“Sülhməramlılarla bağlı bizim 2020-ci il 10 noyabr tarixli birgə bəyanatımızda da qeyd olunub. Burda əlavə ediləsi bir şey yoxdur”.

APA-nın Rusiya bürosu xəbər verir ki, bunu Rusiya Prezidenti Vladimir Putin Soçidə keçirilən Azərbaycan, Rusiya və Ermənistan liderlərinin üçtərəfli görüşünün yekunları ilə bağlı mətbuat konfransında bildirib.

“O ki, qaldı sülh müqaviləsinə, hələlik o yoxdur. Hələlik bu sənədin əsas tərkibi haqqında danışmaq tezdir. Ona görə ki, bu yəqin ki, Rusiyanın vasitəçiliyi ilə hər iki tərəfin nail olacağı güzəştlər predmetidir”, - deyə Rusiya prezidenti vurğulayıb.

Putin Azərbaycan-Ermənistan sərhədinin delimitasiyası və demarkasiyası haqqında da danışıb:

“Bu çox vacib məsələdir. Biz bu gün bu haqda həqiqətən çox danışdıq. Biz sərəncamımızda olan Sovet Ordusunun Baş Qərargahının xəritələrini təqdim etməyə hazırıq. Onlar ən dəqiq xəritələrdir. Bu bazada hər iki tərəflə irəli getməyi müzakirə etməyə hazırıq. Biz razılaşdıq ki, bu təmaslar, danışıqlar və məsləhətləşmələr davam etdiriləcək”,- deyə Putin əlavə edib.

Putin Qarabağdakı Rusiya sülhməramlı kontingentinin gələcək taleyindən də danışıb:

“Biz bu barədə danışdıq. Bunun üçün bizim birgə razılığımız olmalıdır. Bilirsiniz bu, digər məsələlərdən asılı olacaq. Misal üçün, sülh müqaviləsinin mümkün imzalanması və sərhədlərin delimitasiyası və demarkasiyası kimi məsələlərədən asılıdır. Əgər bu məsələlər həll olunarsa, o zaman sülhməramlı məsələsi başqa cür qoyulacaq. Əgər həll olunmazsa, və ya hansısa həcmdə həll olunsa, o zaman bu bizim sülhməramlıların taleyindən asılı olacaq. Lakin bütün hallarda hər iki tərəf Rusiyaya gördüyü işə görə təşəkkürlərini ifadə etdilər”,- deyə Rusiya lideri sözlərinə əlavə edib.

Rusiyada qismən səfərbərlik çərçivəsində bütün fəaliyyətlər, habelə çağırış vərəqələrinin hazırlanması və çatdırılması dayandırılıb.

"Report" TASS-a istinadən xəbər verir ki, bu barədə Rusiyanın Müdafiə Nazirliyi məlumat yayıb.

Noyabrın 1-dək qismən səfərbərlik çərçivəsində tədbirlərin başa çatdırılması barədə hesabatlar təqdim edilməlidir, müvafiq göstərişlər hərbi dairələrin komandirlərinə və Şimal Donanmasının komandanlarına göndərilib.

Nazirlikdən əlavə edilib ki, qismən səfərbərlik tədbirlərinin keçirilməsi üçün istifadə olunan sahələr, toplanış məntəqələri və tikililər əvvəlki qaydada fəaliyyətə başlayacaq, hərbi komissarlıqların şəxsi heyəti bu gündən etibarən əvvəlki qaydada öz vəzifələrinin icrasına başlayacaq.

Luqansk istiqamətindəki döyüşlər zamanı Ukrayna hərbçiləri rus xüsusi təyinatlılarını məhv ediblər.

Bu barədə ukraynalı jurnalist Roman Çimbalyuk məlumat yayıb.

Onun sözlərinə görə, Ukrayna ordusu 24-cü əlahiddə xüsusi təyinatlı briqadasının bölmələrini darmadağın edib.

Jurnalist bildirib ki, əməliyyat zamanı xüsusi təyinatlı bölmənin 8 hərbçisi öldürülüb, 14-ü isə yaralanıb.

