 |
|
|
Prezident İlham Əliyev aprel ayında Çinə səfər edəcək.
Musavat.com xəbər verir ki, bu barədə “Azərbaycan-Çin strateji tərəfdaşlığı: Qlobal Cənubda konsolidasiya və əməkdaşlığın təşviqi” mövzusunda konfransda Çin Kommunist Partiyası Mərkəzi Komitəsinin (ÇKP MK) üzvü, ÇKP MK Beynəlxalq əlaqələr şöbəsinin müdiri Lyu Cyançao bildirib.
"Bu səfər çərçivəsində daha konkret layihələrlə bağlı qərarlar qəbul edəcəyik. Münasibətlərimizin dərinləşməsi üçün böyük potensial var”, - Lyu Cyançao deyib.
Ukrayna islahatları davam etdirsə və lazımi şərtlərə cavab verərsə, 2030-cu il yanvarın 1-dək Avropa Birliyinə daxil olmalıdır.
Axar.az xəbər verir ki, bu barədə Litvanın xarici işlər naziri Kestutis Budris brifinqdə deyib.
"Bu, təkcə dövlət institutlarının deyil, həm də cəmiyyətin motivasiyasını nümayiş etdirən müəyyən bir dövrdür. Biz başa düşürük ki, bu proses xüsusilə müharibə zamanı son dərəcə çətindir və bütün resursların və siyasi iradənin səfərbər edilməsini tələb edəcək. Bu, gələcək nəsillər üçün nəticə çıxaracağı real hekayə olacaq", - Budris qeyd edib.
BMT İranı və ABŞ-ni dialoqa çağırıb. “Report”un ABŞ bürosu xəbər verir ki, bu barədə BMT Baş katibinin sözçüsü Stefan Dujarrik jurnalistlərə açıqlamasında bildirib.
Sözçü əlavə edib ki, BMT bütün tərəflərin ritorikanı azaltmasını istəyir: “BMT nizamnaməsi üzv dövlətləri bütün mübahisələri diplomatik yollarla həll etməyə təşviq etmək baxımından çox açıqdır. Dünyanın bu regionu ilə bağlı hər kəsi gərginliyi artıran ritorikadan çəkinməyə çağırırıq. Həqiqi diplomatik dialoqa qayıtmaq mümkündür”.
Qeyd edək ki, ABŞ Prezidenti Donald Tramp növbəti dəfə İranı təhdid edib. Tramp ötən həftə sonu İranı bombalamaqla hədələyib. Bu təhdid, ABŞ-nin Hind okeanında yerləşən strateji bazaya B-2 “stealth” bombardmançı təyyarələrini yerləşdirməsi fonunda baş verib. Bu təyyarələr, Yaxın Şərqdəki hərbi əməliyyatlar üçün istifadə edilən bazaya yerləşdirilib.
Tramp qeyd edib ki, əgər İran Vaşinqtonla yeni nüvə sazişi bağlamasa, ABŞ onu bombalayacaq. O, martın əvvəlində İran rəhbərliyinə göndərdiyi məktubda danışıqlar üçün şərtlərini irəli sürüb və Tehranı qərar vermək üçün iki aylıq müddət çərçivəsinə salıb.
İranın ali rəhbəri Ayətullah Əli Xamenei öz növbəsində bildirib ki, əgər ABŞ Prezidenti Donald Trampın Tehranı bombalamaq təhdidini həyata keçirsə, Vaşinqton güclü zərbə alacaq.
Xəbər verdiyimiz kimi, martın 31-də Azərbaycan Respublikasının Prezidenti İlham Əliyevlə İran İslam Respublikasının Prezidenti Məsud Pezeşkian arasında telefon danışığı olub.
Musavat.com-un Modern.az-a istinadən məlumatına görə, telefon danışığı ilə əlaqədar İran tərəfi də məlumat yayıb.
Açıqlamada bildirilir ki, telefon danışığı zamanı Pezeşkian Azərbaycan Respublikasına qarşıdakı səfəri barədə də danışıb.
