"Ola bilsin ki, bu mənim sonuncu döyüşüm olmasın".

"Report"un məlumatına görə, bunu Bakıda vida döyüş gecəsi keçirəcək Azərbaycan kikboksçusu Zabit Səmədov deyib.

O bildirib ki, braziliyalı rəqibinə uduzsa, revanş döyüşü istəyəcək: "Əgər Antonio Silvaya uduzsam, mütləq revanş olacaq. Karyeramı qələbə ilə başa vurmaq istəyirəm".

O bildirib ki, kikboksçu Alim Nəbiyevi bu turnirə o dəvət edib: "Bildiyiniz kimi, mən Belarusda, o da Ukraynada yaşayıb. İstədim ki, doğma vətəndə – Azərbaycanda turnirdə çıxış etsin. Mənim sahib olduğum klubda məşq keçdi və dəvətimi yerə salmayıb turnirə qatılmağa razılıq verdi. Alim "Glory" turnirində çıxış edir. Kifayət qədər tanınmış idmançıdır. Belə bir idmançının burada çıxış etməsi də böyük üstünlükdür".

Qeyd edək ki, döyüş gecəsi sentyabrın 10-da Milli Gimnastika Arenasında keçiriləcək.

Azərbaycan futbol tarixinin ən böyük uğuru, şübhəsiz ki, 2017/18 mövsümündə “Qarabağ”ın Çempionlar Liqasının qrup mərhələsində iştirak etməsidir.

“Ölüm qrupu”na düşən Ağdam klubunun heyətində ən çox diqqət çəkən futbolçu həmin vaxt PAOK-dan icarəyə götürülən Pedro Enrike idi.

“Roma” ilə Bakıdakı qarşılaşmada fərqlənməklə Azərbaycan təmsilçisinin Çempionlar Liqasında ilk qolunun müəllifi olan braziliyalı Sports.az saytına açıqlamasında həmin mövsümü xatırlayıb.

Bu ilin aprelində ölkəsinin “İnternasional” klubuna keçən 32 yaşlı hücumçu “Qarabağ”ın karyerasındakı yüksəlişdə böyük rol oynadığını bildirib:

“Karyeramın ən uğurlu dönəmini “Qarabağ”da keçirmişəm. Bir futbolçu üçün ən böyük xəyal sayılan Çempionlar Liqasının qrupunda yalnız bu komandanın heyətində çıxış etmişəm. Özü də “Çelsi”, “Roma”, “Atletiko” kimi klublara qarşı. “Qarabağ”da keçirdiyim bir ili ömrüboyu unutmaram. Sonra “Astana”nın heyətində Avropa Liqasında çıxış etdim. Bu iki turnir daha yaxşı liqalarda oynamaq üçün pəncərədir. Görünür avrokuboklarda özümü yaxşı tərəfdən göstərə bilmişəm ki, karyeramın növbəti mərhələsində Türkiyə olub, indi isə Braziliya A seriyasında mübarizə aparıram”.

Yunanıstan və Fransada da çıxış etmiş Pedro Enrike “Qarabağ”ın bu mövsüm Avropa Liqasının qrup mərhələsində həmin ölkələrin təmsilçiləri “Olimpiakos”, “Nant”, eyni zamanda Almaniya “Frayburq”u önündə şanslarını da dəyərləndirib:

“Qarabağ” çox ağır qrupa düşüb. “Olimpiakos” Yunanıstanın ən güclü klubudu. “Frayburq”un Bundesliqanın lideridir. “Nant” da “Böyük Beşlik” çempionatlarından Fransada Liqa 1-də oynayan komandadır. Kimin qrupdan çıxacağını indidən proqnozlaşdırmaq çətindir”.

Qeyd edək ki, “Qarabağ” Avropa Liqasının qrup mərhələsində ilk oyununu sabah Almaniyada “Frayburq”a qarşı keçirəcək.

Cebhe.info

Azərbaycan şahmatçısı Şəhriyar Məmmədyarov ABŞ-ın Sent Luis şəhərindəki "Grand Chess Tour"un sonuncu mərhələsi olan "Sinkfild Kuboku"nda ilk qələbəsini qazanıb.

"Report"un məlumatına görə, 37 yaşlı qrossmeyster 4-cü turda norveçli Maqnus Karlsenlə üz-üzə gəlməli idi. Lakin dünya çempionu turnirdən imtina etdiyi üçün görüş baş tutmayıb. Nəticədə Məmmədyarova texniki qələbə verilib.
Ətraflı

Karlsenin əvvəlki turlardakı nəticələri ləğv olunacaq.

Qeyd edək ki, hazırda 2 xalla turnir cədvəlinin 4-cü pilləsində qərarlaşıb.

İngiltərə Premyer Liqasında beşinci turun son matçı keçirilib.

Bu mövsüm qələbəyə həsrət qalan “Lester” “Kinq Pauer” arenasında “Mançester Yunayted”i qəbul edib.

Çempionata uğursuz başlasa da, son iki matçda qalib gələn “qırmızı şeytanlar”ın heyətində ulduz futbolçu Ronaldunun ardıcıl üçüncü dəfə start heyətdə yer almaması diqqətdən yayınmayıb. Portuqaliyalı yalnız matçın 68-ci dəqiqəsində oyundakı yeganə qolun müəllifi Ceydon Sançonu əvəzləyib.

Qarşılaşmanın nəticəsinə gəlincə, mankunianlılar səfər matçından minimal üstünlüklə ayrılıblar - 0:1

“Yuventus”un yarımmüdafiəçisi Artur Melo karyerasını İngiltərədə davam etdirəcək.

