 |
|
|
Bu hadisə 1994-cü ilin bahar fəslində baş verib. Gənc amerikalı Ronald Opus intihar etməyə qərar verir. Ölüm qabağı yazdığı məktubunda o, bu addımı maliyyə problemlərinin olduğu və valideynləri ilə aralarında anlaşılmazlıq olduğu üçün atdığını qeyd etmişdi.
Bu məktubu yazdıqdan sonra mister Opus pəncərəyə çıxır və özünü doqquzuncu mərtəbədən atır. Əgər o, binada hər gün işləyən pəncərə təmizləyənlərin yeddinci mərtəbə səviyyəsində təhlükəsizlik toru quraşdırdıqlarını bilsəydi, yəqin ki, özünü doqquzuncu mərtəbədən atmazdı. Yəni, iki mərtəbə düşdükdən sonra o, sadəcə olaraq sağ qalacaqdı. Lakin möcüzəvi bir hadisə baş verir.
Ronald səkkizinci mərtəbənin yanından uçarkən başından güllə yarası alır. Polis cəsədi tordan çıxardıb, mərhumun şəxsiyyətini təyin etməyə çalışdıqları vaxt detektivlər güllə atanın təsadüfən adam öldürmə cinayətində günahlandırmasını tələb edirlər. Əgər səkkizinci mərtəbənin sakini atəş açmasaydı, Ronald Opus tora düşüb sağ qalacaq idi.
Cinayət işinin gedişatında digər faktlar üzə çıxır. Məlum oldu ki, səkkizinci mərtəbənin sakini qoca bir kişi öz həyat yoldaşına atəş açıb, lakin güllə ona deyil, pəncərəyə dəyib. Bu zaman detektivlər qoca kişini həmçinin sui-qəsdə (həyat yoldaşına qarşı) ittiham edilməli olduğunu iddia edirlər. Yaşlı cütlüyün ifadə verdiyi zaman qoca kişinin qəzəbləndiyi vaxt yoldaşını qoxutmaq üçün doldurulmamış tüfəngdən havaya güllə açdığını bəyan etmişdilər. Bu bir növ ailə adətinə çevrilmişdir. Cütlük tüfəngin hər zaman divardan asıldığını və heç kəsin onu doldurmadığını deyirdilər.
Amerika qanunlarına müvafiq olaraq tüfəngi gizli dolduran şəxs təsadüfən adam öldürmədə ittiham edilməli idi.
Lakin bunu kim edə bilərdi? Polislər yaşlı cütlüyün evinə sərbəst şəkildə yalnız onların oğlunun girə biləcəyini araşdırıb müəyyən edirlər. Polislər onların oğlunun dostunu tapırlar və sorğu-suala çəkirlər. Və çoxlu məlumat əldə edirlər. Atasının anasını tüfəng ilə hədələdiyini bildiyi üçün oğul tüfəngi doldurur və atasının anasını öldürəcəyinə, özünün isə həbsxanaya düşəcəyinə ümid edir. Lakin bir neçə həftə yaşlı cütlük çox mehriban idilər. Və bu onların oğullarını çox məyus etmişdi.
Polislər cütlükdən onların oğullarının harada olduğunu soruşurlar?
- “Necə yəni haradadır? – deyə qoca kişi təəcüblənir – Oğlum bizdən bir mərtəbə yuxarıda qalır…”
Bəli, cütlüyün oğulları Ronald Opusun özü idi! Ronald Opus tüfəngi doldurmuşdu, qisas planı baş tutmadıqda isə məyus olur və intihar etmək qərarına gəlir. Və öz gülləsi ilə güllələnir. Tutdurmaq istədiyi öz atası tərəfindən. İntihar Opusun tam istədiyi kimi olmasa da, baş tutur…
Xəyyam Ağa
Teref.az
Fransa vətəndaşlarını Belarusu tərk etməyə çağırıb.
Bu barədə Fransa Xarici İşlər Nazirliyinin (XİN) yaydığı məlumatda bildirilib.
XİN Rusiyanın Ukraynaya qarşı silahlı hücumu və Belarusun hava məkanının bağlanması ilə əlaqədar fransızlara Belarusa getməməyi tövsiyə edib.
