 |
|
|
Türkiyənin “Trabzonspor” klubunun əfsanəvi məşqçisi Ahmet Suat Özyazıcı dünyasını dəyişib.
Türkiyə mətbuatı yazır ki, 87 yaşlı Ahmet Suat Özyazıcı bu gün axşam saatlarında evində vəfat edib.
Qeyd edək ki, “Trabzonspor” ən böyük uğurlarını məhz Ahmet Suat Özyazıcının rəhbərliyi altında qazanıb.
Belə ki, o Anadolu klubuna 4 dəfə Türkiyə çempionluğunu, 3 dəfə Türkiyə Kubokunu və 5 dəfə Türkiyə Super Kubokunu qazandırıb.
Mənbə: Haber Global
Türkiyə mətbuatı yazır ki, 87 yaşlı Ahmet Suat Özyazıcı bu gün axşam saatlarında evində vəfat edib.
Qeyd edək ki, “Trabzonspor” ən böyük uğurlarını məhz Ahmet Suat Özyazıcının rəhbərliyi altında qazanıb.
Belə ki, o Anadolu klubuna 4 dəfə Türkiyə çempionluğunu, 3 dəfə Türkiyə Kubokunu və 5 dəfə Türkiyə Super Kubokunu qazandırıb.
Mənbə: Haber Global
Facebook Twitter LinkedIn Tumblr Pinterest Reddit VKontakte Odnoklassniki Pocket
İspaniyanın “Barselona” klubuna qarşı daha bir ittiham irəli sürülüb.
Fanat.az AS nəşrinə istinadən xəbər verir ki, Kataloniya təmsilçisi “Çelsi”nin müdafiəçisi Markos Alonsonun transferi ilə bağlı saxtakarlıqda ittiham olunur.
Belə ki, İspaniyanın dördüncü liqasında çıxış edən “Union Adarve” klubu 2022-ci ilin yayında müdafiəçinin pulsuz transferi ilə əlaqədar FİFA Mübahisələrin Həlli Palatasına şikayət edib. Madrid komandası kataloniyalıları transfer zamanı pozuntularda günahlandırır və iddia edir ki, əslində “Barsa” və “Çelsi” oyunçu dəyişikliyi ediblər: hücumçu Pyer-Emerik Obameyanq, Alonso və daha 12 milyon avro müqabilində. “Union Adarve” Alonsonun bir müddət onların komandasında məşq etdiyi üçün 103 min avro həmrəylik ödənişi tələb edib.
Xatırladaq ki, “Barselona” daha öncə İspaniya Hakimlər Komitəsinin vitse-prezidenti Xose Maria Enrikes Neqreiraya 2016-2018-ci illər ərzində 1,4 milyon avro rüşvət verməkdə ittiham olunmuşdu. Xose Maria bu pulu konsaltinq xidmətləri qarşılığında aldığını bildirib. Klubdan da eyni məzmunlu açıqlama verilib. Qeyd olunub ki, İspaniya Kral Futbol Federasiyasının rəsmisi gənc oyunçulara hakimlik haqqında məlumat vermək üçün pul alıb. İddiaya görə, Xose Maria 2003-cü ildən bəri “Barselona”dan 4,7 milyon avro alıb. 2016-2018-ci illər aralığında Neqreiraya məxsus şirkətin dövriyyəsinin 95 faizi “Barsa”dan alınan ödənişlər olub.
“Barselona”nın hakim qalmaqalı ilə bağlı məsələdə günahı təsdiqini taparsa, kataloniyalıları La Liqadan qovulmaq, korrupsiya hesab edilərsə, xalların tutulması və cərimələr gözləyir. Neqreira 1994-2018-ci illərdə texniki hakimlər komitəsinin vitse-prezidenti vəzifəsində çalışıb.
"Qarabağ” və Belçika “Gent”i arasında qarşılaşmada təmsilçimiz qələbə qazanıb. Oyunun ardından mətbuat konfransı keçirilir.
“Qarabağ” klubunun baş məşqçisi Qurban Qurbanov oyunla bağlı sualları cavablandıracaq.
Mətbuat konfransının canlı yayımını təqdim edirik:
Bakıda UEFA Konfrans Liqasının pley-off mərhələsinin ilk oyununda “Qarabağ” və Belçika “Gent”i arasında qarşılaşmada təmsilçimiz qələbə qazanıb. Azərbaycan təmsilçisi görüşdə minimal hesablı qələbəyə sevinib. Komandamızın heyətində 78-ci dəqiqədə L.Andrade fərqlənib.
2023-cü ilin dekabrında keçiriləcək klublararası dünya çempionatının yeri müəyyənləşib.
FIFA turnir təşkilatçılığını Səudiyyə Ərəbistanına həvalə edib.
Adıçəkilən ölkə XXI əsrdə ilk dəfə irimiqyaslı turnirə ev sahibliyi edəcək.