“Liverpul” rəsmi saytında 26 yaşlı braziliyalının gələn yaya qədər icarəyə götürüldüyünü açıqlayıb.
İcarə müqaviləsində müddət bitdikdən sonra oyunçunun alınması ilə bağlı bənd yoxdur. Məlumata görə, “qırmızılar”ın baş məşqçisi Yurgen Klopp heyət çatışmazlığına görə yarımmüdafiə xəttini gücləndirmək istəyir.

Qeyd edək ki, A Seriyasının bu mövsümündə Artur heç bir oyun keçirməyib.

21:51

“Benfika” PSJ-nin yarımmüdafiəçisi Yulian Draksleri icarəyə götürdüyünü açıqlayıb.

Lissabon klubunun mətbuat xidmətindən verilən məlumata görə, 28 yaşlı almaniyalı ilə imzalanan icarə müqaviləsi 2022/23 mövsümünün sonuna kimi nəzərdə tutulub.

Futbolçu komandada 93-cü nömrə altında çıxış edəcək.

Qeyd edək ki, Draksler ötən mövsüm Paris klubunda bütün turnirlərdə 24 oyuna 2 qol vurub və 2 məhsuldar ötürmə verib. Onun klubla müqaviləsi 30 iyun 2024-cü ilə qədər qüvvədədir.
Mənbə: sport-express.ru

21:17

“Fulhem” yarımmüdafiəçi Villianla bir illik müqavilə imzalayıb.

Avqustun 12-də Villianın “Korintians”la müqaviləsi başa şatıb və o, azad agent statusu alıb. 34 yaşlı braziliyalı klub azarkeşləri ilə anlaşa bilməyib.

2013-cü ildən 2020-ci ilə qədər futbolçu “Çelsi”də oynayıb, bundan sonra daha bir ili “Arsenal”da keçirib, daha sonra isə “Korintians”a yollanıb.

Ötən mövsüm Villian “Korintians”ın heyətində 36 matçda 1 qol vurub və 4 məhsuldar ötürmə edib.

Mənbə: sport-express.ru

19:02

Artıq yay transfer pəncərəsin son günü olduğundan futbol aləmi bir-birindən maraqlı keçid xəbərlərilə çalxalanır.

AS nəşrinin məlumatına görə, “Çelsi” hücumçu Memfis Depay üçün “Barselona”ya təklif göndərib. 28 yaşlı niderlandlının London klubuna keçidi kifayət qədər real hesab olunur.

Bildirilib ki, katalon klubunun rəhbərliyi hücumçunun transferinə yaxın saatlarda qərar verəcək.

Qeyd edək ki, bu mövsüm Depay kataloniyalıların heyətində heç bir matçda iştirak etməyib. Onun klubla müqaviləsi 30 iyun 2023-cü ilə qədərdir.

İngiltərə Premyer Liqasında yay transfer pəncərəsi sentyabrın 1-dən 2-nə keçən gecə Bakı vaxtı ilə saat 02.00-da bağlanacaq.

Jurnalist Marti Miras “Twitter” hesabında yazır ki, “Real”ın (Madrid) keçmiş müdafiəçisi Marselo “Lester Siti” ilə bir illik müqavilə imzalamağa yaxındır. Müdafiəçi Kral klubu ilə müqaviləsi bitdikdən sonra azad agent statusundadır.

O, komandanın tarixində ən çox mükafat alan futbolçudur. Braziliyalı “Real”la 25 kubok qazanıb. Futbolçu 2007-2022-ci illərdə Madrid klubunda çıxış edib.

18:11

Hektor Bellerin Londonun “Arsenal” klubu ilə müqaviləsini ləğv etmək üçün razılığa gəlib. Tezliklə o, azad agent statusunda Kataloniyanın “Barselona” klubunun futbolçusu olacaq.

Bu barədə idman jurnalisti Fabrisio Romano məlumat verib.

Bildirilir ki, ispaniyalının hazırkı müqaviləsinin bitməsinə hələ bir il qalıb.

Qeyd edək ki, doğma klubu “Barselona” olan Hektor dünyanın ən sürətli atleti olan Useyn Boltu duelə çağırmışdı.
Bundan başqa “Barselona”nın hücumçusu Martin Breytueyt də klubunu dəyişəcək.

İnsayder Fabrisio Romanonun sözlərinə görə, 31 yaşlı danimarkalı futbolçu karyerasını “Espanyol”da davam etdirəcək.

Futbolçu artıq “Espanyol”da tibbi müayinədən uğurla keçib. İndi “Barça” ilə müqaviləni ləğv etməlidir, bundan sonra azad agent kimi yeni klubuna keçə biləcək.

Braytueyt “Barselona”ya 2020-ci ilin fevralında keçib. O vaxtdan bəri hücumçu 57 matçda 10 qol vurub və 5 məhsuldar ötürmə edib.

Qeyd edək ki, “Barsa” bu gün Obameyanqla da yollarını ayırıb.

Türkiyə Futbol Federasiyasının binasına atəş açan şəxslər yaxalanıb.

Bunu hadisənin baş verdiyi əraziyə gələn Türkiyənin daxili işlər naziri Süleyman Soylu bildirib. O, binaya hücum edən iki şübhəlinin saxlanıldığını açıqlayıb. Nazirin sözlərinə görə, ərazidən 11 giliz aşkar edilib. Güllələrdən beşi binaya dəyib.