Rusiyada yayılan məlumatlara görə, Ukraynada çətin vəziyyətə düşən Vladimir Putin Şimali Koreyanın diktator lideri Kim Çen Indan yüz min hərbçi istəyib. Putin bunun qarşılığında Şimali Koreyanı enerji resursları və taxılla təmin edəcəyini bildirib.

"AzPolitika.info" xəbər verir ki, bu barədə Britaniyanın "Daily Mail" nəşri məlumat yayıb. Məlumata görə, Şimali Koreya diplomatik kanallar vasitəsilə açıq şəkildə bəyan edib ki, müharibəni Rusiyanın xeyrinə dəyişmək üçün, işğalçılara hərbi yardım göstərməyə hazırdır.

Bu qüvvəllərin Kim Çen Inın bu yaxınlarda müstəqil ölkələr kimi tanıdığı qondarma "dnr" və "lnr"-in ərazilərinə yerləşdiriləcəyi bildirilir.

Rusiyalı jurnalist və hərbi ekspert İqor Korotçenko Rusiya dövlət televiziyasında çıxış edərkən bildirib ki, Kim Çen Inın Rusiyaya uzatdığı əli qəbul etmək lazımdır: "Məlumatlar var ki, Şimali Koreyadan 100 min könüllü gəlib münaqişədə iştirak etməyə hazırdır. Şimali Koreyalı könüllülər artilleriya və iri çaplı buraxılış raket sistemləri ilə münaqişəyə qatılmaq istəyirlərsə, gəlin onların könüllü impulslarına yaşıl işıq yandıraq. Şimali Koreya Ukrayna faşizminə qarşı mübarizə aparmaq üçün beynəlxalq borcunu yerinə yetirmək arzusunu ifadə edirsə, biz onlara icazə verməliyik".

Məlumat üçün bildirək ki, Rusiya ilə Şimali Koreya arasındakı əlaqələr 1948-ci ilə - Sovet İttifaqının KXDR-i rəsmən tanıyan ilk ölkə olduğu vaxta təsadüf edir. İki ölkə arasındakı münasibətlər Sovet İttifaqının dağılmasından sonra da davam edib.

Putin fevralın 24-də Ukraynaya hücuma başlayanda Şimali Koreya BMT-nin işğalı pisləyən qətnaməsinin əleyhinə səs verən 5 ölkədən biri olub. Həmçinin Şimali Koreya Ukraynanın şərqindəki separatçı "dnr" və "lnr"-in müstəqilliyini tanıyan üçüncü ölkədir.

“Mən Londondakı azərbaycanlı həmkarlarıma dəstəyimi bildirmək istəyirəm”.

Bunu özünün Rusiya Xarici İşlər Nazirliyinin sözçüsü Mariya Zaxarova özünün “Telegram” kanalında yazıb.

O, vurğulayıb ki, diplomatik nümayəndəliklərin ərazisinin toxunulmazlığı beynəlxalq münasibətlərin təməl daşıdır ki.

Zaxarovanın sözlərinə görə, belə hadisələr qeyri-adi haldır.

“Səfirliyin və diplomatların təhlükəsizliyini təmin etməli olan Britaniya hakimiyyət orqanlarına və polisə sual verirəm: Siz harada olmusunuz?”, - Zaxarova qeyd edib.

"Aydın görünür ki, Britaniya və Azərbaycan arasında soyuqluq yaratmaq məqsədlərdən biridir"

"Londonda baş verən vandalizm hadisəsi götərir ki, Britaniya hökuməti Vyana anlaşmasından doğan öhdəliklərini yerinə yetirməyib. Diplomatik toxunulmazlığı olan bir məkana radikalların rahatlıqla girib 2 saatdan çox bir müddətdə istədikləri etməyə imkan verib. Burada bir nömrəli məsuliyyət Britaniya hökumətinin və həmin ölkənin yetərli təhlükəsizlik tədbirləri görməyən təhlükəsizlik qurumlarının üzərinə düşür".

"AzPolitika.info" xəbər verir ki, bu sözləri tanınmış hüquqşünas Əlsəgər Əhmədoğlu Britaniya paytaxtında Azərbaycan səfirliyinə qarşı həyata keçirilən cinayət aktının hüquqi və siyasi məqamlarını şərh edərkən bildirib.

