 |
|
|
Ermənistan Baş naziri Nikol Paşinyan Rusiyaya səfər edib.
“Sputnik Armenia”ya xəbər verir ki, Paşinyan mayın 25-də Moskvada Avrasiya İqtisadi Şurasının növbəti sessiyasında iştirak edəcək.
Həmçinin, səfər çərçivəsində Paşinyan və Rusiya Prezidenti Vladimir Putin arasında görüş keçiriləcək.
Qeyd edək ki, Azərbaycan, Rusiya və Ermənistan liderlərinin üçtərəfli görüşü də nəzərdə tutulub.
"Putinin "mini-NATO-su dağılır, Paşinyan və KTMT-nin digər ölkə liderləri kimə tərəf üz tutacaq?.."
"Mənim qəddar düşmənlərim olan Türkiyə ilə Azərbaycan arasında oyun oynayan, Dağlıq Qarabağ savaşında heç nə etməyən və məni pis vəziyyətdə qoyan Putin nəyimə lazımdır ki?.."
"Çin aktiv hərəkətə keçib və Rusiyanın ənənəvi təsir zonası olan Mərkəzi Asiya ilə yeni müdafiə qurumu Putin üçün qara işarədir..."
Ermənistanın baş naziri Nikol Paşinyan bəyan edib ki, İrəvan Moskvanın kuratorluq etdiyi Kollektiv Təhlükəsizlik Müqaviləsi Təşkilatından (KTMT) çıxa bilər.
Moderator.az xəbər verir ki, bu barədə Amerikanın "Newsweek" jurnalı məlumat verib və erməni liderinin getdikcə Kremldən daha da uzaqlaşdığını vurğulayıb.
"Mən Ermənistanın KTMT-dən de-yure çıxması və ya onun üzvlüyünün dondurulması imkanını istisna etmirəm", - Paşinyan bəyan edib.
"KTMT altı ölkənin hərbi ittifaqıdır və NATO-nun qısaldılmış versiyası ilə müqayisə edilir. Bu yaxınlarda bu blokun gələcəyi barəsində Paşinyanın dedikləri Rusiya prezidentinə ictimai narazılığı ifadə edib", - jurnal yazıb.
Ermənistanla Rusiya uzun müddətdir ki, müttəfiq olub. Son zamanlar ölkələr arasında yaranan gərginliyi izah edərkən Paşinyan qonşu Azərbaycanla davam edən münaqişədə Putin tərəfindən dəstəyin olmadığına istinad edib.
"Newsweek" xatırladıb ki, 2020-ci ildə bir neçə həftə davam edən müharibədən sonra 2021-ci ildə Ermənistan Azərbaycanı qoşunlarının, guya, onun ərazisinə keçməsində ittiham edib və KTMT tərəfindən bunun pislənilməsini uğursuzcasına tələb edib.
Ukraynalı hərbi ekspert Aleksey Arestoviç rusiyalı hüquq müdafiəçisi Mark Feyqinlə söhbətində əmin edib ki, Ermənistanın və KTMT-nin digər ölkələrinin tənqidi, əslində, Çinlə bağlıdır.
Arestoviç bəyan edib ki, Qazaxıstan, Qırğızıstan, Tacikistan, Türkmənistan və Özbəkistan liderlərinin ötən həftə Pekində keçirilən "Çin-Mərkəzi Asiya" sammitinə səfərləri gedişində iqtisadi məsələlərlə yanaşı, Çinin Mərkəzi Asiya ölkələri ilə yeni müdafiə qurumunun yaradılması imkanı da müzakirə edilib.
"Paşinyan söhbətin nədən getdiyini gözəl anlayır. O, görür ki, Çin təkcə yumşaq güclə hərəkət etməyə deyil, həm də özünün iqtisadi və siyasi təsirini hərbi yolla təmin etməyə hazırdır (müharibə etməklə deyil, yeni müdafiə qurumları yaratmaqla)", - Arestoviç izah edib.
Onun sözlərinə görə, Paşinyan məntiqlə düşünür": "Mənim qəddar düşmənlərim olan Türkiyə ilə Azərbaycan arasında oyun oynayan, Dağlıq Qarabağ savaşınsa heç nə etməyən və məni pis vəziyyətə salan Putin nəyimə lazımdır ki?..".
