 |
|
|
Türkiyədə prezident seçkisindən öncə keçirilən daha bir sorğunun nəticələri açıqlanıb.
Globalinfo.az xəbər verir ki, sorğunu hakimiyyətə yaxınlığı ilə seçilən “Areda” şirkəti keçirib.
Sorğuya əsasən, gələn bazar günü ölkədə seçki olarsa, respondentlərin 50,6%-i hazırkı prezident Rəcəb Tayyib Ərdoğana səs verməyə hazır olduqlarını bildiriblər. Ondan sonrakı yerdə 41,8% səslə Cümhuriyyət Xalq Partiyasının sədri Kamal Kılıçdaroğlu qərarlaşıb. Siyahıda sonrakı yerlərdə Muharrem İnce (5,5%), Sinan Oğan (2,1%) qərarlaşıb.
Bununla belə, sorğu iştirakçılarının 40%-i növbəti seçkidə hakim Ədalət və İnkişaf Partiyasını dəstəkləyəcəklərini bildiriblər. Ondan sonrakı yerləri CHP (23,7%), HDP (10,6%), MHP(8,1%), İYİ Partiyası (7,5%), Məmləkət Partiyası (3,6%), Yenidən Refah Partiyası (1,9%) və digərləri tutub.
Qeyd edək ki, bundan öncə “Metropol” şirkətinin keçirdiyi sorğuda Ərdoğanın 41,1%, Kılıçdaroğlunun isə 42,6% səs toplayacağı vurğulanmışdı. “Optimar” şirkəti isə namizədlərin müvafiq olar 45,9% və 43,9% olaraq səs toplayacağını bildirmişdi.
“Avropa son illərdə ABŞ-dan daha çox asılı vəziyyətə düşüb, lakin o, strateji muxtariyyətini gücləndirməlidir, dolların ekstraterritoriallığından asılı olmamalıdır. Bu gün bizim ABŞ, Qətər və başqalarından daha çox asılı olduğumuz faktdır”.
"Report" xəbər verir ki, bunu “Les Echos” qəzetinə müsahibəsində Fransa Prezidenti Emmanuel Makron deyib.
“Bu gün aparılacaq döyüşlər, bir tərəfdən, strateji muxtariyyətimizi sürətləndirmək, digər tərəfdən isə iqtisadiyyatlarımıza maliyyə təmin etmək üçündür. Fürsətdən istifadə edib bir məqamda təkid edirəm: biz dolların ekstraterritoriallığından asılı olmamalıyıq.
Təbii ki, biz enerji baxımından ABŞ-dan asılılığımızı artırdıq, lakin diversifikasiya məntiqində, çünki Rusiya qazından həddən artıq asılı idik. Bu gün bizim ABŞ, Qətər və başqalarından daha çox asılı olduğumuz faktdır”-deyə, o bildirib.
Azərbaycanla İran arasında mövcud olan layihələrin icrası ilə bağlı razılıq əldə edilib.
Bu barədə razılıq Azərbaycanın xarici işlər naziri Ceyhun Bayramov ilə İranın xarici işlər naziri Hüseyn Əmir Abdullahian arasında telefon danışığı zamanı ifadə olunub.
Telefon danışığı zamanı, iki ölkə arasında mövcud olan narazılıq və anlaşılmazlıqlarla bağlı müfəssəl müzakirə aparılıb. Anlaşılmazlıqların aradan qaldırılması üçün danışıqların davam etdirilməsinin vacibliyi vurğulanıb.
Rusiya Prezidenti Vladimir Putinin köməkçisi İqor Levitin İrana səfər edib.
Teref.az xəbər verir ki, bu barədə İranın “Mehr” agentliyi məlumat yayıb.
Məlumata görə, Levitin Şimal-Cənub dəmir yolu layihəsini müzakirə etmək üçün İrana gedib.
Onun İran paytaxtına iki günlük səfəri çərçivəsində İran rəsmiləri, o cümlədən ölkənin birinci vitse-prezidenti Məhəmməd Mohber və İranın yollar və şəhərsalma naziri Mehrdad Bazarpaş ilə görüşlər keçirəcəyi bildirilib. (Axar.az)
Bu ölkə Almaniya səfirinə 48 saat vaxt verdi8 Aprel 2023 09:01
Çad hökuməti Almaniya səfiri Yan Kristian Qordon Kriçerə ölkəni tərk etmək üçün 48 saat vaxt verib.
Publika.az xəbər verir ki, bu barədə “Reuters” agentliyi məlumat yayıb.
