 |
|
|
“Mançester Yunayted”in baş məşqçisi Erik ten Haq bir neçə futbolçunun göndərilməsini istəyir.
İtalyan insayder Nikolo Skiranın yaydığı məlumata görə, qapıçı Din Henderson, müdafiəçilərdən Erik Bayi, eyni zamanda komandanın kapitanı olan Harri Maquayr, Aleks Telles, Brendon Uilyams, yarımmüdafiəçilər Donni van den Bek, Skott Maktominey, hücumçular Entoni Elanqa, Antoni Marsyal və Vaut Veqorst niderlandlı mütəxəssisin gələcək planlarına daxil deyillər.
Adıçəkilən futbolçuların yay transfer pəncərəsində komandanı tərk edəcəyi gözlənilir.
İngiltərə Premyer Liqasında 36 oyunda 69 xal yığan “Mançester Yunayted” 4-cü pillədədir.
İspaniya La Liqasında XXXVI turun daha bir oyunu keçirilib.
Oxu.Az xəbər verir ki, “Barselona” “Valyadolid”ə qonaq olub.
Görüş meydan sahiblərinin 3:1 hesablı qələbəsi ilə yekunlaşıb.
Çempionluğu daha əvvəldən təmin etmiş “Barselona” 85 xalda qalıb. Autsayderlər zonasında olan “Valyadolid” isə 38 xalla 17-ci pilləyə yüksəlib.
00:31
İspaniya La Liqasında XXXVI tura start verilib.
Oxu.Az xəbər verir ki, turun ilk iki oyununda ümumilikdə 3 qol vurulub.
“Selta” öz meydanında qəbul etdiyi “Jirona”nın müqavimətini qıra bilməyib. Hərəyə bir qol vuran komandalar matçdan bir xalla ayrılıblar.
“Real Sosyedad” isə “Almeriya”nı əliboş yola salıb. Bunun üçün onlara bir qol kifayət edib.
Bu nəticələrdən sonra “Real Sosyedad” 68 xalla 4-cü, “Jirona” 49 xalla 8-ci, “Selta” 40 xalla 14-cü, “Almeriya” isə 39 xalla 15-ci pillədə qərarlaşıb.
“Zöhrə Ağamirova Avropa çempionatında medal qazanan ilk azərbaycanlı gimnast olub”
Bu barədə Azərbaycan Milli Olimpiya Komitəsi (MOK) tviterdəki hesabında məlumat yayıb.
“Tarixə düşdü! Zöhrə Ağamirova Avropa çempionatında medal qazanan ilk azərbaycanlı gimnast oldu. Ölkəmizdə keçirilən bədii gimnastika üzrə 39-cu Avropa çempionatında Azərbaycan yığma komandasının üzvü Zöhrə Ağamirova topla fərdi çıxışında bürünc medal qazanıb”, - paylaşımda deyilir.
Tokio 2020 Yay Olimpiya Oyunlarının iştirakçısı, Konya 2022 İslam Həmrəyliyi Oyunlarının qalibi olan Zöhrə Ağamirova Bakı gimnastika məktəbinin yetirməsidir.
Azərbaycanın qrup hərəkətləri komandası mayın 21-də Bakıda keçirilən bədii gimnastika üzrə 39-cu Avropa çempionatının qalibi adını qazanıb.
Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan və Darya Sorokinadan ibarət komandamız üç lent və iki topla yarışın qalibi olub. Gimnastlarımızın möhtəşəm çıxışı hakimlər tərəfindən 32,250 xalla qiymətləndirilib.
“Ulduz kimi parla” şüarı ilə keçirilən qitə çempionatında 38 ölkədən 315 gimnast (böyüklər – 191, gənclər 124) mübarizə aparıb.
Xatırladaq ki, gənclərdən ibarət qrup komandamız çempionatın ilk günündə çoxnövçülükdə və beş topla yarışlarda bürünc medal qazanıb. Böyüklərdən ibarət komandamız da çoxnövçülükdə üçüncü olub. Gimnastımız Zöhrə Ağamirova top ilə yarışda bürünc mükafata layiq görülüb.
İspaniya La Liqasında 35-ci tur davam edir.
Oxu.Az xəbər verir ki, “Atletiko” öz meydanında “Osasuna” ilə qarşılaşıb.
Görüş Madrid təmsilçisinin böyükhesablı qələbəsi ilə başa çatıb - 3:0.
Yannik-Ferreyra Karraskonun hesabı açdığı matçda digər qolları Saul Niqez və Anxel Korrea vurublar. Qələbə sayəsində xallarını 72-yə çatdıran “Atletiko” 2-ci pilləyə yüksəlib.
Komanda bir oyun çox keçirdiyi “Real Madrid”i bir xal üstələyir.
cİtaliyanın “Yuventus” klubu 12 bal cərimələnə bilər.
