“Putin Avropaya qarşı ikinci cəbhə açmağı planlaşdırır...Avropalılar üçün dinc dövr artıq geridə qalıb...”

Vladimir Putinin son çıxışlarına diqqət etdikdə anlaşılır ki, o, nəyin bahasına olursa-olsun öz “ideyalarını” həyata keçirmək niyyətindədir və bundan əl çəkmək fikrindən uzaqdır. O, bu günlərdə “biz məqsdlərimizə nail olmayınca müharibə bitməyəcək”, - deyə bildirib.

Belə görünür ki, Putinin artıq kompromisə getməyə yeri də qalmayıb. Qələbə qazanmaq üçün gərək Rusiyanın insan potensialı qurban verilsin. Nəzəri baxımdan yanaşsaq, əgər müharibə bu templə əlavə iki il də davam edərsə, Ukrayna kritik əsgər çatışmazlığı ilə üzləşəcək. Öz növbəsində Rusiya da böyük itkilər verəcək, lakin onun canlı qüvvəsi daha çox olduğundan mühribədən qalib çıxmaq ehtimalı da daha yüksəkdir.

Təbii ki, belə bir vəziyyət döyüş meydanında kəskin dəyişikliklər baş verməyəcəyi təqdirdə yarana bilər. Ukraynanın məğlubiyyəti isə Avropanın təhlükəsizliyinə ciddi təhdiddir. Elə bu səbəbdən də Avropa Rusiyanın önünü kəsmək üçün Ukraynaya iri həcmli və təxirəsalınmaz yardımlar göstərməlidir.

“AzPolitika.info” xəbər verir ki, Ukraynanın “Obozrevatel.ua” internet portalı “Putin Avropaya qarşı ikinci cəbhə açmağı planlaşdırır” başlıqlı məqaləsində sözügedən məsələyə toxunub.

Həmin məqaləni təqdim edirik: ”Rusiya imperiyasının və ya ən azından Sovet İttifaqının bərpası Putinin demək olar ki, bütün prezidentlik müddətinin əsas məqsədi olub. O, İndiki prosesi “Rusiya suverenliyinin bərpası” adlandırır və bu, Rusiya Federasiyasının yaxınlığında yerləşən ölkələrin müstəqilliyinin itirilməsi hesabına baş verməlidir. Putin özünün “finiş xəttində” müharibə üçün nə maliyyə, nə də insan resursları xərcləməkdən çəkinir.

O, Ukraynanın Odessa şəhərini “rus şəhəri” adlandırıb, həmçinin Moldovanı yada salaraq bildirib ki, onun MDB-də iştirakı ciddi dəyər daşımır. Nəzərə alsaq ki, Putin Ukraynada uzunmüddətli müharibəyə hazırlaşır, deməli, Kişinyovun da təhlükə altında olmasını anlamaq çətin deyil. Moldova Avropa İttifaqının və NATO-nun üzvü deyil, həm də ki, onun həll edilməmiş Dnestryanı problemi var. Heç də təsadüfi deyil ki, 2022-ci ilin fevralında Rusiya ordusu qondarma Dnestryanı Respublikasının sərhədlərindən çıxmağa cəhd göstərmişdi.

Gözlənilən qarşıdurmanın miqyası Ukraynadakı döyüş meydanında müəyyənləşir - Putin nə qədər çox revanş əldə edərsə, Avropaya qarşı ikinci cəbhəni bir o qədər tez açar. Bu ilin dekabrın 14-də Putin ikibaşlı eyham vuraraq deyib ki, onun növbəti prezidentlik müddəti total müharibə dövrü olacaq.

Bu mənada Qərb üçün siqnal Rusiya Federasiyası Silahlı Qüvvələrində aparılan iri miqyaslı hərbi islahatlar, həmçinin hərbi büdcənin artırılmasıdır. 2024-cü ildə Rusiyanın müdafiə xərcləri ölkənin Ümumi Daxili Məhsulunun 6%-ni təşkil edəcək. Proqnozlara görə Putinin yenidən seçilməsindən sonra Rusiyada səfərbərlik sürətləndiriləcək. Yuxarıda haqqında danışılan islahat eyni zamanda Rusiya ordusunun şəxsi heyətinin böyüdülməsini nəzərdə tutur.

