 |
|
|
"Dinamo"nun yarımmüdafiəçisi Arsen Zaxaryan bu qış "Çelsi"yə keçməyəcək.
Teref.az Apasport.az saytına istinadən xəbər verir ki, London klubu Rusiya əleyhinə sanksiyalara görə sövdələşməni başa çatdıra bilməyəcək. Bununla belə, mavilərin yarımmüdafiəçini yaxından izləməyə davam edəcəyi qeyd edilir.
Qeyd edək ki, Rusiya millisinin üzvü olan Arsen Zaxaryan son transfer pəncərəsində London klubuna keçməyə yaxın olsa da, tərəflər razılığa gələ bilməyib. Noyabrın sonunda Rusiya ermənisinin "Çelsi" ilə uzunmüddətli müqavilə imzaladığı barədə məlumatlar ortaya çıxmışdı.
İngiltərə Kubokunun 3-cü turunun təkrar oyununda “Liverpul” “Vulverhempton”la qarşılaşıb.
Axar.az xəbər verir ki, matçın ilk saniyələrində maraqlı anlar yaşanıb.
Belə ki, “canavarlar”ın hücumçusu Adama Traore rəqib müdafiəsini yararkən arenada işıqlar sönüb.
Futbol oyunlarında olduqca nadir hallarda rast gəlinən hadisə cəmi bir neçə saniyə çəksə də, matça öz damğasını vurub.
PSJ-nin futbolçularının son matçlarda geyindiyi formaları formaları hərracda satılıb.
Qol.az xəbər verir ki, ümumilikdə 17 forma satılıb.
Belə ki, Lionel Messinin “Anje” ilə oyundakı formasını (2:0) çinli bir şəxs alıb. O, hərracın gedişində 22 min avrodan başlayaraq 7 mərc edib və 43 min 623 avro təklif edərək qalib olub.
Argentinalının forması bu hərracda satılan ən bahalı forma olub. Neymarın köynəyi alıcısına 7894 avroya, Kilian Mbappenin “Lans” (1:3) və “Strasburq” (2:1) ilə matçlardakı forması isə müvafiq olaraq 14,083 avro və 15,017 avroya başa gəlib.
Türkiyədə böyük maraqla izlənən "Survivor" yarışmasında iştirakçıların həftəlik qonorarı açıqlanıb.
Publika.az Türkiyə mediasına istinadən xəbər verir ki, aparıcısı Acun Ilıcalının olduğu proqramın yeni mövsümə artıq start verilib. Bir çox məşhurların qatıldığı yarışmada iştirakçıların həftəlik qonorarı məlum olub. Ən yüksək qazancı isə müğənni Berdan Merdani alacaq.
Zeynəb Alkan - 30 min TL
Seçkin Piriler - 30 min TL
Barış Telli - 30 min TL
Alper Rende - 45 min TL
Xəlil İbrahim Göker - 45 min TL
Elanur - 45 min TL
Chaby Han - 45 min TL
Kürşat Juan - 45 min TL
Murad Eken - 50 min TL
Ümid Erdim - 60 min TL
Yusif Güney - 95 min 600 TL
Berdan Merdani - 180 min TL
“Qəbələ”nin Türkiyədəki təlim-məşq toplanışı çərçivəsində Çexiyanın “Teplitse”si ilə yoxlama oyunun sonlarında əlbəyaxa dava olub.
Tribunainfo.az xəbər verir ki, rəqib futbolçu ilə “Qəbələ”nin kapitanı Asif Məmmədov arasında yaşanıb. Daha sonra komandaların digər futbolçuları da davaya qarışıblar. Görüşün baş hakimi isə davanı sakitləşdirməyin həll yolunu qarşılaşmanı 89-cu dəqiqədə başa vurmaqda görüb. Bundan sonra tərəfləri sakitləşdirmək mümkün olub.
Qeyd edək ki, görüş “Qəbələ”nin 1:2 hesablı məğlubiyyəti ilə başa çatıb.
“Real Madrid”in “Barselona” ilə oynadığı İspaniya Superkuboku uğrunda final oyunu başa çatıb.
“Report” xəbər verir ki, komandalar Səudiyyə Ərəbistanının paytaxtı Ər-Riyaddakı “King Fahd” stadionunda üz-üzə gəlib.
Matçın baş hakimi Rikardo De Burqos Benqoeçenin start fiti Bakı vaxtı ilə saat 23:00-da səslənib.
Oyunun ilk yarım saatı komandalardan birinin aşkar üstünlükləri olmadan keçib. Lakin 33-cü dəqiqədə meydanın mərkəzində madridlilərin boşluğundan sonra kataloniyalıların hücuma qaçması Robert Levandovskinin ötürməsindən sonra Qavinin qolu ilə nəticələnəndə hər şey alt-üst olub. Kataloniyalılar tempi azaltmayıb və birinci hissənin sonuna kimi üstünlüklərini artıra biliblər - bu dəfə Levandovski qol vurub, Qavi isə ötürmə edib.