Ekspert qeyd edir ki, hadisənin məqsədli şəkildə təşkil edilməsi həmin radikal qrupun vandalizm aktını Youtube platformasında və sosial şəbəkələrdə heç bir məhdudiyyətlə üzləşmədən yaymasıdır: "Normalda insanlar yaydıqları adi şeyləri "sözləşməyə ziddir" deyib dərhal silirlər. Mən də bu videonun linkini öz səhifəmdə tənqid edərək paylaşmışdım. Orada aydın görünür ki, polis sadəcə hadisənin müşahidə edir və heç bir müdaxilə etmir. Bu tip hadisələr adətən yarım saat çəkir, amma polis radikal qrupa iki saat şərait yaradır ki, səfirliyi girib onu dağıtsın, bayrağmızı endirsin, şüarlar yazsın və s. Yəni ilk ağıla gələn hadisənin polisin kontrolunda siyasi icazəli aksiya olduğu barədə alqı yaradır".

Ə.Əhmədoğlu daha sonra vandalizm aktının başqa mümkün hədfləri barədə fikirlərini açıqlayıb: "Əlbəttə, burada açıq şəkildə deyə biləcəyimiz məqamlar var ki, aksiya Böyük Britaniya və Azərbaycan arasında yaxın münasibətlərə zərbə vurmaq məqsədi daşıya bilər. Bunu hansısa radikal qrupun, həm də Britaniyada olan ayağı ilə etmək mümkündür, elə baş verənlər də onu göstərir. Olay bizi sevməyən, Britaniya ilə yaxşı münasibətlərimizdən ciddi narahatlıq keçirən qüvvələr tərəfindən həyata keçirilə bilər. Bu tip radikal qruplar adətən bir cibdən maliyyələşmir, onların əllləri bir neçə cibdə ola bilər. Ona görə də bunlar İrandan fərqli kimlik kimi görünsələr də ümumumi deyimə baxdıqda onların tələbləri ilə İranın rəsmi tələbləri çox oxşardır. Onların sığındığı liman eynidir, din pərdəsi altında bu işi aparmağa çalışırlar. Onlar daim Peyğəmbərə, onun nəslinə, Həsənə, Hüseynə və s. nümayəndələlərə sayğı göstərmək aspketindən tələblər irəli sürürlər.. Halbuki etdikləri vandallıq ümumiyyətlə insanlığa sığmır. Etdiklərini heç bir din pərdəsi altına gizləmək, örtmək mümkün deyil".

Ekspert əlavə edir ki, Azərbaycanın 44 günlük müharibədə əldə etdiyi qələbədən artan nüfuzu, təbii ki, Türkiyənin bölgədə artan rolu, Britaniyanın bizə dolayı dəstəyi onu qısqanan tərəfləri rahatsız edir.

"Hadisəyə müharibə zamanı və ondan sonra İranın sərhədimizə böyük miqdarda əsgər yığıb hərbi təlimlər keçirməsi, Prezident İlham Əliyevin buna cavab olaraq Zəngilanda "Harop"un başını sığallaması, daha sonra Zəngəzur dəhlizi müzakirə edilərkən İranın "bu bizim qırmızı xəttimizidir, min illik yoldur", deyərək ali dini rəhbər səviyyəsində münasibət bildirməsi, Bakıdakı İsrail səfirinin "Təbriz nağılları"nı paylaşması konteksindən baxsaq, baş verənlərin hansısa xırda aksiya kimi düşünmək yanlış olar. Təbii ki, yaxın zamanlarda görəcəyik ki, burada məqsəd nə olub. Amma aydın görünür ki, Britaniya və Azərbaycan arasında soyuqluq yaratmaq məqsədlərdən biridir. Burada Britaniya tərəfinin ciddi qüsuru var. Ümid edirəm ki, yaxın zamanlarda baş verənlərin səbəbi haqqında Azərbaycan tərəfinə normal, ağlabatan cavablar veriləcək" – deyə,ekspert vurğulayıb.

