Rusiya prezidenti Vladimir Putin Xerson sakinlərinin döyüş bölgəsindən çıxarılması barədə göstəriş verib.

32gun.az Rusiya KİV-ə istinadən xəbər verir ki, Putin bu barədə jurnalistlərə açıqlamasında söyləyib.

"Mülki əhali hərbi əməliyyatlarla bağlı atəş və hücum tədbirlərindən əziyyət çəkməməlidir" - deyə, o, bildirib.

Bolqarıstan parlamenti ilk dəfə olaraq Ukraynaya hərbi yardımın göndərilməsini təsdiqləyib, yerli hökumət bir ay ərzində ora hansı növ silahların göndəriləcəyinə və bunun Bolqarıstanın müdafiə qabiliyyətinə zərər vurub-vurmayacağına qərar verəcək.

"Report" xəbər verir ki, bu barədə AP məlumat yayıb.

Ukraynaya bu cür yardımın göndərilməsinin lehinə 175 deputat, əleyhinə isə 49 parlament üzvü səs verib, 1 nəfər bitərəf qalıb.

Bolqarıstan indiyədək öz obyektlərində Ukrayna hərbi texnikasını təmir etməyə razılıq verib, lakin ölkə Prezident Rumen Radev və bəzi siyasi partiyaların etirazları səbəbindən hərbi yardım göndərməyib.

Ukraynada “Vaqner”in helikopter alayının komandiri Vyaçeslav Zanqiyev məhv edilib.

Sozcu.az xəbər verir ki, bu barədə bloger Nekro Manser məlumat verib.

Qeyd olunur ki, o, oktyabrın 31-də Donbasda Mİ-8 helikopterini idarə edərkən Ukrayna əsgərləri tərəfindən vurulub.

Rus generallar Putinin olmadığı görüşdə nüvə silahından istifadə ilə bağlı müzakirələr aparıblar.

“AzPolitika.info” xəbər verir ki, bu barədə “The New York Times” nəşri ABŞ rəsmilərinə istinadla məlumat yayıb.

ABŞ rəsmiləri iddia ediblər ki, yüksək rütbəli Rusiya hərbi rəsmiləri Ukraynada taktiki nüvə silahından nə vaxt və necə istifadə edə biləcəklərini müzakirə etmək üçün bu yaxınlarda bir araya gəliblər. Xəbərdə Rusiya Prezidenti Vladimir Putinin bu görüşdə iştirak etmədiyi bildirilir.

“Rusiya rəsmilərinin belə müzakirə aparması ABŞ-ı narahat edir. Əslində bu, rus generallarının meydandakı uğursuzluqlardan nə qədər məyus olduqlarının sübutudur. Bu, Putinin nüvə silahından istifadə ilə bağlı üstüörtülü hədələrinin sadəcə sözdən ibarət olmadığını göstərir”,- məlumatlı mənbə bildirib.

ABŞ rəsmiləri rusların cəbhədə nüvə silahı yerləşdirdiyinə və hücum üçün addımlar atdığına dair sübutların olduğunu vurğulayıblar.

“Əgər zəfər Rusiyanın deyilsə, bu o deməkdir ki, qalib Ukraynadır”.

Bu sözlər Rusiya Təhlükəsizlik Şurasının sədrinin müavini, keçmiş prezident Dmitri Medvedevin şəxsi telegram kanalında yazdığı növbəti statusunda əks olunub.

“Ukraynanın müharibədəki məqsədi bəllidir- əvvəllər ona məxsus olan bütün ərazilərin qaytarılması. Yəni onların Rusiyadan qoparılması. Bu isə dövlətimizin mövcudluğu və bugünkü Rusiyanın dağılması təhlükəsini doğurur”, - Medvedev yazıb.

Medvedev vurğulayıb ki, bu isə nüvə silahından çəkindirmə sahəsində Rusiyanın dövlət siyasəti sənədinin 19-cu bəndinin tətbiqi üçün birbaşa səbəb deməkdir.

“Bu sənədin 19-cu bəndi nüvə silahının tətbiqinin şərti kimi “dövlətin mövcudluğu təhlükə altında olduqda adi silahlardan istifadə etməklə Rusiya Federasiyasına təcavüzü” tanıyır. Bəs onda kim nüvə münaqişəsini planlaşdırır, soruşa bilərəmmi? Nüvə silahından istifadə etməklə dünya müharibəsinin birbaşa təxribatı deyilsə, bəs onda bu nədir?”, - o əlavə edib.

