 |
|
|
İsrail Hərbi Hava Qüvvələrinə məxsus yeddi “F-35” və iki “F-15” təyyarəsi ABŞ Hərbi Hava Qüvvələrinin martın 12-də Nevadadakı Nellis Hərbi Hava Qüvvələri bazasında başlayacaq “Qırmızı bayraq” təlimində iştirak edəcək.
Pressklub.az xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.
“Bu gün ABŞ Hərbi Hava Qüvvələrinin rəhbərliyi altında “Qırmızı Bayraq” təlimi başlayacaq. Təlim Nevada ştatındakı Nellis Hərbi Hava Qüvvələri bazasında keçiriləcək. İlk dəfə olaraq İsrail Hərbi Hava Qüvvələrinə məxsus 7 “F-35” və 2 “F-15” təyyarəsi ABŞ-də keçiriləcək təlimlərdə iştirak edəcək”, – məlumatda deyilir.
İsrail ordusunun mətbuat xidməti əlavə edib ki, Nevadadakı təlim manevrləri iki həftə davam edəcək və “uzaq hava missiyaları, regionda hava üstünlüyünü əldə etmə, birgə hava hücumları, ərazinin müdafiəsi, düşmən təyyarələrinin ələ keçirilməsi, aşağı hündürlükdə uçuşlar və hava hücumundan müdafiə sistemləri ilə təchiz edilmiş ərazilərdə uçuşlar da daxil olmaqla geniş ssenariləri əhatə edəcək”. Bundan əlavə, birgə havada yanacaq doldurma praktikası həyata keçiriləcək, bu prosesdə “İsrail Hərbi Hava Qüvvələrinin tanker təyyarələri Amerika qırıcılarına yanacaq dolduracaq”, “İsrail Hərbi Hava Qüvvələrinə məxsus “F-35” təyyarələri isə Amerikanın “KC-135 Stratotanker” təyyarəsi ilə yanacaq dolduracaq”.
İsrail Müdafiə Qüvvələri qeyd edib ki, “Qırmızı bayraq” təlimləri “Yaxın Şərqdə təhlükəsizliyin qorunmasına sadiq olan əsas tərəfdaşlar kimi iki ölkənin hərbçiləri arasında operativ əməkdaşlığı gücləndirmək” məqsədilə keçirilir.
ABŞ-ın Ermənistana yeni təyin olunmuş səfiri Kristina Kuinnin Zəngəzur vilayətinin qubernatoru Robert Qukasyanla birlikdə Laçın dəhlizinin başladığı yerə getməsi Azərbaycanda müsbət qarşılanmayıb.
Çünki amerikalı diplomatın Gorus-Laçın yolunun Azərbaycan sərhədindəki hissəsinə gəlişi vəziyyəti yerində öyrənməkdən daha çox siyasi mesaj vermək məqsədi daşıyırdı. Yayılan fotolardan göründüyü kimi, diplomat Laçın-Xankəndi yolunun bağlı olduğunu nümayiş etdirməyə çalışıb. Şlaqbaumun qarşısında fotoşəkil çəkdirən xanım Kuinn guya Azərbaycanın yolu bağlayaraq Qarabağda yaşayan erməniləri blokadaya aldığına dair rəy yaratmağa çalışır. Səfir bəyanat verərək Laçın yolunun hərəkət üçün bağlı olduğunu iddia edib və yolun açılmasını “tələb edib”. Kristina Kuinnin bu açıqlamasına Azərbaycan Xarici İşlər Nazirliyinin cavabı özünü çox gözlətməyib. “Laçın yolu hər zaman normal nəqliyyat üçün açıq olub”. Azərbaycan Xarici İşlər Nazirliyinin sözçüsü Ayxan Hacızadə “Twitter” hesabında belə yazıb. O bildirib ki, Azərbaycan yolda maneəsiz hərəkəti təmin etmək üçün əlindən gələn bütün tədbirləri görür. “Şəffaflıq və təhlükəsizlik üçün sərhəd keçid məntəqəsininin yaradılması mütləqdir”-deyə XİN rəsmisi bildirib.