İlkin məlumatlara əsasən 2027-ci ildə hərbi xidmətdəkilərin sayı 1,5 milyon nəfəri ötəcək. Belə bir say artımı təkcə Ukraynada apralıan müharibə üçün nəzərdə tutulmur. Lakin Ukrayna cəbhəsində uğur qazanmadan Avropa ilə birbaşa qarşıdurmaya getmək mümkünsüzdür. Putin çoxlu sayda rus əsgərinin öldürülməsinə hazırdır, amma buna baxmayaraq o, həmişə öz addımlarını hesablayır.

Ukraynaya təcavüz ərəfəsində öz gücünü hədsiz yüksək dəyərləndirən Putin artıq bir daha bu cür səhvləri təkrarlamaz və hərbi ehtiyat toplamaq üçün vaxtını əsirgəməz, səbrli davranar. Bəzi Avropa ölkələri Rusiya təhlükəsini ayıq dəyərləndirə bilir. Almaniya Müdafiə naziri Boris Pistorius bəyan edib ki, Bundesver Litvada öz tank və artilleriya batalyonunu yerləşdirəcək. Bu proses 2027-ci ildə bitəcək və Rusiya ordusunun hərbi islahatının sona çatması müddətinə uyğun gələcək. Öz növbəsində Polşada ordunun yenidən silahlandırılması prosesinə başlanılıb və hərbi texnikanın daha müasir nümunələri alınaraq ordunun döyüş cərgəsinə veriləcək.

Rusiyanın aqressiv militarizmi şəraitində NATO-nun şərq cinahındakı ölkələrin müdafiə qabiliyyətləri maksimal şəkildə möhkəmlənməlidir. Rusiyanın təcavüzü zaman məsələsidir, ona görə də müəyyən ölkələrdəki silah anbarları doldurulmalıdır.

Ukraynaya dəstəklə bağlı Avropada gedən indiki müzakirələr Qərb dünyasının gələcək təhlükəsizlik konfiqurasiyasını özündə əks etdirir. Yaranmış vəziyyətdəki paradoks ondan ibarətdir ki, Avropa İttifaqındakı ölkələrin heç də hamısı ən xoşagəlməz ssenaridə belə Rusiyanı Qərb sivilizasiyasının mahiyyətini məhv edə biləcək təhlükə saymırlar.

Rusiya ordusunun arxaik və yöndəmsiz olması və Ukrayna cəbhəsində bir neçə yüz metr irəliləmək üçün minlərlə hərbçi itirməsinə baxmayaraq, bu cür faktorlar Putin üçün əhəmiyyətli hadisə və mühüm göstərici sayılmır. Rusiya böyük resursa malikdir və orada hələ də əli silah tuta biləcək kifayət qədər kişi var.

Həm də ki, Rusiya ordusunun tərkibi “hücum marşı zamanı” həmişə işğala məruz qalmış xalqların nümayəndələri ilə doldurulur. Vaxtilə Çingizxanın qoşunları da bu cür doldurulmuşdu. Digər yandan, Ukrayna Putinə ona görə cəlbedicidir ki, buradakı insan resursunu da səfərbər etmək olar. Rusiya artıq bunu Ukraynanın işğal olunmuş ərazisində həyata keçirir. Qondarma “Donetsk Xalq Respublikası” və “Luqansk Xalq Respublikası”ndakı kişilərin əksəriyyəti müharibəyə cəlb ediliblər.

Rusiyaya qarşı səmərəli mübarizə üçün vacib olan üç əsas komponent var. İlk öncə Rusiya Fedrrasiyasının qabağını ala biləcək kollektiv mexanizm işlənib hazırlanmalıdır. Rusiya hərbi gücünün geniş miqyas almasına imkan verməməkdən ötrü kompleks tədbirlər görülməlidir.

