 |
|
|
Türkiyə prezidentinin sözçüsü İbrahim Kalın ABŞ rəhbərinin təhlükəsizlik məsələləri üzrə müşaviri Ceyk Sallivanla telefon danışığı aparıb.
Musavat.com-un xəbərinə görə, danışıq zamanı ikitərəfli siyasi və iqtisadi əlaqələr, müdafiə sənayesi və enerji sahələrində əməkdaşlıq, Ukraynadakı müharibə, Egey və Aralıq dənizində vəziyyət, digər regional məsələlər müzakirə edilib.
"Makron əslində Rusiyanı günahlandırmadı, əksinə, özünə haqq qazandırdı. Fransanın özünün 1960-cı illərin sonundan bəri keçmiş müstəmləkələrində necə davrandığını xatırlamaq lazımdır. O, Fransanın Ermənistanı nə qədər çox sevdiyini şiddətlə deyir. Bununla o, müdrik və nəcib görünməyə çalışır. Son açıqlama açıq-aşkar erməni diasporasının rəğbətini qazanmağa hesablanıb".
Bunu Rusiya Federasiyası Təhlükəsizlik Şurasının sədr müavini Dmitri Medvedev özünün "VKontakte" hesabında paylaşıb.
O bildirib ki, Makronun Rusiyanı Ermənistan-Azərbaycan sərhədində vəziyyəti alovlandırmağı ilə bağlı ittiham etməsi çox yanlışdır:
"Avropa siyasətinin sevimli metodu günahı sağlam başın üzərinə yıxmaqdır. Fransa Prezidenti Emmanuel Makronun son bəyanatını izah etməyin başqa yolu yoxdur", - Medvedev hər iki dildə deyib.
Dmitri Medvedev Fransanı iyrənc müstəmləkə keçmişi olan ölkə adlandıraraq hazırkı ermənipərəst mövqeyinə görə qınayıb:
"İyrənc müstəmləkə keçmişi, hazırda isə açıq-aşkar amerikapərəst mövqeyi üçün - (C'est une honte) ayıb olsun, cənab Prezident!".
Qeyd edək ki, Fransa Prezidenti Emmanuel Makron “France 2” telekanalının efirində Rusiyanı Cənubi Qafqazda və onun hüdudlarından kənarda sabitliyi pozmaq üçün Ermənistan və Azərbaycan arasında son toqquşmaları qəsdən təhrik etməkdə ittiham edib.
Almaniyalı alim, doktor Mixael Reynhard Hess Fransa Prezidenti Emmanuel Makrona açıq etiraz məktubu yazaraq, onun bu il oktyabrın 14-də “France 2” telekanalına verdiyi müsahibədə Azərbaycanla bağlı fikirlərinə tutarlı dəlillərlə tənqidi münasibət bildirib.
Açıq məktubu alim özünün Facebook sosial şəbəkəsindəki hesabında yerləşdirib.
“Nə Fransa, nə Ermənistan, nə də Azərbaycan vətəndaşıyam, bu ölkələrdə yaşayan xalqlardan heç biri ilə də etnik bağlılığım yoxdur, bununla belə, Ermənistan və Azərbaycan arasında münaqişə barədə bir neçə kitabın və məqalələrin müəllifi olan tədqiqatçı kimi Sizə kiçik bir açıq məktub yazmağı vacib saydım” - Makrona müraciətini bu sözlərlə başlayan alman alim, ilk növbədə, Fransa prezidentinin müsahibədə münaqişə barədə söylədiklərini özünün şəxsi fikri kimi qələmə verməsi ilə razılaşmır və onun mövqeyini həm də Fransanın rəsmi mövqeyi hesab etdiyini bildirib.
Bunu aşkar məntiqsizlik kimi səciyyələndirən Hess yazıb: “Çünki, bir tərəfdən siz Fransanı “vasitəçi qüvvələrin bir hissəsi” kimi təsvir edir, digər tərəfdən, həvəslə, böyük emosionallıqla və təsirli şəkildə vurğulayırsınız ki, Fransa bu münaqişədə Ermənistanı dəstəkləyir və ondan “əlini çəkməyəcək”. Mən anlamıram, hər hansı dövlət və ya siyasətçi“vasitəçilik” səylərində iştirak etməklə neytral mövqedə olmalı ikən münaqişə tərəflərindən birinin tərəfini necə saxlaya bilər”.
Alman alim, həmçinin hesab edir ki, məhz Fransa kimi tərəfsizliyi bacarmayan dövlətlərin vasitəçilik missiyası yerinə yetirən dövlətlərarası siyasi qurumların (Minsk qrupu kimi) tərkibində olması münaqişənin tənzimlənməsi üçün 1992-ci ildən həyata keçirilən diplomatik səylərin uğursuzlunun səbəblərindən biridir.
Makronun Qarabağla bağlı qaranlıq tarixi, siyasi və hüquqi istinadlarını da qəbul etmədiyini bildirən M.R.Hess Fransa prezidentinin “Gördüyünüz kimi, Dağlıq Qarabağbeynəlxalq səviyyədə tanınmadı və buna görə də münaqişə yarandı” sözlərini misal gətirib, keçmiş muxtar vilayətin daim Azərbaycanın tərkibində olduğunu xatırladıb.
Alman alim “Qarabağdan və Azərbaycanın digər rayonlarından bütün işğalçıqüvvələrin dərhal çıxarılması haqqında” 1993-cü ildə BMT Təhlükəsizlik Şurasının Fransanın iştirakı ilə qəbul etdiyi qətnamələri də E.Makronun yadına salıb. O, həmçinin Fransanın prezidentinin diqqətini Normandiya əyalətindəki separatçıların, Adalarla yaxınlığına görə, bu ərazinin Böyük Britaniyaya birləşdirilməsi barədə iddialara da yönəldib:
“Siz çıxışınızda BMT-nin qəbul etdiyi beynəlxalq hüquq prinsiplərinə açıq və birmənalı şəkildə üstünlük vermir, sanki xalqlar və dövlətlər arasında münasibətlərdə, əksərən yersiz qeyri-rəsmi söhbətlərin istənilən vaxt “mübahisə” üçün dəlil kimi istifadə edildiyi, separatçıların işinə yarayan konsepsiyadan yapışırsınız”.
Hess “müharibəni Azərbaycanın başlaması, əraziləri işğal etməsi” barədə Fransa prezidentinin əsassız iddialarına da açıq məktubda tutarlı cavablar verib, 1991-ci ildən başlanan erməni təcavüzü, erməni silahlı dəstələrinin törətdiyi kütləvi qətllər, o cümlədən Xocalı hadisəsi barədə həqiqətləri xatırladıb.
Almaniyalı alim ötən əsrin əvvəllərində baş verdiyi iddia edilən uydurma “erməni genosidi”ni Ermənistan-Azərbaycan konflikti kontekstində xatırlatmasını isə E.Makronun çıxışının ən təhlükəli məqamı kimi səciyyələndirib.
Fransa prezidentinin müsahibəsində söylədiklərinin onun bir siyasətçi kimi ölkəsindəki erməni dairələri ilə yaxşı münasibət qurmaq istəyi ilə bağlı olduğunu ehtimal edən M.R.Hess onu qarşı tərəfindən səsini eşitməyə, fransızdilli mühitdə azərbaycanlıların dəlillərini ortaya qoyacaq çox az sayda araşdırmaçıları və publisistləri də görməyə çağırıb, həmçinin, münaqişə tərəfləri arasında sülhə nail olmaq naminə E.Makrona vasitəçi və arbitr mövqelərini bir-birinə qarışdırmamağı tövsiyə edib.
Xatırladaq ki, 55 yaşlı alim Mixael Reynhard Hess hazırda Azad Berlin Universitetində və Giezen şəhər Universitetində çalışır. Azərbaycan ədəbiyyatına, tarixinə və mədəni irsinə dair bir neçə kitabın müəllifidir. Onun bu il çapdan çıxmış almanca “Şuşanın irsi. Azərbaycan mədəniyyət paytaxtının tarixi və inkişaf yolu” kitabın ADA Universitetində və Qaçqınların və Məcburi Köçkünlərin İşləri üzrə Dövlət Komitəsində təqdimatı təşkil edilib.
Çinin İslandiyadakı səfiri He Rulonq və NATO (Şimali Atlantika Müqaviləsi Təşkilatı – North Atlantic Treaty Organization) Hərbi Komitəsinin sədri admiral Rob Bauer Ukraynada gedən müharibə ilə bağlı mübahisə ediblər.
Yeniavaz.com xəbər verir ki, bu barədə “Bloomberg” məlumat yayıb.
Nəşrin iddiasına görə, hadisə İslandiyanın paytaxtı Reykyavikdə baş tutan Arktika Dairəsi Assambleyasında baş verib. Belə ki, Bauer çıxışı zamanı Çinin Alyansın dəyərlərinə hörmət etmədiyini, həmçinin dünyanın hüquqi nizamını pozduğunu deyib. He Rulonq isə admirala çıxışının təkəbbürlə dolu olduğunu bildirib.
Çin diplomatının sözlərindən sonra admiral ondan soruşub ki, niyə Çin üçün suverenlik prinsipinin vacibliyinə baxmayaraq, Pekin Rusiyanı Ukraynada xüsusi hərbi əməliyyat keçirməsinə görə hələ də qınamır. Buna He Rulonq cavab verib ki, Çinin Ukrayna böhranı ilə bağlı mövqeyi tarixi perspektivi nəzərə alır və dünya Ukraynada baş verənlərin “əsas səbəbini” başa düşməlidir.
Xəbər verdiyimiz kimi, Türkiyədə “dezinformasiya ilə mübarizə” məqsədi ilə hazırlandığı bildirilən qanun layihəsi TBMM-dən (Türkiyə Böyük Millət Məclisi) keçərək qanuna çevrilib.
Yenivaz.com xəbər verir ki, Dezinformasiya Qanunu ilə bağlı parlamentdə çıxış edən hakim Ədalət və İnkişaf Partiyasının (AKP) Kahramanmaraşdan seçilmiş millət vəkili Əhməd Özdəmir, ABŞ rəsmiləri adından danışaraq, bu barədə onlarla məsləhətləşdiyini iddia etmiş və sözügedən qanun layihəsinin ABŞ-dakı dezinformasiya qanunu ilə tam uyğun olduğunu bildirmişdi.
“Amerikanın Səsi”nin Türkiyə nəşrində yer alan xəbərə görə, ABŞ Xarici İşlər Nazirliyinin sözçüsü Özdəmirin açıqlamalarını təkzib edərək, ABŞ-da belə bir qanunun olmadığını bildirib. Adı açıqlanmayan sözçü bu açıqlamaları dezinformasiya kimi qiymətləndirib.
Xarici İşlər Nazirliyinin sözçüsü onu da qeyd edib ki, qanundakı maddələr Türkiyədə sosial mediaya girişdə maneələr yaradaraq rəqəmsal və onlayn informasiya və əyləncə xidməti təminatçılarına ciddi təsir göstərə bilər.
Qeyd edək ki, oktyabrın 14-də TBMM dezinformasiya hesab edilən media və sosial şəbəkə məlumatlarına görə 3 ilə qədər həbs cəzasını nəzərdə tutan qanun layihəsini qəbul edib. Sözügedən qanununa əsasən, ictimaiyyət arasında narahatlıq, qorxu və ya çaxnaşma yaratmaq məqsədi ilə ölkənin daxili və xarici təhlükəsizliyi, ictimai asayiş və ümumi sağlamlıq haqqında yalan məlumatı açıq şəkildə yayan hər kəs 1 ildən 3 ilə qədər həbs cəzası alacaq.
İranlı media fəalı Əmirhüseyn Mirismayili İran polisinin dinc əhalinin avtomobilini gülləbaran etməsini əks etdirən foto paylaşıb.
Foto media fəalının “Twitter” hesabında yayımlanıb.
Bu barədə “Azad İran” “Telegram” kanalı məlumat verib.
Fotoda narazı gənc qız güllələnmiş avtomobilin sınıq şüşəsindən əlini çıxarır və “azadlıq” simvolunu nümayiş etdirir.
Media fəalı görüntünü şərh edərək yazıb: “Qəribə şəkildir! Azadlığa iki addım qaldı”.
Türkiyənin “Haber Global” telekanalı öz efirində Azərbaycan Prezidenti İlham Əliyevin Fransa və onun dövlət başçısı Emmanuel Makron barədə səsləndirdiyi son bəyanatlarına xüsusi yer verib.
Manset.az bildirir ki, Azərbaycan Prezidenti ölkəmizin Parisdəki diplomatik nümayəndəliyinə ikinci dəfə baş verən hücum cəhdinin qarşısını almadıqlarına görə Fransa hakimiyyətini sərt tənqid edib.
Süjetdə həmçinin İlham Əliyevin Astanada mövcud həqiqətləri birbaşa bəyan etdiyi və fransalı həmkarını yaylım atəşinə tutduğu vurğulanıb.
Daha ətraflı “Haber Global”ın videomaterialında:
İranın Zahedan şəhərində əhali küçələrə axışaraq hökumət əleyhinə etiraz aksiyası keçirir.
Bu barədə “Azad İran” “Telegram” kanalında məlumat verilib.
Qeyd edilib ki, onlar “cinayət, cinayət, ölüm olsun bu rəhbərə” şüarları səsləndirərək öz nifrətini bildirirlər.
Fransanın Azərbaycana qarşı səsləndirdiyi qərəzli ifadələr beynəlxalq hüququn pozulmasıdır.
BMT T. Ş.-nın 5 daimi üzvündən biri olan Fransa prezidenti Emmanuel Makronun‚ "Azərbaycan iki il öncə Qarabağı işğal edib və Qarabağ Erməmistanın ürəyidir" deməsi məhz BMT T. Ş.-nın hələ 1992-ci ildə Qarabağın Azərbaycan torpağı olmasına və işğalçı Ermənistan silahlı qüvvələrinin işğal etdiyi Azərbaycan torpaqlarından dərhal və qeyd-şərtsiz çıxarılmasına dair qəbul etdiyi qətnamələrin əksinə olan bir açıqlamadır. Eyni zamanda Fransa Senatının da erməniləri dəstəkləyən fikirlər səsləndirməsi münaqişənin alovlanmasına yönəlmiş fikirlərdir və beynəlxalq hüququn əksinə olan haldır.
Azərbaycan Respublikası 1992-ci ildə BMT- yə daxil olarkən məhz bu ərazilərlə‚ yəni Qarabağla birlikdə daxil olub və BMT Təhlükəsizlik Şurası Qarabağın Azərbaycan ərazisi olduğunu rəsmən tanıyıb. Bu ərazilər Beynəlxalq ictimaiyyət tərəfindən rəsmi və hüquqi qaydada Azərbaycan ərazisi kimi tanınır. Bu barədə BMT T. Ş-nın qəbul etdiyi qətnamələri məcburi xarakter daşıyır və icra olunması da beynəlxalq qanunlarla məcburidir. Yəni hər hansı mülahizələrə görə yox‚ beynəlxalq hüquqa görə‚ tarixi mənbələr‚ sübutlar və beynəlxalq hüquq normalarının icrası əsasında BMT Təhlükəsizlik Şurasının qəbul etdiyi qətnamələrə görə Qarabağ Azərbaycan torpağıdır və beynəlxalq ictimaiyyət‚ BMT T. Ş. 30 il öncə Qarabağı Azərbaycan torpağı kimi tanıyıb. Beynəlxalq ictimaiyyətin‚ BMT T. Ş-nın rəsmi mövqeyinə və beynəlxalq hüquqa əsasən Qarabağın Azərbaycan torpağı olması məsələsi qətiyyən mübahisələndirilə bilməz. Bu‚ beynəlxalq hüquqa ziddir. Azərbaycan müstəqil və suveren ölkə kimi BMT-yə daxil olarkən‚ məhz mötəbər sənədlər‚ tarixi faktlar və sübutlar əsasında Qarabağ onun sərhədlərinin daxilində‚ Azərbaycanın əzəli və tarixi torpağı olaraq‚ onun ayrılmaz və mübahisələndirilməz hissəsi olaraq qəbul edilmişdir. Qarabağ ərazisi tarixi Azərbaycan torpağıdır və onun Azərbaycan torpağı olması çox qədim dövrlərə‚ minilliklər öncəyə‚ eramızdan çox əvvələ‚ qədim Azərbaycan dövlətlərinin yaranması dövrlərinə təsadüf edir ki‚ məhz həmin vaxtlar bu torpaqlarda və Qafqaz ərazisində erməni varlığı olmayıb. Bu isə o deməkdir ki‚ Qarabağ heçbir zaman erməni ərazisi kimi tanına bilməz. Fransa prezidenti və Senatı məlum fikirləri ilə tarixi yanlışlığa yol vernəkdə və tarixi təhrif edərək‚ məhz təhrifi fikir söyləməkdədir. Tarixin bir neçə yüz il öncəsinə nəzər salınsa ermənilərin Qarabağda heçbir zaman olmadığı açıq aydın görünər. Tarixi faktlar və bütün tarixi məbələr Qarabağın ermənilərlə heçbir bağının olmadığını göstərir. Bütün tarixi mənbələr Qarabağın Azərbaycan xalqına aid olduğunu təsdiqləyir və ermənilər Azərbaycanda Sovet imperiyası qurulduqdan sonra Sovet rəhbərliyindən yüksək imtiyazlar alaraq məhz buraya köç ediblər və Azərbaycan xalqı ilə birlikdə burada yaşamağa başlayıblar. Tarixi mənbələr göstərir ki‚ Azərbaycan xalqı yüksək qonaqpərvərlik göstərərək ermənilərlə tarix boyu mehribanlıq şəraitində olub. Amma və lakin Sovet imperiyası dağıldıqdan sonra‚ 1992-ci ildə Ermənistan silahlı qüvvələri beynəlxalq hüququ kobud şəkildə pozaraq‚ beynəlxalq ictimaiyyət tərəfindən sərhədləri və ərazisi beynəlxalq hüquqla tanınan Azərbaycanın ərazisinə qarşı hərbi təcavüz edərək Qarabağı işğal etmişdir. 1992-ci ildə BMT Təhlükəsizlik Şurası da Ermənistan silahlı qüvvələrinin Azərbaycana qarşı hərbi təcavüzünü və Qarabağı işğal etməsi faktını təsdiq edərək Ermənistanı işğala son qoymağa və Azərbaycan torpağını tərk etməyə çağırıb. Ermənistan 30 ilə yaxın vaxt keçməsinə baxmayaraq işğal etdiyi Azərbaycan torpaqlarını tərk etmədiyi üçün‚ məhz 2020-ci ilin 44 günlük ikinci Qarabağ müharibəsində Azərbaycan ordusunun igidliyi sayəsində Qarabağ işğaldan azad edilmiş və Ermənistan işğal etdiyi Azərbaycan torpaqlarından çıxmağa məcbur olmuşdur. 30 il öncə Qarabağın Ermənistan silahlı qüvvələri tərəfindən işğal edilməsi ilə 1.000.000 Azərbaycanlı öz doğma evindən‚ torpağından qaçqın və köçkün düşmüş‚ didərgin salınmışdır. Çox sayda Azərbaycanlı itgin düşmüş‚ yaralanmış‚ həlak olmuş‚ soyqırımına məruz qalmış və ermənistanın etnik təmizləmə siyasətinin günahsız qurbanı olmuşdur. Ermənistan hərbi birləşmələrinin Xocalıda törətdiyi soyqırımı faktı bəşəriyyətin ən qanlı insan qətliamlarındandır. Ermənistan silahlı qüvvələrinin Xocalıda Azərbaycanlılara qarşı törətdiyi bu qanlı faciə‚ soyqırım aktı isan haqqlarının dəhşətli pozuntusu və ən ağır hərbi cinayət‚ terror aktıdır. Qarabağın Ermənistan hərbi birləşmələri tərəfindən 30 il öncə işğal edilməsi ilə bu ərazilər dağıdılmış və 30 il keçməsinə baxmayaraq bərpa edilməmiş və hətta dağıdılaraq vandalizm aktları törədilmişdir. Eyni zamanda işğal edilmiş Azərbaycan torpaqlarının təbii sərvətləri talanmış‚ oğurlanmış və xaricə aparılmışdır. Bütün bu faktlar nəticəsində Ermənistan silahlı qüvvələri tərəfindən Azərbaycan İqtisadiyyatına milyardlarla dollar həcmində maddi və mənəvi zərər dəymişdir. Hazırda Azərbaycana dəymiş maddi və mənəvi ziyanlıq 100 milyardlarla dollar həcmində ölçülür. Əlbəttə ki‚ ermənistan hökuməti bu zərərin qarşılığını Azərbaycan dövlətinə və hökumətinə geri ödəməlidir.
30 il öncə Qarabağın Ermənistan silahlı qüvvələri tərəfindən işğal edilməsi ilə tarixi ədalət və beynəlxalq hüquq kobud şəkildə pozulmuşdur.
Amma və lakin hazırda Azərbaycan ordusunun igidliyi sayəsində tarixi ədalət və beynəlxalq hüquq bərpa olunmuşdur. Hazırda Qarabağın Azərbaycan torpağı olmasını Ermənistan da qəbul etmiş və tanımışdır. Fransa hökumətinin və prezident Emmanuel Makronun Qarabağla bağlı ziddiyyətli açıqlamaları heçbir reallığa söykənmədiyi üçün ciddi təəssüf hissi doğurur. Prezident Makronun bu açıqlaması bölgənin təhükəsizliyinə qarşı fikirlərdir və bölgədəki sülhün və sabitliyin əleyhinə olan fikirlərdir. Bu‚ Azərbaycan və Ermənistan arasındakı sülh danışıqlarına da ağır zərbə vura və bölgədə yeni münaqişə ocaqları yarada və yeni-yeni erməni təxribatlarına səbəb ola bilər. Fransa prezdenti Emmanuel Makronun məlum açıqlamaları və Fransa Senatının erməni işğalını dəstəkləyən mövqeləri beynəlxalq hüquqa və BMT T. Ş.-nın ermənistanı işğalçı ölkə kimi tanıyan qətnamələrinə ziddir. Odur ki‚ prezident Makron öz açıqlamasına yenidən nəzər salmalı və Fransa hökuməti‚ xüsusən Senat ermənilərlə bağlı heçbir sübuta və reallığa söykənməyən fikir və mövqelərinə yenidən baxmalıdır.
Azərbaycan öz mövqeyində hər zaman haqqlıdır və Azərbaycan dövləti heçbir zaman beynəlxalq hüquqa zidd addım atmayıb. 44 günlük müharibə də məhz beynəlxalq hüquq çərçivəsində və beynəlxalq qanunlarla aparılmış‚ bütün müharibə mədəniyyətinə‚ hümanizm prinsiplərinə əməl edilmiş‚ müharibənin gedişində də beynəlxalq hüquq normaları yüksək səviyyədə qorunmuş və həqiqi bir nümunə göstərilmişdir. Hazırda beynəlxalq hüquq Azərbaycanın tərəfindədir
Biz‚ Azərbaycanın haqqlı mövqeyini və beynəlxalq hüquqla tanınan ərazi bütövlüyünü bir daha dəstəkləyir‚ Azərbaycanın suveren sərhədlərinə qarşı olan hər bir hücum‚ təhdid və hərbi‚ siyasi təxribatlara qarşı hər zaman Azərbaycan dövlətinin və xalqının yanında olduğumuzu ifadə edirik. Qarabağ Azərbaycandır!
İsrail Təhlükəsizlik Akademiyasının
Azərbaycan Respublikasındakı
Nümayəndəliyi
/israel-security.az
“Bu qış azərbaycanlılar tərəfindən isinməkdənsə, ermənilərlə birlikdə donmağı üstün tuturam”...
Fransız yazıçı, publisist və səyyah Silven Tesson Avropa ölkələrinin Azərbaycandan qaz almağa davam etməsinə qarşı çıxış edib.
O, Facebook hesabında erməni xalqına dəstək sözləri yazıb.
Tesson qeydində yazıb: “Bu qış azərbaycanlılar tərəfindən isinməkdənsə, ermənilərlə birlikdə donmağı üstün tuturam”.
Bundan əvvəl Azərbaycan prezidenti İlham Əliyev Azərbaycanın 2027-ci ilə qədər Avropaya təbii qaz tədarükünü iki dəfə artırmaq niyyətində olduğunu bəyan edib . Bundan sonra Twitter istifadəçiləri Ermənistana və erməni xalqına dəstək məqsədilə #StandWithArmenia fləşmobuna başlayıblar. Fləşmoba müxtəlif ölkələrdən ermənipərəst sosial şəbəkə istifadəçiləri, o cümlədən tanınmış ictimai xadimlər, siyasətçilər, jurnalistlər, blogerlər və sadə vətəndaşlar qoşulub.(unikal)