“Belarusdakı vətəndaşları yubanmadan ölkəni tərk etməyə çağırırıq”, – rəsmi açıqlamada qeyd olunub.
Putinin xəstəliyi ilə bağı məlumat məxfiləşdirildi: Vəziyyəti ciddiləşib?
Rusiya Prezidenti Vladimir Putinin onkoloq tərəfindən müayinə olunduğuna dair jurnalistlərin bundan əvvəl öyrəndiyi müqavilələr gizlədilib. Sənəd Rusiyanın dövlət satınalmaları saytından yoxa çıxıb.
Cebhe.info xəbər verir ki, Rusiya Federasiyası Prezidentinin İşlər İdarəsinin Mərkəzi Kliniki Xəstəxana və Poliklinika ilə müqavilələri 2022-ci ilin sentyabrından əvvəl yoxa çıxıb. Onları axtarış vasitəsilə tapmaq mümkün deyil. Səhifəyə keçid zamanı müqavilə haqqında məlumatın dəyişdirildiyi yazılır:
“Ona görə məlumat və sənədlər şirkətin rəsmi saytında yerləşdirilməməlidir”.
Xəstəxana yoxa çıxan müqavilələrlə bağlı sualları cavabsız qoyur.
Qeyd edilir ki, Mərkəzi Kliniki Xəstəxanada Rusiyanın birinci şəxslərini müayinə edilir. Mərkəzi Tibb Mərkəzinin həkimləri mütəmadi olaraq Vladimir Putini Rusiya ətrafında səfərlərdə müşayiət edir. Rusiyalı müstəqil jurnalistlər dövlət satınalmaları ilə bağlı məlumatları təhlil edərkən məlum olub ki, Putini ən çox qalxanabənzər vəzin xərçəngi və LOR üzrə ixtisaslaşmış cərrah müşayiət edir.
Putinlə birlikdə ümumilikdə 6-13 mütəxəssis səyahət edir. 2022-ci ilin iyununda jurnalistlər Putinin xərçəngin inkişaf etmiş formasından müalicə kursu keçdiyini təsdiqləyiblər.
Baş Radiotezlik Mərkəzinin mütəxəssisləri Rusiya diktatorunun sağlamlığının kritik vəziyyəti ilə bağlı nəşrləri diqqətlə izləyir.
Müşfiq Abdulla
Cebhe.info
Xəbər verdiyimiz kimi, Azərbaycan dövləti İran xüsusi xidmət orqanlarının ölkəmizdəki uzantılarına qarşı mübarizəni gücləndirib və bu məqamda Azərbaycan Yazıçılar Birliyi sədrinin müşaviri vəzifəsinə yiyələnməyi bacaran Sayman Aruzun da personası gündəmə gəlib.
Sayman Aruzun Azərbaycanda casus əməliyyatlarını Türkiyədə yerləşən Həsən Kərimzadə adlı şəxslə birgə gerçəkləşdirdiyi haqda da məlumat vermişdik. Həsən Kərimzadə 2020-ci il 20 iyul tarixində, Axar.az saytının Güney versiyasında dərc olunan farsca məqalədəki “təxribatçı cümləni” 2 dəqiqə ərzində “tapan”, 4 səhifəlik mətni “tərcümə edən” və bunu sosial şəbəkədə paylaşıb, kampaniya aparan şəxsdir. İki dəqiqəyə “sığdırılan” bu prosesin əvvəlcədən qurulmuş əməliyyat olduğuna kimsə şübhə edə bilməz. Ki onun bu “operativliyini” də “təsadüfən” Sayman Aruz görmüş və “dövlətin rəsmi saytı” həyasızlığı ilə hücuma keçmişdi.
2 fevral tarixində Sayman Aruzu ifşa edən məqaləmizə də dərhal Həsən Kərimzadə reaksiya vermişdi və guya özünə bəraət qazanmağa çalışmışdı. Bəllidir ki, Sayman Aruzun deşifrə olunmasından doğan təlaşın çırpıntıları idi.
Həsən Kərimzadənin kimliyi ilə bağlı isə redaksiyamızla əlaqə saxlayan güneylilər məlumat veriblər.
