İspaniya “Real Madrid”i Fransa millisinin və PSJ-nin futbolçusu Kilian Mbappeni transfer etmək üçün 1 milyard avro xərcləyə bilər.
Bu vəsaitin 486 milyon avrosu 24 yaşlı forvardın təzminatı, 630 milyon avrosu isə müqavilə şərtlərini yerinə yetirmək üçün nəzərdə tutulub.
Madrid təmsilçisinin qarşıdakı günlərdə yenidən Paris klubuna təklif göndərəcəyi iddia olunub.
Qeyd edək ki, Kilian Mbappe bu mövsüm PSJ-nin heyətində 20 oyuna çıxıb, 19 qol və 5 məhsuldar ötürmə ilə yadda qalıb.

Ulduz futbolçu Kriştiano Ronaldo Səudiyyə Ərəbistanının “Əl-Nəsr” klubuna keçəcək, müqavilə 2030-cu ilə qədər nəzərdə tutulub.
Tribunainfo.az xəbər verir ki, bu barədə İspaniyanın nüfuzlu “Marca” nəşri məlumat yayıb.

Nəşrin məlumatına görə, 37 yaşlı hücumçu artıq dekabrın 22-də müqavilə bağlamaq üçün Ər-Riyada getməyə qərar verib.
Qeyd olunur ki, portuqaliyalı müqavilə müddətinin iki il yarımını futbolçu, qalan illərini isə Misir və Yunanıstanla birlikdə 2030-cu ildə futbol üzrə dünya çempionatına ev sahibliyi etməyi iddialı olan Səudiyyə Ərəbistanının səfiri kimi çalışacaq.
Mənbənin sözlərinə görə, Ronaldo son iki həftədir ki, təklif üzərində düşünür və “Mançester Yunayted”dən ayrıldıqdan sonra sözləşməyə imza atmazdan əvvəl fasilə istəyib.
Hücumçunun yaxın saatlarda Səudiyyə Ərəbistanına gələcəyi gözlənilir. Müqaviləyə əsasən, futbolçu müqavilənin bir ili üçün 200 milyon avro qazanacaq.

Beynəlxalq Futbol Federasiyası (FİFA) sosial şəbəkələrdə Lionel Messinin tarixin ən böyük futbolçusu adlandıran paylaşımı silib.

“Report” xəbər verir ki, buna səbəb portuqaliyalı Kriştianu Ronaldunun bir çox fanatlarının paylaşımın altına mənfi şərhlər yazmasıdır.

Qeyd edək ki, Argentina millisi Qətərdəki dünya çempionatının finalında Fransa millisinə qalib gələrək üçqat dünya çempionu olub.

“Avropa Oyunlarının gələcəyini yaxşı görmək istərdim. Mən həm də Avropa Gimnastikasının rəhbəriyəm. Xatırladım ki, 2013-cü ildən etibarən orada vitse-prezident vəzifəsindəyəm və bu danışıqlarda Avropa Gimnastikası adından hər zaman iştirak etmişəm”.

Bu barədə gənclər və idman naziri Fərid Qayıbov Avropa Oyunlarının gələcəyi barədə danışarkən deyib.

“Qürur hissi ilə deyə bilərəm ki, Azərbaycanda keçirilən birinci Avropa Oyunları ən yüksək səviyyədə təşkil olunmuşdu. Bu gün nazir kimi fəxr edirəm ki, bu oyunlar məhz doğma Vətənimizdə keçirilib. Yeri gəlmişkən, Bakıdakı oyunlardan sonra bizə yaxşı miraslar, o cümlədən idman qurğuları qalıb.
Bu gün biz görürük ki, həm Formula 1 yarışlarında, həm də Avropa, İslam oyunlarında yetişən mütəxəssislərimiz hazırda nəinki Azərbaycanda, eləcə də digər ölkələrdə irimiqyaslı tədbirlərin təşkilat komitəsində çalışırlar. Səudiyyə Ərəbistanına Formula 1 yarışlarına və digər ölkələrə gedirlər. Qətərdə keçirilmiş futbol üzrə dünya çempionatında isə çoxlu sayda aparıcı mütəxəssisimiz çalışıb”, – deyə nazir diqqətə çatdırıb.
Fərid Qayıbov bildirib ki, Avropa Oyunları ölkəmizdən sonra Belarus və Polşada təşkil olundu:
“İndi istiqamət bir az Qərbə tərəf yönəlib. Məndə olan məlumata görə artıq növbəti təşkilatçı ölkə müəyyənləşib”.

“Barselona”nın baş məşqçisi Xavi Ernandes Kataloniya klubunun gənc futbolçuları haqda fikirlərini bölüşüb.

Qol.az “Mundo Deportivo”ya istinadən xəbər verir ki, o, istedadlı futbolçulara sahib olduqlarını bildirib: “Pedri və Qavi İnyesta və mənim 20 yaşımızdakından yaxşıdır. Onlar artıq qələbələrdə mühüm rol oynayırlar. Ansu Fatiyə gəlincə, o, mövsümün ikinci hissəsində daha faydalı olacaq. Biz onu yavaş-yavaş meydana buraxırıq. Qalan altı ayda ondan çox şey asılı olacaq”.

Qeyd edək ki, “Barselona” bu mövsüm la Liqada 14 matçda 37 xal toplayıb və turnir cədvəlinə başçılıq edir.

Beynəlxalq Futbol Tarixi və Statistikaları Federasiyası (IFFHS) 2022-ci ilin ən yaxşı futbolçusu adına namizədləri açıqlayıb.

“Report”un qurumun rəsmi saytına istinadən məlumatına görə, siyahıda 20 futbolçu yer alıb.