Qeyd edək ki, Səudiyyə Ərəbistanı 2030-cu ildə baş tutacaq dünya çempionatına ev sahibliyi etmək iddiasındadır. Ölkə rəhbərliyi Yunanıstan və Misirlə birgə ərizə verməyi planlaşdırır.
UEFA “Qarabağ”ın hücumçusu Ramil Şeydayevlə bağlı paylaşım edib.
Avropa Konfrans Liqasının sosial şəbəkə hesablarında 26 yaşlı hücumçunun bu mövsüm bütün turnirlərdə vurduğu qollar və etdiyi məhsuldar ötürmələrin sayı göstərilib.
Onun 16 qol vurması, 5 məhsuldar ötürmə (əslində 7 qol ötürməsi var-red.) etməsi göstərilb.
Xatırladaq ki, “Qarabağ” Avropa Konfrans Liqasının pley-off mərhələsində fevralın 16-da Belçikanın “Gent” komandası ilə qarşılaşacaq. Tofiq Bəhramov adına Respublika stadionunda keçiriləcək oyuna saat 21:45-də start veriləcək.
Cebhe.info
Türkiyənin daha 3 klubu ölkədə baş vermiş zəlzələ səbəbindən cari mövsüm yer aldığı çempionatda çıxışını dayandırıb.
“Report”un məlumatına görə, bu barədə Türkiyə Futbol Federasiyasının prezidenti Mehmet Büyükekşi açıqlama verib.
O bildirib ki, II Liqadan “Diyarbakırspor”, III Liqadan isə “Kahramanmaraşspor”la “Osmaniyespor”un tələbi müsbət cavablandırılıb.
Federasiya prezidenti eyni zamanda “Sivas Belediyespor”, “Tarsus İdmanyurdu” və “Niğdespor”un da analoji müraciət ünvanladıqlarını vurğulayıb. Lakin çempionatlarında son sıralarda qərarlaşdıqları üçün onların tələbi qəbul edilməyib.
Qeyd edək ki, buna qədər “Hatayspor” və “Qaziantep”in Super Liqada, “Yeni Malatyaspor”la “Adanaspor”un I Liqada, “Adıyaman”ın II Liqada, “Niğde Anadolu” və “Malatya Arguvanspor”un isə III Liqada çıxış etməyəcəyi bildirilib.
Klublar turnir cədvəlindəki mövqelərindən asılı olmayaraq 2023/2024 mövsümündə hazırkı liqalarda mübarizə apara biləcəkər.
İspaniyalı jurnalist Jerar Romero əmindir ki, Messi cari mövsümün sonunda PSJ-dən ayrılacaq.
Onun sözlərinə görə, hazırda Lionelin üç mümkün transfer istiqaməti var:
1. MLS. Uzun müddətdir mətbuatda argentinalının karyerasının sonunda “İnter Mayami”yə keçəcəyi ilə bağlı xəbərlər dolaşır.
2. Argentina çempionatı. Romero Leonun vətəninə qayıtma ehtimalını 50% qiymətləndirir. Çox güman ki, futubolçu “Nyuells Old Boyz”u seçəcək.
3. “Barselona”. Romeronun fikrincə, Messinin bir mövsüm onu əfsanəyə çevirən kluba qayıtması şansı azdır.
Qeyd edək ki, beş aydan sonra dünya çempionu azad agent olacaq. Leo ilə danışıqlar hələ də başa çatmayıb, lakin PSJ-nin argentinalının yaxınları ilə daim əlaqə saxladığı barədə məlumatlar var.
“Türkiyə və Suriyada baş verən dağıdıcı zəlzələlərdən zərər çəkən minlərlə uşaq və onların ailələri üçün çox kədərli günlərdir”.
Bunu Argentina millisi və PSJ-nin ulduzu Leo Messi sosial şəbəkə səhifəsində yazıb.
O bildirib ki, UNICEF uşaqları qorumaq üçün ilk gündən ərazidə işləyir.
“Ürəyim onların yanındadır. Sizin köməyiniz çox dəyərlidir!”, - deyə furbolçu qeyd edib.
FIFA 2022-ci ilin ən yaxşı kişi və qadın futbolçusu nominasiyası üzrə mükafatın finalçılarını açıqlayıb.
"Report"un qurumun rəsmi saytına istinadən məlumatına görə, 3 nəfərlik yekun siyahıda aşağıdakı qolkiperlər yer alıblər:
Kişi futbolçular
1. Kərim Benzema (Fransa / "Real Madrid")
2. Lionel Messi (Argentina / PSJ)
3. Kilian Mbappe (Fransa / PSJ)
Qadın futbolçular
1. Bet Mid (İngiltərə / "Arsenal")
2. Aleks Morqan (ABŞ / "San Dieqo Veyv")
3. Aleksiya Putelyas (İspaniya / "Barselona")
Qeyd edək ki, "The Best" mükafatı fevralın 27-də təqdim ediləcək.
