Qətərdə keçirilən dünya çempionatının 1/8 final oyununda Fransa Polşaya qalib gəlib. Matçın son anlarında dördüncü qol vurulub.

Belə ki, qarşılaşmanın 90+9-cu dəqiqəsində Levandovski penalti zərbəsi ilə Polşanın heyətində fərqi azaldıb.
Ətraflı

Onun zərbəsini əvvəlcə Fransanın qapıçısı Üqo Lloris tutsa da, hakim bildirib ki, zərbə yenidən təkrarlanmamalıdır.

Hücumçu ikinci cəhdində şansı əldən verməyib və qolu reallaşdırıb.

Bu, matçdakı son hadisə olub. Hakim qarşılaşmanı bitirib.

Braziliya millisi Qətərdə keçirilən dünya çempionatında G qrupunu ilk pillədə tamamlayıb.

"Sambaçılar" sonuncu turda Kameruna 0:1 hesabı ilə uduzsa da, qrup qalibi olub. Yeganə qolu əsas vaxta əlavə olunmuş 2-ci dəqiqədə Vensan Abubakar vurub. 30 yaşlı forvard 1 dəqiqə sonra ikinci sarı vərəqə ilə meydandan qovulub.

Bu nəticədən sonra 6 xalı olan "sambaçılar" 1/8 finala qrup lideri kimi adlayıb. Cənubi Amerika təmsilçisi növbəti mərhələdə Cənubi Koreya yığması ilə qarşılaşacaq.

4 xalı olan Kamerun seçməsi isə 3-cü yeri tutaraq, DÇ-2022-də mübarizəni dayandırıb.

Son 50 ildə futbol üzrə dünya çempionatının qalibinə təqdim edilən məşhur kubok İtaliyanın Milan şəhəri yaxınlığındakı Paderno Duqnanodakı müəssisələrin birində istehsal olunur.

18 karatlıq qızıldan hazırlanan bu kubokun hündürlüyü 39 santimetr, çəkisi 6,2 kiloqramdır.

Dizaynı italyan heykəltaraş Silvio Qazzaniqa tərəfindən hazırlanmış kubok 1973-cü ildə nümayiş etdirilib və ilk dəfə 1974-cü ildə Almaniyanın ev sahibliyi etdiyi dünya çempionatında qalibə təqdim olunub.

Unikal görünüşə malik kubok final matçının sonunda təşkil edilən mərasimdə qalib komandaya verilir.

Maraqlı məqam ondan ibarətdir ki, qalib gələn komanda kubokun qızıl ilə örtülmüş nüsxəsini alır, kubokun əsli isə həmişə FIFA-nın ixtiyarında qalır.

Sahibinə kubok yalnız müxtəlif təntənəli mərasimlər zamanı müvəqqəti təqdim edilə bilər.

Yaponiya və İspaniya yığmaları Qətərdə keçirilən dünya çempionatında 1/8 finala vəsiqə qazanıb.

İki kollektiv E qrupunun son turunda üz-üzə gəlib. Qarşılaşma Asiya təmsilçisinin 2:1 hesablı qələbəsi ilə yekunlaşıb.

Bu nəticədən sonra yaponiyalılar 6 xalla qrup lideri olublar. 4 xalı olan ispaniyalılar isə 2-ci yerin sahibi kimi pley-offa adlayıb.

Qeyd edək ki, 1/8 finalda Yaponiya Xorvatiya ilə, İspaniya isə Mərakeşlə qarşılaşacaq.

Fransa millisi Qətərdə keçirilən dünya çempionatının D qrupunu lider kimi başa vurub.

Son turda Tunis yığması ilə qarşılaşan “xoruzlar” rəqibinə uduzub – 0:1.

