 |
|
|
TEREF.AZ yazır ki, “Azərbaycan Peşəkar Boks Federasiyası”nın dəstəyi, “Karapapak Fight club & Promotion”, “MCM Fight Promotion” və “TGA Promotion & Management”in birgə təşkilatçılığı ilə Bakıda UBO-nun (Universal Boxing Organization) orta-ağır çəki dərəcələrində Dünya kəməri uğrunda döyüş keçirilib.
Tədbirdə açılış nitqi ilə çıxış edən “Azərbaycan Peşəkar Boks Federasiyası”nın 1-ci vitse prezidenti Fərhad Acalov ölkəmizdə peşəkar boksun inkişafından danışıb və bundan sonra da bu kimi yarış və tədbirlərin silsilə olaraq davam edəcəyini bildirib.
“Karapapak Fight Club & Promotion”ın prezidenti Aqil Acalov çıxışında Azərbaycanda peşəkar boksun inkişafı yolunda atılan addımlar və təşkil olunan belə əhəmiyyətli yarışlar üçün Federasiyaya təşəkkürünü bildirərək bundan sonra da bu idman növünün inkişafında əlindən gələn dəstəyi göstərməyə hazır olduğunu deyib.
Daha sonra öz çıxışlarında “TGA Promotion & Management”in prezidenti Taryel Cəfərov və “MCM Fight Club & Promotion”ın prezidenti Cavidan Məmmədov idmançıları bu günə qədərki uğurlarına görə təbrik edib və fəaliyyətlərində daha böyük uğurlar, qələbələr arzulayıblar.
Tədbirin bədii hissəsində "Cigitlər" rəqs qrupunun, Buta Band Group və Yaşar Yusubun musiqi töhfələrinin ardınca gecənin döyüşləri baş tutub.
Ümumilikdə müxtəlif çəki dərəcələrində 7 döyüş keçirilib:
1. Ağır çəki dərəcəsində Mirzəli Samir və Elnur Məmmədov arasındakı döyüşdə Elnur 2-ci raundda texniki nokautla qalib gəlib;
2. 61 kq-a qədər çəki dərəcəsində Tayfur Əliyev və Sərxan Əhmədov arasındakı döyüşdə Tayfur yekdil qərar ilə qalib gəlib;
3. Ağır çəki dərəcəsində küveytli Hamzah Albahbahani və azərbaycanlı Müqavil Musayev arasındakı döyüşdə küveytli idmançı dizindən aldığı zədə səbəbi ilə 3-cü raunda çıxmaqdan imtina edib;
4. 91 kq-a qədər çəki dərəcəsində pakistanlı Abi Cozi Xan və azərbaycanlı Taryel Cəfərov arasındakı döyüşdə Taryel 1-ci raundda Texniki nokautla qalib gəlib;
5. 70 kq-a qədər çəki dərəcəsində Seyidağa Nağıyev və Ruslan Rəhimov arasındakı döyüşdə Ruslan hakimlərin yekdil qərarı ilə qalib gəlib;
6. Orta çəki dərəcəsində Xanbala Qurbanov və Sərxan Əliyev arasındakı döyüşdə Sərxan hakimlərin yekdil qərarı ilə qalib gəlib;
7. Gəcənin əsas döyüşündə, 79.3 kq çəki dərəcəsində, 12 raundluq "UBO Light Heavy Weight World Title" uğrunda türkiyəli boksçu Hasan Kubilay Alcu və azərbaycanlı Ayxan İsmayılov üz-üzə gəliblər. Bərabər keçən döyüşdə, təəssüflər olsun ki, çiynindən aldığı zədə səbəbindən 6-cı raunda çıxa bilməyən Ayxan İsmayılov məğlub olub, Hasan Kubilay Alcu isə UBO dünya kəmərini qazanıb.
Gecədə fəxri qonaq qismində "WBC Silver Asia" ve "WBC international" çempionu və UBO dünya çempionu türkiyəli Serdar Avcı, hazırda Mayamidə yaşayan, peşəkar boksda "WBA international champion" kəməri olan həmyerlimiz Ramal Amanov, eyni zamanda idman ictimaiyyətinin tanınmış nümayəndələri, incəsənət nümayəndələri, ictimai, siyasi xadimlər iştirak ediblər.
Sonda Azərbaycan-Türkiyə qardaşlıq və dostluq münasibətlərinin idman sahəsində də əhəmiyyətini vurğulayan Fərhad Acalov Serdar Avcıya təşəkkürünü bildirərək “Dəmir yumruq” simvolik heykəli və digər hədiyyələri təqdim edib.
Teref.az
Noyabrın 20-dən dekabrın 18-dək Qətərdə keçiriləcək Dünya Çempionatı futbol tarixinin ən bahalı yarışı olacaq.
Doha 12 il ərzində turnirə hazırlıq üçün 300 milyard dollar xərcləyib.