Qeyd edək ki, Ermənistan mətbuatının yazdığına görə, martın 9-da Laçın-Xankəndi yolu ilə Ermənistana 16 nəfər tibbi müalicəyə ehtiyacı olan erməni aparılıb. Əgər yol bağlı olsaydı, bu adamlar Ermənistana gedə bilməzdi. Ona görə də səfirin açıqlaması daha çox yolda nəzarət-buraxılış məntəqsinin açıqlmasından narahat olan Ermənistanın maraqlarına xidmət edir.
Teref.az-ın məlumatına görə, politoloq Yeganə Hacıyeva Cebhe.info-ya açıqlamasında bildirib ki, ABŞ-ın Ermənistandakı və Azərbaycandakı səfirlərinin fəaliyyəti daim bir-birindən fərqlənir. Belə ki, Ermənistandakı səfir bir qayda olaraq, erməni xalqının maraqlarından çıxış edir. Amma bu yanaşma digər ölkələrdən fərqli olaraq, yalnız Ermənistanda müşahidə olunur: “Qeyd edim ki, Zəngəzur dəhlizi ətrafında ABŞ-ın öz maraqları var. Digər tərəfdən, ABŞ iki həftə öncə gömrük xidmətinin yaxşılaşdırılmasına dəstək adı altında qrup gətirmişdi. Onlar Ermənistanın Azərbaycanla və Gürcüstanla sərhədindəki gömrük xidməti hissələrinə baxış keçirdi. Amerikadan gəlmiş qrup gömrük xidmətində sərhədin təhlükəsizliyi mövzusunda Ermənistana təkliflər vermişdi. Əslində, sərhəddə təhlükəsizlikdən danışılırsa, bu, hərbi mahiyyət kəsb edir. Bu mərhələdə ABŞ-la Ermənistanın başqa planları var. Rusiyanın 102-ci hərbi bazasının yerləşdiyi Ermənistanda ABŞ-ın da mövcud ola biləcəyi ehtimalı yaranır. Səfirin Laçın-Xankəndi yolunun başlandığı yerə səfərini də bu istiqamətdə şərh etmək lazımdır. Onu da qeyd edim ki, ABŞ-ın Ermənistandakı həm səfirləri, həm də diplomatik korpusun üzvləri adətən erməni lobbisi ilə sıx əməkdaşlıqda və onun təsiri altında olan diplomatlar olur. Hətta ABŞ-dakı erməni lobbisi Ermənistandakı səfir seçiminə ciddi təsir edə bilir. Demək olar ki, bu məsələdə bir yarışma da təşkil edə bilirlər. Bu baxımdan, səfirin sərhədə gəlişini və canfəşanlığını ABŞ-dakı erməni lobbisinin xidməti kimi dəyərləndirməliyik”.
Həmsöhbətimiz bildirib ki, ümumiyyətlə, Ermənistan Laçın dəhlizinin ətrafındakı dezinformasiyalarla bağlı həddindən artıq uzağa gedib:
“Halbuki, 30-a yaxın ölkənin media qurumunun əməkdaşı həmin əraziyə səfər zamanı Laçın yolunun açıq olduğunu gördü. ABŞ-ın Ermənistandakı səfirinin Laçın-Xankəndi yolunu kommersiya məqsədilə təcili açmağa çağırması Qarabağın təbii ehtiyatlarının talanması, yəni ekosidə çağırış kimi qiymətləndirilə bilər. Amma yolun bağlı olmadığını onsuz da dünyada bilirlər. Ümumilikdə isə səfirin sərhədə gəlib Azərbaycandan dəhlizi açmağı tələb etməsi diplomatik etiket qaydalarına ziddir. Bu, səfirliyin səlahiyyətini aşan açıqlamadır. Çünki belə bəyanatları Dövlət Departamenti verə bilər. Hansısa üçüncü sinif səfirin belə fikri səsləndirməsinə ehtiyac yoxdur”.