Xəbər verdiyimiz kimi, Londonda Azərbaycan səfirliyinə hücum çəkərək iki saat ərzində yerli polisin və təhlükəsizlik qüvvələrinin nəzarəti altında vandalizm aktı törədən radikallar “Mehdinin Xidmətçiləri Birliyi” (The Mahdi Servants Union, əvvəlki adı Khoddam Al-Mahdi Organization) üzvləridir.

Qrupun həm Vatikandan, həm də İrandan dəstək aldığı, onlardan İslamın pasrçalanması, məzhəb davasının qızışdırılması üçün istifadə edildiyi bildirilir. Yəni, özlərini “Mehdinin Xidmətçiləri Birliyi” adlandıran qrupun rəhbərləri din pərdəsinə bürünmüş şarlatanlardan, üzvləri isə cahil fanatiklərdən ibarətdir.

"Qrupla əlaqəsi olan üzvlər Azərbaycan hökumətinin bəzi şiə müsəlmanları guya “təqib etdiyini" iddia ediblər. Qrup bəyanatda bildirib ki, Azərbaycan Prezidenti İlham Əliyevə qarşı “təcili tədbir görülməsi” üçün rəhbərləri tərəfindən göstəriş verilib" – deyə, Britaniyanın "Metro" qəzeti yazıb.

Şiə təriqətinə mənsub, Londonda mənzillənən “Mehdinin Xidmətçiləri Birliyi”nin lideri Yasir Əl-Həbibi 1979-cu ildə Küveytdə anadan olub. Bir müddət İranın Qum şəhərində dini təhsil alan Əl-Həbib radikal fəaliyyətlərinə, sapıq fikirlərinə görə həbs edilib. 2004-cü ildə illik əfvetmə kampaniyasında Küveyt əmiri tərəfindən əfv edilərək azadlığa buraxılan əl-Həbibini azadlığa çıxan kimi Küveytdən qaçıb,

Vatikandakı ağalarının dəstəyi ilə Əl-Həbib Böyük Britaniyada sığınacaq alıb. Ona Buckinghamşirdə kilsəni məscid kimi istifadə etməsinə şərait yaradılıb. Eyni zamanda "Fədək" televiziyası açaraq təbliğat aparması təmin edilib.


O, Londonda iranlı müctəhid Sadiq Şirazinin kiçik qardaşı Seyid Müctəba Sadiq Şirazi ilə tanış olub, onun qızı lə evlənib və ailənin qaynağı İrandan olan maddi dəstəyindən istifadə edərək radikal fəaliyyətlərini genişləndirib.

Onun fəaliyyətləri İran hökumətinə müxalif olan bir sıra nüfuzlu din xadimləri tərəfindən tənqid edilib və Yasir Əl-Həbib şiə-süni düşmənçiliyi yaratmaqda günahlandırılıb.

Bir sıra təhlilçilərin bildirdiyinə görə, “Mehdinin Xidmətçiləri Birliyi” qruplaşması və onun başçısı yalnız Vatikanın sifarişlərini yerinə yetirmir, həm də İranın bölgədə və dünyada proksi qruplaşmalarından biridir.

Güney Azərbaycan Televiziyasının (GünazTV) qurucusu və rəhbəri Əhməd Obalı hadisəni şərh edərkən bildirib ki, Azərbaycanın Britaniyadakı səfirliyini ələ keçirən “Mehdinin Xidmətçiləri Birliyi” radikal qrupunun başçısı Yasir Əl-Həbib İranın Qum şəhərində təhsil alıb və yetişdirilib: "Eyni zamanda o, İranın nüfuzlu din xadilərindən olan və hazırda İran rəhbəri Seyid Əli Xameneyinin müxaliflərindən biri kimi qələmə verilən Ayətullah Sadiq Şirazinin Londonda yaşayan qardaşının qızı ilə evlidir.

