"Kubokda ilk matçlardan sonra şərh verməyi sevmirəm. Meydanda amansız mübarizə gedirdi".

"Report"un məlumatına görə, bunu "Zirə"nin baş məşqçisi Rəşad Sadıqov "Neftçi"yə 1:0 hesabı ilə qalib gəldikləri Azərbaycan Kubokunun 1/4 final mərhələsinin ilk oyunundan sonra mətbuat konfransında deyib.

50 yaşlı mütəxəssis cütün taleyinin ikinci görüşdə həll olunacağını bildirib: "Birinci matçda işimizi gördük. Artıq Premyer Liqada "Şamaxı" ilə oyunu düşünməliyik. Kubokda, sadəcə, ilk hissəni oynamışıq".

Sadıqov hər iki komandanın bir-birinə oynamaq üçün imkan vermədiyini diqqətə çatdırıb.

Baş məşqçi Felipe Paxtmanın zədələnməsi barədə də danışıb: "Bu, bizi məyus edir. Onun istedadına inanıram. Ümid edirəm ki, bu zədələr geridə qalacaq və oyunçu potensialını tam ortaya qoyacaq".

Mərakeşin ölkəmizdəki səfirliyi "Mərakeş Azərbaycan gənc rəssamlarının gözü ilə" adlı rəsm müsabiqəsinin qaliblərinin mükafatlandırma mərasimini təşkil edib.

APA xəbər verir ki, tədbir Mərakeş Krallığı ilə Azərbaycan Respublikası arasında diplomatik münasibətlərin qurulmasının 30-cu ildönümünün qeyd edilməsi çərçivəsində baş tutub.

Açılışda çıxış edən Mərakeş Krallığının Azərbaycandakı fövqəladə və səlahiyyətli səfiri Adil Embarş iki ölkə arasındakı münasibətləri yüksək qiymətləndirib.

“Ölkələrimiz arasında bir çox bağlar var. Mərakeş və Azərbaycan xalqları arasındakı dostluq və qardaşlıq münasibətlərinə dair bir çox nümunələri göstərmək olar. Qətərdə keçirilən dünya çempionatında Azərbaycan xalqının bizə dəstəyini xüsusi ilə qeyd etmək istərdim. Bu, ölkələrimiz arasındakı dostluğun gözəl nümunələrindən biridir”, - deyə səfir vurğulayıb.

Xatırladaq ki, Mərakeş səfirliyi ikitərəfli diplomatik münasibətlərin qurulmasının 30-cu ildönümü ilə yanaşı, digər iki mühüm hadisə - Şanlı Yaşıl Yürüşün 47-ci ildönümünü və Mərakeşin Müstəqillik Gününün 67-ci ildönümünü qeyd etmək məqsədilə bu ilin avqust ayında rəsm müsabiqəsinə start verib.

Kriştianu Ronaldu Portuqaliya millisinin azarkeşlərinə müraciət edib.

“Bu komanda xarici qüvvələr tərəfindən parçalana bilməyəcək qədər möhkəmdir. Bu millət heç bir rəqibdən qorxmayacaq qədər cəsurdur. Xəyalları uğrunda sona qədər mübarizə aparacaq əsl komanda! Bizimlə birlikdə inanın! İrəli, Portuqaliya!”, – deyə yığmanın kapitanı sosial şəbəkə hesabında yazıb.

Qeyd edək ki, DÇ-2022-nin 1/4 finalında Portuqaliya Mərakeşlə qarşılaşacaq. Qarşılaşma şənbə günü, dekabrın 10-da baş tutacaq.

Futbol üzrə Rusiya millisinin və İngiltərənin “Mançester Yunayted” klubunun keçmiş futbolçusu Andrey Kançelskis İspaniya millisinin dünya çempionatını tərk etməsinə münasibət bildirib.

Fanat.az Rusiya mətbuatına istinadən xəbər verir ki, Kançelskis ispanları oyun satmaqda ittiham edib:

“2018-ci ildə İspaniya millisi oyunu Rusiyaya satdı, indi isə Yaponiyaya. İlk oyunda göstərdikləri normal futbolu oynasaydılar… Amma nədənsə, futbol oynamaq istəmədilər.

Nə baş verdi? Futbol tanrısı onları cəzalandırdı. Fırıldaqçıları və yaramazları həmişə belə aqibət gözləyir. Futbol oynamaq lazımdır! Hər matçı sonuncu matçınız kimi oynayın! Futbol tanrısı var və o, xəyanət edənləri cəzalandırır”.

Xatırladaq ki, İspaniya yığması ötən gecə Mərakeşə penalti seriyasında uduzaraq mundialda mübarizəni dayandırıb.

