 |
|
|
Çin Rusiya Federasiyasının təleyi barədə Amerika Birləşmiş Ştatları ilə razılığa gəlib.
Bu barədə rusiyalı hüquq müdafiəçisi Mark Feygin Ukrayna Prezidenti Ofisi başçısının müşaviri Aleksey Arestoviçlə söhbətin gedişində bəyan edib.
O, xatırladıb ki, G20 sammiti çərçivəsində Co Bayden və Si Cinpin arasında danışıq getməlidir.
«Bayden Nensi Pelosinin Tayvana səfərindən iki gün əvvəl Si Cinpinə zəng edib və mənim şəxsi nəzərimcə, onlar hər şey barədə razılığa gəliblər. Deyin, kimin hesabına, necə deyərlər, bayram olacaq? Bayden nə təklif edə bilər və Si bonus qismində nəyə razılıq verə bilər? Mənim fikrimcə, nəticə aydındır. Cavab belədir: bu (bonus - Red.), Rusiya olacaq. Hər şey Rusiyanın hesabından olacaq» - hüquq müdafiəçisi deyib.
İranın sabiq prezidenti Mahmud Əhmədinejad şok etirafı ilə diqqət çəkib.
Cebhe.info xəbər verir ki, o, İranda Aşura günü keçirilən bir çox ritualların əsl səbəbini açıqlayıb. Əhmədinejad bildirib ki, Aşura günü olan bəzi fəaliyyətlərin arxasında İran mafiyası dayanır:
"Aşura günü oynamaq, Xomeyninin şəklini cırmaq, bankları və məscidləri yandırmaq, o cümlədən, dövlət və xüsusi əmlaka ziyan vurmaq kimi əməllər İranın təhlükəsizlik mafiyaları tərəfindən törədilir. Onların bunları etməkdə məqsədi xalqın haqlı etirazlarını susdurmaq üçün bəhanə yaratmaqdır".
Sənədlər arasında “tam məxfi” kimi təsnif edilən materiallar var
Federal Təhqiqat Bürosunun (FTB) agentləri ABŞ-ın keçmiş prezidenti Donald Trampın Florida ştatının Mar-a-Laqo şəhərindəki evindən 11 dəst məxfi sənəd ələ keçiriblər. AYNA xəbər verir ki, bu barədə “The Wall Street Journal” məlumat yayıb.
Nəşrin məlumatına görə, mülkdən sənədlər, fotoşəkillər və qeydlər olan 20-yə yaxın qutu çıxarılıb.
Müsadirə edilən sənədlər arasında Trampın keçmiş müşaviri Rocer Stounun əfv fərmanı, həmçinin “Fransa prezidenti” ilə bağlı bəzi məlumatlar var.
Ümumilikdə 11 dəst məxfi sənədlər müsadirə edilib ki, onların arasında “tam məxfi” kimi təsnif edilən materiallar da var. Nəşrin yazdığına görə, bu cür materiallar yalnız “xüsusi dövlət müəssisələrində” saxlanıla bilər.
Xəbər verdiyimiz kimi, Federal Təhqiqatlar Bürosu avqustun 8-də keçmiş ABŞ prezidenti Donald Trampın Florida ştatındakı “Mar-a Laqo” tətil zonasında yerləşən evinə basqın edib. Axtarış Trampın prezidentliyi dövründə Ağ Evdən Floridadakı evinə bəzi sənədləri gətirib-gətirməməsi ilə bağlı olub.
ABŞ-ın Ədliyyə Nazirliyinin rəhbəri və Baş prokuror Merrik Qarland keçmiş prezident Donald Trampın Florida ştatındakı mülklərində FTB-nin axtarışını şəxsən təsdiqlədiyini və bunun ictimaiyyətə faydalı olduğu üçün paylaşıldığını açıqlayıb.
Musavat.com xarici mediaya istinadən xəbər verir ki, bu açıqlamanın yaratdığı şok effekti keçməmiş Donald Tramp M.Qarlanda özünün “Truth” sosial sosial şəbəkəsindəki hesabından cavab verib.
“Prezident Obamanın Çikaqoya apardığı 33 milyon səhifəlik sənədlər necə oldu? Saxta xəbər saytları bu barədə danışmaqdan imtina edir. Onlar buna məhəl qoymaq istəmirlər” – Tramp yazıb.
Trampın digər paylaşımlarında isə evində aparılan axtarışdan ciddi narahatlıq keçirdiyi hiss olunur: “Vəkillərim və nümayəndələrim əməkdaşlıq edirdilər. Hökumət bacardığı qədər istədiyini ala bildi. Müəyyən ərazini bağlamağımızı istədilər, bağladıq! Hər şey çox yaxşı gedirdi, bir çox əvvəlki prezidentlərdən daha yaxşı idi, lakin birdən-birə, heç bir xəbərdarlıq etmədən səhər saat 6:30-da Mar-A-Laqodakı mülkümə çoxsaylı agentlər tərəfindən basqın edildi. Hədlərini aşdılar. Bu, dəlilikdir!”
