“Sasseks hersoqu tərəfindən verilən son bəyanatın əksinə olaraq Kral III Çarlz şahzadə Harri ilə barışmaq istəyir”.

Bu barədə “The Telegraph” nəşri mənbələrə istinadən məlumat verib.

“Krala yaxın insanlar iddia edirlər ki, Kaliforniya tərəfdən (Şahzadə Harri və Meqan Markldan) gələn çoxlu istehzalı və tikanlı sözlərə baxmayaraq, o, son bir neçə il ərzində ünsiyyət kanallarını açıq saxlayıb. Həmçinin hər iki oğlunu nə qədər çox sevdiyini həmişə açıq şəkildə ifadə edib”, - deyə mənbə qeyd edib.

Mənbələr Şahzadə Harrinin hekayəsinin “yanlış olduğunu” bildirib və əlavə ediblər ki, ata və oğlu bir-biri ilə əlaqə saxlayır. Eyni zamanda 2022-ci ilin iyununda Kraliça II Elizabetin platin yubileyi ilə bağlı tədbirlər zamanı bir neçə dəfə görüşüblər.

Onların münasibətləri bəzən gərgin olsa da, monarx qapılarının daim onların üzünə açıq olduğunu bildirib. O qeyd edib ki, hersoq və Meqanı istənilən vaxt qəbul etməyə hazırdırlar.

Xatırladaq ki, Şahzadə Harri İTV-yə müsahibəsində Kral III Çarlz və Şahzadə Uilyam ilə gərgin münasibətindən danışıb, atasını və qardaşını “geri qaytarmaq” istədiyini iddia edib. Onun sözlərinə görə, bu, belə olmamalıdır. Şahzadə həmçinin vurğulayıb ki, o, “institusiya yox, ailə istəyir”.

Aralarındakı gərgin münasibətə baxmayaraq, III Çarlz Harri və Marklı mayın 6-da baş tutacaq tacqoyma mərasiminə dəvət etməyə hazırlaşır.

Prezident Bayden 8 aydan çoxdur səfir təyin edilməsi təxirə salınan Mark Libbinin Azərbaycanda səfir təyin edilməsində yenidən israr edir.
Bayden dünən konqresin 2023 cü il üçün ilk sessiyası günü yenidən Azərbaycanda səfir kimi Libbinin namizədliyini irəli sürüb.
Libbi konqresin 2022 ci il üçün son sessiyasında namizədliyi təsdiq edilməyən 175 səfir namizəddən biridir.
Bu 175 nəfərdən cəmi 85-inin namizədliyi Ağ Ev tərəfindən təkrar təqdim edilib.
Hal-hazırda Vaşinqtonda Milli Hərbi Kollecdə fakultə müşaviri olan Libbinin Azərbaycana səfir vəzifəsinə namizədliyi Bayden tətəfindən 25 may 2022-ci il tarixində irəli sürülüb.
Ancaq 8 aydır o, senatda erməni lobbisinin ruporu Bob Menendesin rəhbərlik etdiyi Xarici Əlaqələr Komitəsində dinləmələrə dəvət edilmir.
Libbi ABŞ-ın Avropa İttifaqındakı səfirinin müavini vəzifəsində, habelə Varşava, Nikosie və Bağdadda diplomatik missiyalarda siyasi məsələlər üzrə müşavir vəzifəsində işləyib.
Libbi Vaşinqtonda Dövlət Departamentinin Əməliyyatlar Mərkəzinin direktor müavini, Mərkəzi Avropa üzrə İdarənin direktor müavini, Cənubi Avropa üzrə İdarənin direktoru vəzifələrində işləyib.
Erməni lobbisi Azərbaycana səfir təyinatında həmişə dirəniş göstərir.
Yeganə Hacıyeva
Teref.az

Özlərini “Birləşmiş müqavimət qərargahı” adlandıran Belarus hakerləri ölkə prezidentinin İşlər İdarəsinə tabe olan tibb mərkəzinin məlumatlar bazasını ələ keçiriblər.

Onlar Aleksandr Lukaşenko və oğlu Nikolay tərəfindən verilən koronavirus üçün PCR testlərinin nəticələrini dərc ediblər.