Bunların yəni Sadiq Şirazi ilə Əli Xameneyi arasında ixtilaf var. Onlar Xameneyini mərcə, yəni dini rəhbər kimi qəbul etmirlər. Əslində Xameneyi özü də özünü dini rəhbər hesab etmir, sadəcə ona başqaları dini rəhbər deyə xitab edirlər. Adı çəkilən qrup Sadiq Şirazini dini rəhbər kimi qəbul edirlər. Bundan öncə 2018-ci ildə, Sadiq Şirazinin oğlu Hüseyn Şirazi İranda həbs edildiyi üçün bu qrup Londonda İran səfirliyi qarşısında etiraz aksiyası keçirib və guya özlərini İran müxalifəti kimi qələmə verdilər. Ancaq məsələnin əsli bundan ibarətdir ki, bu qrupda daxil olmaqla Küveyt və körfəz ətrafında yerləşən başqa ərəb ölkələrində fəaliyyət göstərən şiə qruplaşmaları İran hökuməti tərəfindən dəstəklənir və maliyyələşirlər”.

Əhməd Obalının sözlərinə görə, onların avqustun 4-də Azərbaycan səfirliyinə hücumları əslində İran hökumətinin Azərbaycana qarşı təbliğatının nəticəsidir: “Guya Azərbaycan şiələri incidir, Azərbaycanın anti-şiə olduğu təlqin edilir və bunun nəticəsində səfirçiyimizə hücum edilir, səfirlik divarlarına şüarlar yazılır və bayrağımız aşağılanaraq yerə atılır".

Günaz.TV rəhbərinin sözlərinə görə, əslində bu qrup İranda dövlətin bir qismi tərəfindən dəstəklənir və İranın oyunlarından biri də budur. İran dövləti son zamanlra Azərbaycana qarşı təbliğatı onqat artırıb.

"Binə qəsəbəsində divara yazılan hansısa şüarın silinməsi, həbsdə olan hansısa terrorçuların şiə rəhbərləri kimi qələmə verilməsi və başqa bu kimi hadisələr sadəcə bəhanədir. İranın əsas narahatçılığı Azərbaycan-Ermənistan arasında olan problemin Azərbaycanın, yəni haqlı tərəfin xeyrinə həll olunması, Zəngəzur dəhlizinin açılmasıdır. Bunu bilməliyik ki, “Mehdinin Xidmətçiləri Birliyi” qrupunun əməli həm birbaşa İranın barmağı olan hərəkətdir və həm də İranın propaqandasının nəticəsidir" - Əhməd Obalı belə deyib.

Rasim

Azərbaycanın Londondakı səfirliyinə hücum edən “Mehdi Xidmətçiləri Birliyi” (The Mahdi Servants Union, əvvəlki adı Khoddam Al-Mahdi Organization) barədə maraqlı məlumatlar üzə çıxıb.

Şiə təriqətli dini qrupa küveytli din xadimi Yasir Əl-Həbib tərəfindən rəhbərlik edildiyi məlum olub.

Qrupun lideri “radikal sağçı” hesab edilir. O, İran İslam Respublikası hökumətinə qarşı çıxır və İranın Ali Rəhbəri Əli Xamneyinin dini nüfuzunu şübhə altına alır.

“Fədək” adlı peyk telekanalının məhz Mehdi Xidmətçilərinə məxsus olduğu bildirilir.

Təşkilatın sələfi olan “Khoddam Al-Mahdi Organization” (KMO) 23 fevral 2010-cu ildə təsis edilib və daha sonra 21 iyul 2010-cu ildə İngiltərə və Uels Xeyriyyə Komissiyası tərəfindən xeyriyyə təşkilatı kimi qeydiyyata alınıb. Təşkilata Britaniya vətəndaşları olan dörd nəfər - Adel Salah, Əli Şuber, Məhəmməd Salah və Yaser Fovjyan rəhbərlik edib. Xeyriyyə cəmiyyəti 2012-ci il aprelin 10-da rəsmi olaraq ləğv edilib, lakin sonradan xeyriyyəçilik adı ilə ianə toplamağa və əmlak almağa davam edib.

2013-cü ildə təşkilat keçmiş kilsənin ərazisini 1,2 milyon funt-sterlinqə satın alaraq Bukinhemşir vilayətinin Fulmer şəhərində “Əl-Muhasin” məscidi yaradıb.