Hazırda Ankarada yaşayan güneyli milli fəal M.B. (qeyd edək ki, güneyli fəallar açıq şəkildə İran casuslarının ifşasını istəmirlər. Çünki bu halda casusların təhriki ilə İran xüsusi xidmət orqanları onların İranda yaşayan ailələrinə təzyiq edirlər. Buna baxmayaraq, şərti olaraq M.B. adlandırdığımız mühacir də Azərbaycan dövlətinin rəsmi qurumlarının araşdırma aparacağı təqdirdə şəxsən şahidlik etməyə hazır olduğunu bildirir – red.) Sayman Aruzun bütün əməliyyatlarında yoldaşlıq etdiyi Həsən Kərimzadə haqda şok faktlar açıqlayıb.
O bildirib ki, Həsən Kərimzadə ilə ilk dəfə Əskişəhərdə, güneylilərin toplandığı bir məkanda tanış olublar:
“Həsən Kərimzadə özünü təqdim edəndən sonra bizi şoka saldı, dedi ki, mən ETTELAAT-la əməkdaşlıq edirdim. Səbəbini isə belə izah etdi ki, narkotikə qurşanmışdım, bu səbəbdən məni həbs etmişdilər. Həbsdə bütün bədənim ağrıyırdı, əzab çəkirdim, dözə bilmirdim. Dedim, nə istəyirsiniz, soruşun, cavab verim. ETTELAAT nümayəndələri də dedilər ki, beş nəfər milli fəalın gizli fəaliyyətini ifşa etsən, səni azad edərik. Müəllim idim, işimi itirə bilərdim, ağrılara da dözə bilmirdim, ona görə kamera qarşısında nəinki 5 nəfər, 20 milli fəalın adını çəkib, onları ələ verdim. Bu xidmətimə görə məni azad etdilər”.
M.B.-nin sözlərinə görə, Həsən Kərimzadə İrandan çıxdıqdan sonra daha bu işlərlə məşğul olmadığını deyib:
“Ancaq növbəti görüşlərimizin birində səsimizi yazmasından şübhələndim. Üstünü axtardıq və bəlli oldu ki, doğrudan da söhbətimizi yazır. Onu sıxışdırıb, səbəbini soruşduq, dedi ki, buna görə ona 1400 dollar pul veriblər. Bu qalmaqalın da şahidləri var”.
Milli fəalın sözlərinə görə, bundan sonra Həsən Kərimzadəni dərindən araşdırmaq qərarına gəliblər:
“Aydınlaşdırdıq ki, bu, “Bəsic” qüvvələrində xidmət edib, onun hakimiyyətə bağlı olduğu haqda sənədi də ələ keçirdik və hazırda mənim arxivimdədir”.
M.B Həsən Kərimzadənin Türkiyədə fəaliyyətinə Əhməd Obalının təsadüfən imkanlar yaratdığını deyib:
“Həsən Kərimzadə əvvəlcə Azərbaycana gedib, Günaz TV ilə əməkdaşlıq edib, daha sonra isə Türkiyəyə yerləşib. Qısa müddətdən sonra bəlli oldu ki, Əhməd Obalının da səsini yazıb, bəlli yerlərə ötürürmüş. Əhməd Obalı bu xəyanətini bilən kimi onu işdən qovdu və əlaqəsini kəsdi”.
Onun sözlərinə görə, Həsən Kərimzadə müstəqillik, milli fəaliyyətlə bağlı fəaliyyəti lağa qoyan, buna qarşı çıxan adamdır:
“Namusu olmayan, ailə məsələləri haqda çox eybəcər formada sosial şəbəkələrdə danışan-foto paylaşan adamdır. Bunlar iki qardaş Ərdəbildə çox adamı dolandırıblar. Kasıblardan pul toplayan Kərimzadə qardaşları onlara bina tikib verəcəklərini vəd ediblər. Pulları Həsən Kərimzadənin bank hesabına göndəriblər. Pulları yığandan sonra “milli fəal” adı ilə Bakıya qaçıb, özünü “siyasi mühacir” kimi təqdim edib. Bir dəfə Həsən Kərimzadə Günaz TV-də canlı yayımda ikən biri Ərdəbildən zəng edib, onu pullarını ələ keçirməsi ilə bağlı ittiham etdi. Həsən isə bunu inkar etmədi. Bildirdi ki, bu, qardaşının səhvi olub. Sonra hər iki qardaşın rahat şəkildə İrana gedib-qayıtdığını öyrəndik”.
anaxeber.info
“Qabriel” siklonu adalara yaxınlaşdığı üçün Yeni Zelandiyada onlarla uçuş ləğv edilib və məktəblər bağlanıb.
