Üçüncü Dünya müharibəsinin siqnalı? – Ukrayna savaşı da belə başlamışdı

Yaradılıb 30.06.2023 09:07 | Baxış sayı: 154
Ardını oxu...
ABŞ Prezidenti Co Bayden Çin lideri Si Cinpini diktator adlandırıb. ABŞ dövlət katibi Entoni Blinkenin Pekin səfərinin başa çatmasından bir gün sonra çıxış edən Ağ Ev rəhbəri Çin liderinin hava şarı insidentindən narazı qaldığını deyib: “Si Cinpinin çox bədbəxt olmasının səbəbi onun bu şardan xəbəri olmaması idi. Diktatorlar nə baş verdiyini bilmədiyi zaman həqiqətən bundan xoşları gəlmir”.

Xatırladaq ki, ötən ilin əvvəlində Bayden Rusiya Prezidenti Vladimir Putini də diktator adlandırmışdı: “Vladimir Putin qatıl, ölümcül diktator və açıq-aşkar quldurdur”.

Onun bu açıqlamasına rəsmi Moskva sərt reaksiya verərək, ABŞ-ı okeanın o tayından dünyanı qarışdırmaqda ittiham etmişdi. Rusiya Xarici İşlər Nazirliyi ABŞ Prezidentini beynəlxalq hüquq normalarını pozmaqda və həddini aşmaqda günahlandımışdı. Baydenin məhz bu açıqlamasından sonra Rusiya Ukraynaya qarşı hücuma başladı.

Ötən ilin avqustunda dünyanın ABŞ-la Çin arasında nüvə müharibəsi həddinə çata biləcək hadisənin həyəcanı ilə çalxalanması, bir kiçik ada uğrunda dünya güclərinin üz-üzə gəlməsi bu iki dövlət arasında da münasibətlərin gərgin olmasından xəbər verir.

Bəs, Baydenin Rusiya-Ukrayna müharibəsi öncəsi Putini qatil və ölümcül diktator adlandırmasından sonra növbəti dəfə Çin lideri Si Cinpini diktatorluqda ittiham etməsi ABŞ iə Çin arasında müharibənin başlamasına hazırlıq kimi qiymətləndirilə bilərmi?

TEREF.AZ-ın məlumatına görə, politoloq Elçin Xalidbəyli AYNA-ya şərhində deyib ki, ABŞ ilə Çin arasında müharibənin fəsadları dağıdıcı olar: “Bu səbəbdən nə Amerikanın, nə də Çinin bu müharibəyə gedəcəyi inandırıcıdır. Çünki bu müharibə Ukrayna müharibəsi ilə müqayisə oluna bilməz. Hər iki ölkə nüvə dövləti olmaqla yanaşı, kifayət qədər müasir hərbi və iqtisadi resurslara sahibdir. Eyni zamanda, ABŞ və Çin iqtisadiyyatları da dünya iqtisadiyyatında həlledici paya malikdir. Və bu iki ölkənin iqtisadiyyatları əsasən savaş ehtiyaclarının ödənilməsinə indeksləşərsə, nəticələri dünyada qlobal aclıq, hətta dərin xaos kimi təzahür edə bilər”.

“Düzdür, onların arasında soyuq müharibə hökm sürür, ancaq bu, daha çox müxtəlif təzyiqlər formasında təzahür edir. “Tayvan böhranı” silahlı toqquşmalara yol açarsa, bəşəriyyət yeni qlobal savaşla üzləşə bilər. Üstəlik, belə savaş bütün dünya üçün daha dağıdıcı və faciəvi nəticələr vəd edir”, - deyə həmsöhbətimiz bildirib.