Həmçinin, Avropa ölkələri öz hərbi potensiallarını böyütməli, silah istehsalını artırmalıdırlar. Məhz bu, döyüş meydanında Rusiyaya qarşı real mübarizə aparmağa imkan verir. Avropalılar üçün dinc dövr artıq geridə qaldı. 2022-ci ilin 24 fevralında Ukrayna şəhərlərinə yağdırılan ilk raket zərbələrindən sonra avropalıların rahat dövrü tarixə qovuşdu.Ona görə də Ukarynaya Avropa İttifaqına üzvlük və real təhlükəsizliklə bağlı təminat verilməlidir.

Avropada dolaşan ən böyük yanlışlıqlardan biri də Ukraynanın Avropa İttifaqı və Rusiya arasında “körpü” rolu oynaması fikridir. Putin Ukraynanın bufer zona olmasında qətiyyən maraqlı deyil.

Rusiyanın Ukraynaya hücumu Putinin NATO ilə qonşu olmaqdan qorxmadığını təsdiq etdi. Nə qədər ki, Putin Rusiya Federasiyasında prezident olacaq, nə Avropada və nə də ki, postsovet məkanında heç bir ölkə özünü təhlükəsizlikdə hiss etməyəcək.

Avropanın öz tarixi möhtəşəmliyini bərpa etməsi və şərq sərhədlərini gücdləndirməyə hazır olduğunu nümayiş etdirməsi onun Putinə verə biləcəyi ən yaxşı cavabdır. Bu mənada Rusiya işğalçılarının zərbəsini öz üzərinə götürən Ukraynaya vaxtında və tələb olunan səviyyədə yardım etmək lazımdır. Çünki bu, Rusiyanın hücum imkanlarını tükəndirən ən əsas faktordur”.

V.Nəsibov

Rusiya-Ərəb Əməkdaşlıq Forumunun yekun sənədi İranda siyasi ehtirasları əməlli-başlı coşdurub və rəsmi Tehranın özünə strateji müttəfiq bildiyi, o cümlədən Ukrayna ilə müharibədə öz dronları ilə ciddi dəstək verdiyi Rusiya əleyhinə müxtəlif ittihamların səslənməsinə səbəb olub.

Belə ki, dekabrın 20-də Mərakeş krallığında Rusiya-ərəb əməkdaşlıq forumunun Xarici İşlər nazirləri səviyyəsində 6-cı iclası keçirilib və həmin iclasda Rusiyanın Xarici İşlər naziri Sergey Lavrov da iştirak və çıxış edib.

Forumun sonunda yekun bəyannamə qəbul olunub, həmin sənəddə Fələstin, Suriya, Liviya, Yəmən, Sudan, Ukrayna, terrorçuluqla mübarizə və sair kimi regional və beynəlxalq məsələlərlə yanaşı, İran ilə Birləşmiş Ərəb Əmirlikləri arasında mübahisəli ərazi sayılan üç ada - Böyük Tomb, Kiçik Tomb və Əbu Musa mövzusu ayrıca bənddə əksini tapıb.

Bu barədə “Azad İran” “YouTube” kanalında yayımlanan videosüjetdə deyilib.

Məlumata görə, həmin bənd İran siyasi elitasını özündən çıxarıb. Belə ki, altında Rusiyanın da imzası olan sənəddə həm İranın mövqeyinin əksinə olaraq, Fars körfəzindəki sözügedən adaların mübahisəli ərazi olduğu təsdiqlənib, həm də həmin mübahisənin dinc yolla, danışıqlar vasitəsilə həllinə, eləcə də BMT-nin Beynəlxalq Məhkəməsinə müraciət əsasında həllinə dəstək ifadə olunub.

Adalar məsələsində Rusiyanın belə mövqe tutması ilk dəfə olmasa da, məsələ İran siyasi dairələrində, mətbuatda və sosial şəbəkələrdə qızğın müzakirə obyektinə çevrilib, Moskva İranın ərazi bütövlüyünü sual altına almaqda, Tehranla müttəfiqlik münasibətlərinə xəyanət etməkdə ittiham olunub.