Ölkənin ən böyük aviadaşıyıcısı “Air New Zealand” fevralın 14-ü günorta saatlarına qədər Oklendə və oradan bütün daxili reysləri, eləcə də bir çox beynəlxalq reysləri ləğv etdiyini açıqlayıb.
Həmçinin, Oklenddə 36-dan çox məktəb və universitet bağlanıb.
Fırtına nəticəsində 250 mm-ə qədər yağıntının düşəcəyi, küləyin sürətinin 130 km/saata çatacağı gözlənilir.
Səlahiyyətlilər sakinləri fırtına xəbərdarlığını ciddi qəbul etməyə çağırıb.
Ötən ilin yay aylarının sonunda Qarabağda “sürpriz yumurta” kimi peyda olan rusiyalı “filantrop” Ruben Vardanyandan günlərdir ki, səs-səmir çıxmır.
Rusiya siyasi dairələrinin, daha dəqiq desək, Kremlin bölgədəki maraqlarını təmin etmək üçün Qarabağa göndərilən bu şəxs bir göz qırpımında separatçı rejimin dairələrində populyarlaşdırılmış, hətta qondarma qurumun “rəhbəri” Araik Arutyunyan tərəfindən “dövlət naziri” təyin edilmişdi.
İlk başlarda Azərbaycan siyasi hakimiyyəti ilə danışıqlarda meylli olan, özünü şurtvatsların (Qarabağ erməniləri - red.) qurtarıcısı kimi qələmə verən bu adamın valı Azərbaycan Prezidentinin onun barəsindəki məlum açıqlamasından sonra birdən-birə çevrildi. Araik Arutyunyanla aralarındakı münasibətlərə aydınlıq gətirə bilməyən Vardanyanın canına susamış kimi “Qarabağ xalqı”nı ayağa qaldırmaq istəyininin nəticəsi olaraq isə “meyt maşını”nda Qarabağı tərk etdi.
Bunun səbəbi isə sadədir: Azərbaycanın Qarabağ erməniləriylə bağlı mövqeyi. Bu mövqe isə həmin şəxslərin quldur rejimin girovluğundan azad edilməsi və Azərbaycan vətəndaşlığını qəbul etməsidir. Əlbəttə, bizimlə birgə yaşamaq istəməyənlər üçün çıxış qapısını da açıq qoymuşuq.
Qarabağda Nikol Paşinyanın yaxın silahdaşı sayılan, hətta “Qarabağ klanı”nda Paşinyan hakimiyyətinə daha loyal, ona tək sadiq adam olan Araik Arutyunyan və silahdaşlarının Azərbaycanın siyasi iradəsi nəticəsində məngənəyə sıxışmasından sonra isə Vardanyan gördü ki, onun oğurladığı milyardların gücü harayına qaçdığı dönmə erməniləri qurtarmağa çatmayacaq. Ona görə də o, yekun nəticədə, urvatsız şəkildə Qarabağdan qaçıb-getdi. “Miatsum”, erməni birliyi, mübarizə, müharibə, “Arstax”, itotu-bağayarpağı deyə-deyə 6 ayda heç nəyə nail ola bilməyən Vardanyanın özünü indi heç Moskvada adam yerinə belə qoymurlar.
“Vardanyan ssenarisi”nin iflasa uğradığını görən Moskvanın isə Qarabağa yeni “vardanyanlar” idxal edəcəyini istisna etmək olmaz. Ukrayna kampaniyasına başı qarışan Moskva, əlbəttə ki, arxa bağçası saydığı Cənubi Qafqazı, hələ-hələ 2 il qabaq sülhməramlı adı ilə soxulduğu Qarabağı əldən vermək niyyətində deyil. Olan isə burada Vardanyan və onun pullarına oldu. Çünki istər Kreml, istərsə də Ruben Vardanyan məlum hadisədən sonra bir şeydə həmfikir oldular ki, gec, ya tez Azərbaycan həmin ərazilərdə öz hakimiyyətini bərpa edəcək.
