 |
|
|
Türkiyə Futbol Federasiyasının binasına atəş açan şəxslər yaxalanıb.
Bunu hadisənin baş verdiyi əraziyə gələn Türkiyənin daxili işlər naziri Süleyman Soylu bildirib. O, binaya hücum edən iki şübhəlinin saxlanıldığını açıqlayıb. Nazirin sözlərinə görə, ərazidən 11 giliz aşkar edilib. Güllələrdən beşi binaya dəyib.
İstanbulun Ümraniye rayonunda minifutbol yarışı döyüş meydançasına çevrilib.
Futbol oynayan insanlar arasında mübahisə düşüb və yumruq davasına keçib. İki qrup təpik və yumruqlarla bir-birinə hücum edib. Meydanda olan digər insanlar onları ayırmaq üçün davaya qarışıblar. Dava edənləri çətinliklə ayırmaq mümkün olub.
Həmin anlar kameraya əks olunub.
Mənbə: Haber Global
Türkiyə Futbol Federasiyasının inzibatı binasına edilən silahlı hücumun detalları açıqlanıb.
Bakupost.az xəbər verir ki, TFF binasındakı prezident ofisinə və aşağı mərtəbədə yerləşən idarə heyətinin otağına 7 güllə atılıb. Hadisə nəticəsində xəsarət alan olmayıb.
Hadisəni törədənlər avtomobillə oradan uzaqlaşıblar. Hazırda polis kamera görüntülərindən onların kimliyini müəyyən etməyə çalışır.
İstanbul valisi Əli Yerlikaya hadisə ilə bağlı genişmiqyaslı araşdırmalara başlanıldığını bildirib.
***
19:43
Türkiyə Futbol Federasiyasının (TFF) Rivadakı binasına silahlı basqın edilib.
Bakupost.az xəbər verir ki, bu barədə "Milliyet" yazıb.
Silahlı hücum TFF-nin İdarə Heyətinin iclası zamanı baş verib.
Hadisə ilə bağlı ətraflı məlumat verilməyib.
Liqa 1-də V turun digər matçında PSJ “Tuluza”nı qəbul edib.
Messinin iki məhsuldar ötürmə verdiyi qaşılaşmada Neymar, Mbappe və Bernat fərqləniblər.
23:21
“Qarabağ”ın Avropa Liqasının qrup mərhələsindəki rəqiblərindən olan “Nant” Fransa çempionatında növbəti matçını keçirib.
Oxu.Az xəbər verir ki, komanda V turda səfərdə “Strasburq”la qarşılaşıb.
Oyunda qalib müəyyənləşməyib - 1:1.
Qeyd edək ki, bu nəticədən sonra “Nant” Liqa 1-də 5 turda topladığı 6 xalla 9-cu sıradadır.
Çexiyanın paytaxtı Praqada keçirilən qadın şahmatçılar arasında Avropa çempionatında sonuncu – XI turun oyunları keçirilib.
Turnir cədvəlinin 2-ci pilləsində olan Günay Məmmədzadə Aleksandra Maltsevska (Polşa), Gövhər Beydullayeva Nana Dzaqnidze (Gürcüstan) və Ləman Hacıyeva Yolanta Zavadska (Polşa) ilə heç-heçə edib.
Ülviyyə Fətəliyeva Azərbaycan millisindən komanda yoldaşı olan Gülnar Məmmədova, Xanım Balacayeva Alisiya Sliviçka (Polşa) və Səbinə İbrahimova Mixalina Rudzinska (Polşa) üzərində qələbə qazanıb.
44 yaşlı lider Monika Soçko (Polşa) Lilit Mkrtçyanla (Ermənistan) heç-heçə edərək xalını 8,5-ə qaldırıb və Avropa çempionu olub. Gülnar Məmmədzadə 8 xalla gümüş, eyni xal toplayan Ülviyyə Fətəliyeva bürünc medal qazanıb.
Avropanın aparıcı futbol çempionatlarında növbəti oyunlar keçirilib.
İngiltərə premyer liqasının 5-ci turunda “Çelsi” səfərdə “Sauthempton”la üz-üzə gəlib. Oyunda hesabı “zadəganlar” açsalar da, sonra məğlubiyyətə uğrayıblar - 2:1.
Həmçinin, turun başa çatan “Fulhem” – “Brayton” qarşılaşmasında 2:1 hesabı qeydə alınıb. “Kristal Pelas” – “Brentford” görüşündə isə meydan sahibləri son dəqiqələrdə üstünlüyü əldən veriblər - 1:1.
İtaliya A Seriyasında da bir sıra maraqlı matçlar baş tutub. Artıq xəbər verdiyimiz kimi, dördüncü turun açılış matçında “Milan” səfərdə “Sassuolo” ilə bacara bilməyib – 0:0.
Turun digər oyunlarında “İnter” “Kremoneze”dən (3:1), “Roma” isə “Monza”dan (3:0) üstün olub. Matçda ilk iki qolun yeni komandasında top hesabını açan Dibala vurub.
İngiltərə Prmyer Liqası
V tur
“Fulhem” - “Brayton” 2:1
“Kristal Pelas” - “Brentford” 1:1
“Sauthempton” - “Çelsi” 2:1
İtaliya A Seriyası
IV tur
“Sassuolo” - “Milan” 0:0
“İnter” - “Kremoneze” 3:1
“Roma” - “Monza” 3:0
Mahir Emreli yenidən “Qarabağ”da çıxış edə bilər.
Qol.az-ın əldə etdiyi xəbərə görə, hazırda Ağdam klubunun təmsilçiləri futbolçunun müqavilə ilə məxsus olduğu “Dinamo” (Zaqreb) ilə danışıqlar aparır. Əgər müsbət nəticə əldə olunsa, Mahir Emreli mövsümün sonunadək icarə qaydasında sabiq komandasında oynayacaq.
Bu mövsüm zədə səbəbindən Xorvatiya təmsilçisinin əsas heyətində az oynayan millimizin üzvünün Türkiyə və başqa bir neçə ölkəyə bu mövsümün sonuna kimi icarəyə göndərilmək variantı var. Ancaq M.Emrelinin özü “Qarabağ”a qayıtmaq istəyir.
Ağdam təmsilçisində də İbrahima Vadjinin “Sent-Etyen”ə transferindən sonra hücumçu almağı zəruri edib. Bu səbəbdən "Qarabağ" Mahir üçün “Dinamo” ilə hazırda danışıqlar aparır.
Maksimum qarşıdakı 2 gündə transferin alınıb-alınmayacağı qətiləşəcək.
Qeyd edək ki, M.Emreli bu ilin fevralında “Dinamo” ilə 4,5 illik müqavilə imzalayıb.
Xatırladaq ki, M.Emreli 2015-2021-ci illərdə “Qarabağ”da oynayıb.
Azərbaycan şahmatçısı Günay Məmmədzadə Çexiyanın paytaxtı Praqada qadın şahmatçılar arasında keçirilən Avropa çempionatında növbəti qələbəsini qazanıb.
32gun.az xəbər verir ki, Məmmədzadə IX turda Ermənistan təmsilçisi Mariya Gevorqyanı məğlub edib.
Azərbaycanın digər şahmatçılarından Gülnar Məmmədova İnna Qaponenko (Ukrayna), Xanım Balacayeva Anna Uşenina (Ukrayna) və Gövhər Beydullayeva Nurgül Səlimova (Bolqarıstan) ilə heç-heçə edib. Ləman Hacıyeva isə Anna Sarqsyana (Ermənistan) uduzub.
Hazırda Ülviyyə Fətəliyevanın Monika Soçko (Polşa) və Səbinə İbrahimovanın Noqa Orian (İsrail) ilə görüşü davam edir.
İbrahima Vadjini “Sent Etyen”ə satan “Qarabağ” onun əvəzinə başqa bir afrikalı alır. Qvineya millisinin forvardı Momo Yansane tezliklə ağdamlılarla rəsmi müqavilə bağlayacaq.
Hazırda “Şerif”də çıxış edən hücumçu Moldovadan ayrılmaq istəyir. Onunla danışıqlar davam edir və futbolçunun sonradan satınalma şərti ilə birillik icarəyə götürülməsi müzakirə edilir.
Daha öncə “Rabat”, “İsloç”, “Nijni Novqorod” klublarında oynamış Momo bir ildi “Şerif”də çıxış edir. 25 yaşlı futbolçunun hazırkı komandası ilə 2024-cü ilə kimi müqaviləsi var.
“Mançestr Yunated”-in hücumçusu Kriştian Ronaldu İtaliyanın ”Napoli” komandasına keçməyə razılıq verib.
Xalqxeber.az “La Gazzetta dello Sport” nəşrinə istinadən xəbər verir ki, keçid yaxın vaxtlarda reallaşacaq.
“Neapoli”-nin icarəyə götürəcəyi portuqaliyalının maaşını tam olaraq “Mançestr Yunated” ödəyəcək. Bununla bərabər, paralel olaraq “Napoli”-nin hücumçusu Viktor Osimxenin 100 milyon avro müqabilində “Mançestr Yunated”-ə keçməsi planlaşdırılır.
XalqXeber.Az