“Bizim yeganə “kütləvi qırğın silahımız” bizim qürurumuz, cəsurluğumuz və düşmənə qalib gəlmək yanğımızdır”

“Ölkələrimiz arasında tərəfdaşlıq münasubətlərinin əsasında etimad və qarşılıqlı dəstək dayanır və bu, gələcək Qələbəmizin rəhnidir”

Ukrayna Silahlı Qüvvələrinin Baş Komandanı Valeri Zalujnı bəyan edib ki, Rusiya öz sıralarını möhkəmləndirməsinə və Ukraynadan daha çox artilleriyaya malik olmasına rəğmən, döyüş meydanında uğur qazana bilmir.

Sozcu.az xəbər verir ki, bu barədə ukraynalı general özünün amerikalı həmkarı, ABŞ qərargah rəisləri birləşmiş komitəsinin sədri Mark Milli ilə telefon danışığı zamanı bəyan edib.

Söhbətin qısa məzmununu o, özünün “Telegram-kanal”ında dərc edib.

“Mütləq atəş üstünlüyü, qoşunlarının, buna uyğun olaraq o cümlədən səfərbərlik edilənlərin hesabına hücumların sayının artmasına rəğmən, düşmən uğur qazanmayıb”, – Zalijnı hesab edir.

General qeyd edir ki, Ukrayna qoşunları Baş Qərargahın işləyib hazırladığı plana uyğun olaraq uğurla müdafiə olunur.

Zalujnı Ukrayna hərbçilərinin qarşısında duran dörd əsas vəzifəni qeyd edib:

– Ukrayna ərazilərini azad etmək;

– Rusiya tərəfindən yeni ərazilərin zəbt edilməsinə imkan verməmək;

-kritik infrastruktur obyektlərinin mühafizəsini təmin etmək;

– gələcək döyüş əməliyyatlarının aparılması üçün ehtiyatları formalaşmaq və hazırlığı davam etmək.

Zalujnı bəyan edib ki, Rusiyanın Ukraynanın “çirkli bomba” tətbiq etmək “planları” barədə ittihamları “dezinformasiyadır, Ukrayna Silahlı Qüvvələrinin bir dənə də kütləvi qırğın silahı yoxdir”.

Yeganə “kütləvi qırğın silahımız” bizim qürurumuz, cəsurluğumuz və düşmənə qalib gəlmək yanğımızdır.

Daha sonra Zalujnı Rusiyanın istifadə etdiyi “Shahed-136” tipli PUA-ların güclü hücumlarının qarşısının alınması üçün gizli üsul və vasitələrdən danışıb.

Sonda ukraynalı general vurğulayıb ki, iki ölkə arasında tərəfdaşlıq münasibətlərinin əsasında etimad və qarşılıqlı dəstək dayanır və bu, gələcək Qələbənin rəhnidir.

Rusiyada sentyabrın 21-də başlayan qismən səfərbərlik başa çatıb.

Demokrat.az TASS-a istinadən xəbər verir ki, bununla bağlı Rusiya müdafiə naziri Sergey Şoyqu Prezident Vladimir Putini məlumatlandırıb.

Nazir bildirib ki, artıq 37 günə 300 min nəfər ordu sıralarına çağırılıb.

Dövlət başçısı silahlı qüvvələrə qoşulan hər kəsə təşəkkür edib və hərbi komissarlıqların işinin müasirləşdirilməsi, cəbhə xəttinə yalnız təlim keçmiş döyüşçülərin göndərilməsi ilə bağlı tapşırıqlar verib.

Ukrayna hərbçiləri işğal altında olan Donetsk vilayətinin Şaxtyorsk şəhərindəki Rusiyanın neft bazası və dəmiryol vağzalına zərbələr endiriblər.

Hadisə nəticəsində 5 nəfər xəsarət alıb.

Zərbələrin HIMARS raketləri ilə endirildiyi bildirilib.

Hücum yanacaq dolu dəmiryol çənlərinin alışmasına səbəb olub.(Oxu.az)

Rusiya müdafiə naziri Ukraynanın “çirkli bomba”dan – radioaktiv material və adi partlayıcı maddələrdən ibarət cihazdan istifadə edə biləcəyini iddia edib.O, heç bir sübut təqdim etməyib və Ukrayna, eləcə də Fransa, Böyük Britaniya və ABŞ ittihamları rədd edib.

