 |
|
|
Avropa İttifaqı ölkələri Gürcüstana üzvlüyə namizəd statusunun verilməsi ilə bağlı danışıqlara başlamaq barədə qərar qəbul ediblər.
“Report” xəbər verir ki, bu barədə Avropa Şurasının rəhbəri Şarl Mişelin “X” sosial şəbəkəsindəki paylaşımında qeyd olunub.
“Avropa Şurası Gürcüstana namizəd statusu verib. Aİ, həmçinin Bosniya və Herseqovina ilə danışıqlara həmin ölkə tərəfindən üzvlük meyarlarına tələb olunan uyğunluq səviyyəsinə nail olduqdan sonra başlayacaq, bunun üçün biz Avropa Komissiyasına mart ayında hesabat təqdim etməyi tapşırmışıq və bununla bağlı qərar qəbul ediləcək”-deyə, o qeyd edib.
Aİ ölkələri həmçinin Ukrayna və Moldovanın icmaya qəbulu ilə bağlı danışıqlara başlamaq qərarına gəliblər.
Ermənistanın Baş naziri Nikol Paşinyan yaxın vaxtlarda Azərbaycanla sülh sazişinin imzalanmasını çox real adlandırıb.
Paşinyanın sözlərinə görə, əgər artıq Bakı iki ölkə liderləri arasında razılaşdırılmış prinsipləri təsdiq etsə, sülh sazişinin imzalanması realdır.
“Azərbaycan bu prinsipləri təsdiq edərsə, yaxın vaxtlarda sülh sazişinin imzalanması çox realdır”, - Paşinyan dənizə çıxışı olmayan ölkələrin nazirlər iclasının açılış mərasimində vurğulayıb.
Paşinyanın fikirlərinə münasibət bildirən politoloq Aytən Qurbanova "Sherg.az"a deyib ki, sülhün bizim üçün əsas şərtləri artıq açıq şəkildə ifadə olunub və bütün platfomalarda da səsləndirilib:
"Çox təəssüflər olsun ki, Ermənistan tərəfi bu şərtləri qəbul edərək sülhə doğru bir addım atmaq əvəzinə onlara fərqli formada ifadə olunmuş əlavə “şərhlər” verərək vaxt qazanmağa çalışır. Təbii ki, bu heç bir halda qəbul ediləcək yanaşma deyil. Digər tərəfdən isə Ermənistanın bugünə qədər “sülh prinsipləri” adı altında təqdim etdiyi bütün yanaşmaların açıq şəkildə işğalçılıq ideologiyası üçün zəmin yaratmaq cəhdləri olduğunu da aydın şəkildə müşahidə etmək mümkündür. Ona görə də sülh müqaviləsinin imzalanmasının yeganə yolu Ermənistan tərəfinin Azərbaycanın təklif etdiyi beş prinsipi qeyri-şərtsiz qəbul etməsi və digər məsələlərə dair müzakirələrdə də konstruktiv mövqe nümayiş etdirərək xoş niyyət addım atmasıdır. İlkin mərhələdə əsirlərin dəyişdirilməsinə dair qəbul edilmiş qərarın icra olunması müəyyən mənada artıq ikitərəfli danışıqlar platformasının sülh üçün uğurlu nəticələrə gətirib çıxara biləcəyinə dair müsbət fikirlər formalaşdırır. Ümid edirik ki, bu istiqamətdə atılan müsbət addımlar davamlı xarakter alacaq. Məhz belə olan halda biz nəhayət ki, sülh müqaviləsinin imzalanmasının mümkünlüyü haqqında danışa bilərik".
TASS
ABŞ Konqresinin Nümayəndələr Palatası prezident Co Baydenə qarşı impiçment təhqiqatına rəsmi icazə vermək üçün səsvermə keçirməyə çalışır. Respublikaçılar ittiham prosesinin arxasında ciddi dursalar da, partiyalar arasında istintaqın hələ də prezidentin qanunsuz davranışına dair sübut təqdim etmədiyinə dair narahatlıqlar var.
Səsvermə Nümayəndələr Palatasının spikeri Mayk Conson və onun komandasının Baydenin ailə üzvlərinin biznes əlaqələri ətrafında təxminən bir il davam edən araşdırmada irəliləyiş göstərmək üçün artan təzyiqlə üzləşdiyi bir vaxtda baş verir.
