Ölkədə istehsal zatən azdır, olan-qalanın da 84%-i Bakının payına düşür. Büdcənin formalaşmasında, xarici ticarətdə Bakı və Abşeronun payı da elə 85-90% civarındadır. Sonra da NƏTİCƏDƏN danışaraq deyirlər ki, Bakının yükü çoxdur, əhali sıxdır, tıxaclar var və s., SƏBƏB isə odur ki, iqtisadi, mədəni fürsətlər Bakıdadırsa, əhali də paytaxtda olacaq – bu düzən, bu sistem, bu yanaşma dəyişməsə işğaldan azad edilmiş torpaqlarımızda məskunlaşma problemi yaşayacağıq.
Amma Mikayıl Cabbarov bir neçə ay öncə fəxrlə deyirdi ki, son 20 ildə regionlara 105 mlrd. manat (təxminən, 125 mlrd. dollar) investisiya qoyulub – yaxşı, hanı bu investisiyanın sənaye istehsalında yeri, payı, çəkisi, niyə bu qədər vəsaitə rəğmən Bakıya köç azalmadı, əksinə, son 20 ildə köçün sürəti artdı?!
Natig Cəfərli
TEREF

Azərbaycanda taksi fəaliyyəti üçün icazə ( “Buraxılış vəsiqəsi” və “Buraxılış kartı”) alan sürücülərin sayı 7 mini keçib.

"Cebhe.info" bu barədə Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) istinadən xəbər verir.

"Təlim keçən sürücülərin sayı isə 24 mini keçib", - deyə agentlik bəyan edib. Əvvəllər isə bu say 60 mini keçirdi.

Taksi fəaliyyəti üçün iyulun 1-dən yeni qaydaların qüvvəyə minməsi avtomobil bazarına da təsirsiz ötüşməyib.

Maraqlıdır, taksi haqqında qəbul edilmiş qərardan sonra avtomobil bazarında son durum necədir?

Məsələ ilə bağlı avtomobil-alqı satqısı ilə məşğul olan Əlisahib Əliyev “Cebhe.info”-ya açıqlamasında deyib ki, bazarda satışa çıxarılan avtomobillərin sayı 10 minlərlədir:

“Hazırda avtomobil bazarında saysız- hesabsız avtomobillər satışa çıxarılır. Belə ki, taksi haqqında qəbul edilmiş qərardan sonra bir gecədə 10 mindən çox avtomobil satışa çıxarıldı. Nəticədə avtomobil bazarında ciddi rəqabət mühiti yarandı. Bundan dolayı 16 minə təklif edilən “Toyota Prius” hazırda 5 minə qədər ucuzlaşıb. Düzdür, orta qiyməti 7-9 min arası olsa da, ümumilikdə tələb az, təklif çox olduğu üçün avtomobillərin ucuzlaşması bir müddət davamlı olaraq”.

O qeyd edib ki, yaxın gələcəkdə ölkəmizdə avtomobillərin qiyməti kosmik həddə ucuzlaşacaq:

“Utilizasiya fondunun yaradılması və digər ekoloji addımlar da avtomobil bazarında mənfi təsir edir. Bu səbəbdən yaxın gələcəkdə ölkəmizdə yararsız avtomobillərin sayı kəskin şəkildə artacaq. Elə olan halda avtomobil sahiblərinin cibinə ziyan etsə də, ölkəmizin avtomobil parkinin yenilənməsinə zəmin yaradacaq”.

Azərbaycanda bahalaşma daha çox özünü ərzaq və tütün məhsullarında özünü göstərir. Bahalaşma davam etdikcə, sahibkarlar (ƏDV) ödənilməməsi üçün nəzərdə tutulmuş 200 min manatlıq illik limiti keçə bilirlər. Ekspertlər tərəfindən sözügedən limitin artırılması ilə əlaqədar fikirlər səsləndirilsə də, hər hansı bir nəticə əldə olunmur. Belə olan təqdirdə Azərbaycanda ƏDV limitinin artırılmasına ehtiyac varmı yaxud belə bir artımın baş verməsi realdır?