Rusiya nə deyib?

Rusiya müdafiə naziri Sergey Şoyqu Böyük Britaniyanın müdafiə naziri Ben Wallace-a “Kiyevin çirkli bombadan istifadə ilə bağlı mümkün təxribatlarından narahat olduğunu” deyib.O, ABŞ, Fransa və Türkiyənin müdafiə nazirləri ilə də danışıb və oxşar şərhlər verib.
Birgə cavabda Fransa, Böyük Britaniya və ABŞ hökumətləri “Rusiyanın Ukraynanın öz ərazisində çirkli bombadan istifadə etməyə hazırlaşdığına dair ağ yalan iddialarını rədd etdiklərini” açıqlayıb.Ukrayna Prezidenti Volodimir Zelenski bu ittihamı rədd edib və Rusiyanı “bu müharibədə təsəvvür edilə biləcək hər çirkli şeyin mənbəyi” olmaqda ittiham edib.

Çirkli bomba nədir?

“Çirkli bomba” radioloji silahın bir növüdür. Bu, kütləvi qırğın silahıdır. Nüvə silahları kimi onların hazırlanmasında da radioaktiv materiallardan istifadə edirlər.

Ancaq nüvə bombasında istifadə edildiyi kimi, yüksək dərəcədə təmizlənmiş radioaktiv material ehtiva etməsinə ehtiyac yoxdur.

Yəni, nüvə silahları nüvə parçalanması enerjisindən istifadə edir ki, bu da dağıdıcı şok dalğası, elektromaqnit impulsu, işıq şüalanması, nüfuz edən radiasiya və radioaktiv çirklənmə ilə nəticələnir.Radioloji silahlar isə yalnız bir zərərverici amildən – radioaktiv çirklənmədən istifadə edir. Bu cür silahlar sadəcə olaraq yerin səthinə və atmosferə radioaktiv maddələr yayır, sonra isə havanı, suyu və torpağı çirkləndirir.Bu, onları nüvə silahlarından daha ucuz edir və bu silahların nüvə silahlarından daha sürətli istehsalına imkan verir.

Nüvə silahları yalnız bir neçə ölkənin yarada biləcəyi mürəkkəb mexanizmdir. “Çirkli bomba”nın qurğusu fərqli ola bilər, amma iş prinsipi az-çox eynidir – bu, radioaktiv maddə və onu məhv edən və partlayışın enerjisi ilə maddəni ətrafa yayan içində partlayıcı olan qabdır. “Çirkli bomba”da radioaktiv materiallardan istifadə olunmasına baxmayaraq, nüvə partlayışı baş vermir.

Bomba havada və ya yerdə partlaya bilər, istənilən halda partlayışın enerjisi ərazini çirkləndirməyə kifayət edir.Amerika Alimlər Federasiyası hesablayıb ki, Nyu-Yorkda 9 qram (0,3 unsiya) kobalt-60 və 5 kq TNT olan bir bomba Manhettenin bir ucunda partladılarsa, bu, onilliklər ərzində şəhərin bütün ərazisini yaşayış üçün yararsız hala sala bilər.

Bu səbəbdən çirkli bombalar kütləvi qırğın silahları kimi tanınır. Lakin, silah kimi onlar çox etibarsızdır.Çirkli bombanın içindəki radioaktiv materialın hədəf zonasına səpələnməsi üçün onun toz halına salınması lazımdır. Ancaq hissəciklər çox incə olarsa və ya güclü küləklərə buraxılarsa, çox zərər verə bilməyəcək qədər geniş yayılacaqlar.

Radioaktiv tullantılar xərçəng kimi ciddi xəstəliklərə səbəb ola biləcəyi üçün belə bir bomba hədəf əhali arasında çaxnaşma yaradar. Partlayış zonasının ətrafındakı geniş ərazi də zərərsizləşdirmə üçün boşaldılmalı və ya tamamilə tərk edilməlidir.

Rusiya niyə “çirkli bomba” iddiasını ortaya atdı?

