Neftçi" UEFA Konfrans Liqasının III təsnifat mərhələsində ilk oyununu keçirib. "Report"un məlumatına görə, Laurentsiu Regekampfın baş məşqçi olduğu komanda Bakıda Avstriyanın "Rapid" (Vyana) klubunu qəbul edib. "Bakcell Arena"da oynanılan görüşü "ağ-qaralar"ın 2:1 hesablı qələbəsi ilə başa çatıb.

Laurentsiu Regekampfın baş məşqçi olduğu komandadan qolları 44-cü dəqiqədə Ataa Caber və 60-cı dəqiqədə Kenni Sayef vurublar. Qonaqlardan isə görüşün əsas vaxtına əlavə olunmuş 5-ci dəqiqədə Qvido Burqştaller fərqlənib.

Komandalar arasında cavab görüşü avqustun 11-də Vyanada keçiriləcək.

Qeyd edək ki, bu cütün qalibi pley-off mərhələsində "Konyaspor" (Türkiyə) - "Vaduts" (Lixtenşteyn) cütünün güclüsü ilə qarşılaşacaq.

UEFA Çempionlar Liqasında III təsnifat mərhələsinin ilk matçlarına yekun vurulub. "Report"un məlumatına görə, son oyun günündə də 5 görüş keçirilib.

Günün ilk qarşılaşmalarında Azərbaycan çempionu "Qarabağ" Macarıstan "Ferentsvaroş"u ilə heç-heçə edib, Nroveçin "Budyo Qlimt" komandası isə Litva "Jalgiris"nin qapısından 5 cavabsız top keçirib.

Bundan başqa, Hayfa "Makkabi"si İsraildə Kipr "Apollon"unu 4:0, "Srvena Zvezda" isə Serbiyada Ermənistan "Pünik"ini 5:0 hesabı ilə darmadağın edib.

Kiyev "Dinamo"su isə Polşada Avstriyanın "Şturm" klubuna minimal hesabla qalib gəlib.

Çempionlar Liqası

III təsnifat mərhələsi, ilk oyunlar

3 avqust

20:00. "Qarabağ" (Azərbaycan) - "Ferentsvaroş" (Macarıstan) - 1:1

Qollar: Kvabena Ovusu, 34 - Frank Boli, 17

20:00. “Budyo Qlimt” (Norveç) – "Jalgiris" (Litva) - 5:0

Qollar: Uqo Vetlesen, 33 (pen.). Amal Pelleqrino, 36. Lars-Yorgen Salvesen, 58. Marius Höybroten, 61. Runar Espeyor, 90+3

21:00. “Makkabi” (Hayfa, İsrail) – “Apollon” (Kipr) - 4:0

Qollar: Matyö Pebern, 38 (avtoqol). Əli Məhəmməd, 54; 62. Frantsdi Pyero, 79

Qırmızı vərəqə: Vukaşin Yovanoviç, 60 ("Apollon")

22:00. “Dinamo” (Kiyev, Ukrayna) - “Şturm” (Avstriya) - 1:0

Qol: Aleksandr Karavayev, 28

22:45. “Srvena Zvezda” (Serbiya) – “Pünik” (Ermənistan) - 5:0

Qollar: Osman Bukari, 29; 44; 70. Kinqs Kanqva, 33. Stefan Mitroviç, 77

Qeyd edək ki, bu mərhələnin cavab matçları avqustun 9-da oynanılacaq.