DÇ-2022-nin oyunlarını qəbul edən stadionlardan birinin sökülməsinə başlanılıb.
Tribunainfo.az xəbər verir ki, mundialın 7 matçının təşkil olunduğu “Stadion 974” öz funksiyasını başa vurub.Xüsusi olaraq DÇ-2022 üçün qurulan konstruksiyaların sökülməsi üçün bütün texnikalar arenanın önünə gətirilib. Artıq arenanın üzərindəki DÇ-2022 loqoları da sökülüb. Qətərin qonağı olan azarkeşlər stadionla son şəkillərini çəkdirməyə çalışır. Konstruksiyalara daxil olan 974 konteyner və tribunalardakı oturacaqların inkişaf etməkdə olan ölkələrə verilməsi nəzərdə tutulub.

Qeyd edək ki, bu arenanın açılışı 2021-ci il noyabrın 30-da olub.

İspaniya millisinin futbolçusu Qavi dünya çempionatlarının tarixinə düşüb.

"Barselona"nın yarımmüdafiəçisi bunu Qətərdəki dünya çempionatında Mərakeş yığmasına qarşı 1/8 final matçında meydana çıxmaqla bacarıb.

O, Braziliya millisinin sabiq hücumçusu, üçqat dünya çempionu Peledən sonra mundialların pley-off mərhələsində çıxış edən ən gənc futbolçu olub - 18 yaş 23 gün. Əfsanəvi "sambaçı" isə pley-off matçında meydana çıxarkən 17 yaş 249 günlüyündə olub.

Qeyd edək ki, hazırda Mərakeş - İspaniya matçında ilk hissə oynanılır və hesab açılmayıb.

Günün ilk matçında Mərakeşlə İspaniya üz-üzə gəldi.
Oyunun əsas və əlavə vaxtı qolsuz başa çatdı. Belə olan təqdirdə qalib penaltilər seriyasında müəyyənləşir.

Penaltilər seriyası Mərakeşin 3:0 hesablı qələbəsi ilə başa çatdı. Mərakeş 1/4 finala, İspaniya isə evə yollanır.
Teref.az

Argentina millisinin futbolçusu Lionel Messi Qətərdə keçirilən dünya çempionatında favoritlərini açıqlayıb.

“Report”un məlumatına görə, 35 yaşlı hücumçu Braziliya və Fransa yığmalarının titula ən yaxın komanda olduqlarını düşünür.

Argentina millisinin kapitanı, xüsusən də, “pentakampeonlar”ın güclü oyunçulardan formalaşdığını söyləyib: “Kameruna məğlubiyyət istisna olmaqla, Braziliya çox yaxşı futbol oynayır. Onlar ən çox sevilənlərdən biri olmaqda davam edirlər. Həmçinin, topu qəbul edərkən nə etdiklərini çox dəqiq bilən Fransa da güclüdür. Bu iki komandanın şanslarını yüksək hesab edirəm”.

Qeyd edək Argentina yığması DÇ-2022-nin 1/4 final mərhələsində dekabrın 9-da Niderlandla qarşılaşacaq. Fransa həmin mərhələdə İngiltərəyə rəqib olubsa, Braziliya millisi bu gün 1/8 finalda Cənubi Koreyanı sınağa çəkəcək.

Qətərdə keçirilən dünya çempionatında 1/8 final mərhələsinin daha bir oyunu keçirilib.

"Report"un məlumatına görə, Seneqal yığmasını 3:0 hesabı ilə darmadağın edən İngiltərə adını 1/4 finala yazdırıb.

İlk qolu 39-ci dəqiqədə Cordan Henderson vurub. Birinci hissəyə əlavə olunmuş 3-cü dəqiqədə kapitan Harri Keyn fərqi 2 topa çatdırıb. Görüşdə son nöqtəni isə 57-ci dəqiqədə fərqlənən Bukayo Saka qoyub.

İngiltərə millisi bu qələbə ilə növbəti raundda Fransa kollektivinə rəqib olub.

Qeyd edək ki, daha əvvəl Niderland və Argentina yığmaları 1/4 finala yüksəlib.

Fransa millisinin futbolçuları tarixə düşüb

Fransa millisinin futbolçusu Olivye Jiru dünya çempionatının 1/8 finalında Polşaya qol vurmaqla tarixə düşüb. Teref.az Apasport.az saytına istinadən xəbər verir ki, 36 yaşlı hücumçu 44-cü dəqiqədə fərqlənməklə millidə 52-ci qolunu vurub.

Bu göstərici ilə o, 51 qol vurmuş Tyeri Anrini qabaqlayaraq Fransa millisinin ən sərrast futbolçusu olub. Jiru hazırda 3 qolla mundialın da ən sərrast 7 futbolçusundan birinə çevrilib.

Bundan başqa, Antuan Qrizmann Fransa millisinin ardıcıl 71 matçında forma geyinən ilk futbolçu adını qazanıb. O, 2017-ci ildən etibarən Fransa millisinin bütün oyunlarında iştirak edib.