Ən kəskin mövqeyi isə rəsmi “Keyhan” və yarımrəsmi “Cümhuri-ye islami” qəzetləri sərgiləyib.

Daha ətraflı videosüjetdə:

Macarıstanın Baş naziri Viktor Orban Ukrayna Prezidenti Vladimir Zelenski ilə görüşməyə razılıq verib.

APA xəbər verir ki, bu barədə “The Washington Post“ məlumat yayıb.

Nəşr bildirir ki, görüş baş tutsa, bu, Rusiyanın Ukraynada genişmiqyaslı əməliyyatlar başlayandan bəri ilk görüş olacaq.

Orban Budapeştdə mətbuat konfransında deyib ki, ABŞ-da baş tutan dialoqun mövzusu Ukraynanın Avropa İttifaqına daxil olmaq planları olub.

Məhşur “Wall Street Journal”da Rusiya Prezidenti Vladimir Putin haqqında maraqlı məqalə nəşr olunub.

Jurnalın köşə yazarı Cerard Beyker Rusiya Prezidenti Vladimir Putinin 2023-cü ilin geosiyasi qalibi olduğunu bildirib.

Amerikalı jurnalist Gerard Baker yazdığı məqalədə Putini bu ilin geosiyasi qalibi elan etməkdən məmnun olmadığını da qeyd edib.

“Putinin bu il uğur qazanmasına Ukraynanın əks-hücumunun uğursuzluğu, Qərbin tətbiq etdiyi sanksiyalar, Avropanın mövqelərinin zəifləməsi və ABŞ-nin Kiyevə dəstəyində əmələ gələn “çat” səbəb olub”.

Xatırladaq ki, bir müddət əvvəl Amerikanın “Time” jurnalı Rusiya liderini “ilin adamı” siyahısına daxil etmişdi.

Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-nin canlı efirinə qatılıb.

O, Azərbaycan və Ermənistan arasında münasibətlərin normallaşması istiqamətində əldə olunan irəliləyişlərdən danışıb.

Hikmət Hacıyev bildirib ki, Azərbaycan ermənilərin reinteqrasiya məsələsi ilə bağlı bütün müvafiq müraciətlərinə baxmağa hazırdır.

“Bütün işğal dövrü ərzində Ermənistan azərbaycanlılara qarşı etnik təmizləmə həyata keçirib. Bir milyon azərbaycanlı hələ də qaçqın və məcburi köçkün vəziyyətindədir. Azərbaycanda bir milyon qaçqın və məcburi köçkünün öz evlərinə qaytarılması prosesi gedir, və onlar 30 ildən artıq bu hüquqdan məhrum ediliblər. Bu arada, biz onları qalmağa çağırmağımıza baxmayaraq, Qarabağı tərk etmək qərarına gələn ermənilər də oldu. Azərbaycan onların geri qayıtması üçün bütün imkanları, o cümlədən təhlükəsizliyi təmin edir. Bu səbəbdən biz vətəndaşlıq almaqla bağlı ərizələrin verilməsi üçün xüsusi elektron portal yaratmışıq. Birincisi, ermənilərin geri qayıtması üçün müvafiq qanunvericilik bazası olmalıdır. Burada əsas ilkin şərtlərdən biri də Azərbaycan qanunlarına və qaydalarına uyğun olaraq vətəndaşlığa qəbul edilməsidir. Bu səbəbdən biz aydın şəkildə bildirdik ki, hər bir konkret hal əsasında bütün müvafiq hüquqi müraciətləri nəzərdən keçirməyə və baxmağa hazırıq”, - deyə o vurğulayıb.
H.Hacıyev xatırladıb ki, hazırda Azərbaycan və Ermənistan arasında diplomatik səviyyədə danışıqlar aparılır:

“Azərbaycan Ermənistanla sülh müqaviləsi bağlamağa hazırdır. Bu səbəbdən Azərbaycan da beş fundamental prinsip və sülh müqaviləsinin mətnini təklif edib. Hazırda Azərbaycan və Ermənistan arasında birbaşa danışıqlar çərçivəsində diplomatik öhdəliklər var. Hesab edirəm ki, Azərbaycan və Ermənistan müsbət gündəmlə dünyanı təəccübləndirməyi bacarıb. Dekabrın 7-də iki ölkə birgə bəyanat yayaraq, sülh gündəmini irəli sürmək və etimad quruculuğu tədbirlərini həyata keçirmək niyyətlərini ifadə edib”, - o qeyd edib.

