“Fənərbaxça” baş məşqçisi İsmail Kartalla yollarını ayırıb.

Bu barədə İstanbul təmsilçisinin saytı məlumat yayıb. Klub mütəxəssisə göstərdiyi xidmətlərə görə təşəkkür edib.

Qeyd edək ki, “Fənərbaxça” Türkiyə Superliqasında 2023/24 mövsümünü 99 xalla 2-ci pillədə başa vurub.

Xatırladaq ki, yeni baş məşqçi vəzifəsinə Joze Mourinyonun gətiriləcəyi iddia olunur. \\Savaş.org

UEFA Konfrans Liqasının qalibi bəlli olub.

Finalda Yunanıstanın "Olimpiakos" və İtaliyanın "Fiorentina" klubları üz-üzə gəlib.

Afinadakı "AEK Arena"da baş tutan qarşılaşma Bakı vaxtı ilə saat 23:00-da start götürüb.

UEFA Konfrans Liqası

Final

23:00. "Olimpiakos" - "Fiorentina" 0:0 (Birinci hissə)

Qol: Eyyub El Kaabi 116

Baş hakim: Artur Diaş

"AEK Arena"

Qeyd edək ki, bu, yunan klubunun avrokuboklar tarixində ilk qələbəsidir.

Sloveniyanın Koper şəhərində keçiriləcək idman gimnastikası üzrə “Challenge” seriyasına aid Dünya Kubokunda iştirak edəcək Azərbaycan gimnastı bəlli olub.

Gununsesi.info xəbər verir ki, məşqçi Olqa Barkalavanın rəhbəliyi altında Nazənin Teymurova qalib adı uğrunda mübarizə aparacaq.

Qeyd edək ki, yarış mayın 30-dan iyunun 2-dək keçiriləcək.

Tailandın paytaxtı Banqkokda boks üzrə II Dünya Olimpiya Təsnifat Turniri davam edir.

Bizim.Media xəbər verir ki, yarışın beşinci gününün axşam sessiyasında Azərbaycan millisinin daha 2 idmançısı rinqə çıxıb.

Şamil Əsgərov (57 kq) 1/16 final çərçivəsində Rujakran Jantronqla (Tailand) üz-üzə gəlib. Görüş boksçumuzun 3:0 (30:26, 28:28, 30:26, 29:27, 28:28) hesablı qələbəsi ilə başa çatıb. O, üçüncü döyüşündə Kaleb Tiradonu (Puerto-Riko) sınağa çəkəcək. Görüş mayın 30-da olacaq.

Zeynəb Rəhimova da adını 1/8 finala yazdırıb. 54 kq-da çıxış edən boksçumuz ilk döyüşündə İtati Zuletanı (Boliviya) mübarizədən kənarlaşdırıb. O, 5:0 (30:27, 29:28, 30:27, 29:28, 29:28) hesabı ilə qələbə qazanıb. Rəhimova növbəti görüşünü iyunun 1-də Ornella Havyarimanaya (Burundi) qarşı keçirəcək.

Qeyd edək ki, lisenziya turniri iyunun 3-də yekunlaşacaq.

Maurisio Poçettino ilə yollarını ayıran "Çelsi"nin yeni baş məşqçisi müəyyənləşmək üzrədir.

Bizim.Media xəbər verir ki, yeni mövsümdə London təmsilçisini hazırda "Lester Siti"nin baş məşqçisi olan Enzo Maresnanın çalışdıracağı gözlənilir. Bu barədə Fabritsio Romano məlumat yayıb.

"Çelsi" italiyalı mütəxəssislə şərtləri razılaşdırıb. Onunla 2+1 illik müqavilə imzalanacaq. "Mavilər" 44 yaşlı məşqçinin klubu ilə təzminatla bağlı müzakirələr aparır.

Qeyd edək ki, Enzo Mareska 2023-cü ilin yayından "Lester Siti"ni çalışdırır. "Tülkülər" onun rəhbərliyi altında Çempionşipdə mövsümü lider tamamlayaraq Premyer Liqaya yüksəlib.

Futbol üzrə Azərbaycan Premyer Liqasında 2023/2024 mövsümünə yekun vurulub.

