“Barselona”nın qapıçısı Mark-Andre ter Ştegen Avropada qapıçılar siyahısında liderlik edir.

Xarici mətbuat xəbər verir ki, İspaniya La Liqasında 11 matçda 9 qapısını təmiz saxlayan ilk qapıçıdır.

Belə ki, onun La Liqada 84,6% qənaət faizi var.

Ter Ştegen cari 2022-2023-cü illər mövsümündə Avropanın beş əsas liqasında fərqlənən rekorda imza atıb.

2022/23 mövsümündə Avropanın ilk beş liqasında ən çox qənaət faizi olan qapıçıların siyahısını təqdim edirik:

84,6% - Mark Andre ter Stegen

83,9% - Yehvann Diouf

82,3% - Nik Papa

82,1% - Gerónimo Rulli

82,0% - Kepa Arrizabalaga

İtaliya A Seriyasında 19-cu turun oyunları davam edir.

Çempionatın iddialı kollektivlərindən olan “İnter” doğma meydanda “Empoli”nı sınağa çəkib.

Oyunun diqqətçəkən məqamlarından biri ev sahiblərinin Çindəki Yeni il səbəbindən xüsusi dizaynlı formalarda meydana çıxması olub.

Lakin məhz bu geyimlər komanda üçün heç də uğurlu olmayıb. Belə ki, ev sahibləri öz azarkeşləri önündə məğlubiyyətə uğrayıblar - 0:1.

Qeyd edək ki, tura çərşənbə axşamı “Latsio” – “Milan” matçı ilə yekun vurulacaq.

Qadınlar arasında Portuqaliya kubokunun 1/4 final mərhələsinin "Benfika" - "Sportinq" matçında hakim tarixdə ilk dəfə ağ vərəqə göstərib.

Hurriyyet.Az xəbər verir ki, bu barədə “Sport Bible” məlumat yayıb.
Oyun zamanı futbolçulardan biri xəstələnib və hər iki klubun həkim briqadaları meydana çıxıblar. Həkimlər idmançıya kömək etdikdən sonra hakim onlara təşəkkür olaraq ağ vərəqə göstərib.

Stadiondakı azarkeşlər hakimin bu qərarını alqışlarla qarşılayıblar.

Görüş "Benfika"nın 5:0 hesablı qələbəsi ilə yekunlaşıb.

Ağ kartlar Portuqaliyada yeni bir təşəbbüsdür. Komandaları cəzalandırmaq üçün nəzərdə tutulan sarı və qırmızılardan fərqli olaraq, klubları ədalətli oyuna görə tərifləmək əvəzinə ağ vərəqə göstərilir. Yeni ideya idmanda etik dəyərləri təbliğ etmək məqsədi daşıyır.

"Arsenal" Premyer Liqanın 21-ci turunda "Mançester Yunayted"i məğlub edib -3:2.

Hesabı 17-ci dəqiqədə Markus Reşford açıb. Edvard Nketia 7 dəqiqədən sonra hesabı bərabərləşdirib və Bukayo Saka 53-cü dəqiqədə “topçular”ı önə keçirib.

Lisandro Martinez tezliklə hesabı yenidən bərabərləşdirdi. 90-cı dəqiqədə Nketia dubl edib. Onun ikinci topu komandasına qələbədə qazandırıb.

Bu oyundan sonra “Arsenal” xallarını 50-yə çatdırıb və liderliyini davam etdirir.

Braziliya millisinin üzvü Dani Alveş cinsi təcavüz ittihamı ilə İspaniya polisi tərəfindən Barselonada saxlanılıb.

Qol.az xəbər verir ki, bu barədə “Marca” nəşri məlumat yayıb.

Mənbənin məlumatına görə, futbolçu polis maşını ilə məhkəməyə aparılıb. Braziliyalı müdafiəçinin gələcəyi ilə bağlı hakim qərar verəcək. Bundan əvvəl Alveş polis idarəsində ifadə verib.

Xatırladaq ki, bir qadın 39 yaşlı futbolçunu Barselondakı gecə klublarının birində ona cinsi təcavüz etməkdə ittiham edib.

Türkiyə basketbolçu Enes Kanter Fridomu axtarışda olan terrorçular siyahısına salıb.

