 |
|
|
Futbol üzrə İngiltərə Federasiya Kubokunun qalibi bəlli olub.
Finalda “Mançester Siti” və “Mançester Yunayted” komandaları üz-üzə gəlib. Görüş "qırmızı şeytanlar"ın 2:1 hesablı qələbəsi ilə yekunlaşıb.
Hesabı 30-cu dəqiqədə Alexandro Qarnaço açıb. Kobi Maino 39-cu dəqiqədə fərqi iki topa çıxarıb. Matçın yekun nəticəsini 87-ci dəqiqədə Ceremi Doku müəyyənləşdirib.
Bununla da "Mançester Yunayted" tarixində 13-cü dəfə Federasiya Kubokunun qalibi olub.
Rusiya Premyer Liqasında mövsümün çempionu müəyyənləşib.
Sonuncu turda evdə "Rostov"u 2:1 məğlub edən "Zenit" tarixində 10-cu dəfə ölkə çempionu olub.
Qeyd edək ki, Peterburq klubu 30 turdan sonra 57 xal toplayıb.
Kriştiano Ronaldo "Yuventus"dan maaşın ödənilməsi iddiasını qazanıb. Buna baxmayaraq, İtaliya klubu tələsmir və hökmdən apellyasiya şikayəti verməyi planlaşdırır.
Moderator.az xarici mediaya istinadla bildirir ki, Kriştiano Ronaldonun "Yuventus"dakı fəaliyyətinin bir hissəsi COVID-19 pandemiyası ilə üst-üstə düşüb. Daha sonra Portuqaliya təmsilçisi qazancının bir hissəsini təxirə salmağa razılaşıb. Həmin vaxt klub maliyyə problemləri ilə mübarizə aparıb.
2021-ci ildə veteran "Mançester Yunayted"ə keçsə də, məsələ yaddan çıxmayıb. “Qoca sinyora” keçmiş futbolçuya borcunu gecikdirdiyi üçün tərəflər məhkəmədə görüşüb.
Hələ aprel ayında arbitraj məhkəməsi Kriştiano Ronaldonun şikayətini təmin edib. Beləliklə, "Yuventus" 9,8 milyon avro və faiz ödəməli olub. Ümumi məbləğin 10 milyon avronu əhəmiyyətli dərəcədə keçməsi nəzərdə tutulub.
Ancaq indi, insayder Fabrizio Romanonun dediyi kimi, İtaliya klubunun menecerləri çəkilir. Üstəlik, apelyasiya şikayəti vermək qərarına gəliblər. “Yuventus” Ronaldoya yuxarıda qeyd olunan xərcləri ödəməmək üçün qanunla mümkün olan hər şeyi edəcək.
Portuqaliyalı oyunçunun A Seriyasında ümumi göstəriciləri 134 oyun, 101 qol və 22 məhsuldar ötürmədir. Ronaldo üç il İtaliyada oynayı
İdman gimnastikası üzrə Azərbaycan millisinin üzvü Nazənin Teymurova Bolqarıstanın Varna şəhərində keçirilən "Challenge" seriyasına aid Dünya Kubokunda finala yüksəlib.
Musavat.com xəbər verir ki, bu barədə Azərbaycan Gimnastika Federasiyası məlumat yayıb.
Bildirilib ki, o, sərbəst hərəkətlərdə həlledici mərhələyə vəsiqə qazanıb.
Dünən start götürən Dünya Kuboku mayın 26-da başa çatacaq.
Türkiyə Kubokunun qalibi bəlli olub.
Oxu.Az xəbər verir ki, 34 il sonra finalda ilk dəfə "Beşiktaş" və "Trabzonspor" üz-üzə gəlib.
Gərgin mübarizədə "qara qartallar" 3:2 hesabı ilə qalib gələrək kuboka yiyələniblər. Qələbə sayəsində İstanbul klubu növbəti mövsüm UEFA Avropa Liqasında çıxış etmək hüququ əldə edib.
Qeyd edək ki, "Beşiktaş" tarixində 11-ci dəfə Türkiyə Kubokunun sahibi olub.
"Trabzonspor" isə sonuncu dəfə 2019/20 mövsümündə bu mükafatı qazanıb.
“Barselona”nın keçmiş futbolçuları Lionel Messi və Jerar Pike, həmçinin İspaniya Futbol Federasiyasının keçmiş prezidenti Luis Rubiale UEFA-nın vəsaitlərini mənimsəməkdə şübhəli bilinirlər.
Fanat.az xəbər verir ki, şok məlumatı “A Bola” yayıb.