Bu ilin 2 ayında qeyri-döyüş şəraitində Ermənistan Silahlı Qüvvələrinin 20 hərbçisi həlak olub.
“AzPolitika.info” erməni mediasına istinadla xəbər verir ki, Helsinki Vətəndaş Assambleyasının Vanadzor ofisi bu barədə məlumat yayıb.
Qeyd olunur ki, martın 8-də hərbi şəhərciyin toplanış məntəqəsinə bitişik meşədə çağırışçı Andranik Ohanyanın meyiti ağacdan asılmış vəziyyətdə tapılıb. 20 yaşlı Andranik üç ay sonra evinə qayıtmlı idi. “Heç kimin təsəvvür edə bilməyəcəyi bir şeyi təsəvvür edin. O, yaxşı xidmət edirdi və buna görə çoxlu təriflər aldı”, - Xnatsax icmasının administrasiyasının rəhbəri Seyran Mirzoyan bildirib.
Hərbçi Sünik (Zəngəzur-red) rayonunun Xnatsax icmasından idi. Administrasiyanın rəhbəri Seyran Mirzoyan bildirib ki, Andranik Berddə xidmət edib, heç vaxt ailəsinə şikayət etməyib, evdə də problem olmayıb.
İstintaq Komitəsindən verilən məlumata görə, faktla bağlı ehtiyatsızlıqdan özünü öldürmə həddinə çatdırma maddəsi ilə cinayət işi başlanıb, hərbi hissənin hərbi qulluqçuları, zabitlər dindirilib. İbtidai istintaq davam edir.
Ətraflı
Helsinki Vətəndaş Assambleyasının Vanadzor ofisindən hüquq müdafiəçisi Nazeli Movsesyan mətbuata deyib: “2023-cü ildən bu günə qədər bizdə artıq 20 ölüm faktı var ki, bu da 2022-ci ilin eyni dövrü ilə müqayisədə 5 nəfər çoxdur”.
Movsesyan qeyd edib ki, bu, 2023-cü ildə intihar kimi qiymətləndirilən ikinci hadisədir. Yanvar ayından indiyədək Geqarkunikin Azat kəndində kazarmada baş vermiş yanğın zamanı 15 hərbçi yanıb, 2 hərbçi avtomobil idarə etmə qaydalarının pozulması, 1 hərbçi isə döyüş vəzifəsini yerinə yetirərkən ölüb.
Hüquq müdafiəçisi vurğulayıb ki, orduda ölüm halları azalmır. “Əksinə, mənfi dinamika qeydə alınır, çünki bir-birinin ardınca intihar kimi qiymətləndirilən hallar baş verir. Sonuncu hadisə, yəni çağırışçının meşədə ağacdan asılmış vəziyyətdə tapılması kimi hallar bizdə əvvəllər də olub”, - o bildirib. Nazeli Movsesyan vurğulayıb ki, intihar və qətl kimi təsnif edilən hallar dedovşinadan xəbər verdiyi üçün xüsusi narahatlıq doğurur.
Müdafiə sektorunda aparılan islahatların tərkib hissələrindən biri də hərbi qulluqçular arasında nizamnamə münasibətlərinin tənzimlənməsi, onların xidmət şəraitinin yaxşılaşdırılmasıdır.
Hüquq müdafiəçisinin sözlərinə görə, əgər intihar halları azalmırsa və ya hərbi kazarmada baş verən yanğında 15 nəfər ölürsə, deməli, bu islahatlar heç bir nəticə vermir.
Ordumuzun əsgəri güllə yarasından öldü
Müdafiə Nazirliyinin N saylı hərbi hissəsinin hərbi qulluqçusu, əsgər Məhərrəmov Elnur Ələsgər oğlunun odlu silahdan açılan atəş nəticəsində yaralanması, təxliyə olunarkən yolda ölməsi barədə Gəncə hərbi prokurorluğuna məlumat daxil olub.