Qeyd edək ki, 2018-ci il martın 10-da təşkilatın üzvləri Hüseyn əş-Şirazinin həbsinə etiraz olaraq İranın Londondakı səfirliyinin birinci mərtəbəsinin eyvanına çıxaraq İran bayrağını qrupun bayrağı ilə əvəzləyib və polis tərəfindən həbs ediliblər.
Ətraflı

İranın teokratik rejimi bu radikal qruplaşmanı istehza ilə ''London şiələri'' adlandırır. Qrup sünni təriqətinin əleyhdarıdır, öz peyk kanalı vasitəsilə bu cür təbliğat aparır və həmçinin xəlifə Ömərə, xəlifə Əbubəkrə və Peyğəmbərin xanımı Aişəyə qarşı səviyyəsiz fikirlərlə çıxış edən dinsizlərə dəstək verir.

Onu da qeyd edək ki, qrup "Fədak" adlı peyk televiziyasını idarə edir.

Bu, radikal qrupun ilk belə həmləsi deyil.

2018-ci il martın 10-da dəyənək və xəncərlərlə silahlanmış qrupun dörd üzvü Hüseyn Əl Şirazinin həbsinə etiraz olaraq İranın Londondakı səfirliyinin birinci mərtəbəsinin eyvanına çıxaraq İran bayrağını öz qruplarının bayrağı ilə əvəz ediblər. Bildirək ki, Hüseyn Şirazi İranın dini və siyasi rəhbərliyini təhqir etməkdə günahlandırılıb.

Qruplaşmann fərari rəhbəri Əl-Həbibi də Qərbin agenti sayılır. O da Vatikandan idarə olunan və din adamı pərdəsinə bürünən dinsiz şarlatanlar kimi İslam peyğəmbərinin əshabələri olan Əbubəkr və Ömərə qarşı kəskin tənqidi görüşlər irəli sürür. Şeyxin bu tənqidi fikirləri Küveydə sünni məshəbinə etiqad edənlərdə kəskin hiddət doğurub və onun həbsinə səbəb olub.

2004-cü ildə illik əfvetmə kampaniyasında Küveyt əmiri tərəfindən əfv edilərək azadlığa buraxılan əl-Həbibini bir neçə gündən sonra yenidən həbs etmək istəyiblər, ancaq o, qiyabi olaraq 10 illik həbsə məhkum edilməzdən az öncə Küveytdən qaçıb, bir neçə ay İraqda və İranda gizlənib, daha sonra Birləşmiş Krallığa yerləşib və hazırda da orada yaşayır.

Belə bir qruplaşmanın Azərbaycan səfirliyindən nə istəməsi və oranı nəyə görə işğal etməsi aydın deyil.

Məhv edilən erməni mövqeləri və hərbi texnikası, onlarla yaralı və ölən, itirilmiş strateji yüksəkliklər… Həmçinin nümayişkaranə ictimai “şallaqdan” sonra kəskin utanc və alçalma hissi… Ermənistan tərəfi az da olsa rasional düşünsəydi, avqustun 3-də bütün bu hissləri keçirməyə bilərdi. Ancaq Nikol Paşinyan bir palçığa ikinci dəfə batmaq üzrə dünya çempionudur. O və komandası həqiqətən Ermənistanın Nensi Pelosi, Azərbaycanın isə çinvari xəbərdarlıq ölkəsi olduğuna inanırdı.
Bu barədə “Caliber” analitik “YouTube” layihəsinin növbəti buraxılışında deyilir.Müəlliflər qeyd edirlər ki, Bakı uzun müddət, israrla xəbərdarlıq və öyüd versə də, ermənilər iki il əvvəl olduğu kimi, bu mövqeyi zəiflik kimi qəbul ediblər.
Ətraflı “Caliber”in növbəti süjetində:

Mixail Podolyak bəyan edib ki, danışıqlar yalnız atəşin dayandırılmasından və Rusiya ordusunun Ukraynadan çıxarılmasından sonra başlana bilər.

Almaniyanın sabiq kansleri Herhard Şröder bəyan edib ki, Rusiya Federasiyasının Prezidenti Vladimir Putin Ukrayna ilə danışıqlara açıqdır. Belə fikirlər kapitulyasiyaya dəvət kimi qiymətləndirilə bilər.

Bu barədə Ukrayna Prezident Ofisi başçısının müşaviri Mixail Podolyak «Tvitter»də yazıb.