Mövzu ilə bağlı Sonxeber.az-a danışan bank məsələləri üzrə ekspert, hüquqşünas Əkrəm Həsənovun fikrincə, 200 min manatlıq ƏDV limiti mütləq şəkildə artırılmalıdır:

"Bu limiti çoxdan artırmaq lazımdır. Neçə ildir ki, ƏDV limiti 200 min manat dəyərində qalıb. Ən azı 10 ildən çoxdur ki, qiymət artımı baş verib. Bu limitin artırılmaması sahibkarlığa ciddi şəkildə ziyan vurur. Çünki kiçik və orta sahibkarların işi xeyli ağırlaşır. Vergi orqanları ilə olan görüşümüzdə bununla bağlı fikirlərimizi bildirdik. Belə bir fikir səsləndirildi ki, bununla əlaqədar düşünəcəklər. Amma konkret olaraq konkret bir söz deyilmədi".

İqtisadçı ekspert Xalid Kərimli deyib ki, Vergilər Məcəlləsində son aparılan dəyişiklər sadələşmiş verginin istiqamətini dəyişməyə yönəlib:

"Dövriyyədən asılı olmayaraq bir sıra fəaliyyətlər var ki, onlar ƏDV ödəyicisi var olmalıdır. Digər tərəfdən bir sıra sahələrdə dövriyyə məsələsi yoxdur. Məsələn: nəqliyyat və yükdaşımaları bu kateqoriyaya daxildir. Sadələşmiş verginin istiqaməti dövriyyədən çox fəaliyyətə yönəlib. Çəkməçi, foto xidmət göstərənlərə yaxud fərdi baytarlıq xidməti göstərənlər dövriyyə həcmindən asılı olmayaraq sadələşmiş vergi ödəyicisi ola bilərlər. Hökumət daha çox fərqli istiqamətə yönəlib. Yəni kiçik sayda və həcmdə sadələşmiş vergi ödəyicisi kiçik dövriyyəsi olan şəxslərə yönəlmiş olsun. Bu baxımdan güman etmirəm ki, 200 min manat limit qaldırılsın".

Ekspertin sözlərinə görə, hökumət daha çox fəaliyyətlər əsasında sadələşmiş vergi verməyə maraqlıdır:

"Bu verginin konsepsiyasında bir neçə il əvvəl dəyişiklik aparılıb. Digər bir məqam daha var. İctimai-iaşə xidmətləri sadələşmiş vergi ödəyicisi ola bilər. Onlarda sadələşmiş vergi ödəyicisi 8 faizdir. Məbləğ məhdudiyyəti burada yoxdur. Bu baxımdan düşünmürəm ki, hökumət 200 min manat limiti artırmağa maraqlı olacaq. Müxtəlif təkliflər irəli sürülür. 200 min manat limit artırılsa belə hər hansı bir vəziyyət dəyişməyəcək. Çünki çox az sayda şəxs var ki, məbləğ və dövriyyə baxımından sadələşmiş vergi ödəyicisinin istifadəsindədir. Məbləğ artırılacağı təqdirdə effektiv olmayacaq və işlərimiz rahatlaşmayacaq".

Çin Mərkəzi Bankından yuana dəstək
Çin Xalq Bankı (PBOC) yuanın enişini idarə etmək üçün dəstəyini davam etdirir.

İndex.az xəbər verir ki, qÇin Xalq Bankı yerli vaxtla saat 09:15-də ölkədə valyuta sabitliyi elan edərək, yuanın məzənnəsinin 2% yuxarı və aşağı dəyişməsinə imkan yaradıb.

Bu arada Çin dövlət bankları da yuana dəstəyi artırıb.

Treyderlərin sözlərinə görə, yuan bahalaşarkən dövlət bankları bazarda dollar satıb.

"AZƏRTRANSS" MMC-nin dövlətə külli miqdarda vergi borcu olduğu üzə çıxıb.

32gun.az-ın əldə etdiyi məlumata görə şirkətin vergi vorcu yarım milyon manata yaxındır (433984.92 AZN)

Bildirək ki, nizamnamə kapitalı 20 AZN olan "Azərtranss" MMC-nin qanuni təmsilçi Adil Qasımov Məmmədov oğludur.

Xatırladaq ki, bir neçə gün öncə sözügedən şirkət millət vəkili Mahir Abbaszadənin direktoru olduğu Məcburi Köçkünlərin Sosial İnkişaf Fondu ilə "Cəbrayıl rayonunun Şükürbəyli 1042 ailəlik (birinci mərhələdə - 635 ailəlik) kənd yaşayış məntəqəsində sahədaxili elektrik təchizatı" ilə bağlı 6.053.467,27 AZN-lik müqavilə bağlayıb.

Azərbaycanda içməli suyun qiymətində artım müşahidə olunur.

Bakupost.az –ın məlumatına görə, paytaxtda evlərə və ofislərə çatdırılan suların qiyməti bahalaşıb. Belə ki, təxminən 1 il əvvəl 3.50 manata satılan 19 litrlik sular hazırda 7.30 manata satılır.
Araşdırmamıza görə, müxtəlif şirkətlərin 19 litrlik suları aşağıdakı qiymətlərə təklif olunur:
İpəksu – 4.20-5.50 manat (Qablaşdırılmasından asılı olaraq);
Slavyanka – 4.80-6 manat;
Badamlı – 7.30 manat (minimum 2 ədəd sifariş qəbul olunur);
Sirab – 7.20 manat (minimum 3 ədəd sifariş qəbul olunur, pompa isə 7 manatdır);
Aquavita – 3.50 manat (minimum 5 ədəd sifariş qəbul olunur, pompa 10 manatdır);
Əlaqə saxladığımız "Slavyanka" su şirkəti bahalaşmanın səbəbi sualına "İqtisadi böhrandır", deyə cavab verdi.

Məsələ ilə bağlı Azad İstehlakçılar Birliyinin sədri Eyyub Hüsenov Bakupost.az –a açıqlama verib. O bildirib ki, azad bazar iqtisadiyyatı şəraitində qiymətə heç bir dövlət orqanı müdaxilə edə bilməz:
“Qiymət sərbəstdir. Azərbaycan hökuməti biznes qurumları üçün son dərəcə toxunulmaz şərait yaradıb. Biznes qurumları bundan sui-istifadə edir, istehlakçıları soyurlar. Bu, yolverilməzdir. Heç bir ölkədə biznes etikasında belə bir şey mövcud deyil. Kim necə istəyirsə, istehlakçılarla elə davranır. Bütün hallarda istehlakçılar pul verəndə üzərində VÖEN olan kassa çeki almalıdırlar. Əgər kassa çeki verilmirsə, bu zaman vergidən yayınma halları var. Bu barədə dövlət orqanlarına, İqtisadiyyat Nazirliyinin 195 Çağrı Mərkəzinə zəng etmələrini məsləhət görürəm”.
Ekspert bildirib ki, Azərbaycan əmtəə bazarında 20-dən çox su növü var:
"Heç kim bilmir ki, bu hansı krantdan doldurulub, necədir? Ona görə də istehlakçılar su alan zaman etiketinə baxsınlar. Etiketində qaynar telefon xəttinin olmasına, suyun doldurulma mənbəyinə fikir versinlər. Qaynar telefon xəttinə zəng edib sorğu-sual etsinlər. Əgər, cavab vermirlərsə, ümumiyyətlə nömrə yoxdursa, belə sulardan imtina etsinlər”.