Analitik hesab edir ki, Ağ Ev artıq əvvəlki kimi dünya üzərində əzici avtoritetini qoruya bilmir: “Çinin sürətlə güclənməsi, ABŞ-da baş verən iqtisadi böhranın Pekinin xeyrinə işləməsi və bu kimi amillər qarşılıqlı zidiyyətləri dərinləşdirir. ABŞ əhəmiyyətli mövqeyini əldən vermək istəmir və həm Çinə, həm də Rusiyaya qarşı hücumlar bundan qaynaqlanır. Avropa ölkələri Rusiyaya qarşı embarqolarda yaxından iştirak edir. Bununla da Avropa İttifaqının iqtisadiyyatında önəmli rol oynayan Rusiya enerji resurslarının “qoca qitə”yə axını dayandırılıb. Faktiki olaraq Avropa İttifaqı süquta doğru irəliləyir və bu sırada Çinlə də münasibətlərin pisləşməsi İttifaqın “intiharı” olardı”.

“Böyük ehtimalla, əsas hədəf yalnız Rusiyanın deyil, həm də Avropa İttifaqının iqtisadi cəhətdən zəiflədilməsinə hesablanıb. Çünki Avropa İttifaqı Çinin əsas və ən zəngin iqtisadi-ticari partnyorudur. Əgər, Avropa İttifaqı çökərsə, Çin iqtisadiyyatının iflasa uğraması da sürətlənə bilər. Ona görə də Ukrayna savaşının məhz Çinin maliyyə-iqtisadi böhrana düçar edilməsinə qədər davam etdirilə biləcəyi istisna deyil”, - deyə Xalidbəyli fikrini yekunlaşdırıb.

DİA.AZ-ın məlumatına görə, politoloq Elxan Şahinoğlu da AYNA-ya açıqlamasında qeyd edib ki, nə ABŞ, nə də Çin hərbi qarşıdurmada maraqlıdır: “Pekin iki ölkə arasındakı gərginliyi daha da artırmaq və əsas ticarət tərəfdaşlarından biri olan ABŞ-la körpüləri yandırmaq istəmir. Lakin reaksiyasız da qalmaq niyyətində deyil. Amerika ilə Çin arasında “əsəb müharibəsi” davam edir. Bunun hərbi qarşıdurma həddinə qədər gəlib çatacağı real deyil. Çünki bu, faktiki olaraq Üçüncü Dünya müharibəsinin başlanması olar. Ağ Ev Pekinlə təmaslarda xalq diplomatiyasının imkanlarından istifadə etməyə qərar verib”.

Siyasi şərhçinin sözlərinə görə, Vaşinqton Pekinlə fərqli formatlarda dialoq qurmağa çalışır: “ABŞ hazırkı siyasəti ilə yenidən Pekini Moskva ilə əməkdaşlıqdan çəkindirmək istəyir. Lakin buna nail olmur. Buna görə də rəmi Pekinə qarşı təzyiqləri artırır. Co Baydenin Çin lideri haqqında son bəyanatı da bundan qaynaqlanır”.

“Son dövrlər Qərb və anti-Qərb qüvvələri arasında qarşıdurma şiddətlənib və tərəflər bir-birinə qarşı sərt ritorikadan istifadə edirlər. ABŞ-ın dövlət katibi Entoni Blinkenin Çinə səfərindən sonra Prezident Baydenin məlum açıqlaması balanslı münasibətlərin hökm sürdüyündən xəbər verir. Amerika bir tərəfdən Çini yumşaltmağa çalışır, digər tərəfdən isə tənqid edir”, - deyə Şahinoğlu vurğulayıb.