Onların araşdırması etik suallar doğursa da, Baydenin vitse-prezident kimi əvvəlki vəzifəsində və ya hazırkı ofisində korrupsiyaya yol verdiyinə və ya rüşvət aldığına dair heç bir sübut ortaya çıxmayıb.
Səsvermədən əvvəl Conson bunu “növbəti zəruri addım” adlandırıb. O, "bunun daha sürətli getməməsindən məyus olan bir çox insan" olduğunu etiraf edib. Lakin Conson Fox News-da bildirib ki, o, qətnamənin Nümayəndələr Palatasından keçəcəyinə inanır və "biz konstitusiya məsuliyyətimizi yerinə yetirmək üçün ən yaxşı vəziyyətdə olacağıq".
Səsvermə keçirməklə iki aydan az müddətdə işdə olan spiker prezident üçün son cəzaya səbəb ola biləcək impiçment prosesini dəstəkləmək üçün konfransın keçirəcək.
Senatda mühakimə olunarsa, bu, Konstitusiyaya uyğun olaraq onun vəzifədən uzaqlaşdırılacaq "yüksək cinayətlər və pis əməllər" kimi təsvir edilir.
Uğurlu səsvermə Baydenin yenidən seçilmək üçün namizəd olacağı və Ağ Evdə olduğu müddətdə iki dəfə impiçmentə məruz qalmış keçmiş prezident Donald Trampa qarşı mübarizə aparacağı zaman impiçment araşdırmasının 2024-cü ilə qədər uzanmasını təmin edəcək.
Tramp Respublikaçıları Baydenə qarşı impiçment elan etmək üçün sürətlə hərəkət etməyə sövq edir və bu onun siyasi düşmənlərinə qarşı intiqam və qisas almağa çağırışlarının bir hissəsidir.
Partiyalarının üzvləri prezident Baydenin impiçmentini dəstəkləmək üçün heç bir dəlil olmadığını etiraf etmələrinə baxmayaraq, bu yaxınlarda verdiyi açıqlamada o, Ağ Ev bütün prosesi Respublikaçıların irəli sürdüyü "iddianın təxminlərə əsaslanan məlumat tələb etməsi" adlandırıb.
Nümayəndələr Palatasının bəzi Respublikaçıları, xüsusən də siyasi cəhətdən bölünmüş bölgələrdən olanlar əhəmiyyətli bir siyasi xərcdən qorxaraq Baydenin impiçmenti ilə bağlı hər hansı səs verməkdə tərəddüd edir. Lakin GOP liderləri son həftələrdə qətnamənin Baydenə qarşı impiçment qərarı deyil, prosesdə yalnız bir addım olduğunu bildirib. Görünür, bu mesaj skeptiklər üzərində qələbə qazanıb.
İmpiçmenti dəstəkləməkdə tərəddüd edən Respublikaçıların əksəriyyəti rəhbərliyin son arqumentindən təsirlənib. Belə ki, Ağ Evin onların məlumat tələblərini rədd etdiyi üçün araşdırmaya icazə verilməsi onlara daha yaxşı hüquqi mövqe qazandıracaq.
amerikaninsesi
Azərbaycanla Ermənistan arasında sülhlə bağlı heç bir əngəl qalmayıb. Artıq Qarabağ deyilən bir məsələ gündəmdə yoxdur. Azərbaycan öz ərazilərini işğaldan azad edib. Bundan sonra həmin mövzunun gündəmə gətirilməsinə imkan verilməyəcək.
Bunu Teleqraf.com-a Böyük Quruluş Partiyasının sədri, Milli Məclisin deputatı Fazil Mustafa deyib.
“Ermənistanın tərkibində Azərbaycanla bağlı bir məsələnin qoyulması nəzərdə tutulmursa, ölkəmizin ərazisində də hansısa bir məsələnin ermənilər üçün imtiyaz, xatırlatma olaraq qeyd edilməsi absurddur” – deyə o qeyd edib.