İkinci hissədə Xavinin yetirmələri madridlilərə hücumlarını zərbəyə vurmaqla yekunlaşdırmağa imkan verməyərək qarşıdurmanın gedişinə inamla nəzarət ediblər. Nəticədə “Barselona” daha bir qol vurub - 69-cu dəqiqədə Qavinin ötürməsindən sonra Pedri hesabı darmadağın halına gətirib. 90+3-cü dəqiqədə “Real Madrid” Kərim Benzemanın qolu sayəsində hesabdakı fərqi azaltsa da, bu, komandasını məğlubiyyətdən xilas edə bilməyib. “Barselona” 3:1 hesabı ilə qalib gələrək İspaniya Superkubokunu qazanıb.
“Mançester Yunayted”in və Portuqaliya millisinin futbolçusu Bruno Fernandes klubda ab-havanın dəyişməsi haqqında söylədiyi sözlərin şərhindən qəzəblənib.
Qol.az xəbər verir ki, o, bu barədə öz sosial şəbəkə hesablarında paylaşım edib.
Bruno daha əvvəl açıqlamasında deyib: “Mançester Yunayted”də bir neçə ay əvvəl hamı öz qayğısına qalırdı. İndi bir-birimiz üçün işləyirik”. Bir sıra saytlar Brunonun sözləri təhrif edib. Bir çoxları Brunonun noyabrda qalmaqalla “Mançester Yunayted”dən ayrılan Kriştianoya eyham vurduğunu irəli sürüb.
Fernandeş isəöz paylaşımında yazıb: “Heç olmasa kiminsə məndən düzgün sitat gətirdiyi üçün təşəkkür edirəm! Bilirəm ki , “Mançester Yunayted”dən yaxşı oyun görmək və bizim haqqımızda nəsə pis bir şey deyə bilməmək çətindir. Çünki indi yazmaq üçün yalnız yaxşı səbəblər var! Kriştianoya hücum etmək üçün adımdan istifadə etməyin. Kriştiano mövsümün yarısında komandamızın bir hissəsi idi”.
Qeyd edək ki, Ronaldo ötən ilin noyabrında “Yunayted”dən ayrılıb. Onun Bruno Fernandeşlə arasında qalmaqal yaşandığı barədə məlumatlar yayılmışdı.
"Qalatasaray" Türkiyə Super Liqasında növbəti qələbəsini qazanıb.
İstanbul təmsilçisi XVIII turda evdə "Hatayspor"u darmadağın edib - 4:0.
Hesabı 9-cu dəqiqədə Kerem Aktürkoğlu açıb. İlk hissənin əsas vaxtına əlavə olunmuş 4-cü və 6-cı dəqiqələrində fərqlənən Xuan Mata fərqi 3 topa çatdırıb. Son nöqtəni isə 77-ci dəqiqədə Bafetimbi Qomis qoyub.
Bu qələbədən sonra xallarını 42-yə çatdıran "Qalatasaray" liderliyini möhkəmləndirib. 17 xalı olan "Hatayspor" isə 16-cı pillədə qərarlaşıb.
Bir müddət öncə “Əl Nəsr”ə transfer olunan Kriştiano Ronaldonunda ardınca daha bir ulduz futbolçu Səudiyyə Ərəbistanına yollana bilər.
Aut.az xəbər verir ki, söhbət ulduz futbolçunun rəqibi Lionel Messidən gedir. “Əl Hilal” klubu PSJ-nin hücumçusu transfer etmək istəyir. Bu barədə CNN məlumat yayıb. Bildirilir ki, klub rəhbərliyi Messiyə artıq təklif göndərib.
İddialara görə, “Əl Hilal” 35 yaşlı hücumçuya illik 350 milyon avro ödəməyə hazırdır. Messi təklifi qəbul etsə, ən çox gəlir əldə edən futbolçu olacaq.
PSJ ilə müqaviləsi mövsümün sonunda başa çatmalı olan Messinin bu təklifə müsbət yanaşdığı iddia olunur.
Türkiyənin Antalya şəhərində təlim-məşq toplanışında olan "Şamaxı"nın Rumıniyanın "Botoşani" komandası ilə yoxlama oyunu yarımçıq dayandırılıb.
Klubun mətbuat xidmətindən "Report"a verilən məlumata görə, qarşılaşma yağışlı və küləkli hava şəraitindən başa çatdırılmayıb.
Matçda əvvəlcə 36-cı dəqiqədə məcburi fasilə yaranıb. Leysan səbəbindən komandalar paltardəyişmə otağına yollanıblar. Yağıntı nisbətən səngidikdən sonra futbolçular meydana qayıdıblar. 67-ci dəqiqədə isə hakim görüşü saxlayaraq, oyunun bitdiyini elan edib.
Beləlik, yarımçıq dayandırılan qarşılaşma rəqibin minimal hesablı üstünlüyü ilə yekunlaşıb - 1:0.
Qeyd edək ki, "Şamaxı" günün ilk matçında Qazaxıstan "Kaysar"ı ilə qolsuz heç-heçə edib.