Radikal müxalifətin kisəsindən gedən iki adaş siyasətçi

Yaradılıb 30.06.2023 09:00 | Baxış sayı: 128
Ardını oxu...
Son bir ildə Azərbaycanın radikal müxalif cameəsində iki maraqlı proses baş verib. Nümunə kimi göstərəcəyim siyasi hekayələrin hər iki qəhrəmanı adaşdır. Söhbət HƏP və VİP sədrləri olan: Əli İnsanov və Əli Əliyevdən gedir. Hər iki Əli hakimiyyətə qarşı radikal mövqe sərgiləyirdi.
Fərq bundaydı ki, Əlilərdən biri 14 illik həbsdə göstərdiyi prinsipal mövqeyindən sonra, heç bir təkliflərlə razılaşmayaraq, radikal siyasi mövqe nümayiş etdirirdi. Etiraf edək ki, o, həm də Azərbaycan siyasi cevrəsində türmənin heç də hamını sındıra bilmədiyi nümunəsini ortaya qoymaqla, gənc müxalif siyasilər üçün motivasiya mayakına çevrilmişdi.
Əli İnsanov bütün bu iztrablardan sonra, azadlıqda olarkən, birdən-birə İlham Əliyevi dəstəklədiyini bəyan etdi. Yəni, nə qədər təəccüblü olsa da, türmədə ağır vəziyyətdə olarkən etmədiyini, azadlıqda etdi.
Digər siyasətçi -Əli Əliyev isə radikal mövqe sərgiləyəndən sonra türməyə düşməli oldu. Barəsində dalbadal bir neçə cinayət işi açıldı. VİP sədri Əli İnsanovdan 10 dəfədən də az müddətdə həbsdə olandan (1 il 4 ay) sonra əfv edildi. Azadlığa çıxandan qısa müddət sonra isə rəhbəri olduğu partiyanı buraxdığını bəyan etdi. Bununla yanaşı, Əli Əliyevin türmədən çıxandan sonra özünü siyasətdən tam təcrid etməsi, onun siyasətlə vidalaşdığı anlamına da gələ bilər.
Bu paraleləri təsadüfən aparmadım. Bununla, Azərbaycanda daha çox səslənən: “filan siyasətçini türmə sındırdı” , teoriyasının yalnış olduğunu sübut etmək istədim. Bir daha sübut olunur ki, son illərin yetişdirdiyi radikal siyasi liderlərlərin apardığı mübarizə ideoloji əsaslara, ali dəyərlərə söykənməyib.
Onların böyük əksəriyyəti bu mübarizədə özlərinin, ailələrinin, təminatı üçün iqtidardan nəsə umduqları üçün aparıblar. Yəni hədəfləri cılız və korporativ olub. Öz təminatları üçün məqbul sayılan razılaşmanın əldə olunmasına nə zaman və harada nail ola biliblərsə, orada da kurslarından asanlıqla imtina ediblər.
Çünki arxalarında çəkindiklər ideoloji cərəyan və oturuşmuş bir struktur olmayıb. Belə olmasaydı, indiyə qədər ömrünü müxalif cameədə təmsil olunmağa həsr edən HƏP funksioneri, tanınmış stomatoloq Zəlimxan Məmmədlidən İnsanovun nümayiş etdirdiyi bu cür kəskin U dönüşünə bir etiraz eşidərdik.
Əminəm ki, siyasi partiyaların qeydiyyata alınması ilə bağlı yeni sərt tələblər olmasaydı, Əli Əliyev də, Etibar Məmmədov, Lalə Şövkət kimi özünü VİP lideri elan etməklə, siyasətlə vidalaşdığını bəyan edəcəydi. Mövcud reallıqlar isə onu VİP-lə birgə batırdı…
Məhəmmədəli Qəribli
Teref.az
 

"Rusiya Afrika və Yaxın Şərq ölkələrini sakitləşdirməyə çalışır ki, üsyandan sonra Kreml bu qitələrdəki "Vaqner" qüvvələrinə nəzarəti ələ keçirə biləcək".

Cebhe.info xəbər verir ki, bu barədə "The Wall Street Journal" nəşri yazıb.

Nəşrin məlumatına görə, "Vaqner" özəl hərbi şirkətin rəhbəri Yevgeni Priqojinin keçmiş məhbuslar və muzdlulardan ibarət ordusu ötən şənbə günü Moskvaya doğru irəliləyişlərini dayandırdıqdan bir neçə saat sonra Kreml Priqojinin sahibkarı olduğu "qlobal imperiyasına" tam nəzarəti ələ keçirmək qərarına gəlib.

Qeyd edilib ki, Rusiya xarici işlər nazirinin müavini şəxsən Suriya Prezidenti Bəşər Əsədə məlumat çatdırmaq üçün Dəməşqə uçub.
Məlumata görə, Bəşər Əsədə verilən məlumat ondan ibarət olub ki, “Vaqner” qüvvələri bundan sonra Suriyada təkbaşına fəaliyyət göstərməyəcək.