Partiya sədri hesab edir ki, qaçqınların, ayrı-ayrı köçkünlərin, bu prosesdə 30-40 il öncə yurdundan didərgin düşmüş insanların Ermənistana qayıdışı məsələsi təmin edilməlidir:
“Eyni zamanda buradan getmiş ermənilər də Azərbaycan vətəndaşlığını qəbul edərlərsə, ölkəmizə qayıdışına təminat verilə bilər”.
Fazil Mustafaya görə, burada heç bir problem yoxdur:
“Azərbaycan bunu siyasi bir xətt olaraq elan edib. Ermənistan isə bununla bağlı mövqeyini açıqlamayıb. Erməni tərəfi bunu etsə, qarşılıqlı şəkildə bu məsələ imzalanacaq sülh müqaviləsində nəzərdə tutula bilər. Ona görə də, hazırkı mərhələdə sülh müqaviləsinin imzalanmaması üçün heç bir əsas yoxdur. Bəhanələr getdikcə arxada qalanda məsələ öz həllini tapacaq”.
Rusiya Azərbaycan-Ermənistan nizamlanması üzrə danışıqları qəbul etməyə həmişə hazırdır və ümid edir ki, Bakı və İrəvan müvafiq təklifin aktuallığını nəzərə alacaqlar.
APA-nın Moskva müxbiri xəbər verir ki, bunu Azərbaycan Səfirliyinin təşkil etdiyi ümummilli lider Heydər Əliyevin anım gününə həsr olunan tədbirdə iştirak edən Rusiya xarici işlər nazirinin müavini Mixail Qaluzin jurnalistlərə açıqlamasında bildirib.
"Ermənistan və Azərbaycan arasında sülh yolu ilə nizamlanması üzrə Moskvada sülh danışıqlarının aparılmasına dair təkliflərimiz Ermənistan və Azərbaycandan olan tərəfdaşlarımız üçün açıqdır. Ümid edirik ki, İrəvan və Bakı bunu xatırlayır və başa düşürlər", - deyə rusiyalı diplomat üç ölkənin xarici işlər nazirlərinin Moskvada görüşünün planlaşdırılıb-planlaşdırılmaması ilə bağlı suala cavab olaraq bildirib.
Ukrayna prezidenti Volodimir Zelenski Kiyevə maliyyə yardımının davam etdirilməsi ilə bağlı danışıqlar aparmaq üçün ABŞ Konqresinə gəlib.
Bu barədə Ukrayna liderinin gəlişini əks etdirən görüntülərini CNN yayımlayıb.
Onu Demokratlar və Respublikaçıların liderləri Çak Şumer və Mitç Makkonel müşayiət edib.
Siyasətçinin Nümayəndələr Palatasının spikeri Mayk Consonla da görüşü nəzərdə tutulub.
Ermənistan və Fransa xarici işlər nazirləri Cənubi Qafqazda təhlükəsizlik məsələləri müzakirə ediblər.
Bu barədə Ermənistan XİN məlumat yayıb.
Ararat Mirzoyan və Ketrin Kolonna arasında baş tutan danışıqlar Avropa İttifaqı Şərq Tərəfdaşlığı ölkələri xarici işlər nazirlərinin görüşü çərçivəsində baş tutub.
Mirzoyan həmkarına Ermənistan-Azərbaycan münasibətlərindəki son vəziyyətdən danışıb.
Nazirlər beynəlxalq platformalarda qarşılıqlı fəaliyyətlə bağlı fikir mübadiləsi aparıblar.
Azərbaycanlı həmkarımla danışmaqdan məmnunam.
Bu barədə Belçikanın xarici işlər naziri Hadija Labib Azərbaycanın xarici işlər naziri Ceyhun Bayramovla görüşü barədə "X" hesabındakı paylaşımında bildirib.
Nazir bildirib ki, Belçika Azərbaycanla Ermənistan arasındakı sülh və hərtərəfli nizamlanma səylərini qətiyyətlə dəstəkləyir, regionda sabitliyə töhfə verir.
Görüşdə həmçinin Aİ-Azərbaycan münasibətləri və ikitərəfli əməkdaşlığın möhkəmləndirilməsi yolları müzakirə olunub.
Boris Conson Mühafizəkarlar Partiyasından olan deputatların hazırladığı heyrətamiz plana uyğun olaraq Böyük Britaniyanın baş naziri postuna qayıda bilər.