Qətərin paytaxtı Dohada böyük dəyişikliklər aparılıb. Yaxın Şərqdə ilk Dünya Çempionatı üçün yeni stadionlar və hotellər tikilib ki, bu yeni tikililər bir milyondan çox futbol azarkeşini qəbul etməyə hazırdır.
Turnirə hazırlıq çərçivəsində yeddi yeni futbol stadionu, metro stansiyası, hava limanı, xəstəxanalar, hotellər və ticarət mərkəzləri inşa olunub.
Qətər Fars körfəzi regionundakı varlı qonşuları ilə birlikdə Avropanın böyük futbol klublarına milyardlarla dollar sərmayə qoyur.
Qətərdə keçirilən dünya çempionatından gəlirin təxminən 5,4 milyard dollar olacağı gözlənilir.
Mənbə: Bloomberg
İker Kasilyas azərbaycanlı qapıçılara ustad dərsi keçəcək
“Səbail”in futbol akademiyasının 3 qapıçısı – Fazil Həsənzadə, İsmayıl Novruzov və Suad Bayramovun İker Kasiliyasla görüşü həyata keçiriləcək.
Bu barədə "dənizçilər"in rəsmi saytı məlumat yayıb.
Xəbərdə bildirilir ki, “dənizçilər” dünya və 2 qat Avropa çempionunun “Ustad dərsləri”ndə iştirak edəcəklər. “Ustad dərsləri” BƏƏ-nin Dubay şəhərində, sabiq ispaniyalı qapıçının rəhbərlik etdiyi “İker Casillias” Akademiyasında keçiriləcək. Akademiyada İker Kasilyasla yanaşı, İspaniyanın nüfuzlu qapıçı məşqçiləri də fəalliyyət göstərir. Layihə dünyanın müxtəlif ölkələrindən gənc istedadları bir araya gətirərək onlar üçün aparıcı təlim proqaramları təşkil edir.
Gənc qapıçıların sözügedən layihədə iştirak etməsi ilə bağlı “Səbail” akademiyasının direktoru Mirbağır İsayev fikirlərini bölüşüb. O, klub saytına açıqlamasında bunları söyləyib:
“İlk olaraq akademiyamıza bu şəraiti yaratığına görə, ASCO-ya və ASCO-nun sədri Rauf Vəliyevə öz dərin minnətdarlığımı bildirmək istəyirəm. İstər mənəvi, istərsə də maddi tərəfdən həmişə onların dəstəyini görmüşük və görməkdəyik. Qapıçılarımızın Dubaya ezam olunması bizi çox sevindir. Onlar dahi qolkiper olmuş İker Kasilyas ilə birlikdə məşqlərdə iştirak edəcəklər. Əminəm ki, bu məşqlər gənc istedadlarımızın gələcəkdə peşəkar qapıçı kimi inkişaf etməsi üçün böyük təkan olacaq. Bildiyiniz kimi, Kasilyas uzun illər həm “Real”ın, həm də İspaniya millisinin qapısını qoruyub. Karyerasında qazanmadığı böyük titul yoxdur. Vaxti ilə televizordan izlədikləri sevimli qapıçılarının tövsiyyələrini dinləyəcəklər. İnanıram ki, bu görüş onlara seçdikləri mövqenin necə məsuliyyət tələb etiyini bir daha dərindən aşılayacaq. Gənc oyunçularımıza və onların məşiqçisi, 6 ildir akademiyamızda fəaliyyət göstərən Zaur Əmirova bu ezamiyyətdə uğurlar arzulayıram”. \\Offsideplus.az
Qana millisinin futbolçusu Sadio Mane zədə səbəbindən DÇ-2022-ni buraxacaq.
“Bavariya”nın cinah oyunçusu Seneqalın heyətində yer almasına baxmayaraq, sağ ayağından aldığı zədəni vaxtında sağalda bilməyəcək.
Xatırdadaq ki, Mane noyabrın 8-də “Bavariya”nın heyətində “Verder”lə oyunda (6:1) zədələnib.
Qeyd edək ki, 2022-ci il Dünya Çempionatı noyabrın 20-də Qətərdə start götürəcək. Seneqal millisi Niderland, Qətər və Ekvadorla eyni qrupda oynayacaq.
Cebhe.info
“Qalatasaray” Kriştiano Ronaldonu transfer etmək üçün hərəkətə keçib.
Bu barədə “Ntvspor” məlumat yayıb. Bildirilir ki, Ronaldonun mövsümün fasiləsində “Mançester Yunayted”dən göndəriləcəyini nəzərə alan “Qalatasaray” transferi reallaşdırmaq üçün rəsmən həmlə edib. İddialara görə, Ronaldonun transferi “Qalatasaray”ın icraçı direktoru, nüfuzlu iş adamı Erden Timura həvalə edilib. Məlumata görə, Erden Timur Ronaldonun meneceri Jorje Mendeslə danışıqlar aparır.