"Rusiya Putin dönəmində çox sürətlə zəifləyir. Və Çin aktiv hərəkətə keçib. Rusiyanın ənənəvi təsir zonası olan Mərkəzi Asiya ilə yeni müdafiə qurumu Putin üçün qara işarədir", - Arestoviç vurğulaylıb.
Prezident və parlament seçkilərinə görə qurulan ATA İttifaqının artıq ömrünü başa vurduğu iddia edilir. Belə ki, mediada yayılan xəbərə görə, bu ittifaqdakı partiyalardan biri – Ədalət Partiyasının rəhbəri Vecdət Öz ittifaqın başa çatdığını, 28 mayda keçiriləcək prezident seçkilərinin ikinci turunda “Altılı masa”nın namizədi Kamal Kılıçdaroğlunu dəstəkləyəcəyini bildirib.
ATA İttifaqına daxil olan (ATA İttifaqına Zəfər, Ədalət, Ölkəm və Türkiyə İttifaqı partiyaları daxil olsa da, əsas güc Zəfər Partiyasıdır – red.) Zəfər Partiyasının sədri Ümid Özdağın Kılıçdaroğlu ilə görüşünü əsas götürənlər, onun bu gün “Altılı masa”nın namizədinə dəstək verəcəyini iddia edir. Ehtimallar da bu yöndədir, Ümid Özdağın AKP iqtidarının əsas simalarından olan Süleyman Soylu ilə ciddi konfliktdə olduğu bildirilir.
ATA İttifaqının prezidentliyə namizədi Sinan Oğanın isə Cünhur İttifaqına dəstək verəcəyi deyilir - Oğan da öz qərarını bu gün açıqlayacaq.
Mövzu ilə bağlı Axar.az-a danışan türkiyəli jurnalist və siyasi müşahidəçi Həsən Barın bildirib ki, Zəfər Partiyasının başqanı sayın Ümid Özdağın Kılıçdaroğlu ilə anlaşmaya yaxın olduğu ilə ilgili bəzi xəbərlər həqiqətən paylaşılmaqdadır.
“Öncəliklə bunu deməliyik: Dünyagörüş və düşüncə olaraq Ümid Özdağ Millət İttifaqına (Kılıçdaroğlu), Sinan Oğan isə Cümhur İttifaqına (Ərdoğan) yaxındır. Sinan Oğanı da MHP başqanı Baxçalı Cümhur İttifaqında istəməz.
Sinan Oğan namizədi olduğu ATA İttifaqından daha çox səs aldı: ATA İttifaqının əsas partiyası – Zəfər Partiyası 14 may seçimində 2,2% səs qazandı, Oğan isə bundan iki dəfədən də çox (5,17%) səs topladı.
Görüşmələr Ümid Özdağ yönətimində keçir. Bu da Türkiyə millətçilərinin gözündən qaçmır”, - o bildirib.
Həsən Barının fikrincə, Oğanın aldığı səslərin bir hissəsi Məmləkət Partiyasının sədri, seçkiyə 2 gün qalmış namizədliyini geri götürən Məhərrəm İncəyə gedəcək səslərdir:
“Yəni CHP-nin elektoratıdır, HDP “Altılı masa”ya dəstək verdiyi üçün Kamal Kılıçdaroğluya səs vermədilər. Burdan belə anlaşılır ki, Oğanın səsi Zəfər Partiyasının səsi qədərdir.
Məsələ budur ki, Oğana səs verənlər milliyyətçi, intellektual, yüksək təhsilli, analiz qabiliyyəti olan insanlardır. Onlar Oğanın və yaxud Özdağın çağırışı ilə seçim etməzlər.
Millətçiliyi yönləndirən MHP-dir. Buna görə də Oğanın səslərinin bir qismi - ən azı 1%-i MHP-yə, yəni Ərdoğana gedəcək. Qalan səslərin necə olmasının artıq əhəmiyyəti qalmayacaq, bu bir faiz ikinci turun taleyini həll edəcək. Çünki birinci turda Ərdoğan 49,5%-in üzərində səs alıb”.