Teref.az-ın yazdığına görə, cəza mayın 22-də verilə bilər.
Mayın 22-də Turin klubunun mümkün maliyyə fırıldaqları ilə bağlı beşinci məhkəmə prosesi keçiriləcək.
Klubun maliyyə pozuntuları ilə bağlı araşdırma 400 gündən çox davam edir. Klub da cərimələnə bilər.
Sanksiya ilə bağlı qərar sabahkı məhkəmə iclasında veriləcək.
Proseslərin bununla bitməyəcəyi və azı avqust ayına qədər davam edəcəyi qeyd olunub.
Daha əvvəl “Yuventus”dan 15 xal silinsə də, cəza növbəti qəraradək ləğv edilib.
Qeyd edək ki, “Yuventus” bu mövsüm İtaliya çempionatında 35 oyunda 69 xalla ikinci yerdədir.
“Qoca sinyora”dan 12 xal silinsə, klub yeddinci pilləyə enə
Yeni mövsüm üçün Türkiyə Superliqasında iştirak hüququ qazanan daha bir komanda müəyyənləşib.
Qol.az xəbər verir ki, "Rizəspor" bir illik fasilədən sonra elitaya yüksəlib.
Birinci liqanın 38-ci turunda bu gün "Altınordu" ilə heç-heçə edən komanda ilk 3-lükdəki yerini təmin edib. Rizə təmsiçisi hazırda 68 xalla 2-ci pillədə qərarlaşıb.
Qeyd edək ki, bundan əvvəl "Samsunspor" da Superliqaya vəsiqə qazanmışdı.
Avropa Liqasında yarımfinal mərhələsinin cavab oyunlarından sonra həftənin ən yaxşı futbolçusu bəlli olub.
Azarkeşlərin səsverməsinə əsasən bu ada İspaniyanın “Sevilya” klubunun yarımmüdafiəçisi Erik Lamela layiq görülüb.
Argentinalı futbolçu evdə İtaliyanın “Yuventus” komandasına 2:1 hesabı ilə qalib gəldikləri matçda həm qol vurub, həm də məhsuldar ötürmə ilə yadda qalıb.
Avroliqada həftənin ən yaxşısı adına Lamelanın komanda yoldaşı İvan Rakitiç, həmçinin Nemanya Matiç (“Roma”, İtaliya) və Florian Virts (“Bayer”, Almaniya) də namizəd idi.
Səudiyyə Ərəbistanının “Əl Nəsr” klubunda xoşbəxt olmayan və komandadan ayrılmağı düşünən Kristiano Ronaldo yenidən Avropaya qayıtmaq istəyir.
Offsideplus.az xəbər verir ki, Münhen “Bavariya”sı portuqaliyalı ulduzla bağlı maraqlı təklif alıb. 38 yaşlı hücumçuya yaxınlığı ilə bilinən məşhur jurnalist Piers Morgan bildirib ki, “Bavariya”nın icraçı direktoru Oliver Kan Ronaldo ilə bağlı maraqlı təklif alıb.
İddialara görə, alman milyarder Markus Şon Oliver Kana göndərdiyini məktubda qeyd edib ki, “Bavariya” Ronaldonu transfer etsə, milyarder bütün xərcləri öz üzərinə götürəcək. “Bavariya”nın təklifə necə cavab verdiyi məlum deyil.
Təbrizin "Traktor" komandasının azarkeşləri ilə İran polisi arasında qarşıdurma yaşanıb.
"Report"un məlumatına görə, bununla bağlı sosial şəbəkədə görüntülər yayılıb.
Hadisə "Esteqlal"a qarşı İran çempionatının sonuncu - XXX tur oyunundan əvvəl paytaxt Tehrandakı "Azadi" stadionunda baş verib.
Qeyd edək ki, "Esteqlal" - "Traktor" qarşılaşması bu gün Bakı vaxtı ilə saat 18:30-da başlayacaq.
Niderlandın "Ayaks" komandasının qapıçısı Marten Stekelenburq peşəkar karyerasını başa vurur.
Cebhe.info klubun rəsmi saytına istinadən xəbər verir ki, 40 yaşlı qolkiper cari mövsümün sonunda futbolla vidalaşacaq
Erediviziyanın XXXIII turunun "Utrext"lə ev matçı onun üçün sonuncu olacaq.
Qeyd edək ki, "Ayaks"ın yetirməsi olan Marten Stekelenburq bu komanda ilə 4 dəfə Niderland çempionu və ölkə kubokunun qalibi olub. Qapıçı karyerası ərzində İtaliyanın "Roma", İngiltərənin "Everton", "Sauthempton" və "Fulhem" klublarında da çıxış edib.
Niderland millisində 63 oyun keçirən qolkiper yığma ilə 2010-cu il dünya çempionatında gümüş medal qazanıb.