Lent.az xəbər verir ki, bu barədə Hərbi Prokurorluqdan məlumat verilib.
Fakt üzrə Gəncə hərbi prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılıb və hazırda təxirəsalınmaz zəruri istintaq hərəkətləri həyata keçirilir.
İstintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq.
Azərbaycan Ordusunun bölmələri tərəfindən guya martın 9-u saat 17:50 radələrində Ermənistan silahlı qüvvələrinin Basarkeçər rayonunun Yuxarı Şorca yaşayış məntəqəsi istiqamətində yerləşən mövqeləri istiqamətində atəş açılması ilə bağlı qarşı tərəfin yaydığı məlumat həqiqəti əks etdirmir, tamamilə yalandır.
Yayılan məlumatı qəti surətdə təkzib edirik.
Britaniyanın “Sky News” telekanalı güc strukturlarındakı mənbəyə istinadən xəbər verib ki, İran gizli şəkildə Rusiyaya çoxlu sayda güllə, raket və minaatan mərmiləri verib.
Məlumata görə, yanvar ayında Xəzər dənizi üzərindən Rusiyaya iki yük gəmisi ilə İran limanından reaktiv yaylım atəşi sistemləri, minaatan və pulemyotlar üçün sursat göndərilib.
Mənbənin sözlərinə görə, Moskva çatdırılma pulunu nağd şəkildə ödəyib. Hazırda Tehran yeni sursat partiyası göndərməyi planlaşdırır.
“Yanvar ayında Rusiya bayrağı altında iki yük gəmisi İran limanından Xəzər dənizi üzərindən Rusiyaya üzərək, təxminən 100 milyon güllə və 300 minə yaxın mərmi daşıyıb”, - deyə telekanal bildirib.
Silahların ötürülməsində quru yük daşıyıcıları “Musa Jalil” və “Begey” adlı gəmilərin iştirak etdiyi iddia edilir.
Hərbi yardımın dəyərinin müstəqil qiymətləndirilməsi mümkün olmayıb, lakin ekspertlər hesab edirlər ki, bu, böyük məbləğdir.
Sky bildirir ki, İran bu yolla Rusiyaya Ukraynadakı münaqişə zonasında cəbhə xəttində ehtiyatının artırılmasına kömək edir.
“Polşa öz arsenalında olan “MiQ-29” qırıcıları Ukraynaya verməyə hazırdır”.
Bunu “CNN” telekanalına müsahibəsində Polşa prezidenti Anjey Duda deyib.
“Polşada qalan, işlək vəziyyətdə olan və Hərbi Hava Qüvvələrimizin xidmətində olan MiQ-29 təyyarələrini təhvil verməyə hazırıq. Əminəm ki, Ukrayna onlardan istifadə edə biləcək, çünki hazırda Ukraynada bu təyyarələri idarə edə bilən pilotlar var” - deyə, o bildirib.
Duda əmindir ki, gələcəkdə Ukrayna “F-16”lar tədarük ediləcək:
“İnanıram ki, Ukrayna Silahlı Qüvvələri gələcəkdə “F-16”lardan istifadə edəcək. Hazırda pilot hazırlığı ona görə vacibdir”.
Fevralın 17-də Polşanın baş naziri Mateuş Moravetski Varşavanın Ukraynaya MiQ-29 qırıcıları tədarük etməyə hazır olduğunu açıqlayıb.
Xəbər verildiyi kimi, bu gün ABŞ-ın müdafə naziri Lloyd Ostin gözlənilmədən İraqa səfər edib.
“AzPolitika.info” xarici KİV-ə istinadla xəbər verir ki, Lloyd Ostin İraqın Baş naziri Məhəmməd Şia Sudani ilə görüşüb.
