Mahir Emreli yenidən “Qarabağ”da çıxış edə bilər.

Qol.az-ın əldə etdiyi xəbərə görə, hazırda Ağdam klubunun təmsilçiləri futbolçunun müqavilə ilə məxsus olduğu “Dinamo” (Zaqreb) ilə danışıqlar aparır. Əgər müsbət nəticə əldə olunsa, Mahir Emreli mövsümün sonunadək icarə qaydasında sabiq komandasında oynayacaq.

Bu mövsüm zədə səbəbindən Xorvatiya təmsilçisinin əsas heyətində az oynayan millimizin üzvünün Türkiyə və başqa bir neçə ölkəyə bu mövsümün sonuna kimi icarəyə göndərilmək variantı var. Ancaq M.Emrelinin özü “Qarabağ”a qayıtmaq istəyir.

Ağdam təmsilçisində də İbrahima Vadjinin “Sent-Etyen”ə transferindən sonra hücumçu almağı zəruri edib. Bu səbəbdən "Qarabağ" Mahir üçün “Dinamo” ilə hazırda danışıqlar aparır.

Maksimum qarşıdakı 2 gündə transferin alınıb-alınmayacağı qətiləşəcək.

Qeyd edək ki, M.Emreli bu ilin fevralında “Dinamo” ilə 4,5 illik müqavilə imzalayıb.

Xatırladaq ki, M.Emreli 2015-2021-ci illərdə “Qarabağ”da oynayıb.

Azərbaycan şahmatçısı Günay Məmmədzadə Çexiyanın paytaxtı Praqada qadın şahmatçılar arasında keçirilən Avropa çempionatında növbəti qələbəsini qazanıb.

32gun.az xəbər verir ki, Məmmədzadə IX turda Ermənistan təmsilçisi Mariya Gevorqyanı məğlub edib.

Azərbaycanın digər şahmatçılarından Gülnar Məmmədova İnna Qaponenko (Ukrayna), Xanım Balacayeva Anna Uşenina (Ukrayna) və Gövhər Beydullayeva Nurgül Səlimova (Bolqarıstan) ilə heç-heçə edib. Ləman Hacıyeva isə Anna Sarqsyana (Ermənistan) uduzub.

Hazırda Ülviyyə Fətəliyevanın Monika Soçko (Polşa) və Səbinə İbrahimovanın Noqa Orian (İsrail) ilə görüşü davam edir.

Futbol üzrə İtaliya A Seriyasında III turun mərkəzi görüşü “Latsio” və “İnter” komandaları arasında keçirilib.

Roma şəhərindəki “Olimpiko” stadionunda təşkil olunmuş qarşılaşma meydan sahiblərinin qələbəsi ilə yekunlaşıb - 3:1.

Bununla da xalını 7-yə çatdıran “Latsio” liderliyə yüksəlib. İlk məğlubiyyətini alan “İnter” isə 6 xalla 4-cüdür.

Türkiyəli idman jurnalisti, "Sabah" qəzetinin köşə yazarı Gürcan Bilgiç "A Spor" telekanalında yayımlanan "Son Sayfa" verilişində "Qarabağ"ı Ermənistan komandası kimi təqdim edib.

"Report"un məlumatına görə, media nümayəndəsi "Fənərbağça"nın qrup mərhələsindəki potensial rəqiblərini dəyərləndirərkən, "Qarabağ" Ermənistan komandası deyilmi" söyləyərək, yanlışlığa yol verib.

Verilişin digər iştirakçısı Hüseyin Özkek onun səhvini düzəldib. Bilgiç proqramın gedişində Niderlandın PSV komandasını da aşağılayıb. O, Eyndhoven təmsilçisinə "PSV-MSV" deyib.

Bundan əlavə, verilişin gedişində Bilgiçin 2024-cü ildən qüvvəyə minəcək Çempionlar Liqasının yeni formatından xəbərsiz olması üzə çıxıb. Həmkarı Hüseyin Özkek bu barədə onu məlumatlandırıb.

Bilgiç "Qarabağ"ın Azərbaycan klubu olmasından məlumatsızlığı və onu Ermənistan komandası kimi təqdim etməsi səbəbindən sosial şəbəkələrdə kəskin tənqidlərə məruz qalıb, belə təxribatçı idman yazarının verilişə buraxılmaması tələb olunub.

Qeyd edək ki, UEFA Avropa Liqasında qrup mərhələsinin püşkatma mərasimi bu gün Bakı vaxtı ilə saat 15:00-da başlayacaq. "Qarabağ" püşkatmaya ikinci səbətdən, Türkiyə təmsilçilərindən "Fənərbağça" üçüncü, "Trabzonspor" isə dördüncü səbətdən qoşulacaq.

Cebhe.info

Avropa Liqasında qrup mərhələsinin bütün iştirakçıları bəlli olub.

Sports.az xəbər verir ki, pley-off mərhələsinin cavab matçlarından sonra qrupda mübarizə aparacaq 32 komanda müəyyənləşib.