“Avropa İttifaqı bundan sonra Türkiyənin mövqeyini düzgün qiymətləndirməlidir”.

Bu sözləri Türkiyə Prezidenti Rəcəb Tayyib Ərdoğan Macarıstan səfərindən qayıtdığı zaman təyyarədə jurnalistlərin suallarını cavablandırarkən deyib.

Ərdoğan Avropa İttifaqının müharibə vəziyyətindəki Ukrayna və həmçinin Moldova ilə üzvlük danışıqlarına başlaması və Gürcüstana namizəd statusu verməsi ilə bağlı fikirlərini bildirib.

“Onlara namizəd statusunun verilməsi o demək deyil ki, gəlib Avropa İttifaqına üzv olacaqlar. Onlarla proses başladılacaq və bu proseslər də ləngiyəcək. Bu ölkələrin heç biri Türkiyə deyil. Avropa İttifaqının bundan sonra Türkiyənin mövqeyini düzgün qiymətləndirməsi lazımdır. Aİ-yə üzv olmağa bir çox üzv ölkədən daha hazır olan Türkiyənin illərdir siyasi maneələrə görə gözlədilməsi səhvdir. Türkiyənin istər strateji, istərsə də iqtisadi potensialı artıq çoxdan Avropa İttifaqına tamhüquqlu üzvlüyə imkan verdiyi halda, illərdir müxtəlif bəhanələrlə diqqətimizi yayındırırlar. Türkiyənin nə qədər əhəmiyyətli və nüfuzlu bir ölkə olduğu son illərdə yaşadığımız proseslər zamanı bir daha ortaya çıxdı. Artıq Avropa İttifaqı bu səhvdən əl çəkməlidir”, - deyə Rəcəb Tayyib Ərdoğan qeyd edib. \\Ölkə.az

2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində Yeni Azərbaycan Partiyası İdarə Heyətinin 2023-cü il 15 dekabr tarixli iclasının Qərarı ilə Azərbaycan Respublikasının Prezidenti, Yeni Azərbaycan Partiyasının sədri İlham Heydər oğlu Əliyevin namizədliyi irəli sürülüb.

Yenicag.az xəbər verir ki, namizədliyin irəli sürülməsinin təsdiq edilməsi üçün sənədlər 2023-cü il dekabrın 16-da partiyanın səlahiyyətli nümayəndəsi tərəfindən Azərbaycan Respublikasının Mərkəzi Seçki Komissiyasına (bundan sonra – Mərkəzi Seçki Komissiyası) təqdim edilib

Mərkəzi Seçki Komissiyası bununla əlaqədar Azərbaycan Respublikası Seçki Məcəlləsində nəzərdə tutulmuş müddətdə və qaydada müvafiq araşdırma aparıb, irəli sürülmüş namizədliyin təsdiq edilməsi üçün əsasların olmasını müəyyən edib.

Yuxarıda qeyd edilənləri əsas götürərək, Mərkəzi Seçki Komissiyası Azərbaycan Respublikası Konstitusiyasının 56-cı və 100-cü, Seçki Məcəlləsinin 19.4-cü, 19.14-cü, 28.2-ci, 28.4-cü, 54-cü və 180.1-ci maddələrinə əsasən qərara alıb:

1. 2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində namizədliyi Yeni Azərbaycan Partiyası tərəfindən irəli sürülmüş İlham Heydər oğlu Əliyevin namizədliyinin irəli sürülməsi təsdiq edilsin.

2. Bu Qərar dərc edildiyi gündən qüvvəyə minir.