Görüşdən sonra açıqlamalar verən Ostin, ABŞ qüvvələrinin İraq hökumətinin tələbi əsasında İraqda qalmağa hazır olduğunu bildirib.
Martın 5-də Xankəndi-Xəlfəli-Turşsu torpaq yolunda baş vermiş insidentdən sonra Rusiya sülhməramlı kontingentinin müşayiəti ilə Ermənistan silahlı qüvvələri və qeyri-qanuni erməni silahlı dəstələrinin bu yoldan hərbi təyinatlı daşımaları həyata keçirmək məqsədilə növbəti dəfə istifadə etməsi Azərbaycan Ordusunun bu istiqamətdə yerləşən bölmələrinin texniki müşahidə vasitələri ilə qeydə alınıb.
Bu barədə Azərbaycan Müdafiə Nazirliyindən bildirilib.
Martın 7-də gün ərzində Ermənistan silahlı qüvvələri və qeyri-qanuni erməni silahlı dəstələrinin hərbi nəqliyyat vasitələrinin qeyd olunan yoldan kolon şəklində hərəkəti Rusiya sülhməramlı kontingentinin müşayiəti altında təmin edilib. Ermənistanın təkzibinə və riyakarlığına baxmayaraq, texniki müşahidə vasitələri ilə yolun hərbi daşımalar üçün istifadə edildiyi bir daha təsbit olunub.
Rusiya sülhməramlı kontingentinin müşayiəti ilə hərbi daşımaların həyata keçirilməsi üçtərəfli Bəyanatın müddəalarının kobud şəkildə pozulması olaraq qəbuledilməz haldır və dərhal dayandırılmalıdır.
Bir daha bəyan edirik ki, Ermənistan tərəfindən Azərbaycanın Qarabağ iqtisadi rayonunda yerləşən qeyri-qanuni erməni silahlı dəstələrinə silah, sursat, mina, təminat və digər hərbi vasitələrin çatdırılması, eləcə də bu yolla döyüş mövqelərinə şəxsi heyətin daşınması və rotasiyası Azərbaycanın suverenliyinin, üçtərəfli Bəyanatın müddəalarının kobud şəkildə pozulması və Azərbaycana qarşı hərbi təcavüz siyasətinin davam etdirilməsidir. Bu kimi əməllərə dərhal və birdəfəlik son qoyulmasa, Ermənistanın və qanunsuz erməni hərbi ünsürlərinin Azərbaycanın suveren ərazilərində törətdikləri hərəkətlərin qarşısını almaq məqsədilə Azərbaycan tərəfi zəruri tədbirlər görmək məcburiyyətində qalacaqdır.
Baş verən hadisələr Laçın yolu üzərində Azərbaycanın nəzarət rejiminin yaradılmasının zəruriliyini və labüdlüyünü bir daha təsdiq edir.
“Təəssüf hissi ilə qeyd edirik ki, martın 6-da Rusiya Federasiyası Müdafiə Nazirliyi dünən Xankəndi-Xəlfəli-Turşsu torpaq yolunda baş vermiş silahlı insidentlə bağlı yaydığı bülletendə faktları təhrif etmiş və həqiqəti əks etdirməyən məlumat yayıb”.
Bu barədə Azərbaycan Müdafiə Nazirliyinin açıqlamasında bildirilir.
Açıqlamada qeyd olunur:
“Bildiririk ki, martın 5-də operativ məlumatlar əsasında Ermənistandan qanunsuz hərbi daşınmalar həyata keçirən erməni hərbi birləşmələrinin nəqliyyat vasitəsinin Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib. Nəqliyyat vasitəsinə yaxınlaşarkən avtomobilin içərisində olan erməni silahlı dəstəsinin üzvləri tərəfindən hərbi qulluqçularımız avtomat silahlardan atəşə tutulmuş və nəticədə iki hərbçimiz şəhid olmuş, biri isə yaralanmışdır. Cavab atəşi ilə qeyri-qanuni erməni dəstəsinin üç üzvü məhv edilmiş və biri yaralanmışdır.