Bununla da Azərbaycanın turnirdəki yeganə təmsilçisi "Qarabağ"ın bütün potensial rəqiblərinin adına aydınlıq gəlib.

Püşkatmaya 2-ci səbətdən qoşulacaq Ağdam klubu digər səbətlərdəki komandalardan biri ilə eyni qrupa düşəcək.

Bu gün İstanbulda baş tutacaq püşkatma mərasiminə Bakı vaxtı ilə 15:00-da start veriləcək.

1-ci səbət
Roma (İtaliya)
Mançester Yunayted (İngiltərə)
Arsenal (İngiltərə)
Latsio (İtaliya)
Braqa (Portuqaliya)
Srvena Zvezda (Belçika)
Dinamo (Kiyev, Ukrayna)
Olimpiakos (Yunanıstan)

2-ci səbət
Feyenoord (Niderland)
Renn (Fransa)
PSV (Niderland)
Monako (Fransa)
Real Sosyedad (İspaniya)
Qarabağ (Azərbaycan)
Malmö (İsveç)
Ludoqorets (Bolqarıstan)

3-cü səbət
Şerif (Moldova)
Betis (İspaniya)
Midtyulland (Danimarka)
Bodo Qlimt (Norveç)
Ferentsvaroş (Macarıstan)
Union Berlin (Almaniya)
Frayburq (Almaniya)
Fənərbaxça (Türkiyə)

4-cü səbət
Nant (Fransa)
HJK (Finlandiya)
Şturm Qrats (Avstriya)
AEK (Larnaka, Kipr)
Omoniya (Kipr)
Sürix (İsveçrə)
Yunion (Belçika)
Trabzonspor (Türkiyə)

Bu gün Avropa Liqasında pley-off mərhələsinə yekun vurulub.

Sports.az xəbər verir ki, qarşılaşmaların ardından qrup mərhələsinə vəsiqə qazanan sonuncu 10 komandanın adına aydınlıq gəlib.

Türkiyənin turnirdəki təmsilçilərindən "Fənərbaxça" Avstriyanın “Austriya" (Vyana) komandasını, "Sivasspor" isə İsveç "Malmö"sünü qəbul edib. İstanbul klubu ilk matçda 2:0 hesablı qələbə qazanmışdısa, sivaslılar rəqibinə uduzmuşdu – 1:3. Elə cavab oyunlarında da “Fənərbaxça” qələbəyə sevindiyi halda, Sivas klubu məğlubiyyətlə üzləşib və Avroliqa ilə vidalaşıb.

"Qarabağ"ın UEFA Çempionlar Liqasında mübarizədən kənarlaşdırdığı İsveçrə “Sürix”i Şotlandiyada "Harts"ın, Macarıstasn "Ferentsvaroş"u İrlandiyada "Şemrok Rovers"un qonağı olub. Cavab görüşlərində sərfəli nəticə qazanan Sürix və Budapeşt təmsilçiləri Avroliqanın qrup mərhələsinə vəsiqə əldə ediblər.

Avropa Liqası
Pley-offun cavab oyunları
25 avqust

AEK (Larnaka, Kipr) - Dnepr-1 (Ukrayna) 3:0
İlk oyun - 2:1

Jalgiris (Litva) - Ludoqorets (Bolqarıstan) 3:3
İlk oyun - 0:1

Silkeborq (Danimarka) - HJK (Finlandiya) 1:1
İlk oyun - 0:1

Fənərbaxça (Türkiyə) - Austriya (Vyana, Avstriya) 4:1
İlk oyun - 2:0

Omoniya (Kipr) - Gent (Belçika) 2:0
İlk oyun - 2:0

Şerif (Moldova) - Pünik (Ermənistan) 0:0 (penaltilər 3:2)
İlk oyun - 0:0

Sivasspor (Türkiyə) - Malmö (İsveç) 0:2
İlk oyun - 1:3

Harts (Şotlandiya) - Sürix (İsveçrə) 0:1
İlk oyun - 1:2

Olimpiakos (Yunanıstan) - Apollon (Kipr) 1:1 (penaltilər 3:1)
İlk oyun - 1:1

Şemrok Rovers (İrlandiya) – Ferentsvaroş (Macarıstan) 1:0
İlk oyun – 0:4

Minifutbol üzrə Çempionlar Liqasının qrup mərhələsinin püşkü atılıb. "Report"un məlumatına görə, Bolqarıstanın Plovdiv şəhərində keçirilən mərasimdə Azərbaycanın "Beerbaşa" komandasının də rəqibləri bəlli olub.

Ölkə təmsilçisi B qrupunda Rumıniyanın "AEK Oradea" (Rumıniya), Bolqarıstanın "DXC Technology" və Çexiyanın "G.I.C. La Plate de Künde Praqa" komandaları ilə mübarizə aparacaq.

Qeyd edək ki, Monteneqroda keçiriləcək turnir avqustun 31-də başlayacaq.