«Rusiya bir əli ilə terrorun dərəcəsini yeni barbar cinayətlərlə artırır, digəri ilə kapitulyasiyaya dəvət edir. Şröder Rusiyada məşhurdur və çar sarayında səsdir. Əgər Moskva dialoq istəyirsə, top onun sahəsindədir» - xəbərdə deyilir.

Onun sözlərinə görə, danışıqlar yalnız atəşin dayandırılmasından və ordunun Ukraynadan çıxarılmasından sonra ola bilər.

“Vaşinqton Post” qəzetində “ABŞ Rusiyadan çox güclüdür. Özümüzü bu cür də aparmalıyıq” başlıqlı məqalə dərc olunub. Məqalənin müəllifi qəzetin icmalçısı Maks Butdur. Novator.az saytı məqaləni ingiliscədən çevirib oxuculara təqdim edir.

Ukraynada müharibə üçüncü mərhələyə qədəm qoyub.

Fevralın 24-dən başlanan birinci mərhələ Rusiyanın Kiyevi ələ keçirmək cəhdindən ibarət idi. Lakin Rusiyanın bərbad logistikası (40 mil uzunluğunda hərbi karvanı xatırlayırsınız?) və Qərbdən tədarük olunan “Stinger”, “Javelin” kimi əl silahlarından bacarıqla istifadə edən Ukraynanın müqaviməti hesabına bu cəhd iflasa uğradı.

İkinci mərhələ aprelin ortalarında Rusiya diktatoru Vladimir Putinin öz qüvvələrini Donbasın şərqindəki Luqansk bölgəsində cəmləşdirdiyi dövrdə başlandı. Rusiya artilleriyasının fasiləsiz zərbələri ilə səciyyələnən bu mərhələ iyulun əvvəlində Ukrayna qoşunlarının Luqanskdan geri çəkilməsi ilə nəticələndi.

Müharibənin üçüncü mərhələsində Ukrayna qoşunları Donetsk vilayətində güclü müdafiə mövqeyi tutur və Qərbdən gətirilən yüksək mobil artilleriya sistemləri, eləcə də daha uzaq mənzilli başqa silahlar vasitəsilə effektiv şəkildə cavab zərbələri endirir. ABŞ-ın HİMARS raket sistemi ukraynalılara Rusiyanın silah-sursat anbarlarından və komanda məntəqələrindən ibarət 100-dən çox mühüm obyektini məhv etməyə imkan verməklə oyun qaydalarını dəyişib.

“Vaşinqton Post”a açıqlamasında ukraynalı tabor komandiri bildirib ki, HİMARS işə düşəndən bəri Rusiyanın endirdiyi zərbələrin sayı on dəfə azalıb.

Başqa bir ukraynalı zabit “Wall Street Journal” qəzetinə deyib: “Bura bir cəhənnəm idi. İndi isə cənnət kimi görünür. Çox sakitlikdir. HİMARS əldə olunandan sonra hər şey dəyişdi”.

Ukrayna prezidenti Vladimir Zelenski ölkəsinin gündəlik hərbi itkilərinin 100-200 nəfərdən 30-a düşdüyünü bildirib.

Ukrayna cəmi 12 ədəd HİMARS (tezliklə onların sayı 16 olacaq) sistemindən yararlanmaqla belə effektiv mübarizə aparırsa, görün onlarca daha güclü silahlarla, habelə Ordu Taktiki Raket Sistemləri (ATACMS) ilə təchiz olunsa nələr edər.

ATACMS eyni platformadan istifadə edən, lakin diapazonu dörd dəfəyədək güclü olan raket kompleksidir. Amma bu raket sistemlərinə Qərbin tankları və qırıcıları da əlavə olunmalıdır. Əgər Qərb bütün bu silahları Ukraynaya göndərsəydi, Kiyev ölkənin cənub və şərqində itirilmiş torpaqları geri qaytara, müharibənin dayandırılması ilə nəticələnəcək bir əks-hücuma keçə bilərdi.

ABŞ prezidenti Cozef Baydenin administrasiyası getdikcə Ukraynaya daha çox HİMARS tədarük etməyə başlayıb və mart ayında Polşanın MiQ-29 göndərmək planı ləğv edildikdən sonra ilk dəfədir Ukraynaya Qərb istehsalı olan qırıcı təyyarələrin göndərilməsini də müzakirə edir.