Çad hökumətinin bəyanatında deyilir: “Hökumətin bu qərarı nəzakətsiz münasibət və diplomatik adətlərə hörmətsizlikdən irəli gəlir”.
Xəzər dənizi vasitəsi ilə Orta Dəhlizin parçası olan dəhlizlərin önəmi artır və burada türk dünyası xüsusi yer tutur.
APA-nın İstanbul müxbirinin verdiyi xəbərə görə, bu barədə Türkiyə xarici işlər naziri Mövlud Çavuşoğlu bildirib.
O qeyd edib ki, Özbəkistan, Türkmənistan və Özbəkistan ilə nəqliyyat layihələri həyata keçirilir. Bundan əlavə, TANAP qaz xətti vasitəsi ilə türkmən qazının Avropaya tədarükünə dair işlər davam edir.
Çavuşoğlu həmçinin regional təhlükəsizlik məsələlərinə toxunaraq, Suriyada dördtərəfli format çərçivəsindəki danışıqlar zamanı ölkəsinin təhlükəsizliklə bağlı güzəştə getməyəycəyini vurğulayıb.
Nazir, Türkiyənin İsraillə münsaibətlərinin normallaşma prosesinin başladılmasına baxmayaraq, Fələstin xalqının hüquqlarının pozulmasına göz yummayacağını da diqqətə çatdırıb.
“Çin Prezidenti Si Cinpin ukraynalı həmkarı Volodimir Zelenski ilə danışmaq istədiyini deyib”.
Bunu Çində 3 günlük səfərdə olan Avropa Komissiyasının rəhbəri Ursula Fon der Lyayen vurğulayıb.
O bildirib ki, Si Cinpin şərtlər və vaxt imkan verəndə Zelenski ilə danışacaq.
Qeyd edək ki, bundan əvvəl Ukrayna Prezidenti Volodimir Zelenski də Si Cinpinlə görüşmək istədiyini bildirmişdi.
Bu gün İranın Azərbaycandakı səfiri Seyid Abbas Musəvi Azərbaycan Xarici İşlər Nazirliyinə (XİN) çağırılıb. Görüş zamanı İran səfirinə son zamanlar ölkəsi tərəfindən Azərbaycana münasibətdə nümayiş etdirilən təxribat xarakterli fəaliyyətə görə qəti narazılıq bildirilib. İran Səfirliyinin 4 əməkdaşının diplomatik statusa uyğun olmayan və Diplomatik Əlaqələr haqqında 1961-ci il Vyana Konvensiyası ilə ziddiyyət təşkil edən fəaliyyətinə görə Azərbaycan hökuməti tərəfindən “persona-non-qrata” (arzuolunmaz şəxs) elan edildiyi İran səfirinin diqqətinə çatdırılıb və həmin şəxslərin 48 saat ərzində Azərbaycan ərazisini tərk etməsi tələb edilib.
TEREF.AZ-ın məlumatına görə, Azərbaycanın tələbini "Sherg.az"a dəyərləndirən Ağ Partiya sədri Tural Abbaslı deyib ki, iki ölkə arasındakı gərginlik ən pik həddinə çatıb. Belə həddə çatmasında Azərbaycan tərəfinin heç bir günahı yoxdur:
"İkinci Qarabağ müharibəsi başlayandan indiyədək İran müxtəlif formada təxribatlara əl atıb. Müharibə dönəmində hərbi təxribatdan tutmuş, ölkə daxilində sabitliyin pozulması, casusluq fəaliyyəti ilə məşğul olub. Azərbaycanın İrandakı səfirliyinə hücum da edildi. Vətəndaşımız terrorun qurbanı oldu.
Digər bütün ölkələr kimi Azərbaycan da beynəlxalq hüquqa söykənərək istədiyi xarici hökumət vətəndaşını arzuolunmaz şəxs elan edə bilər. Bunun açıqlamasını vermək məcburiyyətində deyil.
Əminən ki, xüsusi xidmət orqanlarımız həmin 4 nəfərin fıaliyyəti ilə bağlı ölkə rəhbərliyinə və XİN-ə əsaslı faktlar təqdim ediblər. Onların Azərbaycanda qalmaqları təhlükəsizliyimizə zidd olduğu üçün belə bir tələb irəli sürülüb. Hər halda Azərbaycan tərəfinin addımından sonra İrandan reaksiya gələcək.
İran Azərbaycana qarşı pozuculuq fəaliyyətini yürütməsi və müstəqilliyimizi de-fakto tanımadığı müddət ərzindəndə gərginlik davam edəcək. Gərginliyi başladan Azərbaycan deyil, sonlandıran tərəf də olmayacaq, hər şey İrandan asılıdır".
