layihənin “Telegram” kanalında məlumat verilib.
Məlumata görə, hadisə Donetsk yaxınlığında baş verib.
Peqovun sağ ayağının iki barmağının sındığı, ayaqlarında kəsiklərin olduğu bildirilib.
Qeyd olunub ki, hazırda Semyon Donetsk xəstəxanasındadır və onun həyatına təhlükə yoxdur.
"Qərb Ukraynanı qorumaq isrəyirsə, təkcə müdafiə vasitələri deyil, hücum vasitələri də verməyə məcbur olacaq..."
"İsrail Ukraynaya "Dəmir kümbəz", zenit qurğuları verə bilər, bunlar ki, müdafiə vasitələridir..."
"İsrail həkimlərinin Putinin xərçəngdən müalicə etməsinin məsələyə dəxli yoxdur..."
"İran dronların əvəzinə Rusiyadan nəsə əldə edə bilər, söhbət iki izqoy ölkənin əməkdaşlığından gedir..."
Qərb Ukraynaya Rusiyanın Ukraynaya qarşı müharibədə istifadə etdiyi İran dronlarından daha keyfiyyətli dronlar verməlidir.
Moderator.az xəbər verir ki, bu barədə "QORDON" internet nəşrinin təsisçisi Dmitri Qordona müsahibəsində rusiyalı hüquqşünas Mark Feyqin bəyan edib.
"Çox vacibdir ki, Ukraynaya o dronlardan, amma daha keyfiyyətlisi verilsin. Çünki madam ki, sizin dronlar uçur, demək, bizim də min km uzağa, Moskvayadək uçan dronlarımız var". Bu, məntiqə uyğundur. Bunlar çəkindirici vasitədir. Ya siz, ya da biz", - o, deyib
"Yəni Rusiya o dronlardan istifadə etməzdən öncə min dəfə düşünəcək", - Feyqin qeyd edib.
O, hesab edir ki, Qərb "Ukraynanın ərazisini müdafiə etmək üçün təkcə müdafiə vasitələri deyil, həm də zərbələr üçün hücum vasitələri verməyə məcbur olacaq".
Daha sonra Feyqin deyib ki, İsrail Ukraynaya hava hücumundan müdafiə sistemləri verə bilər, çünki bunlar müdafiə vasitəsidir. Məsələn, "dəmir künbəz" vermək olar. Burada nə var ki, mən anlamıram. Bunlar müdafiə vasitələridir və rusiyalı əsgərləri öldürmək üçün deyil", - Feyqin deyib.
O, qeyd edib ki, İsrail siyasətçiləri Rusiyadan qorxur.
"Əlbəttə, qorxurlar...amma dünya 24 fevraldan sonra dəyişib. Prioritetlər dəyişir. Moskvanın da prioritetləri dəyişir. İsrail Qərbin müttəfiqidir, Moskva Qərblə münaqişədədir. Ona görə də xam xəyallara dalmaq olmaz".
"İsrail həkimlərinin Putini xərcəngdən müalicə etməsinin də məsələyə dəxli yoxdur. Dövlət miqyaslı vəzifələr hər hansı empatiyadan vacibdir", - o, vurğulayıb.
"İsrail künbəzləri və zenit qurğuları çox gözəldir, onları vermək lap yerinə düşər. Axı dronlar mülki əhalini, mülki infrastrukturu məhv edir. Onlar ukraynalıların qışda evlərində donmasını istəyir. Başa düşürsünüzmü?".
Sonda Feyqin diqqəti ona çəkib ki, İran dronlarının tədarükü müqabilində Rusiyadan nəsə ala bilər.
"İsrail də, ABŞ da nəzərə almalıdır ki, Tehran nəsə əvəzində ala bilər və ya artıq alıb. Məsələn, nüvə silahının istehsalı texnologiyası, hərbi texnologiyalar ala bilər".
O, güman edir ki, söhbət "iki izqoy ölkənin" əməkdaşlığından gedə bilər.
"İran artıq terrorçuluğa sponsorluq edən ölkədir. Rusiyanın da bu statusa layiq görülməsinə bir şey qalmayıb. Nədən bu sahədə əməkdaşlıq edilməsin? Vaxtilə Stalin Mao-Tszeduna nüvə bombası verməyibmi? Çinin nüvə silahı haradandır? Əlbəttə, Moskvadan", - Feyqin deyib.
"Ukraynanın Xerson vilayətində işğalçıların böyük qüvvəsi mühasirəyə alınıb".
Bu barədə Britaniyanın istefada olan hava vitse-marşalı Şon Bell" Sky News" telekanalında danışıb.
Bell deyib ki, ruslar mühasirədən çıxa bilməsə məhv olmaq riski var.
"Əgər həmin hərbi qüvvələr getsələr, bu, Rusiya üçün çox, çox böyük məğlubiyyət olacaq. Ukraynadakı rus qoşunun komandanı general Surovikinin Xersondakı ağır vəziyyət ilə bağlı bəyanatı əsgərlərdə ruh düşkünlüyü yaradıb. Onların bəziləri mülki geyimdə Xersondan qaçmağa çalışır..."
Vitse marşal onu da əlavə edib ki, ruslar üçün Xersondan qaçmaq da çətin olacaq.
"Dnepr çayı üzərindəki bütün körpülər dağıdılıb, ona görə də ponton körpülər üzərindən ağır texnikanın daşınması çox ləng və çətindir. Əgər Surovkin qoşunları Xersondan təcili geri çəkməsə, rus əsgərlərinin arasında çaxnaşma riski artacaq”, - ekspert əlavə edib.