Bildirilib ki, Rusiya Xarici İşlər Nazirliyinin yüksək rütbəli rəsmiləri Mərkəzi Afrika Respublikasının prezidentinə zəng edərək onu şənbə günü baş verən böhranın Rusiyanın Afrikadakı ekspansiyasına mane olmayacağına əmin ediblər.

Nəşr həmçinin yazıb ki, Rusiya Fövqəladə Hallar Nazirliyinin hökumət təyyarələri Suriyadan "Vaqner"in xaricdəki digər əsas forpostlarından olan Maliyə köçürülüb.

Adıçəkilən nəşr onu da vurğulayıb ki, illərdir "Vaqner"lə əlaqəsini inkar edən Rusiya, görünür, Priqojin və onun köməkçiləri tərəfindən idarə olunan və genişlənən muzdlu şəbəkəni nəzarətə götürməyə çalışır.

O cümlədən qeyd edilib ki, "Vaqner" indiyə kimi Kremlin beynəlxalq təsirinin güclənməsinə kömək edib və Kremlə vəsaitlərin köçürülməsinə isə Priqojinin "Konkord" holdinqlər şəbəkəsi rəhbərlik edib.

Bu arada Qərb rəsmilərinə görə, "Vaqner" şirkətləri Afrikada ildə yüz milyonlarla dollar qazanır:

""Vaqner"-in gəlir mənbələri Sudan qızılının Rusiyaya, eləcə də Mərkəzi Afrika Respublikasından BƏƏ-yə almaz və Pakistana taxta ixracından gəlir", - Qərb rəsmilərinin sözlərinə istinadən nəşr yazıb.

Həmçinin vurğulanıb ki, "Vaqner" illərdir Yaxın Şərq və Afrikadakı avtokratik rejimlər üçün təhlükəsizlik qüvvəsi kimi çalışıb və son vaxtlar Latın Amerikası və Karib hövzəsinə doğru irəliləyir.

Bildirək ki, Ukrayna və Rusiyada "Vaqner"in 30 mindən çox döyüşçüsü var.
 

"Azəriqaz"-da Azərbaycan qanunları işləmir? - FOTO

Yaradılıb 29.06.2023 09:50 | Baxış sayı: 125
Ardını oxu...
Əlbəttə, hər bir İşəgötürənin istehsalat zərurəti ilə əlaqədar İşçini işəçağırmaq hüququ var,lakin Əmək Məcəlləsinin tələblərinə əməl etməklə.
Bu normal bir şəraitdə və ya istehsalat zərurəti ilə əlaqədar Bayram günlərində İşəgötürənin: normal şəraitdə İşçini işə çağırması deyil, yəni, İşçi və İşəgötürənin normal Əmək münasibəti də deyil, normadan artıq bayram günlərində işə çağırması da deyil, Əmək Məcəlləsi və ya əmək qanunvericiliyi də deyil, bu İşçi ilə müqavilə münasibətiləri də deyil, HƏTTA BUNUN ADINI yazmağı da özümə rəva bilmirəm. Bunu yazan və ya yazmağı tapşıran vəzifəli şəxsin isə ümumiyyətlə əmək qanunvericiliyindən xəbəri yoxdur, Əmək Məcəlləsində nəzərdə tutulan İşçi və İşəgötürənin hüquq və vəzifələrindən də xəbəri yoxdur, özünü isə 21-ci əsrdə deyil, 11-ci əsrdə olduğu kimi aparır.
Azərbaycan Respublikasının Əmək Məcəlləsi: İş vaxtından artıq iş— İşəgötürənin Əmri və yalnız İŞÇİNİN razılığı ilə əmək funksiyasını müəyyən olunmuş iş günü vaxtından artıq müddət ərzində yerinə yetirməsi sayılır.
İstər normal iş vaxtı olsun, istərsədə iş vaxtının cəmlənmiş iş uçotu qaydasında növbə üsulu ilə işləyən işçilər: Azərbaycan Respublikasının Silahlı Qüvvələri günü və Qurban Bayramı günlərində işə çağırılarsa və ya bu Bayram günləri iş növbəsi günlərinə düşərsə əmək haqqı - işçinin gündəlik vəzifə maaşının ikiqat məbləğindən aşağı olmamaqla ödənilir.
Azərbaycan Respublikası Əmək Məcəlləsinin bu tələbini pozan işəgötürənlər qanunvericiliklə nəzərdə tutulan qaydada: maddi, intizam, inzibati və cinayət məsuliyyəti daşıyırlar.
Azər Quliyev.
Teref.az
Ardını oxu...
 