Yeganə qolu 58-ci dəqiqədə Afrika təmsilçisindən Vəhbi Xəzri vurub. Məğlubiyyətə baxmayaraq, Fransa seçməsi 6 xalla 1/8 finala qrup birincisi kimi yüksəlib. Avropa təmsilçisi bu mərhələdə C qrupunun ikincisi ilə üz-üzə gələcək.

Ötən gün dünya çempionatının qrup mərhələsində keçirilən Portuqaliya – Uruqvay oyununda vurulan ilk qol müzakirələrə səbəb oldu.

Əvvəlcə qol Ronaldonun adına yazılsa da, sonradan FİFA qolun müəllifini dəyişib.

Qeyd edək ki, Portuqaliya oyunu 2:0 hesablı qələbə ilə bitirib. Birinci qol epizodunda Ronaldu topa başı ilə zərbə vurmağa çalışıb. Əvvəlcə qolun müəllifi Ronaldu göstərilsə də, sonradan FIFA qolu Fernandeşin adına yazıb. Belə ki, FİFA topa yerləşdirilmiş çip analizinin Ronaldonun topa toxunmadığını göstərdiyini açıqlayıb.

Bruno Fernandeş fərqlənən futbolçu kimi qeyd olunub. Lakin bu gün də xarici mətbuat qolun Ronaldo və ya Bruno tərəfindən vurulduğunu müzakirə edir və ortaya faktlar, fotolar qoyulur.

Məsələ ilə bağlı Kriştianu Ronaldo açıqlama verib. O matçdan sonra soyunub-geyinmə otağından məşhur jurnalist Pier Morqana mesaj göndərib: “Fikrimcə, qolu mən vurmuşdum. Topa toxunduğumu hiss etdim”.

Morqan portuqaliya superulduzun fikirlərini Tvitter hesabında paylaşıb.

Bruno Fernandeş də qolla bağlı danışıb. O bildirib ki, Kriştianu Ronaldo onun etdiyi ötürmə zamanı topa toxunub: “Təklif edirəm ki, qol Ronaldonun adına yazılsın. Çünki həmin vaxt o, topa toxundu”.

Portuqaliya Futbol Federasiyası da dünya çempionatında Uruqvayın qapısından keçirilən birinci qolun məhz Kriştianu Ronaldu tərəfindən vurulması barədə FIFA-ya sübutlar təqdim edib.

Qeyd olunur ki, bu qolun müəllifliyi ilə bağlı yekun qərarı FIFA-nın texniki komissiyası verəcək.

Qətərdə keçirilən dünya çempionatında 1/8 finala yüksələn növbəti komanda ABŞ yığması olub.

Amerikalılar buna B qrupunun III turunun İranla oyununda 1:0 hesablı qələbə qazanaraq nail olublar.

Bu nəticə ilə xallarının sayını 5-ə yüksəldən ABŞ millisi qrupda ikinci yeri tutub və növbəti mərhələyə çıxıb.

Komanda bu raundda A qrupunun birincisi Niderland yığması ilə üz-üzə gələcək.

Report

Qətərdə keçirilən 2022-ci il Dünya Çempionatında futbol qarşılaşmaları davam etdiyi müddətdə bir çox ulduz və ulduz olmağa namizəd futbolçular hələ də məşqçilərindən forma gözləyir.

Çempionatda bir dəqiqə belə oynadılmayan, meydana çıxarılmayan və unudulan futbolçuların adları açıqlanıb.

Bu oyunçular sırasında Lukas Torreyra (Uruqvay), Vitinha (Portuqaliya), Xavi Simons (Hollandiya), Luka Joviç (Serbiya), Ter Steqen (Almaniya), Kamavinqa (Fransa), Alexander Arnold (İngiltərə), Dani Alves (Braziliya), Fabinho (Braziliya), Juan Foyt (Argentina), Angel Korrea (Argentina), Paulo Dibala (Argentina), Pablo Sarabia (İspaniya), Ansu Fati (İspaniya) kimi futbolçuların adları var.

Mənbə: Haber Global