Barın xüsusilə vurğulayıb ki, Türkiyədə seçici xaos istəmir, səs verərkən də Məclis çoxluğunu ələ keçirən partiyanı dəstəkləyəcək:
“Məclis çoxluğu isə Cümhur İttifaqındadır. Qısaca desək, ATA İttifaqının kimi dəstəkləyib-dəstəkləmədiyi nəticəni dəyişməyəcək, Ərdoğanın qələbəsi qaçılmazdır!”
“Partiyası daxilində Baydenin təxminən 70, Trampın isə 62-64 faiz müsbət reytinqi mövcuddur”
ABŞ-da gələn il keçiriləcək seçkilərdə əsas yarışın Demokratlar Partiyasının namizədi olacaq hazırkı Prezident Co Baydenlə Respublikaçılar Partiyasının namizədi olacaq sabiq Prezident Donald Tramp arasında keçiriləcəyi gözlənilir. Qeyd edək ki, Respublikaçılar Partiyasında Trampın namizədliyinə qarşı olanlarla yanaşı, onu dəstəkləyənlərin də sayı kifayətdir. Tramp isə hələ ötən prezident seçkilərinin səhəri günündən yenidən ölkə başçısı olmaq iddiasını ortaya qoyub. 82 yaşlı hazırkı Prezident Co Bayden isə bu günlərdə yenidən namizədliyini irəli sürəcəyini elan edib.
“ABŞ-ın hazırkı və keçmiş prezidentləri - Co Bayden və Donald Trampın böyük anti-reytinqlərə malik olmasına baxmayaraq, çox güman ki, seçicilər sonda onların mübarizəsini görəcəklər. Siyasətçilərin praymerizdə qalib gəlmə şansları son dərəcə yüksəkdir; onların rəqibləri yalnız Tramp üçün Florida qubernatoru Ron DeSantis, Bayden üçün vəkil Robert Kennedi ola bilər”. Bu sözləri rusiyalı politoloq Malek Dudakov Bayden və Tramp arasında gözlənilən mübarizə ilə bağlı danışarkən deyib.
“İndi Bayden və Tramp ətrafında çoxlu qalmaqallar var, hər ikisinin də böyük anti-reytinqləri var. Partiyası daxilində Baydenin təxminən 70, Trampın isə 62-64 faiz müsbət reytinqi mövcuddur. Ancaq buna baxmayaraq, Tramp öz seçki bazası, onsuz da ona səs verəcək insanlar tərəfindən dəstəklənir. Əksər respublikaçılar onu dəstəkləyəcək”, - Dudakov əlavə edib.
Politoloqun sözlərinə görə, Bayden də seçicilər arasında böyük ruh yüksəkliyi yaratmır: “Lakin o, hələ də hazırkı Prezident, Demokratlar Partiyasının lideri kimi kifayət qədər nüfuza malikdir. Nəticədə, hesab edirəm ki, 2024-cü ildə keçiriləcək seçicilər yenidən Tramp və Bayden arasında qarşıdurmanı görəcəklər”.
“Tramp praymerizdə DeSantislə qarşılaşacaq, lakin onun reytinqi ən yüksək deyil, təxminən 30 faizdir. Əlbəttə, praymerizlərə hələ 8 ay var, amma mən heç bir xüsusi perspektiv görmürəm. Baydenin Kennedinin simasında rəqibi var, lakin o, cəmi 20 faiz dəstəyinə malikdir”, - analitik söyləyib.
Dudakov əlavə edib ki, ənənəvi olaraq üçüncü namizədlər çox az faiz qazanırlar: “Ona görə də Tramp və Bayden partiya daxilində ciddi rəqabət gözləməməlidir”.
Qeyd edək ki, ABŞ prezident seçkilərində namizədi müəyyənləşdirmək üçün partiyalar daxilində paymerizlər keçirilir. Daxili seçkilərlə namizədlər müəyyənləşir.
ayna.az
Rusiya, Azərbaycan və Ermənistan Xarici İşlər nazirlikləri rəhbərlərinin üçtərəfli görüşündə 2020-ci il noyabr bəyanatından sonra üç ölkə liderinin razılaşmalarının yerinə yetirilməsinə dair fikir mübadiləsi aparılıb. Bu barədə mayın 19-da axşam Rusiyanın xarici işlər naziri Sergey Lavrov nazirlərin görüşünün yekunlarını şərh edərkən bildirib.