Onların əksəriyyəti Kərəm Mustafayevin zülmündən bu addımı atmağa məcbur olub.
“Qara pişiy”in iddiasına görə, Naxçıvanda ehtiyata buraxılan zabitlər əslində 6 il orda xidmət etməli imişlər. Amma Kərəm Mustafayev onları özünün köləsi hesab etdiyindən bu hüquqlarını tanımayıb və zorla öz vəzifələrində saxlayıb. Psixoloji basqılara, xidmətin ağırlığına, maaşlarının kəsilməsinə və s. kimi qanunsuzluqlara dözə bilməyən zabitlər vaxtından əvvəl ehtiyata buraxılmaq barədə ərizə yazmalı olublar. Ehtiyata buraxıldıqdan sonra Azərbaycanın digər rayonlarında da işə götürülməyiblər. Çünki Naxçıvanın yazılmamış qanunları var: Muxtar Respublikada işdən çıxan və ya çıxarılan heç məmur Azərbaycanın digər rayonlarında işlə təmin oluna bilməzlər.
Bildirilir ki, hərbi qanunvericilikdə 3 cür xidmət nəzərdə tutulur: həqiqi həqiqi xidmət, ehtiyata çıxmaq və istefa.
İstefaya çıxmaq yaşla və ya səhhətlə əlaqədar olur. Hərbi qulluqçunun yaşı keçərsə və ya səhhətində hər hansı problemlər yaranarsa, istefaya göndərilir. Onlar hərbi xidmətə yararsız hesab olunurlar və müharibə şəraitində belə bu hərbçilər səfərbərliyə alınmırlar.
Ehtiyata buraxılan hərbi qulluqçular isə ən azı 10 xidmət göstərməlidirlər. 10 il xidmət göstərdikdən sonra işdən ayrılmaq istəyənlər ehtiyata buraxılır və lazım gələrsə, onlar yenidən hərbi xidmətə çağırılırlar. Naxçıvanda son iki ildə ehtiyata buraxılan hərbçilər də bu katerqoriyaya aiddirlər. Əksəriyyəti 40 yaş civarında olan hərbçilərdir və yüksək döyüş qabiliyyətinə malikdirlər. Amma indidən təxris olunublar.
Hərbi qulluqlarını yarıda kəsməyə məcbur olan bu zabitlərin əksəriyyəti hazırda 200-300 manatla dolanırlar.
Heydər Oğuz
Teref.az

Səudiyyə Ərəbistanı İranın krallıqdakı hədəflərə qaçılmaz hücumu ilə bağlı ABŞ-la kəşfiyyat məlumatları paylaşıb.

Bu barədə “Vol Strit Jurnal” məlumat yayıb.

Bildirilib ki, Səudiyyə ilə yanaşı regiondakı bir sıra ölkələr ordunun döyüş hazırlığı səviyyəsini yüksəldib.

Belə ki, İranın Səudiyyə ilə yanaşı, İraqın Kürdüstan muxtariyyətinin Ərbil şəhərinə hücum edəcəyi bildirilir.

İddiaya görə, İran hakimiyyəti bununla daxildəki etirazlardan diqqət yayındırmağa çalışacaq./Axar.az

Türkiyə Böyük Millət Məclisi (TBMM) ölkə hərbçilərinin Azərbaycanda qalma müddətinin daha bir il uzadılması ilə bağlı qanun layihəsini qəbul edib.

Türkiyə Prezidenti Rəcəb Tayyib Ərdoğanın imzası ilə ölkə parlamentinə göndərilən qanun layihəsi müzakirələrdən sonra təsdiqlənib.

Qanun layihəsinə əsasən, Ağdam rayonunda Türkiyə-Rusiya Birgə Monitorinq Mərkəzində fəaliyyət göstərən Türkiyə hərbçilərinin Azərbaycanda qalma müddəti daha bir il uzadılıb.

Qeyd edək ki, belə bir qərar Türkiyə ilə Azərbaycan arasında strateji tərəfdaşlıq və qarşılıqlı yardım müqaviləsinə əsaslanır. Bu, atəşkəsin qorunması, təxribatların qarşısının alınması, regionda sülh və sabitliyin təmin olunması məqsədi daşıyır.

Xatırladaq ki, 2020-ci il noyabrın 17-də Türkiyə Böyük Millət Məclisi ölkənin Silahlı Qüvvələrinə qoşunlarını bir il müddətinə Azərbaycana göndərmək səlahiyyəti verib.

ABŞ Hərbi Dəniz Qüvvələrinin aviadaşıyıcı zərbə qrupu noyabrın ortalarında Avropaya gələcək.

Qrupa “USS Gerald Ford” təyyarədaşıyan gəmisi başçılıq edəcək.

Bu barədə Böyük Britaniyanın “Defence” jurnalı məlumat verib.

Gəmilər İngiltərənin cənubundakı Portsmutdakı bazada lövbər salacaqlar.

Təyyarədaşıyan gəminin göyərtəsində ən son F-35C qırıcıları da daxil olmaqla 90 təyyarə və helikopter var.

“USS Gerald Ford” ilə birlikdə Böyük Britaniyaya bir neçə esmines, raket kreyseri və nüvə hücum sualtı qayığı da gələcək.