Namizədlər oyunçuların il ərzindəki göstəricilərinə əsasən seçilib. Qətərdə keçirilən dünya çempionatı da nəzərə alınıb. Qalib 2023-cü ilin yanvarında səsvermə nəticəsində bəlli olacaq.

İlin ən yaxşısı adına namizədlər aşağıdakılardır:

Futbolçu Ölkəsi Klubu
Kilian Mbappe Fransa PSJ
Antuan Qrizmann Fransa “Atletiko”
Olivye Jiru Fransa “Milan”
Kərim Benzema Fransa “Real”
Luka Modriç Xorvatiya “Real”
Marselo Brozoviç Xorvatiya “İnter”
Fil Foden İngiltərə “Mançester Siti”
Harri Keyn İngiltərə “Tottenhem”
Bruno Fernandeş Portuqaliya “Mançester Yunayted”
Kevin De Bruyne Belçika “Mançester Siti”
Robert Levandovski Polşa “Bavariya”/“Barselona”
Erlinq Haaland Norveç “Borussiya” Dortmund/“Mançester Siti”
Lionel Messi Argentina PSJ
Vinisyus Junior Braziliya “Real”
Alfonso Deyvis Kanada “Bavariya”
Əşrəf Hakimi Mərakeş PSJ
Nordin Amrabat Mərakeş “Fiorentina”
Sadio Mane Seneqal “Liverpul”/“Bavariya”
Məhəmməd Salah Misir “Liverpul”
Son Hın-Min Cənubi Koreya “Tottenhem”
Qeyd edək ki, 2021-ci ilin ən yaxşı futbolçusu Robert Levandovski seçilib.

Elə gün yoxdur ki, sosial şəbəkələrdə “layk” uğrunda şərəf və vicdanını fərqli-fərqli formalarda satan insanlarsız ötüşsün. Bu adamlar çayxanada ən vətənpərvər, ən qeyrətli, ən həyalı insanlar kimi oturur, milli-mənəvi dəyərlər adı gələndə “mentalitet” damarları tutur. Halbuki bu “qaqaşlar” Messi adı gələndə nəsil-nicabətini ortaya qoymaqdan çəkinmirlər. Bu “adamlar” nəinki özlərinin, hətta ata-analarının da ömründən kəsib fanatlıq elədikləri adamlara paylamağa hazırdırlar. Ta fikirləşmirlər ki, bir torpaqdan, bir də ömürdən pay olmur; onların mənasız, tüfeyli, çayxanada keçən ömrü də heç Messiyə lazım deyil.

Mən şəxsən bir futbol azarkeşi kimi boş vaxtım olan kimi Messinin qollarını, ötürmələrini, hətta qaçırdığı qollardan ibarət videoları izləyir, bəzən oynadığı oyunlara canlı baxıram, qısacası, oyunundan həzz alıram və yüngül autizmli bu futbolçunun meydandan kənarda robotdan fərqsiz olduğunu da çox yaxşı bilirəm.
Ancaq azarkeşlik – xəstə təfəkkür, fanat olmaq ağılsızlıq, düşüncəsizlik deyil.

18 dekabrda Argentinanın 36 illik həsrətinə son qoyan bu “10 nömrə” bizdə az qala “ziyarətgah” və “ocağa” çevrilib. O qədər hadisə olub ki, “seyid” Messinin başını şəhid generalımız Polad Həşimovun şəklinə fotoşop edərək bundan “hayp” tutan adamlar da hamının yadından çıxıb.

Sosial şəbəkələrlə məhrəmiyyət, abır-həya, ar-namus kimi məfhumların aradan qalxdığını bu qədər açıq şəkildə görmək artıq təəccüblü gəlməsə də, qıraqda-bucaqda bir yerdə vətən, ata-ana, şəhid sevgisi və şəhidlərə hörmətlə bağlı bəzi dəyərlərin itmədiyinə inanırdıq ki, sağ olsunlar, dünən onu da itirdiyimizi bizə xatırlatdılar. Bu vandallıq təkcə Polad Həşimova qarşı yox, 3000 şəhidimizə, onların yarım qalmış xəyallarına, valideynlərinin göz yaşlarına, bayrağımızın qırmızısına qarşı edilmiş hörmətsizlikdir. Bu hörmətsizlik və təhqirə “yumorda sərhəd yoxdur” adı ilə haqq qazandırmağa çalışan qəbiləyə də buradan xatırladıram, yumorda da, ədəbiyatda da, incəsənətdə də sərhəd var: sizin üçün “sərhəd” anlayışı olmaya bilər, amma bizimçün məhz bu məsələdə sərhədlər Polad Həşimov və 3000 şəhidin uğrunda savaşıb həlak olduğu Vətən sərhədləridir.
axar.az

Argentinalı fanatlar və qalib komanda çempionluğu belə qutladı!

Dünya çempionatının qalibi olan komanda - Argentina 42 milyon dollar pul mükafatı qazanacaq. Bu məbləğin böyük hissəsini futbolçuların alacağı qeyd olunub. İkinci yeri tutan komandaya - Fransaya isə 30 milyon dollar veriləcək.

Bürünc medalları qazanan Xorvatiya komandası 27 milyon dollar pul mükafatı alacaq. Dördüncü yerdə qalan Mərakeş yığması isə 25 milyon dollarla kifayətlənəcək.
Ətraflı

Qeyd edək ki, DÇ-nin final görüşündə Argentina və Fransa komandaları üz-üzə gəlib.

Əsas və əlavə vaxtı bərabərliklə bitən oyunda qalib penaltilərdə daha dəqiq oynayan Argentina olub.

Mənbə: lenta.ru