Hansı ki, bunu artıq Arutyunyanın timsalında bütün “Qarabağ klanı” və “köhnə qvardiya”ya qarşı özünü “novator” kimi dürtüşdürən Vardanyan çoxdan qəbul edib.
Qısası, Azərbaycanın kartları açıq oynamasından sonra sıradan çıxan ilk “peşka” Vardanyan oldu. Və şübhəsiz ki, bu, axrıncı yox, axarıncı olacaq. Nəinki Vardanyan, istəyir, 5 Vardanyan Qarabağa gəlsə belə, onun sonunun necə olacağını gördük. //yenisabah.az//
Federal Təhqiqatlar Bürosunun əməkdaşları axtarış aparmaq üçün ABŞ-ın keçmiş vitse-prezidenti Mayk Pensin İndiana ştatının Karmel şəhərindəki evinə gəliblər.
APA-nın xəbərinə görə, bu barədə cümə günü "Politico" qəzeti hadisə yerində olan polis əməkdaşına istinadən məlumat yayıb.
Ətraflı
Nəşr yazır ki, FTB Pensin evdə hər hansı məxfi materialın olub-olmadığını yoxlayıb. Axtarış keçmiş vitse-prezidentin razılığı ilə aparılıb.
CNN mənbələrinin məlumatına görə, yanvarın sonlarında Pensin evində onun vəkili tərəfindən məxfi sənədlər aşkarlanıb. Daha sonra materiallar FTB-yə təhvil verilib.
Ermənistanın paytaxtı İrəvan şəhərində yerləşən Respublika meydanında, hökumət binasının yaxınlığında atışma baş verib.
“Report” Ermənistan mətbuatına istinadəla xəbər verir ki, hüquq-mühafizə orqanlarının əməkdaşları yolsuzluq avtomobilini meydanda saxlamağa çalışıblar, bundan sonra silah səsləri eşidilib.
Ətraflı
Yolsuzluq avtomobilinin sürücüsü təhlükəli manevrlər edərək polislərdən birini vurub.
Sonda avtomobil polis tərəfindən saxlanılıb. Ermənistanın hüquq-mühafizə orqanları insidentlə bağlı hələlik şərh verməyib.
ABŞ Türkiyədə baş verən zəlzələnin nəticələrinin aradan qaldırılmasına yardım üçün "Corc Buş" təyyarədaşıyan gəmisini və onu müşayiət edən gəmilərini Aralıq dənizinin şərqinə göndərir.
Axar.az xəbər verir ki, bu barədə Pentaqon sözçüsü Patrik Rayder məlumat verib.
"ABŞ Avropa Komandanlığı Türkiyə hökumətinə və axtarış-xilasetmə əməliyyatlarına kömək etmək üçün şəxsi heyət, avadanlıq və müxtəlif vasitələr göndərib. Onların arasında Aralıq dənizinin şərq hissəsinə yerləşdirilən "Corc Buş" təyyarədaşıyan gəmisi də var", - Rayder vurğulayıb.
Onun sözlərinə görə, təyyarədaşıyan xilasedicilərə maddi-texniki dəstək, tibbi yardım göstərəcək və ehtiyac yarandıqda öz helikopterləri ilə təmin edəcək.
Zəlzələ nəticəsində Malatyada binanın dağıntıları altında qalan azərbaycanlı tələbələrin axtarışları davam etdirilir.
Xilasedicilər həmin tələbələrin yaşadığı ikinci mərtəbəyə yaxınlaşıblar.
Məlumata görə, xilasedicilər dağıntılar altında 5 nəfərin sağ olduğunu müəyyənləşdiriblər.
Qeyd edək ki, dağıntılar altında qalan azərbaycanlı tələbələr Samir Quliyev, Şahin Verdiyev, Hümam İsmayıllı və Gündüz Nəzərzadədir.