“Avropa İttifaqının (Aİ) mülki missiyası Ermənistanın arzularını reallaşdırmır”.
Teleqraf.com xəbər verir ki, bunu politoloq Məhəmməd Əsədullazadə deyib.
Ekspertin fikrincə, İrəvan Aİ-nin yarı hərbi missiyasını Azərbaycanla sərhəddə - Zəngəzur istiqamətində yerləşdirməklə prosesi lehinə çevirməyi planlaşdırmışdı:
“Nikol Paşinyan missiyanın Azərbaycan əleyhinə hesabat hazırlayacağını, Brüsselin Bakıya təzyiq edəcəyini gözləyirdi. Amma Brüssel İrəvanın bu ümidini doğrultmadı. Azərbaycan Ermənistanla şərti sərhəddə strateji yüksəkliklərə nəzarəti bərpa edərək, İrəvanın Avropa İttifaqından gözləntilərinə son qoydu. Ümumiyyətlə, Brüssel Bakı ilə münasibətlərinin kəskinləşməsində maraqlı deyil.
Missiyanın tərkibindəki Fransanın destruktiv mövqeyi İrəvanı “cəsarət”ləndirmişdi.
Avropa İttifaqının missiyası Azərbaycanla şərti sərhəddən bir neçə kilometr aralıda müşahidə aparır. Bu da Avropa İttifaqının tərəflər arasındakı problemlərin bir hissəsi olmamaq istəyindən irəli gəlir.
Brüssel iki dövlət arasında vasitəçi olmaqda maraqlıdırsa, obyektiv mövqe tutmalı və beynəlxalq hüququ əsas götürməlidir”.
Məhəmməd Əsədullazadə KTMT hərbçilərinin sərhəddə yerləşdirilməsi ehtimalına da toxunub:
“Ermənistan Avropa İttifaqının onun arzusunu reallaşdırmadığına görə, KTMT hərbçilərinin sərhəddə yerləşdirilməsi məsələsini gündəmə gətirmək istədi. Amma iki stulda oturmağa çalışan Paşinyanın bu iki qurumu anti-Azərbaycan siyasətinə daxil etmək səyləri heç bir nəticə vermir. Bu da İrəvanın sülh müqaviləsində maraqlı olmadığını göstərir.
KTMT hərbçilərinin sərhəddə yerləşməsi, Avropa İttifaqı ilə Ermənistan arasında münasibətləri kəskinləşdirəcək”.
Azərbaycan Sosial Demokrat Partiyası ləğv olunduğunu bəyan edib. Elan “Yeni Müsavat” qəzetinin 5 aprel sayında yerləşdirilib.
1989-cu ildə qurulan Azərbaycan Sosial Demokrat Partiyası 1995-ci ildə dövlət qeydiyyatına alınıb. Partiya sədri Araz Əlizadə 2022-ci il oktyabrın 6-da vəfat edib.
2023-cü ildə ölkənin daha 6 partiyası fəaliyyətinə son verdiyini açıqlayıb: Azərbaycan Azad Respublikaçılar Partiyası, Azərbaycan Liberal Demokrat Partiyası, Azərbaycan Naminə Alyans Partiyası, Azərbaycan Sosial Rifah Partiyası, Azərbaycan Təkamül Partiyası, Birlik Partiyası.
Birlik Partiyası 1992-ci ildə, Azərbaycan Naminə Alyans Partiyası və Azərbaycan Sosial Rifah Partiyası 1995-ci ildə, Azərbaycan Liberal Demokrat Partiyası 1999-cu ildə, Azərbaycan Azad Respublikaçılar Partiyası 2002-ci ildə, Azərbaycan Təkamül Partiyası 2005-ci ildə dövlət qeydiyyatına götürülüb.
2023-cü il yanvarın 11-də qüvvəyə minən “Siyasi partiyalar haqqında” yeni qanuna görə, dövlət qeydiyyatı üçün partiyanın azı 5000 üzvü olmalıdır. Dövlət qeydiyyatında olan 60 siyasi partiyaya üzvlərinin sayını 5000 min nəfərə çatdırmaq, onların reyestrini hazırlayıb təqdim etmək üçün 180 gün vaxt verilib. Həmin müddət iyulun 10-da bitir.
Əvvəlki qanunla partiyanın qeydiyyatı üçün 1000 üzv kifayət idi.
Partiyaların dövlət qeydiyyatına Ədliyyə Nazirliyi məsuldur.