ABŞ-da yerləşən Müharibə Araşdırmaları İnstitutu bildirib ki, Rusiya müdafiə naziri “ehtimal ki, Qərbin Ukraynaya hərbi yardımını ləngitməyə və ya dayandırmağa və qorxulu çağırışlarla NATO ittifaqını zəiflətməyə çalışıb”.Rusiyanın özünün Ukraynanın ərazisində çirkli bomba partlatmağı və “yalançı bayraq” hücumunda günahı Ukrayna qüvvələrinin üzərinə yıxmağı planlaşdırdığına dair fərziyyələr də var.

Bununla belə, bir çox hərbi analitiklər deyirlər ki, Rusiya çirkli bombanın öz qoşunlarına və nəzarəti altında olan əraziyə vura biləcəyi zərəri nəzərə alsaq, bu qədər səfeh olmayacaq.Müharibə Araşdırmaları İnstitutu “Kremlin qaçılmaz saxta bayraqlı çirkli bomba hücumu hazırlaması ehtimalının yox”luğunu açıqlayıb.

Daha əvvəl çirkli bombadan istifadə olunubmu?

Dünyanın heç bir yerində hələ də uğurlu çirkli bomba hücumu olmayıb.Bununla belə, buna cəhdlər olub.1996-cı ildə Çeçenistandan olan üsyançılar Moskvanın İzmailovo parkında dinamit və sezium-137 olan bomba yerləşdiriblər.

Sezium xərçəngi müalicə edən avadanlıqdan çıxarılıb.Təhlükəsizlik xidmətləri onun yerini aşkar edib və zərərsizləşdirib.

1998-ci ildə Çeçenistanın kəşfiyyat xidməti Çeçenistanda dəmiryol xəttinin yaxınlığında yerləşdirilən çirkli bombanı tapıb zərərsizləşdirib. 2002-ci ildə Əl-Qaidə ilə əlaqəsi olan ABŞ vətəndaşı Xose Padilla Çikaqoda çirkli bomba hücumu planlaşdırmaqda şübhəli bilinərək həbs edilmişdi. O, 21 il müddətinə azadlıqdan məhrum edilib.

İki il sonra Britaniya vətəndaşı və Əl-Qaidə üzvü Dhiren Barot Londonda həbs edilib və daha sonra ABŞ və Böyük Britaniyada çirkli bombadan da istifadə edilməsi ehtimal olunan terror aktları planlaşdırdığına görə 30 il həbs edildi.Bununla belə, nə Padilla, nə də Barot həbs olunmazdan əvvəl bombalarını yığmağa başlamamışdılar.(BBC)

Daxili İşlər Nazirliyinin Daxili Qoşunların hərbi qulluqçusu, kapitan Ruslan Lunev güllə atıcılığı üzrə dünya çempionatında ikinci yerə çıxaraq gümüş medal qazanıb.

Təmsilçimiz 25 metr məsafəyə tapançadan atış yarışında fərqlənib.

Dünya çempionatı Misirin Qahirə səhərində keçirilib.

“Ukrayna Almaniyadan müdafiə sahəsində gələcək dəstəyə ümid edə bilər”.

“Report” xəbər verir ki, bunu Kiyevdə Almaniya prezidenti Frank-Valter Ştaynmayer ukraynalı həmkarı Volodimir Zelenski ilə görüşündən sonra deyib.

“Mən indicə prezidentə söz verdim ki, yaxın günlərdə Ukraynaya növbəti “Mars II” reaktiv yaylım atəşi sistemini və əlavə dörd “Panzerhaubitze 2000” haubitsaları təhvil veriləcək”-deyə, o bildirib.

Almaniyanın İqtisadi Məsələlər və İqlim Mühafizəsi Nazirliyinin əvvəlki hesabatına görə, Berlin artıq Kiyevə 686 milyon avro dəyərində hərbi mallar tədarük edib.Onların arasında heç bir hücum silahı yoxdur.