ATACMS texnikası isə müzakirə olunmur. Çünki ABŞ prezidentinin milli təhlükəsizlik məsələləri üzrə müşaviri Ceyk Sallivanın bu günlərdə bəyan etdiyi kimi Ağ ev üçüncü dünya müharibəsinə aparacaq bir yol tutmaq istəmir.

Ukraynaya hətta ikinci böyük şəhəri olan Xarkovu atəşdən qorumaq üçün HİMARS-dan istifadə etməyə icazə verilmir. Nədir-nədir, Xarkovu atəşə tutan rus artilleriya batareyaları Rusiya ərazisində yerləşir.

Bu cür yanaşmaya strateji hesablama demək olmaz. Doğrudanmı Ceyk Sallivan inanır ki, bizim Ukraynaya 50 mil mənzilli raketlər göndərməyimiz Putini dayandıra bilər, 180 millik məsafəni vuran raketlər göndərməyimiz isə Putinin yeni dünya müharibəsinə başlamasına gətirib çıxarar?

Doğrudanmı Ukraynaya HİMARS raketlərinin, NASAMS hava hücumundan müdafiə sistemlərinin, 155 millimetrlik haubitsaların, “Phoenix Ghost” dronlarının, “Javelin” və “Stinger”lərin göndərilməsi təxribat deyil, qırıcıların və tankların göndərilməsi isə təxribatdır?

Prezident Bayden Amerika qoşunlarını ruslarla birbaşa döyüşə göndərməməkdə haqlıdır, lakin ATACMS raket kompleksi, F-16 qırıcıları, “Abrams” tankları göndərilsə, çox düzgün olardı.

Sovet İttifaqı ABŞ-ın döyüş təyyarələrini vurmaq üçün Şimali Koreyanı və Şimali Vyetnamı qırıcılarla təmin etməkdən çəkinməmişdi. Şimali Koreyaya hətta birbaşa sovet pilotları uçurdu. İndi biz niyə eyni metodla cavab verməyək?

Ukraynada müharibə başlananda bəziləri qorxurdu ki, Putin çox aqressiv davranır, lap nüvə silahına da əl ata bilər. Ancaq son beş ay bizə göstərdi ki, Buça qəssabı nə qədər qəddar olsa da, intihar yolunu tutacaq dərəcədə ağılsız deyil.

Uduzacağını anlayanda Putin Kiyevdən geri çəkildi. Bu, müdrik addım idi. Onun Luqanskda artilleriyadan istifadə etməsi isə, nə qədər amansız olsa da, ağıllı gediş idi.

Putin Ukraynanın Rusiyadakı hərbi obyektlərə zərbə endirməsi haqda deyilənləri faktiki qulaqardına vurub. O, Ukraynaya silah daşınmasında əsas məntəqəyə çevrilmiş Polşaya hücum etməyib. Finlandiya və İsveçin NATO-ya qoşulması prosesi start götürsə də, NATO Rusiya sərhədinə əlavə qüvvə yerləşdirsə də, Putin heç kimin üstünə atılmayıb.

Putin ABŞ və NATO kimi güclərlə kəllə-kəlləyə gəlməkdən qaçan, zəiflərin – Gürcüstanın, Ukraynanın, Suriya üsyançılarının üstünə şığıyan klassik bir xuliqandır.

Onun ağlı-başı üstündədir. Putin anlayır ki, rus ordusu Ukrayna ilə müharibədə çətinlik çəkirsə, deməli, NATO ilə müharibədə heç bir şansı olası deyil.

Birləşmiş Ştatlar nüvə arsenalının gücü baxımından Rusiyadan geri qalmır. Başqa imkanlarına görə isə Rusiyadan çox-çox üstündür.

Bayden Putindən qat-qat güclü mövqedə olsa da, aciz kimi davranır. Biz Ukraynadan heç bir dəstəyimizi əsirgəməməliyik. İmkan verməyin Putin bizi bundan çəkindirsin. Putin bizdən qorxmalıdır, biz Putindən yox!