"Cebhe.info"nun məlumatına görə, XXXVI turun sonuncu matçında çempion "Qarabağ" "Araz-Naxçıvan"la üz-üzə gəlib.

Qarşılaşma heç-heçə yekunlaşıb - 2:2.

Naxçıvan klubunda 3-cü dəqiqəsə Elvis Maşike fərqlənib. "Köhlən atlar"da Olavio Juninyo 27-ci dəqiqədə tarazlığı bərpa edib. 32-ci dəqiqədə "Araz-Naxçıvan"ın kapitanı Vadim Abdullayev avtoqol müəllifi olub. 58-ci dəqiqədə onun komanda yoldaşı Abdulla Rzayev hesabı bərabərləşdirib.

Çempion "Qarabağ" xallarının sayını 83-ə çatdırıb. "Araz-Naxçıvan" mövsümü 36 xalla 8-ci sırada bitirib.

Qeyd edək ki, günün ilk matçında "Turan Tovuz" "Kəpəz"i bir qolla üstələyib. XXXVI turun ilk oyunlarında "Sabah" "Neftçi"ni, "Sumqayıt" "Qəbələ"ni, "Zirə" isə "Səbail"i 1:0 hesabı ilə məğlub edib.

Azərbaycanın daha üç sərbəst güləşçisi Bakıda keçirilən U-23 Avropa çempionatında medal qazanıb.

"Cebhe.info"nun məlumatına görə, Cəbrayıl Qadjiyev (74 kq) qızıl

Nurəddin Novruzovla (61 kq) Arseni Djioyev bürünc mükafata sahib çıxıblar.

Qeyd edək ki, sərbəst güləşçilərimizdən Kənan Heybətov (70 kq) və Ali Tsokayev (79 kq) ötən gün gümüş medal qazanıblar. Daha əvvəl 3 qızıl, 1 gümüş və 4 bürünc medal qazanan yunan-Roma güləşi üzrə Azərbaycan millisi U-23 Avropa çempionatının qalibi olub. Bir dəst (1 qızıl, 1 gümüş, 1 bürünc) medal əldə edən qadınlardan ibarət yığma isə 76 xal toplayaraq ilk dəfə komanda hesabında üçüncü yeri tutub.

Türkiyənin “Qalatasaray” klubunda prezident seçkiləri başa çatıb.

Gununsesi.info xəbər verir ki, prezidentlik uğrunda mübarizədə Dursun Özbək qalib gəlib.

O, bu yarışda Süheyl Batuma böyük fərqlə qalib gəlib.

Qeyd edək ki, D.Özbək üçüncü dəfədir İstanbul təmsilçisinə prezident seçilir.

Azərbaycan Premyer Liqasında gümüş, bürünc mükafatçılar və avrokuboklara vəsiqə qazanan komandalar müəyyənləşib.

"Report"un məlumatına görə, buna sonuncu - XXXVI turun ilk qarşılaşmalarından sonra aydınlıq gəlib.

"Sumqayıt" "Qəbələ"ni, "Zirə" isə "Səbail"i 1:0 hesabı ilə məğlub edib. "Sabah" səfərdə "Neftçi"ni minimal hesabla üstələyib - 1:0.

Xallarının sayını 58-ə çatdıran "Zirə" həm gümüş mükafatçı olub, həm də UEFA Avropa Liqasına vəsiqə qazanıb. Eyni xala malik "Sabah" üçüncü yeri tutmaqla yanaşı UEFA Konfrans Liqasında iştirak hüququ əldə edib.

Rəqiblərindən bir xal az toplayan "Sumqayıt" dördüncü pillə ilə kifayətlənib və Konfrans Liqasında mübarizə aparacaq. "Neftçi" isə avrokuboklardan kənarda qalıb.

Xatırladaq ki, "Qarabağ" Çempionlar Liqasında çıxış edəcək.

Qeyd edək ki, Premyer Liqada mövsümə sabah keçiriləcək "Turan Tovuz" - "Kəpəz" və “Araz-Naxçıvan” - “Qarabağ” oyunları ilə yekun vurulacaq.