Mənbənin məlumatına görə, koronavirus pandemiyası zamanı ispaniyalı funksioner UEFA rəhbəri ilə əlaqə saxlayıb və ondan Messi ilə digər ulduz futbolçuların maaşlarının ödənilməsinə köməklik göstərməsini istəyib. Hətta Rubialesin UEFA prezidentinə ingilis dilində ünvanladığı audio mesajının mətni də yayımlanıb. O, maliyyə itkilərini kompensasiya etmək üçün “UEFA fondlarından istifadə etməyi” istəyib: “Onlar bilirlər ki, federasiya və UEFA-nın himayəsindədirlər. FIFpro və oyunçular birliyi başqa səviyyədədir. Onlar mənə açıq şəkildə dedilər: “Heç kim bilməsin ki, pulumuzdan danışırıq. Çünki kimsə bunu bilsə, bizi öldürəcəklər. Sizə Messinin mesajını da göndərirəm. Sizdən bu danışığımızın məxfi qalmağını xahiş edirəm”.
Xatırladaq ki, “Barselona” pandemiya dövründə klubun büdcəsinə təsir edən qlobal vəziyyəti nəzərə alaraq Messiyə maaşını 70 faiz azaltmağı təklif etmişdi. Pike danışıqların ilkin mərhələsində iştirak edib. O, mümkün maaş azaldılmasından narahat olan Messiyə mesajlar çatdırıb.
"Çelsi"nin baş məşqçisi Maurisio Poçettino vəzifəsindən azad edilib.
Məlumata görə, mayın 21-də Poçettino klubun idman direktorları Pol Uinstenli və Lourens Stüart, eləcə də klubun ortaq sahibi Behdad Eqbali ilə görüş keçirib və nəticədə argentinalı mütəxəssisin postunu tərk etməsi qərara alınıb.
Qeyd edək ki, hazırda London klubu İngiltərə Premyer Liqasında sona bir tur qalmış 63 xal toplayaraq altıncı yeri tutur.
Mənbə: championat.com
“Real”ın almaniyalı futbolçusu Toni Kross karyerasını bitirdiyini açıqlayıb.
Oyunçu bu barədə öz instaqram hesabında yazıb.
O, “Real”da çıxış etdiyi vaxtları həyatının ən uğurlu dönəmləri olduğunu bildirib: “17 iyul 2014-cü il – “Real”da təqdimat günüm, həyatımı dəyişdirən gün. Futbolçu kimi həyatım – amma xüsusilə insan kimi… Bu, dünyanın ən böyük klubunda yeni bir fəslin başlanğıcı idi. 10 ildən sonra mövsümün sonunda bu fəsil başa çatır. Mən o uğurlu vaxtı heç unutmayacağam! Məni açıq ürəklə qarşılayan və güvənən hər kəsə xüsusi təşəkkürümü bildirirəm. Ancaq xüsusilə, əziz Madridistlər, ilk gündən sona qədər göstərdiyiniz məhəbbət üçün sizə təşəkkür etmək istərdim. Eyni zamanda, bu qərar o deməkdir ki, aktiv futbolçu kimi karyeram bu yay Avropa çempionatından sonra başa çatacaq. Həmişə dediyim kimi “Real” mənim son klubumdur. Mən xoşbəxtəm və qürur duyuram ki, qərarım üçün düzgün vaxt tapdım.Mənim ambisiyam həmişə karyeramı yaxşı çıxışımın zirvəsində bitirmək olub”.
Bu gün Türkiyə Superliqasında İstanbul derbisi keçirilib.
37-ci turda "Qalatasaray" evdə "Fənərbaxça"nı qəbul edib. "Rams Qlobal Stadionu"nda oynanılan görüş "Fənərbaxça"nın 1:0 hesablı qələbəsi ilə başa çatıb.
İsmayıl Kartalın komandası 21-ci dəqiqədən azlıqda qalsa da, səfər matçını qələbə ilə başa vurub. Oyunda yeganə qolu 71-ci dəqiqədə Çağlar Söyüncü vurub.
"Qalatasaray" - "Fənərbaxça" - 0:1
Qol: Söyüncü, 71
Qırmızı vərəqə: Aleksandr Djiku, 21 ("Fənərbaxça")
Baş hakim: Arda Kardeşlər
"Rams Qlobal Stadionu"
Bugünkü oyun çempionluğ baxımından da əhəmiyyət daşıyırdı. "Qalatasaray" bu görüşdə uduzmasa, çempionluğu rəsmiləşdirəcəkdi. Ancaq "Fənərbaxça" qələbə qazanmaqla çempionatda intiriqanı son tura qədər saxlayıb. Bununla belə, növbəti turda da "Fənərbaxça"nın çempion olması öz əlində deyil. Hazırda "Qalatasaray" 99 xalla lider, "Fənərbaxça" isə 96 xalla 2-cidir.
Mövsümün son turunda "Fənərbaxça" "İstanbulspor"u qəbul edəcək. "Qalatasaray" isə "Konyaspor"un qonağı olacaq. Hər iki görüş mayın 26-da keçiriləcək. "Qalatasaray"a çempionluq üçün 1 xal kifayətdirsə, "Fənərbaxça" qalib gəlməli və "Qalatasaray"ın uduzmasını gözləməlidir.
Arda Gülər İspaniya La Liqasında növbəti qolunu vurub.
Offsideplus.az xəbər verir ki, türk ulduz bu dəfə "Vilyarreal"la oyunda fərqlənib.
Qolu təqdim edirik: