 |
|
|
“2014-cü ildən başlayaraq Qərb Ukraynanı Rusiya ilə müharibəyə hazırlayırdı”
“Qərb Rusiyanın dağılmasını arzulayırdı və hələ də bunu arzulayır”. AYNA rus mediasına istinadən bildirir ki, bu sözləri Rusiya Təhlükəsizlik Şurasının katibi Nikolay Patruşev deyib.
Patruşev Çelyabinskdə keçirilən görüşdə çıxış edərək bildirib ki, uzun illər Qərb dövlətlərinin rəhbərləri Rusiya ilə tərəfdaşlıq münasibətlərini inkişaf etdirmək üçün şifahi vədlər verib və ya müxtəlif sənədlər imzalayıblar: “Lakin bəzi Qərb liderlərinin son bəyanatlarından göründüyü kimi, biz qəsdən aldadıldıq, onlar yalnız öz eqoist məqsədlərini güddülər. Əldə edilmiş razılaşmaları yerinə yetirmək niyyətində deyildilər. Onlar indi də Rusiyanın dağılmasını xəyal edirlər”.
Patruşev qeyd edib ki, söhbət NATO-nun Şərqə yayılmaması ilə bağlı təminatlara baxmayaraq, Rusiya sərhədlərinə hərbi infrastrukturun gətirilməsindən, Minsk razılaşmalarının imzalanmasından, onların yerinə yetirilməməsindən gedir.
“2014-cü ildən başlayaraq Qərb Ukraynanı Rusiya ilə müharibəyə hazırlayırdı. Qərb Ukraynanı NATO-nun maraqlarına tamamilə tabe olan anti-Rusiya mövqeli hərbiləşdirilmiş dövlətə çevirdilər”, - deyə patruşev əlavə edib.
Bundan əvvəl Rusiyanın xarici işlər naziri Sergey Lavrov bildirib ki, Qərb Ukraynanı anti-Rusiya dayağına çevirməklə geri dönüşü olmayan prosesə cəlb edib.
Avropa Parlamenti “Gürcüstanın keçmiş prezidenti Mixail Saakaşvili ilə bağlı vəziyyət haqqında” qətnamə qəbul edib. Qətnamədə Gürcüstan hakimiyyətindən Saakaşvilinin dərhal azad edilməsi və xaricdə müalicə olunmasına icazə verilməsi tələb olunur.
Qətnamənin lehinə 577 deputat səs verib, 26-sı bitərəf qalıb, 33 deputat isə əlehinə səs verib.
Avropa Parlamentinin deputatları həmçinin Gürcüstanın keçmiş baş naziri Bidzina İvanişviliyə qarşı sanksiyaların tətbiqinin zəruriliyi ilə bağlı düzəlişi də təsdiqləyiblər. Avropalı parlamentarlar hesab edir ki, Saakaşvilinin həbsdə saxlanılması oliqarx Bidzina İvanişvilinin şəxsi intiqamının nəticəsidir.
Gürcüstanda iqtidarda olan “Gürcü arzusu”nun baş katibi, Tbilisinin meri Kaxa Kaladze Avropa Parlamentinin qətnaməsini heç bir dəyəri olmayan kağız adlandırıb.
Politoloq Xəqani Cəfərli bildirir ki, Saakaşvilinin həbsdə ölümə tərk edilməsi Gürüstanın Avropa İttifaqı və NATO-ya intiqrasiyasında ciddi maneəyə çevrilsə də, “Gürcü arzusu” iqtidarı bütün təzyiqlərə baxmayaraq geri addım atmır.
“Rusiyanın Ukraynada qalib olmayacağının, Putinin gələcəyinin çox qaranlıq göründüyü və milyader Bidzina İvanişviliyə qarşı sanksiyalara çağrışların artdığı bir zamanda “Gürcü arzusu”nun Saakaşviliyə münasibətdə güzəştdə getməməsi sual doğrur”, - o əlavə edib.
Gürcüstan hökuməti nə üçün güzəştə getmək istəmir?
Ekspert yəhudi əsilli rusiyalı iş adamı və ictimai xadim, “YUKOS” neft şirkətinin və Rusiya Yəhudilləri Konqressinin keçmiş rəhbəri Leonid Nevzlin fikirlərinə diqqət çəkir: “Nevzilin hesab edir ki, Bidzina İvanişvilinin başqa seçimi yoxdur. O, bilir ki, Saakaşvilinin ölkəni tərk etməsinə və xaricdə müalicəyə getməsinə icazə versə, onun özü öldürüləcək. Nevzilin hesab edir ki, İvanişvili belə bir dilema qarşısındadır: Öldür, ya da öl. Putinin Bidzina İvanişvilini böyük oğlu, Rusiyadakı “Unicor” Management Company Məhdud Məsuliyyətli Cəmiyyətin sahibi olan Uta İvanişvilinin həyatı ilə təhdid edildiyi də istisna deyil. Rusiya Xarici İşlər Nazirinin keçmiş müavini, diplomat Georgi Kunadze Saakaşvilinin üzləşdiyi vəziyyəti Putinin Saakaşviliyə dərin nifrət bəsləməsi ilə izah edir.
Rusiyalı hüquqşünas, videobloger Mark Feygin bildirir ki, Putin iki nəfəri, Mixail Saakaşvili və Aleksey Navalnını öldürməkdə qərarlıdır. Mark Feygin iddia edir ki, Putin sıralamasına görə öncə Saakaşvili, daha sonra Navalnı ölməlidir”.
Fevralın 6-da Kahramanmaraşda baş verən dəhşətli zəlzələlər Türkiyədəki binaların təhlükəsizliyi məsələsini gündəmə gətirib.
“AzPolitika.info” Türkiyə mətbuatına istinadla xəbər verir ki, İstanbulun Çəkməköy bölgəsində tikilən beşmərtəbəli yaşayış binasının maraqlı arxitekturası sosial şəbəkələrdə böyük müzakirələrə səbəb olub.
Belə ki, sosial şəbəkə istifadəçiləri üçbucaq formada və ön tərəfdən nazik divar üzərində tikilən binanın fotolarını paylaşaraq, zəlzələ zamanı uçmaq təhlükəsinin olduğunu yazıblar.
Həmin binanın podratçısı Eser Karataş bildirib ki, sözügedən bina zəlzələyə dayanıqlı şəkildə inşa edilib.
“Bu, yeni bir binadır. Heç 10 il deyil tikilib. Binanın quruluşu və forması bələdiyyə tərəfindən təsdiq edilib. Bu mövzuda paylaşım edən dostlardan xahiş edirəm ki, əvvəlki postlarını silsinlər. Əks halda hüquqi prosedurlara başlayacağıq”,-deyə o, bildirib.
“Ermənistan dövlətinin bir layihə olduğu hamıya bəllidir”.
TEREF.AZ bildirir ki, bunu Milli Məclisin deputatı Vüqar İskəndərov Cebhe.info-ya açıqlamasında deyib.
O bildirib ki, Ermənistan bu ərazidə yerləşdirilməklə Türkiyə və Azərbaycanın inkişafına hansısa formada əngəl törətmək missiyasını üzərinə götürüb:
“Rəsmi İrəvan öz havadarlarının təsiri altında bu missiyanı həyata keçirməyə çalışır. Yəni, dövlət formasında yaradılan bu sistem həmişə böyük dövlətlərin tapşırıqlarını yerinə yetirib. Üstəlik Ermənistan həmişə müstəqil dövlət formasından da kənar olub.
Azərbaycanın 44 günlük Vətən müharibəsindəki tarixi qələbəsi Ermənistanın həm iqtisadi inkişafdan, həm də qlobal layihələrdən kənarda qalmasına gətirib çıxardı. Bu isə böyük ölkələrin forpostu olan Ermənistanda hakimiyyətdə olanların korrupsiyaya bulaşması, dövləti və xalqı talaması fonunda böyük problemlər yaşamasına səbəb oldu.
Son zamanlarda Ermənistanın xarici siyasətindəki anlaşılmazlıq, qeyri-stabillik və “ağa”larını dəyişdirmək cəhdləri bu ölkəni daha da çətin duruma salıb.
Belə ki, Nikol Paşinyan hakimiyyəti gah Rusiya, gah Avropa, gah da ABŞ-a tərəf əyilir. Bu dövlətlərlə sövdələşmələrə gedirlər, sonra isə hər birinə xəyanət edirlər. Artıq dünya Ermənistanın bu iç üzünü tanıyır. Ona görə də yalnız istifadə olunub atılmaqdan başqa bir model olmadıqları artıq Ermənistan hakimiyyətinə və xalqına da gün kimi aydındır”.
Millət vəkilinin sözlərinə görə, Ermənistanın son vaxtlarda Avropa İttifaqı ilə sövdələşmələrə getməsi və anti-Rusiya siyasəti həyata keçirməsi açıq şəkildə Moskvaya meydan oxumaqdır:
“Bu, artıq Ermənistanın Rusiyaya boyun əyməyəcəyi deməkdir. Təbii ki, bu, Kremlin də xoşuna gəlməyəcək. Rəsmi İrəvan unutmamalıdır ki, onların bütün ipləri Rusiyanın əlindədir.
Ermənistanın sərhədlərinin ruslar tərəfindən qorunması, ölkədəki bütün böyük şirkətlər Rusiyaya məxsus olması və bir çox məsələdə Rusiyadan asılı olduqlarını unutmaq olmaz. Artıq Rusiyanın dövlət nazirləri və ekspertləri də bunu onların nəzərinə çatdırırlar.
Rusiyanın xarici işlər naziri və deputatları tərəfindən də Ermənistana açıq-aydın bir mesaj verilir. Bu, o deməkdir ki, Rusiya ilə çilingağac oynama. Əks təqdirdə, Ermənistan üçün böyük problemlər yaşana bilər. Düşünürəm ki, Ermənistan qeyri-stabil xarici siyasəti ilə hazırda düşdüyü çətin vəziyyəti bir az da ağırlaşdırmaqla məşğuldur”.
Rusiya prezidenti Vladimir Putin xərçəng xəstəliyi ilə bağlı tibbi sənədləri gizlədir.
Hurriyyet.az xəbər verir ki, bunu Böyük Britaniyanın "The Sun" nəşri iddia edib.
70 yaşlı Putinin "ağır xəstə" olması ilə bağlı şayiələr hələ də davam edir, bir çoxları bunu onun şişkin üzü və titrəyən ayaqları ilə isbatlamağa çalışır.
"The Sun" yeni sənədə əsasən, Putin mədəaltı vəzi xərçəngindən və erkən mərhələdə Parkinson xəstəliyindən əziyyət çəkdiyi fikrini irəli sürüb.
Həmin sənədə görə, keçən il Moskva Mərkəzi Klinik Xəstəxanasının cərrahı Yevgeni Selivanov təxminən 35 dəfə Putinin Qara dəniz sahilindəki iqamətgahına uçub. Buna sübut Rusiya Dövlət Satınalmaları Xidmətinin saytında yerləşdirilən müqavilələrdir.
Bundan əvvəl məşhur iqamətgahına səfərdə Putini 6-, bəzən 13 mütəxəssis həkimin müşayiət etdiyi görünüb.
Avropa Parlamenti (AP) Gürcüstanın sabiq Prezidenti Mixeil Saakaşvili ilə bağlı qətnamə qəbul edib.
Teref.az APA-ya istinadən xəbər verir ki, sənəddə sabiq prezidentin səhhətinin pisləşməsindən narahatlıq ifadə olunub və Gürcüstan hakimiyyətinə Saakaşvilinin azadlığa buraxılaraq xaricdə müalicə alması üçün şərait yaratmaq çağırışı edilib.
Qətnamədə Gürcüstan Prezidenti Salome Zurabişviliyə də konstitusion hüququndan istifadə edərək Mixeil Saakaşvilini əfv etməsi çağırışı edilib.
Qeyd olunub ki, Mixeil Saakaşvilinin azadlığa buraxılması Gürcüstanda siyasi qütbləşməni azaldacaq. Parlamentarilər bu məsələnin Gürcüstanın Aİ namizədliyi perspektivlərini ləngitmək riski yaratdığını da qeyd ediblər.
Vurğulanıb ki, sabiq Prezident Saakaşvili kimi məhbuslara münasibəti Gürcüstanın Avropa dəyərlərinə sadiqliyinin testidir. Bu gün səsə qoyulan qətnaməni 577 deputat dəstəkləyib. 33 deputat sənədin əleyhinə səs verib, 26 deputat isə bitərəf qalıb.
Türkiyə-Ermənistan sərhədi 35 il sonra açılıb. Bu, Ermənistanın Türkiyəyə humanitar yardım göndərməsi sayəsində baş verib. Ermənistandan gələn humanitar yük dolu 5 TIR 35 ildir bağlı qalan Alican sərhəd qapısından keçib. Qeyd edək ki, sözügedən sərhəd qapısı sonuncu dəfə 1988-ci ildə istifadə olunub. Həmin il Ermənistanda baş verən zəlzələ zamanı Türk Kızılay tərəfindən yığılan yardımlar fəlakət bölgəsinə aparılmışdı. Sərhəd keçid məntəqəsi Ermənistanın Qarabağı işğal etməsinə etiraz olaraq 1993-cü ildə Türkiyə tərəfindən bağlanıb.
Keçid məntəqəsinin açılması Türkiyə və Ermənistan xüsusi nümayəndələri arasında görüşlərdə müzakirə mövzusu olub. Türkiyənin Ermənistanla münasibətlərin normallaşması üzrə xüsusi nümayəndəsi Serdar Kılıç tvitter hesabında iki ölkəni ayıran Araz çayının Türkiyə tərəfindəki Alican keçid məntəqəsindən keçən yük maşınlarının fotolarını paylaşıb: "Mən Türkiyənin zəlzələ bölgəsində xalqımızın əzablarını yüngülləşdirmək üçün Ermənistan xalqının göndərdiyi səxavətli yardımı həmişə xatırlayacağam". Kılıç Ermənistan rəsmilərinə təşəkkürünü bildirib. Bəzi siyasi şərhçilər sərhəd keçid məntəqəsinin açılmasını Türkiyə-Ermənistan münasibətlərinin normallaşmasında ciddi addım kimi dəyərləndirsələr də, əksəriyyət bunun müvəqqəti xarakter daşıdığını düşünür. Hesab edilir ki, İrəvan-Ankara münasibətlərinin inkişafı sadəcə bu iki ölkə ilə bağlı məsələ deyil. Əlaqələrin irəliyə doğru getməsi paralel olaraq Bakı-İrəvan arasındakı danışıqlardan və sülh müqaviləsindən asılıdır.
DİA.AZ-ın məlumatına görə, Milli Cəbhə Partiyasının sədr müavini Tural İrfan da "Şərq"ə açıqlamasında deyib ki, Türkiyə-Ermənistan sərhədinin açıq qalması İrəvanın Azərbaycana qarşı olan münasibətindən asılıdır. Partiya rəsmisinin sözlərinə görə, burada Azərbaycanla sülh müqaviləsi və müəyyən anlaşmaların olması əsas şərtdir:
"Müvəqqəti atılan addımlar sərhəd məntəqələrinin daimi açılması anlamına gəlmir. Ümumən, son dönəmdə münasibətlərdə yaxınlaşma müşahidə olunur. Bu, yaxşı haldır. Ermənistan üçün bu keçid məntəqəsi nəfəslik rolu oynaya bilər. Hərçənd, Paşinyan hökuməti əvvəlkilərə nisbətdə bu münasibətlərin normallaşmasında maraqlıdır. Çünki Türkiyə ilə münasibətlərin normallaşması Paşinyan hökumətinin ömrünü də uzada bilər.
Lakin hesab edirəm ki, Ermənistan qüvvələri Xankəndi, Xocalı, Xocavənd, Ağdərə və Şuşanın kəndlərindən tamamilə təmizlənməsə, ermənilərə heç bir güzəşt ola bilməz. Ermənistanın Türkiyəyə göndərdikləri xilasedici adı altındakı kəşfiyyat agenturası hazırda Adıyamanda oğurluq və qarət üstündə həbs olunub.
Yəni erməni xisləti elədir ki, əsla onlara tam güzəşt və etibar ola bilməz. Erməni əhalisinin çoxu Türkiyədəki zəlzələyə sevinir. Bu baxımdan Türkiyə Ermənistanla sərhəd keçid məntəqəsini belə rahatlıqla açmağa tələsməməlidir".
Şimal qonşumuz bölgədə yeni müharibə arzulamırsa, yolu bəlli; Azərbaycan və Ermənistan arasında barışıqda Kremlin maraqlı olduğuna inam o vaxt yaranacaq ki...
Rusiya və satelliti Ermənistan arasında münasibətlər sonuncunun tərkibində Fransa jandarmaları da olacaq Avropa İttifaqının uzunmüddətli missiyasını öz ərazisinə çağırmasının ardınca daha da gərginləşib. Milli.Az musavat.com-a istinadən bildirir ki, Moskva forpostundan açıq-aşkar və bərk narazıdır.
Srağagün bu narazılıq Dövlət Dumasının sədri Vyaçeslav Volodinin dilindən səslənib. Spiker Avropa qurumlarını regiondakı vəziyyətin həllinə cəlb etmək cəhdləri ilə bağlı İrəvana sərt xəbərdarlıq edib, hətta onu hədələyib.
Belə ki, Azərbaycan Milli Məclisinin sədri Sahibə Qafarova ilə srağagünkü görüşdə Volodin deyib: "Bakı ilə İrəvan arasında münasibətlərin normallaşması Azərbaycan, Ermənistan və Rusiya liderlərinin imzaladığı bəyanatlara əsaslanmalıdır. Gəlin ondan çıxış edək ki, Azərbaycan, Ermənistan və Rusiyanın dövlət başçıları səviyyəsində qəbul edilmiş qərarları var. Biz bunu rəhbər tutacaq və öz tərəfimizdən bu bəyanatların həyata keçirilməsi üçün hər şey edəcəyik. Avropa institutları istiqamətində bəyanatlar verənlər isə sadəcə, öz ölkəsini itirə bilərlər".
Spikerin sözlərinə görə, Avropa Parlamentinə müraciət etməmişdən və bəzi məsələlərin həllinə bu qurumu cəlb etməmişdən əvvəl bir suala cavab tapılmalıdır: "Avropa Parlamentinin, AŞ PA-nın iştirakı ilə hansısa ciddi məsələ və ya münaqişəli vəziyyət həll olunubmu? Belə bir nümunə yoxdur".
****
Ancaq belə bir nümunə heç Rusiyanın timsalında da yoxdur. Gerçək belədir ki, Kreml postsovet məkanındakı etnik-ərazi konfliktlərinin heç birinin həllinə səmimi şəkildə kömək eləməyib. İstəməyib. Əksinə, onları öz maraqları naminə zaman-zaman körükləyib, ən yaxşı halda dondurub. Ya da ki, Abxaziya və Cənubi Osetiya timsalında separatçı qurumların "müstəqilliyini" tanımaqla vəziyyəti daha da qəlizə salıb.
Volodin Qafarova ilə görüşdə onu da vurğulayıb ki, Avropa Parlamentini və AŞPA-nı prosesə cəlb etmək istəyənlər 10 dəfə düşünməli və bunun necə bitəcəyini ölçüb-biçməlidirlər. Əlbəttə ki, özündə hədə tonu daşıyan və ümumən rəsmi Moskvanın mövqeyini ifadə edən bu mesaj dolayısıyla Azərbaycana da ünvanlanıb.
Sirr deyil ki, Rusiya Azərbaycan və Ermənistan arasında danışıq platforması kimi Avropanın (Brüsselin) seçilməsini, yumşaq desək, "həzm edə" bilmir. Çünki bunu özünün Cənubi Qafqaz maraqlarına real təhlükə sayır. Ehtiyat edir ki, Bakı və İrəvan Moskvanın iştirakı olmadan həqiqətən günün birində barışıq əldə edər, sülh sazişi imzalayar və nəticə etibarilə bölgədə Rusiyanın hərbi mövcudluğuna lüzum qalmaz. O səbəbə Qərbin (ABŞ və Avropa Birliyinin) moderatorluğunu bütün mümkün vasitələr, təzyiq-şantaj üsulları ilə gözdən salmağa çalışır.
Ancaq paradoks ondadır ki, Moskva özü də Azərbaycan və Ermənistan arasında real sülh sazişinin imzalanmasına həvəs göstərmir. Yaxud masaya Qərbdən daha məqbul bir anlaşma layihəsi qoymur. Əksinə, sülh müqaviləsinin mətninə qəsdən Azərbaycanın heç vaxt qəbul etməyəcəyi bənd (statusun sonraya saxlanması) əlavə eləməklə, barışıq prosesini pozur, ləngidir. Bu isə bölgədə yeni müharibə riskini artırır.
Odur ki, bir sual öz aktuallığını saxlayır: Rusiya gerçəkdənmi regionda müharibə istəmir? İstəmirsə, o zaman nədən Qərbə sarı getmək istəyən İrəvanın əsas arqumentini əlindən almır: onun Bakı ilə sülh sazişi imzalamasına nail olmur? Buna qat-qat imkan və resursları ola-ola!..
***
Məsələ də ondadır ki, Rusiya bölgədə daimi sabitlikdə maraqlı görünmür. Daha dəqiqi, verdiyi bəyanatlarla əməli arasında kəskin ziddiyyət var. Bunun bariz sübutu Kremlin hələ də Qarabağdakı separatçı ünsürlərdən, özəlliklə "Vardanyan layihəsi"ndən Azərbaycana təzyiq kimi istifadə etməsidir.
Yeri gəlmişkən, Rusiyanın adamı olduğu şəkk-şübhə doğurmayan erməni oliqarx-dələduz Ruben Vardanyan srağagün Moskvadan Qarabağa qayıdıb və qayıdan kimi də qondarma "dövlət naziri" Xankəndidə bandasını başına yığaraq "müşavirə" keçirib. Hərçənd belə fikirlər var idi ki, o, Rusiyadan geri dönməyəcək, yaxud dönsə də, gəlib "istefa" verib gedəcək. Hələ ki bunların heç biri öz təsdiqini tapmayıb. Görək o, Rusiyadan konkret hansı təlimatları alıb. Lakin Vardanyana verilən göstəriş-təlimatlardan asılı olmayaraq, bir şey dəqiqdir: Bakı onun Qarabağda hər hansı statusda varlığını qəbul etməyəcək! Laçın yolunda üçüncü aydır davam edən etiraz aksiyasının bir tələbi də məhz Vardanyanla, onun ərazimizdə sərvətlərimizi qanunsuz istismar eləməsi, Azərbaycanın suverenliyi və ərazi bütövlüyünə meydan oxuması ilə bağlıdır. Halbuki bu əməllər hər şey qırağa, Prezidentlər - İlham Əliyev və Vladimir Putinin imzaladığı 22 fevral 2022-ci il Moskva Bəyannaməsinin müvafiq bəndlərinə, xüsusən də 1, 6, 7, 11 və 18-ci bəndlərinə daban-dabana ziddir.
O səbəbə daha bir sual bütün ciddiliyi ilə ortaya çıxır: Moskva Qarabağda təbii sərvətlərimizin monitorinqinin keçirilməsi zəruriliyi ilə bağlı Vardanyanın başına ağıl qoya bilibmi? Bunu yaxın günlərdə görəcəyik.
***
O ki qaldı rus spiker Volodinin istinad elədiyi, Azərbaycan, Ermənistan və Rusiya liderlərinin imzaladığı üçtərəfli bəyanatlara (10 noyabr 2020 kapitulyasiya sənədi, 11 yanvar 2021-ci il Moskva, 26 noyabr 2021 və 31 oktyabr 2022-ci il Soçi bəyanatları), onlara tam əməl etməyən yenə də əsasən Ermənistan və Rusiyadır. Qarabağdan hələ də qanunsuz silahlı dəstələrin tam çıxarılmamasını, Zəngəzur dəhlizinin indiyədək açılmamasını yada salmaq yetər.
Bu mənada Moskva hədələməkdən öncə öz gözündəki "tir"ləri görsə, yaxşı olar. Eyni zamanda onun Azərbaycanla Ermənistan arasında sülh müqaviləsində maraqlı olduğuna inam artar...
Milli.Az
Ermənistan Qarabağ və Bakı arasında danışıqların beynəlxalq-görünən mexanizm çərçivəsində aparılmasına tərəfdardır və bu mexanizm hazırda Ermənistan və Azərbaycan tərəflərinin üzərində işlədikləri sülh müqaviləsində qeyd oluna bilər. Bu barədə fevralın 14-də Yerevanda keçirilən brifinqdə Ermənistan Təhlükəsizlik Şurasının katibi Armen Qriqoryan bildirib.