Müharibə artıq Moskvaya baha başa gəlib. Rusiya 1000-ə yaxın tankını itirib, onun 60 minə yaxın əsgəri ya öldürülüb, ya da yaralanıb. Ukraynalıların çoxlu HİMARS-ı, ATACMS-ı, habelə tankı, döyüş təyyarələri olsa, Rusiya silahlı qüvvələrindən əsər-əlamət qalmayacaq. ABŞ, nəhayət ki, Ukraynanın qalib gəlməsinə kömək etmək öhdəliyi götürməlidir. Onda müharibənin dördüncü mərhələsi həlledici olardı.

Mənbə: Washingtonpost.com

Rusiyanın Ukraynaya qarşı apardığı işğalçı müharibənin 6-cı ayında Avropanın enerji xəritəsində ciddi dəyişiklik yaranıb. Ekspertlər yaxın gələcəkdə "qoca qitə"nin neft-qaz təchizatında Rusiyanın inhisarçı rolunun daha da məhdudlaşacağını gözləyirlər.

Belə ki, müharibədən qabaq Avropanın qaz tələbatının 39%-ni Rusiya təmin edirdi. Bu gün bu rəqəm 25%-dir. Avropa İttifaqı bəyan edib ki, 2023-cü ilin aprelinə qədər bu rəqəmi 10%-ə qədər endirmək niyyətindədir və bu barədə Avropa Komissiyası plan təqdim edib, müvaffiq işlərin görülməsi artıq başlayıb.

İspaniya bu gün faktiki olaraq Avropanın sıxılmış təbii qaz idxalının mərkəzidir. İspaniya Avropanın ümumi sıxılmış təbii qaz idxalının 20%-ni ixrac edir. Fransa isə bəyan edib ki, növbəti qış üçün Almaniyaya qaz ixracına hazırdır.

Paralel olaraq Avropa ölkələri qışda Rusiyadan gözlənilən enerji şantajını önələmək üçün təcili qaz saxlama terminallarının tikintisinə başlayıblar. Belə ki, Almaniya təbii sıxılmış qazın idxalı üçün yeni 3 terminalın tikintisini elan edib.

İspaniyanın 6 terminalı var, Fransanın 4 terminalı var, əlavə 1 terminalın tikintisinə hazırlıq gedir. Türkiyənin də 4 terminalı var, daha 1 terminalın tikintisi planlaşdırılır. İtaliya isə daha hazırlıqlıdır, hökumət mövcud 3 terminaldan əlavə daha 3 terminalın tikintisinə başlamağa qərar verib. Bundan başqa Polşa və Baltikyanı ölkələrdə də terminallar var.
Ətraflı

Əlavə olaraq Avropadaki terminalların gücünün artırılması üzrə texniki işlər başlayıb.

Rusiyadan neft alışının kəskin azaldılması da əsas prioritetlər sırasındadır. Xatırladaq ki, ABŞ Rusiyanın maliyyə qaynaqlarını və süni gəlirlərini kəsmək üçün neftin idxalına məhdudiyyətlərin 40-60 dollar tətbiqini təklif etmişdi. Buu istiqamətdə hazırda ciddi iş gedir.

ABŞ-ın Hindistanla uğurlu danışıqlarından sonra, ABŞ maliyyə nazirinin 1-ci müavini Adevalo Adeymo bəyan etdi ki, 2022-ci ilin dekabr ayında qiymət limiti tətbiq olunacaq. Bu təşəbbüs Rusiyanın dəhşətli dərəcə narahat edir və Baş nazirinin müavini Aleksandr Novak bəyan edib ki, əgər qiymət limiti tətbiq olunsa biz neft idxalını dayandıracağıq.

Onu da xatırladaq ki, iki həftə əvvəl Aİ-nin Rusiyaya qarşı sanksiyaların 7-ci paketi tətbiq olumuşdu. Bu paketdə əvvəl planlaşdırılan qaz embarqosu çıxarılaraq Avropa Komissiyasının planı ilə əvəzləndi. 7-ci paketdə Rusiyanı gözləyən ən böyük sürpriz ölkənin ən böyük bankı olan "Sberbank"ın Avropada bütün aktivlərinin dondurulması barədə razılaşmadır.