Söhbət Qarabağda sabitliyin və təhlükəsizliyin təmin edilməsindən, üç ölkənin baş nazir müavinlərinin işçi qrupunun rəhbərliyilə nəqliyyat kommunikasiyalarının açılmasından, humanitar məsələlərdən, “lakin ilk hər şeydən öncə sərhədlərin delimitasiyası və demarkasiyası” üzrə razılaşmalardan gedir. Bundan ötrü üç ölkənin iştirakı ilə sərhədlərin delimitasiyası üzrə ayrıca komissiya yaradılıb.
“Əlbəttə ki, danışıqların ayrıca mövzusu hazırda müzakirə olunan, tərəflərin üzərində işləməyə başladığı, Vaşinqton və Brüsseldəki digər vasitəçilərin iştirakı ilə müzakirə olunan sülh müqaviləsi idi”, – Lavrov deyib.
“Bu gün tərəfdaşlarımız təsdiq etdilər ki, sərhədlərin delimitasiyası olmadan, nəqliyyat kommunikasiyaları açılmadan, həm Qarabağda, həm də Ermənistan-Azərbaycan sərhədində təhlükəsizliklə bağlı vəziyyət yaxşılaşmadan sülh müqaviləsinin konkret aspektləri üzrə irəliləmək çox çətindir”, – rusiyalı nazir qeyd edib.
Gələn həftə nəqliyyat kommunikasiyalarının açılması məsələsilə bağlı baş nazir müavinlərinin iştirakı ilə işçi qrupunun iclası keçiriləcək. “Konkret nəticəyə ümid edirik, tərəflər artıq yekun razılaşmaya yaxındır və yaxın gələcəkdə Rusiya Federasiyasının iştirakı ilə sərhədlərin delimitasiyası və demarkasiyası üzrə ikitərəfli komissiyanın iclasını keçirməyə razılaşdılar”, – Lavrov davam edib.
Sülh müqaviləsinə gəlincə, “bir sıra maddələr üzrə tərəflərin baxışını ümumi baxışa yaxınlaşdırmaq mümkün olub və hazırda nazirlərin ikitərəfli görüşü başlayıb. Ümid edirəm ki, görüşün yekunları ilə bağlı onlar nəyə nail olduqları barədə məlumat verəcəklər”, – Lavrov deyib.
Türkiyə Prezidenti Rəcəb Tayyib Ərdoğan Suriya lideri Bəşər Əsədlə barışıq üçün heç bir maneə görmədiyini bildirib.
Ərdoğan bu barədə CNN-ə müsahibəsində deyib.
“Rusiya Prezidenti Vladimir Putinlə dostluğum sayəsində qərara gəldik ki, Suriyanın şimalında sıx əməkdaşlıq və həmrəylik tələb edən terrorizmlə mübarizəmizdə qapı aça bilərik. Bunu edə bilsək, barışıq üçün heç bir maneə görmürəm”, - deyə Ərdoğan vurğulayıb.
Blinkenin İrəvan və Bakının sülh müqaviləsi imzalamağa yaxın olması barədə bəyanatını eşidəndə düşünürəm ki, belə açıqlamanı Ermənistanın baş naziri və ya Azərbaycan Prezidentindən eşitsək, yaxud birgə bəyanat olsa, buna inanmaq asan olar.
DİA.AZ moderator.az-a istinadla xəbər verir ki, Ermənistanın News.am nəşrinin müxbirinə müsahibəsində almaniyalı politoloq Aleksandr Rar belə deyib.
O, bunu "Amerikanın özünüreklamı" adlandırıb.
Hər halda, ekspertin qeyd etdiyi kimi, sülh həmişə müharibədən yaxşıdır, lakin bir neçə aydır ki, bu və ya digər danışıqlar masası arxasında təklif olunan sülh müqaviləsi imzalanmır.
“Bəli, əgər bu müqavilə ABŞ-ın səyləri ilə imzalansa və sonra ratifikasiya olunarsa, o zaman Vaşinqton Qafqazda uğurlu diplomatiya apardığını deyə bilər. ABŞ-ın da buna həqiqətən ehtiyacı var, çünki onlar Rusiyanın oradakı mövqeyini zəiflətməyə, postsovet məkanında təsirlərini artırmağa çalışırlar.
Amerikalıların əvvəllər, son 30 ildə ATƏT-in Minsk Qrupu formatında vəziyyətə təsir etmək imkanları çox idi, lakin onlar az şey etdilər. Məni indi orada ABŞ-ın öz siyasətini bu qədər ciddi şəkildə intensivləşməsi təəccübləndirir. Digər tərəfdən, bu, tərəflərin razılığa gəlməsinə mane olmasa, müsbət təsir göstərəcək”, - deyə Aleksandr Rar bildirib.
Tərəflərin əsas məsələlərdə irəliləyişə nail ola bilmədiyi haqda bəyanatına gəlincə, onun sözlərinə görə, söhbət Laçın "dəhlizi"ndə xarici qüvvələrin varlığı və ya olmaması ilə bağlı təkliflərdən gedə olar. “Düşünürəm ki, Azərbaycanla Ermənistan arasında ən çətin danışıqlar bu məsələ ətrafında gedir”, - deyə ekspert yekunlaşdırıb.
Rusiya XİN idarəsindən bildirlirb ki, bəzi Mərkəzi Asiya ölkələri anti-Rusiya sanksiyalarına qoşulmağa hazırdır. TASS bildirir ki, bu sözləri Rusiya XİN rəhbərinin müavini Qaluzin deyib.
“Birtərəfli iqtisadi məhdudiyyətlərin qəbuledilməzliyi və qeyri-legitimliyi ilə bağlı mövqelərin üst-üstə düşməsinə baxmayaraq, bir sıra Mərkəzi Asiya ölkələri müvafiq riskləri öz üzərlərinə götürmək istəmirlər, onlar Qərbin Rusiyaya sanksiya tədbirlərinə əməl etməyə hazır olduqlarını açıq şəkildə bildirirlər”, deyə Rusiya XİN-dən açıqlama verilib.
Avropa İttifaqı səfirinin beynəlxalq hüququn norma və prinsiplərinə zidd olaraq Azərbaycanın daxili işlərinə müdaxilə cəhdi qəbuledilməzdir.
Bunu Xarici İşlər Nazirliyinin mətbuat katibi Ayxan Hacızadə Avropa Ittifaqının Ermənistandakı səfiri Andrea Viktorin tərəfindən səsləndirilmiş fikirlərə dair suala cavabında deyib.
Qeyd edək ki, mayın 15-də Avropa İttifaqının Ermənistandakı səfiri Andrea Viktorin mətbuat konfransı zamanı Avropa İttifaqı Şurasının prezidenti Şarl Mişelin açıqlamasına istinadən bildirib ki, “Dağlıq Qarabağın erməni əhalisinin hüquq və təhlükəsizliyi təmin olunmalıdır” və bu məqsədlə “beynəlxalq mexanizm” yaradılmalıdır.
"Qarabağ bölgəsi Azərbaycanın suveren ərazisidir və Azərbaycanda yaşayan digər etnik azlıqlar kimi, erməni sakinlərin də hüquq və təhlükəsizliyi ölkəmizin qanunvericiliyi çərçivəsində təmin olunacaq.
Azərbaycan tərəfinin erməni sakinlərlə qeyd edilən istiqamətdə dialoq səylərinə maneçilik törədilməməli, ərazi bütövlüyü və suverenliyimizə qarşı olan qərəzli fikirlərə son qoyulmalıdır", - Ayxan Hacızadə vurğulayıb.
Cebhe.info
Rusiya ordusunda xidmət edən xarici ölkə vətəndaşlarının vətəndaşlıq alması qaydaları asanlaşdırılıb.
Bununla bağlı Rusiya Prezidenti Vladimir Putin fərman imzalayıb.
Fərmana əsasən, Rusiya Silahlı Qüvvələri ilə 1 il müddətinə hərbi xidmət haqqında müqavilə imzalamış şəxslər asanlaşdırılmış prosedurlarla vətəndaşlıq üçün müraciət edə bilərlər. \\Ölkə.az