Axar.az xəbər verir ki, bu barədə "Deyli Meyl" məlumat yayıb.
Bir neçə mühafizəkar parlamentari keçmiş baş nazirin geri qayıtmasının partiyanı seçkilərdəki məğlubiyyətdən xilas etməyin yeganə yolu olduğuna inanır. Eyni zamanda, bildirilib ki, parlamentarilər Mühafizəkarlar Partiyasına dəstəyin azaldığını və seçicinin İslahatçılar Partiyasına üz tutduğunu göstərən sorğuya görə panikaya düşüblər.
Consonun sözçüsü isə onun siyasi ambisiyaları haqda danışmayıb:
"Boris Conson hazırda kitab yazır və hökuməti dəstəkləyir".
Gələn il fevralın 7-də Azərbaycanda prezident seçkiləri keçiriləcək. Dekabrın 7-də bununla bağlı Prezident İlham Əliyev Sərəncam imzalayıb.
Dekabrın 9-dan başlayaraq seçkidə iştirak etmək istəyən şəxslər namizədliklərini irəli sürə bilərlər.
Əslində növbədənkənar seçki beyinləri dumanlandırıb. Heç kəs belə qərar gözləmirdi. Əsas gözlənti referendumun keçiriləcəyi ilə bağlı idi. Müəyyən qədər də parlament seçkiləri haqda söz-söhbət dolaşırdı. Amma heç kimin gözləmədiyi oldu.
İndi hər kəsi bir sual düşündürür: İlham Əliyevin seçkidə rəqibləri kimlər olacaq? Ona kimlər alternativ olmağı düşünür?
Bu suala avtomatik olaraq belə cavab verilə bilər ki, 2008-ci ildən bəri namizəd olan şəxslər bu seçkidə də iştirak edəcəklər.
Globalinfo.az bu mövzuda yeni məlumatlar əldə edib. Məlumatda olduqca maraqlı, hətta sensasion adlar var.
Saytımızın əldə etdiyi məlumata görə, indiyə kimi prezident seçkilərində namizəd olan bir neçə şəxs bu dəfə də kampaniyaya qatılacaq. Ancaq namizədlər korpusuna yeni adların əlavə edildiyi də bildirilir.
Favorit namizədlərdən biri kimi deputat, Sosial Tədqiqatlar Mərkəzinin sədri Zahid Orucun adı çəkilir. Xatırladaq ki, Z.Oruc son 3 seçkidə namizəd kimi iştirak edib. O, 2018-ci il seçkilərində rəsmi məlumatlara əsasən seçki ikincisi olub.
Sərdar Cəlaloğlunun, Hafiz Hacıyevin, Razi Nurullayevin də namizəd kimi seçkiyə qatılacağı istisna deyil. Fərəc Quliyevin namizəd olub-olmayacağı isə hələlik dəqiq bilinmir.
Namizədlər siyahısında yeni adların olduğu da deyilir.
Ağ Partiya sədri Tural Abbaslının bu seçkidə namizəd olacağı haqda məlumat əldə etmişik. T.Abbaslı hazırda Azərbaycanda müxalifət liderləri arasında ən potensiallı və populyar siyasətçi hesab edilir. Bildirilir ki, onun başqan olduğu partiya üzvlərinin sayına görə YAP-dan sonra ikincidir.
Politoloq, keçmiş jurnalist Elxan Şükürlünün də namizədlər sırasında olacağı deyilir. E.Şükürlü son illər öz siyasi baxışı, müxtəlif mövzularda orijinal yanaşması və təhlilləri ilə ictimai rəydə özünə yer etmiş siyasətçilərdəndir. Onun da namizədliyi maraqlı qarşılanar və debatlara rəng qatar.
Namizədlər arasında Milli Məclisin vitse-spikerlərindən birinin də adı çəkilir. Bəzi dəqiqləşdirmələr etmək zərurəti yarandığı üçün onun adını hələlik qeyd etməyi uyğun bilmədik.
Bu siyahıda başqa sürpriz adların olacağı istisna deyil. Qarşıda Azərbaycanı olduqca maraqlı seçki kampaniyası, gərgin debatlar gözləyir.