“Ümid edirəm ki, bu səfər zamanı iki qonşu xalq arasında münasibətlərin, eləcə də dostluq və qardaşlığın inkişafı və möhkəmləndirilməsinə yönəlmiş səmərəli və uğurlu məsləhətləşmələr apara bilərik”, - Pezeşkian qeyd edib.
Səfərin dəqiq nə vaxt baş tutacağı açıqlanmayıb.
ABŞ prezidenti Donald Tramp apreldə və ya “bir az sonra” Səudiyyə Ərəbistanı, Qətər və BƏƏ-yə səfər etmək niyyətində olduğunu bildirib. Musavat.com xəbər verir ki, məlumatı Tramp Ağ Evdə jurnalistlərə açıqlayıb.
Ağ Ev sahibi onu da qeyd edib ki, Yaxın Şərqə səfərindən sonra “başqa yerlərə” baş çəkmək niyyətindədir, lakin hansı ölkələrə gedəcəyini dəqiqləşdirməyib: "Mənim Yaxın Şərqlə çox yaxşı münasibətim var. Bu səfər gələn ay (aprel ayında), bəlkə də bir az sonra baş tuta bilər. Biz həmçinin Qətərə və yəqin ki, bir neçə başqa ölkəyə də gedərik. Birləşmiş Ərəb Əmirlikləri də çox vacibdir. Ona görə də biz yəqin ki, BƏƏ, Qətər və Səudiyyə Ərəbistanında olacağıq. Sonra başqa yerlərə gedəcəyik".
Qeyd edək ki, martın 30-da Axios portalı mənbələrə istinadən ABŞ prezidenti Donald Trampın mayın ortalarında Səudiyyə Ərəbistanına səfər etməyi planlaşdırdığına dair məlumat yayıb. Bu, Trampın ikinci müddətə prezident kürsüsündə oturduğundan bəri ilk xarici səfəri olacaq.
Musavat.com
Ukrayna hakimiyyəti iyulda seçki keçirməyi planlaşdırmır.
“Report” xəbər verir ki, bu barədə BBC yayım korporasiyasının Ukrayna xidməti öz mənbələrinə istinadən məlumat yayıb.
Qeyd edilib ki, bu məsələ ilə bağlı görüş keçirilməyib və kimsə iyulda seçkilərin təşkili ilə bağlı göstəriş almayıb.
Xatırladaq ki, martın 30-da Böyük Britaniyanın “The Economist” jurnalı Ukrayna hökumətindəki mənbəyə istinadən ölkədə iyulda prezident seçkilərinin keçirilə biləcəyi barədə məlumat yayıb. İddiaya görə, ötən həftə Volodimir Zelenski öz ofisinə atəşkəs əldə edildikdən sonra səsvermənin təşkili ilə bağlı işə başlamağı tapşırıb.
Moldova Xarici İşlər Nazirliyi Rusiyanın Kişinyovdakı səfirliyinin üç əməkdaşını personae non-qrata (arzuolunmaz şəxs) elan edib.
Qaynarinfo xəbər verir ki, bu barədə bazar ertəsi Moldova Xarici İşlər Nazirliyi məlumat yayıb.
Rusiyalı işçilər "diplomat statusuna zidd” hərəkətlərdə ittiham olunublar. Nazirliyin rəsmi "Telegram" kanalında dərc olunan respublika Xarici İşlər Nazirliyinin bəyanatında deyilir: "Xarici İşlər Nazirliyi rus diplomatına Rusiya səfirliyinin üç əməkdaşının persona non-qrata elan edilməsi ilə bağlı nota göndərib".
Bazar ertəsi "Moldova 1" xəbər verib ki, Moldovanın İnformasiya və Təhlükəsizlik Xidmətinin rəhbəri Aleksandr Musteata Rusiyanın Moldovadakı səfirliyini "Pobeda” blokunun deputatı Aleksandr Nesterovskiyə ədalətdən gizlənməkdə kömək etməkdə ittiham edib. Xüsusi xidmət nümayəndəsinin sözlərinə görə, deputat hökm elan edilməzdən bir gün əvvəl diplomatik nömrəli avtomobillə Dnestryanıya aparılıb. Rusiyanın Kişinyovdakı səfirliyi bu bəyanatları "əsassız və qəbuledilməz” adlandırıb.