“Ermənistan Stepanakertlə Bakı arasında danışıqların beynəlxalq- görünən mexanizm çərçivəsində aparılmasına tərəfdardır. Ermənistan bu mexanizmin işləməsi üçün öz beynəlxalq tərəfdaşları ilə işi davam etdirir. Bu mexanizm sülh müqaviləsində nəzərdən keçirilə bilər ki, danışıqlar buna əsasən aparılır. Bu, digər beynəlxalq strukturlar və ya başqa bir format ola bilər. Hələlik konkret deyil, bu müzakirə mövzusudur, aydın olması üçün müzakirəni davam etdirməliyik”, – Qriqoryan deyib.
Ermənistanın yanaşması əvvəlkitək ondan ibarətdir ki, Dağlıq Qarabağ ermənilərinin hüquqları və təhlükəsizliyilə bağlı danışıqların aparılması üçün beynəlxalq səviyyədə görünən danışıqlar mexanizmi yaradılmalıdır.
Erməni tərəfi təklif etdiyi sülh müqaviləsinin mətninə cavab alıb. Hazırda erməni tərəfi bunun üzərində işləyir. Təhlükəsizlik Şurasının katibi hesab edir ki, mətn ən qısa zamanda hazır olacaq və erməni tərəfi onu Azərbaycana verəcək. Lakin Qriqoryan bunun necə olacağını deyə bilməyib.
Qriqoryan “müzakirə olunan və yayılan mətndə Qarabağın adı çəkilirmi” sualına müsbət cavab verib. Lakin Təhlükəsizlik Şurasının katibi qeyd edib ki, bu sənədin hələ yekun sənəd olmadığını nəzərə almaq vacibdir, danışıqlar aparılır.
Qriqoryan Moskvanın Qərbin bölgədə öz iştirakını erməni tərəfə qəbul etdirməsilə bağlı Moskvanın tənqidini qəbul etməyib. Avropa İttifaqı missiyasının Azərbaycanla sərhəddə yerləşdirilməsi erməni tərəfinin qərarı idi. Onun sözlərinə görə, 2021-ci ilin mayında və 2022-ci ilin sentyabrında “Azərbaycanın təcavüzü” zamanı Kollektiv Müqavilə Təşkilatı zəmanətləri işə yaramadı. “Ermənistabu təcrübəni nəzərə alaraq, müəyyən təhlükəsizlik zəmanətlərinin yaradılması üçün Avropa İttifaqının mülki missiyasını dəvət edib”, – Qriqoryan deyib.
“Kreml Moldovada sabitliyin pozulması ilə bağlı planlar hazırlayır. Həmçinin ölkə hüdudlarından kənardan – Rusiya, Belarus və Balkanlardan olan diversantların cəlb olunması ilə hərbi əməliyyatlara hazırlıq gedir”.
Moldova Prezidenti Maya Sandu Ukrayna tərəfinin ona Kremlin bu planlarını çatdırdığını təsdiqləyib.
Maya Sandu bu barədə xüsusi brifinqdə bildirib.
“Bu, hərbi təlim keçmiş insanların mülki geyimdə cəlb edilməsini nəzərdə tutan qısamüddətli plandır. Onlar zorakı hərəkətlər, o cümlədən bəzi dövlət qurumlarına hücumlar və girov götürülməsi ilə bağlı əməliyyatlar planlaşdırırlar”, – deyə Maya Sandu qeyd edib.
Onun sözlərinə görə, Kiyevin təhvil verdiyi materiallarda bu təxribat aksiyalarının təşkili ilə bağlı ətraflı logistik sənədlər yer alıb.
“Plan Moldovada zorakılıq aksiyaları üçün ölkədən kənarda olan şəxslərin istifadəsini nəzərdə tutur. Məsələn, materiallarda Rusiya Federasiyası, Belarus, Serbiya və Monteneqro vətəndaşlarının Moldovaya daxil olması üçün göstərişlər əksini tapıb”, – deyə prezident əlavə edib.
Sandu həmçinin bildirib ki, dinc etirazlar adı altında Kişinyovda hakimiyyətin ələ keçirilməsinə cəhd planı da hazırlanıb.
Prezident əlavə edib ki, Moldovanın hüquq-mühafizə orqanları bu təxribatların qarşısının alınması və vəziyyətin nəzarətdə saxlanmasına dair tədbirlər görür.