Ukraynanın ələ keçirdiyi İran istehsalı Mohajer-6 dronu
İranın rəsmi xəbər agentliyi İRNA-nın məlumatına görə, paytaxt Tehranda Asiya və Sakit Okean Ölkələri Xəbər Agentlikləri Assosiasiyasının (OANA) üzvləri ilə görüşən İran xarici işlər naziri Hüseyn Əmir Abdullahian çıxışında ölkəsinin xarici siyasətini dəyərləndirib.
Bizimyol.info xəbər verir ki, keçmişdə Rusiyaya silah satdıqlarını, lakin Ukrayna müharibəsi başladıqdan sonra belə bir halın baş vermədiyini bildirən Abdullahiyan, “Ukraynadakı müharibəyə prinsipial baxımdan qarşıyıq. Biz Ukrayna müharibəsində istifadə üçün Rusiyaya heç bir silah və ya pilotsuz təyyarə verməmişik və verməyəcəyik”,- deyə söyləyib.

İddiaların araşdırılması üçün Ukrayna və hərbi ekspertlərin iştirakı ilə birgə görüş keçirməyə hazır olduqlarını bildirən Abdullahiyan bu təklifi Avropa İttifaqının (Aİ) Xarici Əlaqələr və Təhlükəsizlik üzrə Ali Nümayəndəsi ilə görüşündə ona çatdırdığını bildirib.

“Rusiyanın Ukraynaya qarşı müharibədə İranın pilotsuz təyyarələrindən istifadə etdiyi məlum olarsa, biz bu məsələyə biganə qalmayacağıq”,- deyə Abdullahian əlavə edib.

İranın xarici işlər naziri çıxışında nüvə danışıqları prosesinə toxunaraq, “Biz indi razılaşmanın son mərhələsindəyik. Son günlər Amerika tərəfi diplomatik mesajlarla məşğul olmaq imkanını qorumağa çalışsa da, bəzi yerlərdə xaos və terror aktları yaratmağa çalışıb”,- deyə əlavə edib.

Xatırladaq ki, Ukrayna sentyabrın 23-də İranın Kiyevdəki səfiri Mənuçöhr Muradinin akkreditasiyasını geri götürmək və Tehran administrasiyasının “Rusiyaya silah verdiyi” əsası ilə səfirlikdəki diplomatların sayını xeyli azaltmaq qərarına gəlib.

Bundan əlavə, Kiyev rəhbərliyi Rusiyanın oktyabrın 17-də SiHA-larla paytaxt Kiyevə hücumunun İranın Rusiyaya verdiyi Şahid-136 tipli kamikadze pilotsuz uçuş aparatları ilə həyata keçirildiyini və İranla diplomatik əlaqələri tamamilə kəsməyə hazırlaşdığını açıqlayıb.

Kremlin sözçüsü Dmitriy Peskov isə İranın PUA-larının Ukraynada istifadə edilməsi ilə bağlı iddiaları təkzib edib.

ABŞ Dövlət Departamentinin sözçüsü Vedant Patel də oktyabrın 18-də keçirdiyi mətbuat konfransında deyib ki, əllərində İran silahlarının Ukraynadakı hərbi və mülki hədəflərə qarşı istifadə edildiyinə dair geniş sübutlar var və Vaşinqton cinayətkarlara qarşı sanksiyalar tətbiq edə bilər.

İran Xarici İşlər Nazirliyinin sözçüsü Nasser Kenani isə həmin gün açıqlama verərək, bu ittihamları bir daha təkzib edib və bu ittihamları həll etmək üçün Ukrayna ilə görüşməyə hazır olduqlarını bildirib.

Amerikanın “Washington Post” qəzeti ABŞ və Qərb təhlükəsizlik rəsmilərinə əsaslanan xəbərlərində İranın Rusiyaya, eləcə də dronlara raket göndərməyə razılaşdığını yazıb.

Qeyd edək ki, ABŞ, Böyük Britaniya və Fransa İranın Rusiyaya silah sistemləri satmasının BMT Təhlükəsizlik Şurasının 2015-ci il nüvə sazişini dəstəkləyən 2231 saylı qətnaməsinə zidd olduğunu iddia edirlər.

Son olaraq bildirək ki, Aİ və Böyük Britaniya oktyabrın 20-də Rusiyaya pilotsuz uçuş aparatları satdığı iddiası ilə İrana qarşı sanksiyalar tətbiq edib. E3 adlandırılan İngiltərə, Fransa və Almaniya da oktyabrın 21-də BMT-ni ittihamları araşdırmağa çağırıb.