Ülker Stadionunda keçirilən qurultayda verilən 27 min 489 səsdən 26 min 947-si etibarlı sayılıb.

Üzvlərin böyük marağına səbəb olan ümumi yığıncaqda səsvermə saat 10:00-da başlayıb və saat 17:00-dək davam edib.

Daha sonra Baş Assambleya Şurasının sədri Vəfa Kiçikin rəhbərliyi ilə səslərin sayılması prosesi başlayıb.

Hürriyyət.az xəbər verir ki, təxminən 3 saat ərzində hesablanan səslər nəticəsində Küçük nəticəni açıqladı.

Əli Koç 16 min 464 səs, Əziz Yıldırım isə 10 min 483 səs yığıb.

Nəticədə Əli Koç 3-cü dəfə komanda lideri seçilib.

“Bavariya”nın və Niderland millisinin müdafiəçisi Matteys De Liqt evlənib.

KONKRET.az xəbər verir ki, futbolçunun ailə qurduğu xanım 18 yaşından bəri tanıdığı və uzun müddətdir sevgilisi olan Anneki Molenaardır.

Mərasim iyunun 7-də yalnız qohumlarının və bir neçə şahidin iştirakı ilə baş tutub.

Toydan sonra axşam de Liqt Avro 2024-ə hazırlığı davam etdirmək üçün Niderland millisinin düşərgəsinə qayıdıb.

Qadınlar arasında keçirilən 3x3 basketbol üzrə Avropa Kubokunun təsnifat mərhələsində, yarımfinal oyununa çıxıb.

“Qafqazinfo”nun məlumatına görə, görüşə fəal başlayan qızlarımız, Malta üzərində 15-10 hesablı qələbə qazanaraq, finala vəsiqə qazanıb.

Millimizin finaldakı rəqibi Lüksemburq - Kipr cütünün qalibi olacaq.

Qeyd edək ki, final oyunu Bakı vaxtı ilə saat 21:50-də baş tutacaq.

Sürətli arıqlama üzrə Dağıstan rekordçusu Bahama Ayqubovun meşədə meyiti tapılıb.

Onun başından yaralandığı bildirilib.

70 yaşlı təqaüdçünün səhhətindən şikayəti olmayıb. Dünən o, atlara yem verməyə gedib və evə qayıtdıqdan sonra yadına düşüb ki, telefonunu qohumlarıgildə qoyub. Onu bir daha sağ-salamat görən olmayıb.

Cəsəd çayın yaxınlığında tapılıb. Ailə bunun bədbəxt hadisə olduğuna inanmır. Deyirlər ki, meyitin tapıldığı yerdə adamın başına dəyəcək bir daş belə yoxdur.

Azərbaycanın kişilərdən ibarət 3x3 basketbol yığması Avropa Kubokunun təsnifat mərhələsində üçüncü oyununa çıxıb.

"Cebhe.info" xəbər verir ki, Priştina şəhərində təşkil olunan mərhələdə yığma Kiprlə qarşılaşıb. Görüş millimizin 21:16 hesablı qələbəsi ilə yekunlaşıb.

Yığma bu gün keçirdiyi digər görüşlərdə Ermənistana 21:9, Kosovoya isə 14:10 hesabı ilə qalib gəlib.

Komandamız bu gün daha bir matç keçirəcək. Milli Bakı vaxtı ilə saat 23:45-də Albaniya ilə qarşılaşacaq.

"Qalatasaray"ın futbolçusu Tetenin 88-ci dəqiqədə "Kopenhagen"ə vurduğu qol UEFA Çempionlar Liqasında mövsümün qolu seçilib.

"Cebhe.info" xəbər verir ki, "cim-bom" qitənin ən mötəbər turnirində "A" qrupunda "Bavariya", "Mançester Yunayted" və "Kopenhagen"lə mübarizə aparıb.