Testlər 2021-ci ilin aprelindən 2022-ci ilin dekabr ayının sonuna qədər olan dövrü əhatə edir. Onların demək olar ki, hamısı Lukaşenkonun Rusiya prezidenti Vladimir Putinlə görüşlərindən əvvəl verilib.

Testlərdə bir sıra uyğunsuzluqlar aşkar olunub. Xüsusilə, Aleksandr Lukaşenkonun test nəticələrində iki fərqli pasport nömrəsi göstərilib.

Bundan əlavə, bir çox sertifikatlarda sınaq vaxtı və sertifikatın verilmə vaxtı üst-üstə düşür, baxmayaraq ki, PCR testinin nəticəsini əldə etmək üçün vaxt lazımdır. Ən azı bir sənəddə sertifikatın verilmə tarixi sınaq tarixindən əvvəlki tarix olaraq göstərilib.

“Birləşmiş müqavimət qərargahı” ehtimal edir ki, əslində Lukaşenko bu PCR testlərindən keçməyib və Rusiya prezidentini aldadıb.

Qeyd edək ki, Lukaşenko koronavirusa skeptik münasibətilə tanınır. 2020-ci ildə dövlət başçısı virusu araqla müalicə etməyə, saunaya getməyə və fiziki işlə məşğul olmağa çağırıb, 2021-ci ildə koronavirus xəstəxanasının qırmızı zonasında xəstə ilə ünsiyyətdə olarkən maskasını çıxarıb, 2022-ci ildə isə “beynəlxalq fırıldaqçılar”ı pandemiyaya son qoymağa çağırıb.

Eyni zamanda, Lukaşenko özü də iki dəfə koronavirusdan əziyyət çəkdiyini etiraf edib.

Vladimir Putin isə əksinə, pandemiyanın başlanğıcından bəri təmasların sayını və tədbirlərdə şəxsi iştirakını kəskin şəkildə azaldıb. O, tam peyvənd olunduğunu bildirib. Onun görüşdüyü insanların çoxunun karantinə məcbur edildiyi bildirilir. 2022-ci ilin əvvəlində Putin koronavirus üçün PCR testindən keçməyən Fransa prezidenti Emmanuel Makronla uzun masa arxasında görüşüb.

Mənbə: meduza.io

Pakistan Senatı və Pakistan xalqı adından Türkiyə Prezidenti Rəcəb Tayyib Ərdoğanın Nobel Sülh mükafatına namizədliyi irəli sürülüb.

Teref.az Anadolu agentliyinə istinadən xəbər verir ki, bu barədə Pakistan Senatının sədri Məhəmməd Sadiq Sancrani bildirib.
Məlumata görə, Prezident Rəcəb Tayyib Ərdoğan Rusiya-Ukrayna müharibəsinin dayandırılması üçün göstərdiyi səylərə görə Nobel Sülh mükafatına namizədliyə layiq görülüb.
Pakistan Senatının sədri deyib ki, Prezident Ərdoğan tək başına qlobal fəlakətin qarşısını alıb. Onun sözlərinə görə, Ərdoğan "Taxıl dəhlizi” anlaşması ilə bölgəni amansız aclıq təhlükəsindən xilas edilib.
"Türkiyə Prezidenti bölgənin və dünyanın yaxşılığı və rifahı üçün çalışan xalq lideridir" - Senat sədri vurğulayıb.
Sancrani qeyd edib ki, Türkiyə lideri əməli fəaliyyəti ilə insanlığa sülh, tolerantlıq və sevgi hisslərini tərənnüm edib.

AB müttəfiqləri Rusiyaya məxsus dondurulmuş aktivlərin istifadəsiylə bağlı Ukraynanın tələbini dəstəkləyərsə, Almaniya hökuməti də buna razı olacaq.

Axar.az xəbər verir ki, bu barədə "Blumberq" agentliyi məlumat yayıb.

Almaniyanın xarici işlər naziri Annalena Berbok hesab edir ki, Avropa ölkələri Rusiyanın dondurulmuş aktivlərinin bir hissəsini də olsa, müsadirə etməyi düşünməlidir. Almaniyanın maliyyə naziri Kristian Lindner isə bu fikrə daha ehtiyatla yanaşır.

Nəşrin mənbələri bildirir ki, Rusiya Mərkəzi Bankının aktivlərinin müsadirə edilməsi təhlükəli presedent yarada bilər. Bu isə Avropanı hüquqi problemlə üzləşdirəcək.

"Kansler Olaf Şolts hökuməti Ukraynanın müharibə təzminatı tələbini dəstəkləyir. Lakin Rusiya dövlətinin aktivlərinin müsadirə edilməsi ilə bağlı hələ də rəsmi mövqe nümayiş etdirməyib”, - nəşr qeyd edib.

Bundan əlavə bildirilir ki, hazırda AB Rusiya aktivlərindən istifadə etmək üçün qanuni yollar tapmağa çalışır. Ancaq bu proses illərlə uzana bilər.

ABŞ-ın keçmiş prezidenti Donald Trampın dövründə bir müddət Milli Təhlükəsizlik müşaviri vəzifəsində çalışan Con Bolton Türkiyəni hədəf alan məqalə yazıb.

Teref.az xəbər verir ki, “The Telegraph” qəzetində yer alan “Qərbin zəifliyi Putinə qələbəni məğlubiyyət pəncəsindən qoparmağa imkan verə bilər” başlıqlı məqalədə Bolton Türkiyənin Rusiya ilə münasibətlərinə görə NATO üzvlüyünün şübhə altına atılmasını təklif edib.

Qərbin sanksiyalarının Rusiyanın Ukrayna müharibəsinə təsirlərini qiymətləndirən Bolton yazıb: "İqtisadi sanksiyalar Rusiya iqtisadiyyatına ziyan vurdu, lakin Ukraynanın iqtisadiyyatı daha pis vəziyyətdədir".

Əsl problemin Qərbin birlik və qətiyyəti olduğunu vurğulayan müşavir Rusiyanın müharibəni davam etdirəcəyi təqdirdə Qərb daxilində gərginliyin arta biləcəyini diqqət çəkib.

Finlandiya və İsveçin NATO-ya üzvlük üçün müraciət etdiyini xatırladan Bolton qeyd edib ki, Ərdoğan yenidən prezident seçilərsə, Türkiyənin NATO-ya üzvlüyü gündəmə gəlməlidir.

Qeyd edək ki, Con Bolton radikal ritorikasına görə 2019-cu ildə Tramp tərəfindən vəzifəsindən uzaqlaşdırılıb.

Musavat.com

Əgər Rusiyada səfərbərliyin ikinci dalğası başlasa, yeni çağırışçıların döyüş qabiliyyətləri birincidən da pis olacaq.

Axar.az xəbər verir ki, bu fikri Estoniya Müdafiə Nazirliyinin sözçüsü Taavi Laasik deyib.

Onun sözlərinə görə, Estoniya hakimiyyəti Rusiyada ikinci səfərbərlik dalğasının başlayacağı ilə bağlı məlumatlara malik deyil, lakin belə bir ehtimalı istisna etmir.

"Onlar ikinci səfərbərlik çağırışını təşkil edə bilərlər, lakin onun keyfiyyətinin birincidən də pis olacağını güman etmək olar. Eyni zamanda, Rusiyada gizli səfərbərliyin dayanmadığını unutmaq olmaz. Belə bəyanatlar var idi ki, səfərbərliklə bağlı məqsədlərə nail olundu, lakin müvafiq fəaliyyət davam edir”, - deyə natiq vurğulayıb.

Şahzadə Harri və həyat yoldaşı Meqan Markl villalarından birini satır.

"Qafqazinfo" xarici mətbuata istinadən xəbər verir ki, cütlüyün malikanəsi Kaliforniyanın Montesito şəhərində yerləşir.

2020-ci ildə alınan villanın dəyəri 33.5 milyon dollardır (təxminən 46 milyon manat).

Bildirilir ki, 2006-cı ildə inşa edilmiş ev altı yataq otağı, idman zalı, oyun otağı, kitabxana, kino otağı, qonaq evi və bardan ibarətdir.

Qeyd edək ki, cütlüyün Kaliforniyada yerləşən 19 vanna otağından ibarət olan digər malikanəsi satışa çıxarılan villadan doqquz dəqiqəlik məsafədə yerləşir.