ŞOK EFFEKTİ YARADAN İDDİALAR
Qarşılıqlı söz savaşının davam etdiyi bir vaxtda “Washington Post”un irəli sürdüyü iddia daha da çaşqınlıq yaradıb.
Qəzet yazır ki, FTB Trampın evinə gizli nüvə silahı sənədlərini axtarmaq üçün basqın edib: “Təhqiqatla bağlı məlumatı olan şəxslərin sözlərinə görə, nüvə silahı sənədləri FTB-nin Trampın mülkündə ələ keçirdiyi “xəzinə”də ola bilər. Mənbələr bu sənədlərin ABŞ arsenalına, yoxsa başqa ölkəyə aid edildiyini dəqiqləşdirməyiblər”.
TRAMP BU SƏNƏDLƏRLƏ ÖYÜNÜRDÜ
Məhkəmə hökumətə tapşırıq verib ki, vəsatəti Trampın vəkillərinə təqdim etsin və bu gün saat 15:00-a qədər Trampın həbs qərarının götürülməsinə etiraz edib-etmədiyini bildirsin.
Qeyd edək ki, bu cür sənədlərin şübhəli mövcudluğu ABŞ baş prokurorunun FTB agentlərinə verdiyi axtarış əmrinin səbəbini açıqlaya bilər. Belə ki, Mar-a-Laqodakı mülkdə, həqiqətən də, nüvə silahı sənədləri tapılarsa, Qarlandın niyə siyasi addım ataraq belə bir göstəriş verdiyi məlum olacaq. Çünki sənədlərin geri qaytarılması milli təhlükəsizlik prioriteti kimi qəbul ediləcək.
Musavat.com xatırladır ki, Tramp prezidentliyi dövründə ABŞ-ın nüvə arsenalına xüsusi diqqət yetirirdi və əlində olan məxfi nüvə silahı sənədləri ilə öyünürdü.
Monteneqro hakimiyyəti rusiyalı diplomatı “persona non qrata” elan edib.
Bu barədə respublikanın Xarici İşlər Nazirliyi məlumat yayıb.
“Monteneqronun Xarici İşlər Nazirliyi Rusiya Federasiyasının Monteneqroda akkreditə olunmuş səfirliyinin bir diplomatını “persona non qrata” elan edib. Buna səbəb onun Diplomatik Münasibətlər haqqında Vyana Konvensiyasının 9-cu maddəsinə zidd fəaliyyət göstərməsi olub. Bu qərarla bağlı rəsmi nota Rusiya Federasiyasının səfiri Vladislav Maslennikova təqdim edilib. Notada diplomata Çernoqoriya ərazisini tərk etməsi üçün yeddi günlük müddət verildiyi qeyd olunub”, - deyə Xarici İşlər Nazirliyinin bəyanatında bildirilir.
Rusiyanın Monteneqrodakı səfirliyi rusiyalı diplomatın “persona non qrata” elan edilməsi ilə bağlı məlumatı təsdiqləyib. Bu barədə Rusiya diplomatik nümayəndəliyindən bildirilib.
Heç kimin, o cümlədən, Ukraynanın yüksək rütbəli məmurlarının Gürcüstana qarşı əsassız ittihamlar irəli sürməyə haqqı yoxdur.
Bu sözləri Gürcüstanın hakim “Gürcü arzusu – Demokratik Gürcüstan” partiyasının deputatı Mixail Sardjveladze deyib.
O bildirib ki, Ukrayna rəsmiləri Gürcüstan haqqında danışarkən öz tonunu seçməlidirlər:
“Heç kəsin, o cümlədən müharibə aparan ölkənin yüksək rütbəli məmurunun belə bir tonda əsassız, tərəfin inkar etdiyi şəraitdə ittihamlar irəli sürməyə haqqı yoxdur. Əgər kimsə öz söhbətinin tonunu və məzmununu süzgəcdən keçirməlidirsə, bunu, ilk növbədə, məsələn, Podolyak etməlidir”.
Deputat deyib ki, Ukrayna tərəfi miflər uydurur, sonra onlarla özü mübarizə aparır:
“Əsassız və məsuliyyətsiz ittihamlara qarşı sərt cavab alan zaman təəccüblənməyin və heç kimi tənqid etməyin. Çünki Gürcüstan hökumətinin bu cür bəyanatlara qarşı bütün cavabları layiq olduğundan qat-qat balanslı və daha yumşaq şəkildə olub”.