Azərbaycanın bank sistemi bilindiyi qədər yüksək faizli kreditlər üzərində qurulub. Yəni ölkədə bankların fəaliyyəti bundan ibarətdir: yüksək faiz, komissiya haqqı, kəsəsi, müştərilərə yeni nəsə təklif etmədən kustar üsulla pul qazanmaq...
Bu da çoxsaylı şikayətlər, məhkəmə çəkişmələri və başqa problemlərlə müşayiət olunur. Əgər məhkəmə siyahılarına baxsanız, ən çox banklardan şikayət olduğunu görə bilərsiniz. Onların sırasında liderlərdən biri "Yelo bank"dır. Əvvəl adı
"Nikoil bank" olan, rebrendinq edərək "Yelo bank" adlanan bu struktur sanki vətəndaşlarla müharibədədir. Anaxeber.info bu mövzuda araşdırma aparıb və təqdim edəcəyimiz faktlardan da görmək olar ki, "Yelo bank" müştəri məmnuniyyəti yox, narazılığı tərəfdarıdır.
Əvvəla, ən çox məhkəməyə verilən banklardan biridir "Yelo bank". Müştərilər müxtəlif iddialarla mülki iş qaldırıblar. Adekvat olaraq bankın da məhkəməyə verdiyi vətəndaşlar az deyil. Bunu internet resurslarında hər gün yayılan xəbərlərdən görmək mümkündür. Misal üçün Yelo Bank” Gəncədə bir qrup vətəndaşı məhkəməyə versə də, şikayəti qeyri mümkün hesab edilib. Bank 6 Gəncə şəhər sakini ilə bağlı məhkəmədə iddia qaldırıb. Məhkəməyə verilənlər Əliyeva Vəfa, Cabbarlı Oqtay, Əliyev Fariz, Əliyev Vaqif, Mustafayev Namiq, Əliyev Elşəndir.
İşin mahiyyəti müqavilələrdən əmələ gələn öhdəliklər üzrə mübahisədir. Bank kredit müqaviləsi problemi səbəbindən məhkəməyə müraciət edib.
Başqa nümunə - "Yelo Bank” vətəndaşa göstərmədiyi xidmətə görə haqq tələb edir.
Bu problemlə Rəşad Balayev üzləşib. O bildirib ki, “Yelo Bank” nə ona göndərilən pulu qəbul edir, nə də geri qaytarır: “Koreyadan mənim hesabıma750 usd pul göndəriblər. “Yelo Bank” pulu qəbul etmir, geri də qaytarmır ki, xidmət haqqı tutulacaq. Bu nə dərəcədə doğrudur? Pulu qəbul etməməyin səbəbi odur ki, tələb edirlər ki, onlara bu pulun niyə göndərildiyi ilə bağlı əsas göstərməliyik. Geri də qaytaranda xidmət haqqı tutulacağını deyirlər. Göstərilməyən xidmətə görə haqq tutmaq nə dərəcədə düzgündür?”
Düzdür, 2024-cü ilin aprel ayında Azərbaycanda ən çox şikayət edilən bank 5,70 indeksi ilə “Bank VTB Azərbaycan” seçilib.
Lakin qırmızı zonaya düşən sonuncu bank isə 2,48 indeksi ilə “Yelo Bank” olub. Yəni narazılar sırasında liderlərlə yanaşı dayanır.
Yelo Bank” ASC-nin maliyyə göstəricilərində də ciddi azalma baş verib. Ötən ilin dekabr ayının 31-dən cari ilin aprelin 1-nə qədər bankın aktivləri 27.81 faiz və ya 435 milyon 640.98 min manat azalıb. Dekabrın 31-də aktivlərdə 1 milyard 566 milyon 452.88 min manatlıq vəsait qeydə alınmışdısa, aprelin 1-nə qədər bu həcm 1 milyard 130 milyon 811.90 min manat olub.
Yelo Bank” 2024-cü ilin ilk rübündə əmanət portfelinin 35%-ni itirib.
Bu ilin ilk rübündə bankın depozit portfeli 454,8 milyon manat azalaraq 837,2 mln. manata enib. İlin əvvəlində bu rəqəm 1 mlrd. 292 mln. manat olub. Kəskin azalmaya səbəb şirkətlərin bankdan böyük həcmdə vəsaiti çıxarması olub. Belə ki, hüquqi şəxslərin bankdakı əmanətləri ilin ilk üç ayında 720,6 milyon manatdan 213,8 milyon manata enib.
Qeyd edək ki, 378 milyon manat nizamnamə kapitalı olan “Yelo Bank” ASC (VÖEN -9900014901) 1994-cü ildən fəaliyyət göstərir. Əvvəlcə “Ülpər” kommersiya bankı kimi fəaliyyətə başlayıb. Daha sonra 2002-ci ildə rebrending edərək “Nikoil Bank” adlandırılıb. 2019-cu ildən isə “Yelo Bank” adlanır. “Yelo Bank” Rusiyada yaşayan Azərbaycan əsilli milyarder, “Lukoil” şirkətinin sahibi Vahid Ələkbərova məxsusdur.

Şəmkirdə mal əti ucuzlaşıb.

Xezerxeber.az-ın məlumatına görə, rayonda ətin kiloqramı 11-12 manatdır.

Zəyəm qəsəbəsində fəaliyyət göstərən ət dükanları isə ətin kiloqramını 11, 10, hətta 9 manata satırlar.

Əvvəllər isə bu qiymət 13-14 manat olub.

Ət satışı ilə məşğul olanlar ucuzlaşmanı fərqli arqumentlərlə izah edirlər. Bəzi qəssablar ucuzlaşmanı rəqabətlə, digərləri xaricdən ətlik heyvanların çox sayda gətirilməsi ilə əlaqələndirirlər.

Ətraflı süjetdə: