 |
|
|
UEFA Avropa Liqasında pley-off mərhələsinə start verilib. "Report"un məlumatına görə, 10 oyunun hamısı eyni gündə baş tutub.
Türkiyənin turnirdəki təmsilçilərindən "Sivasspor" İsveçdə "Malmö"yə 1:3 hesabı ilə uduzub. "Fənərbağça" isə Avstriyada "Austriya" (Vyana) komandasına qalib gəlib - 2:0.
"Qarabağ"ın UEFA Çempionlar Liqasında mübarizədən kənarlaşdırdığı "Sürix" İsveçrədə "Harts"ı, "Ferentsvaroş" isə Macarıstanda İrlandiyanın "Şemrok Rovers" klubunu məğlub edib.
UEFA Avropa Liqası
pley-off mərhələsi, ilk oyunlar
18 avqust
20:00. HİK (Finlandiya) - "Silkeborq" (Danimarka) - 1:0
Qol: Devid Braun, 80
Qırmızı vərəqə: Andre Çalişir, 68 ("Silkeborq")
20:30. "Ferentsvaroş" - "Şemrok Rovers" (İrlandiya) - 4:0
Qollar: Karlos Auski, 13. Adama Traore, 35; 48. Eldar Çiviç, 90+3
21:00. "Sürix" (İsveçrə) - "Harts" (Şotlandiya) - 2:1
Qollar: Adria Gerrero, 32. Blerim Cemayli, 34 - Lourens Şeklend, 22 (penalti)
21:00. "Malmö" (İsveç) - "Sivasspor" (Türkiyə) - 3:1
Qollar: Musatafa Zeydan, 18. Anders Kristiansen, 37. Niklas Moysander, 68 - Leke Ceyms, 30
21:00. "Apollon" (Kipr) - "Olimpiakos" (Yunanıstan) - 1:1
Ətraflı
Ads by
0
Reklamınızı SmartBee ilə effektiv edin.
Qollar: Rangelo Yanqa, 18 - Xvan In Bom, 29
21:00. "Pünik" (Ermənistan) - "Şerif" (Moldova) - 0:0
21:45. "Lüdoqorets" (Bolqarıstan) - "Jalgiris" (Litva) - 1:0
Qol: İvan Tatomiroviç, 2 (avtoqol)
Qırmızı vərəqə: Donatas Kazlauskas, 90+4
22:00. "Dnepr-1" (Ukrayna) - AEK (Larnaka, Kipr) - 1:2
Qollar: Aleksandr Svatok, 90 - Omri Altman, 16. Aleksandr Svatok, 29
Qırmızı vərəqə: Eduard Sarapi, 90+4
22:30. Gent (Belçika) - Omoniya (Kipr) - 0:2
Qollar: Haralambos Haralambus, 20. Brendon Barker, 76
23:00. "Austriya" (Vyana, Avstriya) - "Fənərbağça" (Türkiyə) - 0:2
Qollar: Coşua Kinq, 8. Serdar Dursun, 89
Qırmızı vərəqə: Lukas Qalvan, 83 ("Austriya")
Qeyd edək ki, cavab qarşılaşmaları avqustun 25-də olacaq.
“Nəticəmiz yaxşı oldu. Əlbəttə, Bakıdakı nəticəni burada təkrarlamaq mümkün deyildi”.
Bunu “Report”un Türkiyənin Konya şəhərinə ezam olunmuş əməkdaşına açıqlamasında Milli Olimpiya Komitəsinin vitse-prezidenti Çingiz Hüseynzadə V İslam Həmrəyliyi Oyunlarındakı nəticəni şərh edərkən deyib.
Funksioner bildirib ki, İslamiadada qazanılan 99 medal yüksək nəticədir: “Onu da qeyd edək ki, ən yaxşı cüdoçularımız gəlməmişdi. Atletimiz Nazim Babayev zədə aldı və medal qazana bilmədi. Nəticəni uğurlu hesab edirəm”.
O, yarışın təşkilatçılığına da toxunub: “Hər şey yaxşı idi. Oyunlar baş tutdu. Detalları Bakıda müzakirə edərik”.
Robert Levandovski “Barselona”da kuboklar qazanmağa ümid edir.
“Düşünürəm ki, “Barselona” uzun zamandır ki, titul qazanmır, amma bizim bu titulları qazanacağımıza əminəm.
“Barselona”nın mənimlə müqavilə imzalamaqda maraqlı olduğunu eşidəndə bunun mənim və klub üçün ideal olacağını düşündüm.
Bundesliqada hər şey yaxşı gedirdi, bu mənim üçün böyük təcrübə idi, amma bilirdim ki, La Liqaya keçmək karyeramda irəliyə doğru bir addım olacaq”, - deyə hücumçu qeyd edib.
Mənbə: Sports.ru
UEFA Çempionlar Liqasında pley-off mərhələsinin ilk matçlarına yekun vurulub. "Report"un məlumatına görə, ikinci oyun günündə 3 qarşılaşma baş tutub.
Gecənin ilk görüşündə Azərbaycan təmsilçisi "Qarabağ" Bakıda Çexiyanın "Viktoriya" (Plzen) komandasını qəbul edib. Oyun qolsuz heç-heçə ilə başa çatıb.
İsrailin "Makkabi" (Hayfa) klubu evdə Serbiya "Srvena Zvezda"sını 3:2, Portuqaliya "Benfika"sı isə Polşada Ukraynanın "Dinamo" (Kiyev) komandasını 2:0 hesabı ilə məğlub edib.
UEFA Çempionlar Liqası
Pley-off mərhələsi, ilk oyunlar
17 avqust
20:45. "Qarabağ" (Azərbaycan) - "Viktoriya" (Plzen, Çexiya) - 0:0
23:00. "Makkabi" (Hayfa, İsrail) - "Srvena Zvezda" (Serbiya) - 3:2
Qollar: Frantsdi Pyero, 18; 51. Tyeronn Şeri,61 - Aleksandr Peşiç, 27. Gelor Kanqa, 39
23:00. "Dinamo" (Kiyev, Ukrayna) - "Benfika" (Portuqaliya) - 0:2
Qollar: Cilberto Moraes, 9. Qonsalu Ramuş, 37.
Qeyd edək ki, bu komandalar arasında cavab matçları avqustun 23-də keçiriləcək.
Türkiyənin Konya şəhərində keçirilən V İslam Həmrəyliyi Oyunlarında maraqlı jest edilib.
"Report"un məlumatına görə, kikboksinq yarışında gümüş medal qazanmış Azərbaycan kikboksçusu Rəhim Əliyev və çempion olan Türkiyə idmançısı Aydın Aslan mükafatlandırma mərasimində qardaşlıq nümunəsi olaraq bayraqları dəyişib.
Rəhim Əliyev Türkiyə, Aydın Aslan Azərbaycan bayrağı qaldırıb. Bu, yerli publikanın alqışı ilə qarşılanıb.
"Ağır oyun oldu. Rəqib necə gözləyirdiksə, elə də çıxış etdi. Çox yaxşı qol imkanlarımız var idi. Amma yararlana bilmədik".
Bbu fikirləri "Qarabağ"ın baş məşqçisi Qurban Qurbanov Bakıda Çexiyanın "Viktoriya" (Plzen) komandası ilə qolsuz heç-heçə etdikləri UEFA Çempionlar Liqasının pley-off mərhələsinin ilk oyunundan sonra "CBC Sport"a açıqlamasında deyib.
50 yaşlı mütəxəssis müdafiədən oynayan kollektivə qarşı mübarizə apardıqlarını bildirib: "Həm rəqibdə, həm də bizdə həyəcan hiss olunurdu. Oyunçular çox əziyyət çəkdilər. Cavan görüşündə bundan da artıq güc itirməliyik. Şanslarımız bərabərdir. Böyük inamla səfərə gedəcəyik".
Qurbanov futbolda aqressiyanın çoxaldığını söyləyib: "Səbrli olmalıyıq. Futbolçulara da bunu tapşırmışam. Səbrlə oyunumuzu başa vurduq. Azarkeşlərimiz yenə möhtəşəm idilər. Hər birinə təşəkkür edirəm. Bir həftə sonra onları sevindirməyə çalışacağıq".
Qeyd edək ki, avqustun 23-də Plzendəki "Dusan Arena"da oynanılacaq cavab matçı Bakı vaxtı ilə saat 23:00-da başlayacaq.
UEFA Çempionlar Liqasında (ÇL) pley-off mərhələsinə start verilib.
İlk oyun günündə üç qarşılaşma keçirilib.
Azərbaycan millisinin futbolçusu Mahir Emrelinin çıxış etdiyi Xorvatiyanın “Dinamo” (Zaqreb) komandası Norveçdə “Budyo Qlimt”in qonağı olub. Zədəsini sağaldan 25 yaşlı hücumçu görüşün 69-cu dəqiqəsində meydana çıxıb. Lakin nə həmyerlimiz, nə də komandanın digər üzvləri Xorvatiya təmsilçisini məğlubiyyətdən xilas edə bilməyib - 1:0. Xatırladaq ki, Mahir ötən il Polşa “Legiya”sının heyətində ÇL-in I təsnifat mərhələsində hazırkı rəqiblərinə 2 qol vurub.
Türkiyənin turnirdəki yeganə təmsilçisi “Trabzonspor” Danimarkada “Kopenhagen”lə üz-üzə gəlib. “Bordo-mavilər” səfər matçında qapılarında iki top görüb, lakin onlardan birinin əvəzini çıxmağı bacarıblar - 2:1
Digər qarşılaşmada isə Şotlandiya “Reyncers”i evdə Niderlandın PSV klubunu sınağa çəkib. Gərgin keçən qarşılaşma 2:2 hesablı “sülh”lə bitib.
UEFA Çempionlar Liqası
Pley-off mərhələsi, ilk oyunlar
“Budö Qlimt” (Norveç) – “Dinamo” (Zaqreb, Xorvatiya) 1:0
“Kopenhagen” (Danimarka) – “Trabzonspor” (Türkiyə) 2:1
“Reyncers” (Şotlandiya) - PSV (Niderland) 2:2
Qeyd edək ki, pley-off mərhələsinin digər 3 oyunu avqustun 17-də baş tutacaq. Azərbaycan çempionu “Qarabağ” Bakıda Çexiyanın “Viktoriya” (Plzen) komandasını qəbul edəcək.
Portuqaliya millisinin futbolçusu Kriştianu Ronaldu hələ də İngiltərənin “Mançester Yunayted” klubundan ayrılmaq istəyir.
TİA.AZ xəbər verir ki, bu barədə tanınmış insayder Fabritsio Romano bildirib.
Onun sözlərinə görə, 37 yaşlı hücumçunun agenti Xorxe Mendeş yeni komanda axtarışındadır. Lakin “qırmızı şeytanlar” Ronaldu ilə vidalaşmaq niyyətində deyil.
Qeyd edək ki, Kriştianu Ronaldunun “Mançester Yunayted”lə 2023-cü ilin yayınadək müqaviləsi var.
FIFA Braziliya və Argentina yığmaları arasında 2022-ci il dünya çempionatının seçmə oyunu ilə bağlı əvvəlki qərarını ləğv edib.
"Report"un Argentina Futbol Federasiyasının (AFF) rəsmi saytına istinadla məlumatına görə, yarımçıq dayandırılmış görüş yenidən keçirilməyəcək.
Həmçinin, AFF 150 min İsveçrə frankı məbləğində cərimələnib. Məbləğin bir hissəsi koronavirus pandemiyası ilə mübarizəyə dəstək məqsədilə Ümumdünya Səhiyyə Təşkilatına köçürüləcək.
Qeyd edək ki, Braziliya - Argentina oyunu start fitindən cəmi 4 dəqiqə sonra dayandırılıb və qonaqlar meydanı tərk ediblər. Bu, meydana yerli polis və miqrasiya xidməti əməkdaşlarının daxil olmasından sonra olub. Onlar Emiliano Martines, Emiliano Buendia, Lo Çelso və Kristian Romeronu deportasiya etmək istəyiblər. Həmin futbolçular 10 günlük karantinə əməl etmədən Braziliyaya daxil olublar.
İtaliya A seriyasında ilk tura yekun vurulub.
Oxu.Az xəbər verir ki, turun son oyununda “Yuventus” “Sassuolo”nu qəbul edib.
Turindəki matçda meydan sahibləri üç cavabsız qola seviniblər.
“Yuventus”un heyətində Anxel Di Mariya ilk matçında azarkeşləri qolla salamlayıb. Duşan Vlahoviç isə iki dəfə fərqlənib.
Qarşılaşmanın qollarını təqdim edirik:
23:11
İtaliya A seriyasının açılış turu davam edir.
Oxu.Az xəbər verir ki, günün maraqlı qarşılaşmalarından biri “Verona”da baş tutub.
Şəhərin eyniadlı komandası “Napoli”ni qəbul edib.
Azarkeşlərin 7 qola şahidlik etdikləri matçda qonaqlar 5:2 hesablı qələbəyə seviniblər.
“Napoli”nin heyətində gürcü futbolçu Xviça Kvaratsxeliyanın debütü xüsusi uğurlu alınıb. O, 68 dəqiqə meydanda qaldığı qarşılaşmada bir qol və bir məhsuldar ötürməyə imza atıb.
Qeyd edək ki, Xviça Kvaratsxeliya Azərbaycanda “Kəpəz” və “Şəmkir” klublarındakı çıxışı ilə məşhurlaşmış, milli komandamızın da formasını geyinmiş gürcü hücumçu Badri Kvaratsxeliyanın oğludur.