Qeyd edək ki, Ukrayna Prezident Ofisi rəhbərinin müşaviri Mixail Podolyak müsahibələrinin birində bildirib ki, gürcü rəsmiləri öz tonunu dəyişməli, əgər hansısa səbəbdən bunu edə bilmirlərsə, Ukrayna ilə bağlı ictimai bəyanatlar verməyi dayandırmalıdırlar.
Türkiyənin xarici işlər naziri Mövlud Çavuşoğlu bildirib ki, İsveç və Finlandiya Ankaranın NATO-ya daxil olması ilə bağlı etirazlarını aradan qaldırmaq üçün üzərinə götürdükləri öhdəlikləri hələ də yerinə yetirməyib.
Nazirin sözlərinə görə, Skandinaviya ölkələri Türkiyə ilə razılaşmalar üzrə hələlik konkret addımlar atmayıb.
Çavuşoğlu qeyd edib ki, bu problemin müzakirəsi üçün üç ölkənin birgə komitəsinin ilk iclası avqustun 26-na planlaşdırılıb.
"Hazırda Suriya ilə birbaşa təmaslardan söhbət belə gedə bilməz”.
“Report” Türkiyə KİV-ə istinadən xəbər verir ki, bunu qardaş ölkənin xarici işlər naziri Mövlud Çavuşoğlu Türkiyə lideri Rəcəb Tayyib Ərdoğanla Suriya Prezidenti Bəşşar Əsəd arasında telefon danışığına hazırlıq görüldüyünə dair iddiaları təkzib edərkən deyib.
O bildirib ki, yalnız xüsusi xidmət orqanları vasitəsilə danışıqlara başlanılıb.
Qeyd edək ki, bundan əvvəl Türkiyə KİV iki ölkə başçısının telefon danışığı apara biləcəyini yazmışdı.
Bir müddət əvvəl Rusiya sərhədçiləri Sünik vilayətində Mehridən Aqarak, Şvanidzor, Alvank və Nrnadzora gedən yollarda beş modul tipli nəzarət-buraxılış məntəqəsi qurub. Bu barədə “Azadlıq Radiosu”nun Ermənistan xidməti Mehri şəhər hakimiyyətinə istinadla məlumat verib.
Mənbənin məlumatına görə, Rusiya FTX-nin sərhədçiləri bütün maşınları və vətəndaşları saxlayır, yoxlayır və yalnız bundan sonra onların hərəkətinə icazə verir. Buna qədər Rusiya sərhədçiləri yalnız İranla sərhədə nəzarət edirdi.
Yeni nəzarət-buraxılış məntəqələrinin quraşdırılması haqqında xəbərlərdən sonra Rusiya FTX-nin Ermənistandakı Sərhəd İdarəsindən bildiriblər ki, yoxlamalar qaçaqmalçılıq, qanunsuz miqrasiya və narkotrafikin qarşısının alınması zərurəti ilə əlaqədardır. Bu tədbirlər Ermənistan hökuməti ilə razılaşdırılıb.
RF FTX-nin məlumatına görə, son vaxtlar İrandan Ermənistana narkotik qaçaqmalçılığının artması ilə əlaqədar gərgin vəziyyət yaranıb. Bundan başqa, ekstremist və terrorçu qrupların üzvlərinin sərhədi pozması halları artıb.
Ermənistanın bir sıra siyasi qüvvələri Rusiya sərhədçilərinin bu yolda nəzarəti haqqında məlumatı bu yolun Zəngəzur dəhlizi çərçivəsində Azərbaycana təhvil verilməsinə hazırlıq kimi qiymətləndiriblər.
Amma İran daha emosional reaksiya verib, növbəti dəfə “regionda geosiyasi dəyişikliklərə imkan verməyəcəyini” bəyan edib. Bu barədə İran prezidenti Rəisi dünən Ermənistan baş naziri Paşinyana zəng edərək bildirib. Göründüyü qədər, Tehranda heç cür başa düşmək istəmirlər ki, onlar burada heç nəyi həll etmir.
"Ermənistanla normallaşma prosesi davam edir, bəzi addımlar atılıb".
APA-nın İstanbul müxbiri xəbər verir ki, bu barədə Türkiyə xarici işlər naziri Mövlud Çavuşoğlu deyib.
“Bu, Azərbaycanla koordinasiya şəklində davam edir, Ermənistanda bundan bir az narahat olurlar, amma biz şəffaf ölkəyik. Hər nə qədər normallaşma prosesi ikitərəfli olsa da, bütün Cənubi Qafqazın sabitliyi üçün hər birimizin addım atması lazımdır”, - deyə o bildirib.
Çavuşoğlu Ermənistanı bu məsələdə yayınmamağa, səmimi olmağa çağırıb: “Biz səmimiyik, Azərbaycanın da səmimi olduğunu görürük”.