Qeyd edək ki, Erden Timur bundan əvvəl “Xəyal edə bilməyəcəyiniz futbolçu ilə danışıqlar aparırıq” deyə açıqlama vermişdi. \\Mətbuat.Az
İşğaldan azad edilmiş ərazilərdə Olimpiya İdman Kompleksləri və universal idman zalları (üzgüçülük hovuzları, gimnastika, güləş, əl oyunları, açıq tipli idman meydançaları və digər idman təsisatları ilə birgə) tikilib istifadəyə veriləcək.
Bu, Prezident İlham Əliyevin imzaladığı sərəncamla təsdiqlənən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nda əksini tapıb.
Tədbirlər Planına əsasən, Olimpiya İdman Komplekslərinin tikintisi 2023-cü il, universal idman zallarının inşası isə 2024-cü ildə başlayacaq.
Layihələndirilməni Azərbaycan Respublikasının Dövlət Şəhərsalma və Arxitektura Komitəsi həyata keçirəcək. Tikintiyə nəzarət isə Gənclər İdman Nazirliyi, yerli icra hakimiyyəti orqanları və Azərbaycan Respublikası Prezidentinin Xüsusi Nümayəndəliyi tərəfindən ediləcək.
İdman obyektlərinin 2026-cı ildə istifadəyə verilməsi nəzərdə tutulub.
Böyük Britaniyanın Opta statistika şirkəti bu il Qətərdə keçiriləcək futbol üzrə dünya çempionatının favoritlərini açıqlayıb.
"Report"un məlumatına görə, süni intellektlə əsaslanan araşdırmada Braziliya millisi bütün rəqiblərini qabaqlayıb. "Sambaçılar"ın dünya çempionu olmaq şansları 15,8 faiz qiymətləndirilir.
İkinci pillədə Argentina yığması (12,6 faiz) qərarlaşıb. İlk üçlüyü 12,2 faizlə Fransa tamamlayır.
Qeyd edək ki, DÇ-2022 noyabrın 20-dən dekabrın 18-dək təşkil olunacaq.
UEFA Fransanın "Nant" klubunu cəzalandırıb. "Report"un qitə futbol qurumunun rəsmi saytına istinadən məlumatına görə, buna Liqa 1 təmsilçisinin azarkeşlərinin evdə "Qarabağ"a 2:1 hesabı ilə qalib gəldikləri Avropa Liqasının qrup mərhələsinin V tur oyununda yol verdikləri hərəkətlər səbəb olub.
Klub "Bojuar" stadionunda ictimai keçid yolları bağlandığı üçün 12 000 avro, atəşfəşanlığa görə isə 30 000 avro cərimələnib. Üstəlik, UEFA İtaliya "Yuventus"una qarşı pley-off matçında tribunaların qismən bağlanmasına qərar verib.
Bundan başqa, təhlükəsizlik tədbirləri lazımi səviyyədə olmadığı və azarkeşlər tam yoxlanılmadığı üçün "Nant"a xəbərdarlıq edilib.
Azərbaycan millisi bu gün növbəti oyununu keçirəcək.
Canni de Byazinin yetirmələri Moldova ilə yoldaşlıq görüşünə çıxacaq.
Son üç matçında qələbələri sıralayan yığmamız uğurlu seriyanı davam etdirmək üçün səfərə yollanıb. Kişinyovdakı qarşılaşmada rəqib də bunun üçün münasib komanda sayılır. Oyun “Zimbru” stadionunda təşkil olunacaq. Qarşılaşmanın start fiti Bakı vaxtı ilə saat 21:00-da veriləcək.
Qeyd edək ki, millimiz noyabrın 20-də Şimali Makedoniya ilə görüşəcək.
Yoldaşlıq oyunu
16 noyabr
21:00. Moldova – Azərbaycan
Baş hakim: Denis Şurman (Ukrayna)
Kişinyov. “Zimbru” stadionu
“Mançester Yunayted”in ulduz futbolçusu Kriştiano Ronaldo ilə komandanın baş məşqçisi Erik ten Haaq arasındakı gərginlik davam edir.
“Qafqazinfo” xəbər verir ki, onlar arasında yaranan problemə azarkeşlər də qoşulub.
Belə ki, portuqaliyalı futbolçunun tərəfdarları niderlandlı çalışdırıcının instaqram səhifəsini şikayət ediblər.
Buna səbəb Erik ten Haaqın bu gün verdiyi açıqlamadır. O, Ronaldonun tənqidinə cavab olaraq bildirib ki, portuqaliyalı oyunçu bir daha komandada oynamayacaq. Bundan sonra tərəfdarlar instaqram hesabını şikayət ediblər və nəticədə baş məşqçinin instaqram hesabı bloklanıb.