Silah-sursatla tam təchiz olunmuş bu hərbi qulluqçuların “pasport və viza” xidməti həyata keçirən polis əməkdaşları kimi təqdim edilməsi riyakarlıqdan başqa bir şey deyildir.
İnsident nəticəsində yaralanan hərbi qulluqçularımıza Rusiya sülhməramlı kontingentinin nümayəndələri tərəfindən ilkin tibbi yardımın göstərilməsi və təxliyə edilməsi barədə yayılan məlumat da həqiqəti əks etdirmir. Şəhidlərimizin və yaralı hərbçimizin ərazidən təxliyəsi hərbi qulluqçularımız tərəfindən həyata keçirilmişdir.
Üçtərəfli bəyanatın müddəalarına zidd olaraq Ermənistan tərəfindən Azərbaycanın Qarabağ iqtisadi rayonundakı qeyri-qanuni erməni silahlı dəstələrinə silah, sursat, təminat və digər hərbi vasitələrin daşınması davam etdirilir, eləcə də şəxsi heyətin rotasiyası həyata keçirilir. Bu kimi qəbuledilməz halların qarşısının dərhal alınması məqsədilə Rusiya sülhməramlı kontingenti üzərinə düşən vəzifələri yerinə yetirməlidir.
Xüsusilə qeyd edirik ki, Ermənistan tərəfindən Azərbaycana qarşı aparılan mina terroru siyasəti hələ də davam etdirilir. Dəfələrlə tərəfimizdən xəbərdarlıq edilməsinə baxmayaraq qanunsuz yollarla Azərbaycana daşınan və ərazimizdə basdırılan minaların qurbanı mülki vətəndaşlarımız və hərbi qulluqçularımız olur. Belə ki, martın 4-də Qarabağ iqtisadi rayonunda baş vermiş mina partlayışı nəticəsində daha bir hərbi qulluqçumuz şəhid olmuşdur. 2021-ci ildə Ermənistanda istehsal olunan minaların Laçın yolundan istifadə edilərək kütləvi şəkildə Azərbaycan ərazilərinə gətirilməsi və basdırılması faktları müəyyən olunmuş, Türkiyə-Rusiya birgə monitorinq mərkəzinin nümayəndələrinin və hərbi attaşelərin həmin əraziyə faktaraşdırıcı səfəri təşkil olunmuşdu.
Ermənistanın və qanunsuz erməni hərbi birləşmələrinin bu kimi əməllərinə və hərbi qulluqçumuzun şəhid olmasına cavab olaraq 2022-ci ilin avqust ayında Azərbaycan Ordusu tərəfindən “Qisas” əməliyyatı həyata keçirilmişdir.
Bir daha xəbərdarlıq edirik ki, Ermənistan tərəfindən Azərbaycan ərazisinə hərbi təyinatlı yüklərin daşınmasına, Ermənistan silahlı qüvvələrinin şəxsi heyətinin göndərilməsinə və rotasiyasına dərhal və birdəfəlik son qoyulmalı, Ermənistan qoşunları ölkəmizin ərazisindən tam çıxarılmalıdır. Əks təqdirdə Azərbaycan tərəfi bütün imkanlardan istifadə etməklə qeyri-qanuni silahlıların tərksilah edilməsi və zərərsizləşdirilməsi istiqamətində qəti zəruri tədbirlər görmək məcburiyyətində qalacaqdır.
Ermənistanın bu kimi əməlləri hərbi təcavüzün davam etdirilməsi kimi qiymətləndirilir.
Baş vermiş hadisələr və Ermənistanın ölkəmizin suveren ərazilərinə qanunsuz hərbi daşımaları davam etdirməsi Azərbaycan ərazisində olan Laçın yolunda nəzarət rejiminin təmin edilməsinin zəruriliyini bir daha təsbit edir”.