Bu barədə Gununsesi.info xarici mediaya istinadən bildirir.

Fridomun adı Türkiyə Daxili İşlər Nazirliyinin beş səviyyəli rəng kodlu sistemi olan “Boz Siyahı” adlandırdığı siyahının ən aşağı, təxminən 26,600 dollara (500 min türk lirəsi) qədər mükafatın təklif olunduğu sırasındadır.

Türkiyənin Enes Fridomu siyahıya nə vaxt əlavə etdiyi bəlli deyil. Lakin o, çərşənbə axşamı Fox News-a müsahibəsində bu barədə Vatikanda basketbol düşərgəsində olarkən öyrəndiyini və Federal Təhqiqat Bürosu ilə əlaqə saxladıqdan sonra geri, ona Amerika Birləşmiş Ştatlarına dönməli olduğu deyildiyini bildirib.

“Türkiyə hökuməti ilk dəfədir ki, orada baş verən bəzi insan haqları pozuntuları və siyasi məhbuslar haqqında danışdığım üçün başıma mükafat qoyub və məni ən çox axtarılan terrorçular siyahısına salıb. Və bilirsiz, mən tək deyiləm. O siyahıda çox sayda jurnalist, akademik, professor və məşhurlar var” , Fridom Fox News-a bildirib.

Enis Fridom Türkiyə prezidenti Rəcəp Tayyib Ərdoğanı və ölkədəki insan haqları ilə bağlı vəziyyəti tənqid edib. O, Bayden administrasiyasını, digər Qərb və NATO liderlərini hərəkətə keçməyə çağırıb.

Türkiyə 2019-cu ildə ABŞ-da yaşayan din xadimi Fətulla Gülənlə əlaqələrinə görə terror qruplaşmasının üzvü olmaqda ittiham edərək, Enes Fridom barəsində həbs qərarı verib.

İngiltərənin "Tottenhem" komandasının sabiq futbolçusu Anton Uolks faciəvi hadisə nəticəsində ölüb.

"Report" klubun rəsmi saytına istinadən xəbər verir ki, 26 yaşlı müdafiəçi qayıq qəzasında dünyasını dəyişib.

Son olaraq ABŞ-da "Şarlott" komandasının formasını geyinən ingiltərəli oyunçu Mayami yaxınlığında qəzaya uğrayıb.

Qeyd edək ki, Anton Uolks 2016 - 2018-ci illərdə "Tottenhem"in şərəfini qoruyub.

Adı Səudiyyə Ərəbistanının "Əl-Hilal" klubu ilə hallanan Leo Messi qarşı tərəfdən heç bir təklif almayıb.

Teref.Az xəbər verir ki, bunu italiyalı insayder Fabritsio Romano söyləyib. 35 yaşlı hücumçu və ərəb klubu arasında danışıqlar olmayıb.

Argentinalı ulduz növbəti günlərdə müqavilənin yenilənməsi ilə bağlı PSJ rəhbərliyi ilə görüşəcək.

Qeyd edək ki, Lionel Messi PSJ-yə 2021-ci ilin avqustunda "Barselona"dan keçib. Onun Liqa 1 təmsilçisi ilə cari mövsümün sonunadək müqaviləsi var.\\Offsideplus.az

Sabah PSJ və “Əl Hilal” və “Əl Nəsr” ulduzlarının görüşünü izləmək üçün bir azarkeş 2,6 milyon dollara bilet alıb.

Səudiyyə Ərəbistanının daşınmaz əmlak maqnatı Müşref əl-Qəmdi bu biletə hərracda sahib olub.

Bileti satan adam isə həmin məbləği “Ehsan” adlı xeyriyyə cəmiyyətinə bağışlayacağını bildirib.

Alınan bilet matçı VIP zonadan izləmək, mükafatlandırma mərasimində iştirak etmək, komandaların paltardəyişmə otaqlarına getmək və oyunçularla söhbət etmək hüququ verir.

Qeyd edək ki, matç sabah saat 21:00-da başlayacaq. Kriştianu Ronaldo və Messinin üz-üzə gələcəyi görüşə maraq həddən artıq böyükdür.