Aleksandr Nesterovski 2024-cü ilin aprelindən "Qələbə” koalisiyasının tərkibində olan Moldovanın müxalif "İntibah” partiyasının liderlərindən biridir. Koalisiyanın tərəfdarları Rusiya və Avrasiya İqtisadi İttifaqı ilə əməkdaşlığın və əlaqələrin inkişafının tərəfdarıdır. 2023-cü ilin sentyabrında parlament prokurorluğun tələbi ilə Aleksandr Nesterovskini deputat toxunulmazlığından məhrum edib və Kişinyov məhkəməsi onun həbsinə qərar verib.
"Vozrojdenie” partiyası bu qərarı Aleksandr Nesterovskini yerli seçki yarışından "nokauta salmaq” cəhdi kimi qiymətləndirib. Mart ayında Kişinyov məhkəməsi deputatı 12 il müddətinə azadlıqdan məhrum edib. O, korrupsiyada və mütəşəkkil cinayətkar qrupdan siyasi partiyanı maliyyələşdirmək üçün vəsait almaqda ittiham olunurdu.
Kaya Kallas: Avropa İttifaqı Ukraynanı dəstəkləməyə davam edəcək
Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas ABŞ-ı üç ildir davam edən Ukrayna-Rusiya münaqişəsinə son qoymaq üçün Rusiyaya təzyiq göstərməyə çağırıb.
Bunu Kaya Kallas Madriddə keçirilən Avropa xarici işlər nazirlərinin toplantısından əvvəl deyib.
Kallas Rusiyanı yaxşı niyyət göstərməyə və Ukraynadakı atəşkəsə razı olmağa çağırıb.
Onun sözlərinə görə, Rusiyaya deportasiya edilmiş ukraynalı uşaqların geri qaytarılması və müharibə əsirlərinin azad edilməsi Rusiyanın xoş niyyətini göstərmək üçün edə biləcəyi addımlardır.(“Reuters“)
Tehran ABŞ Prezidenti Donald Trampa cavab məktubunda Vaşinqtonla birbaşa danışıqlardan imtina edib, yalnız vasitəçilik üçün pəncərə açılıb.
TNS "Tasnim News"a istinadən xəbər verir ki, bunu İran Prezidenti Məsud Pezeşkian Nazirlər Kabinetinin iclasında deyib.
Pezeşkian qeyd edib ki, İran amerikalı həmkarının məktubuna cavabı Oman vasitəsilə göndərib.
“İran vasitəçilik yolu ilə danışıqlara açıq olduğunu bəyan edir və heç vaxt danışıqlardan yayınmadığını vurğulayır", - Pezeşkian bildirib.
İran Prezidenti əlavə edib ki, yerinə yetirilməmiş vədlər İran və ABŞ arasında etimadın bərpası ilə bağlı problemlərə gətirib çıxa
İsrailin baş naziri Benyamin Netanyahu Macarıstanın baş naziri Viktor Orban ilə Qəzza sakinlərinin könüllü mühacirət planını müzakirə etməyi planlaşdırır.
TNS xəbər verir ki, bu barədə “The Times of Israel” məlumat yayıb.
Nəşrin mənbəsinin sözlərinə görə, Netanyahu gələn həftəyə planlaşdırılan Budapeştə səfəri zamanı Orbanla bu mövzunu müzakirə etmək niyyətindədir.
Qəzet qeyd edib ki, İsrailin baş naziri bu məsələdə macar həmkarının dəstəyini almağa ümid edir. Netanyahu ABŞ prezidenti Donald Trampın Qəzza planını dəstəkləmək üçün mümkün qədər çox ölkədən ibarət koalisiya yaratmağa çalışır.
Martın 30-da Netanyahu Nazirlər Kabinetinin həftəlik iclasında İsrailin Trampın fələstinlilərin Qəzzadan köçürülməsi ideyasına sadiq olduğunu təkrarlayıb. O, bu qərarı İsrail tərəfinin anklavda münaqişənin həlli ilə bağlı danışıqlar üçün irəli sürdüyü şərtlər arasında adlandırıb.