"Qarabağ"ın hücumçusu Recon Cica Albaniyanın AÇ-2024-də iştirakı barədə fikirlərini bölüşüb.

Albnaiyalı 25 yaşlı forvard Offsideplus.az-a açıqlamasında ölkəsinin şanslarını dəyərləndirib, uğurlar arzulayıb:

"Düzdür, Albaniya Avropa çempionatında mübarizə aparacaq, lakin qrup mərhələsi çətindir. Qrupda İspaniya, İtaliya və Xorvatiya kimi böyük komandalar var. Düşünürəm ki, Albaniya AÇ-2024-ə yollanıb, oyunlarda əlindən gələnin ən yaxşısını edəcək. Ölkəmin qələbələr qazanaraq, qrupdan çıxacağına ümid edirəm".

Qeyd edək ki, Avropa çempionatı 14 iyun tarixindən start götürəcək.

Xatırladaq ki, Redon Cica 2022-ci ildə Albaniya milli komandasında çıxış edib.

"Hypers" yeni mövsümdən II Liqada mübarizə aparacaq.

Pley-offda "Şəfa"nı məğlub edən Vüqar Nadirovun komandası yeni turnirə vəsiqə qazandı. Tarixi uğurla bağlı fikirlərini öyrənmək üçün oynayan-məşqçi ilə əlaqə saxladıq. "Hypers"in çalışdırıcısı Offsideplus.az-a açıqlamasında bunları söylədi:

“II Liqaya çıxmağı çox istəyirdik. Əslində Region Liqasının finalında qalib gələrək II Liqaya yüksəlmək istəyirdik. Amma qismət belə oldu. Artıq onu yaddan çıxartmışıq. Bütün komandamı çempion kimi qəbul edirəm. Bizim məqsədimiz II Liqaya yüksəlmək idi. Düzdür, UEFA Region Kubokuna vəsiqə qazana bilmədik. Əsas odur ki, hədəfimizə çatdıq. Hər şey qabaqdadır. Mərhələli şəkildə böyüyürük".

Redaksiyamıza daxil olan məlumata görə, komanda gələn mövsümdən Qubanı təmsil etmək istəyir. Bu səbəbdən də "Hypers" bölgəyə köçmək niyyətindədir. Məlumatın doğru olub-olmadığını Vüqar Nadirovdan soruşduq:

"Quba məsələsi doğrudur. Belə bir variant var. Onun üzərində işləyirik. Biz də istəyirik ki, rayonlarda futbol inkişaf etsin, orada çıxış edək. Burada azarkeş amili də var. Tərəfdaş nə qədər çox oldu, futbolçular bir o qədər motivasiya olurlar. İnşallah, hər şey yaxşı olacaq. Çalışacağıq ki, II Liqada “Hypers”i yaxşı təmsil edək”.

“FourFourTwo” dünyanın ən yaxşı hücumçularının siyahısını təqdim edib.

Fanat.az xəbər verir ki, “Bayern Münhen”in forvardı Harri Keyn ilk pillədə mövqe tutub.

İkinci yerdə PSJ-ni “Real Madrid”ə dəyişən Mbappe, üçüncü sırada isə “Mançester Siti”nin norveçli ulduzu Erlinq Holand qərarlaşıb.

İlk “10-luq” isə belədir:

1. Harri Keyn (“Bayern Münhen”, Almaniya)
2. Kilian Mbappe (“Real”, İspaniya)
3. Erlinq Holand (“Mançester Siti”, İngiltərə)
4. Viktor Osimhen (“Napoli”, İtaliya)
5. Aleksander İsak (“Nyukasl”, İngiltərə)
6. Lautaro Martines (“İnter”, İtaliya)
7. Son Hın Min (“Tottenhem”, İngiltərə)
8. Viktor Qyökeres (“Sportinq”, Portuqaliya)
9. Olli Uotkins (“Aston Villa”, İngiltərə)
10. Randal Kolo Muani (PSJ, Fransa)