 Qalstuk zümzüməsi... - Aqşin Yenisey yazır...

Yaradılıb 28.06.2023 09:47 | Baxış sayı: 149

Ardını oxu...
Azərbaycanda idarəetmənin ümumi fəlsəfəsi gücünü köhnə müstəmləkə məktəbindən alır. Müstəmləkə məmuru həm də bir xalq tərbiyəçisi idi.
Qədim Roma müstəmləkə düşüncəsinə görə Romanın tabeliyində olmayan bütün xalqlar barbar idi. İngilis, fransız imperialistləri üçün də asiyalılar, afrikalılar mədəniyyətdən nəsibini almamış xalqlar, tayfalar idilər.
Rusların gözündə də biz eyni barbar statusa sahib idik. Ona görə yaradılan bürokratik sistem bizi idarə etməklə yanaşı, həm də "əhliləşdirməli" idi. Yəni barbar iradəmizi sındırmalıydı.
Xalqla dövləti təmsil edən sovet məmuru arasında konflikt də buna görə yaranırdı və xalq ağına-bozuna baxmadan onun iradəsini sındırmağa gələn dövlətə kin bəsləyirdi.
Oxşar hallar bu gün də yaşanır. Bu gün də qalstuk taxan hər bir azərbaycanlı qalstuk taxmayan digər həmvətənlisinə tərbiyəyə, əhliləşməyə ehtiyacı olan biri kimi baxır, onun öncə iradəsini sındırmağa çalışır. Aralarında yeganə fərq isə birinin qalstuk taxıb, o birinin taxmamasıdır. Başqa heç bir barbarlıq, mədənilik fərqləri yoxdur.
İnsanlarda milli dövlətə qarşı qıcıq yaradan da qonşu kənddə böyüyüb vəzifəyə gələn Gülağanın "kiçik gedəsini" qarşılarında müstəmləkə məmuru kimi görmələridir.
Yəni sovet vaxt Həsən keçəl idi, indi keçəl Həsəndir. Bu köhnəlmiş idarəetmə fəlsəfəsində, praktikasında dərin islahatlara ehtiyac var.

Amma bu yazdıqlarım "mədəniyyətin arasıkəsilməz zorakı proses" olduğu həqiqətini dəyişmir. Bakıdan bircə gün hərəkət qaydaları işarələrini yığışdırsaq, yollarda şahə qalxıb kişnəyən avtomobillər peyda olar.

Aqşin YENİSEY - DİA.AZ

Hər bir quruluşun aqibətini xalqın təfəkküründəki hökmün təbiəti müəyyən edir

Yaradılıb 28.06.2023 09:15 | Baxış sayı: 91
Ardını oxu...
Hər bir quruluşun aqibətini xalqın təfəkküründəki hökmün təbiəti müəyyən edir və rus təfəkküründə hökmün məğlubiyyəti həzm olunmur.
Rusiyada Birinci Pyetordan başlayaraq hər bir hərbi məğlubiyyət kardinal dəyişikliklərə səbəb olub.
1853-1856 ci illər Krım müharibəsi təhkimçiliyin ləğvi, məhkəmə islahatı, təhsil islahatı, torpaq islahatı, hərbi islahatlara səbəb oldu.
1904-1905 ci illər Rus-Yapon müharibəsindəki məğlubiyyətdən sonra ilk Rus inqilabı baş verdi.
Birinci Dünya Müharibəsində məğlubiyyətdən sonra Çar II Nikolay devrildi və bolşeviklər hakimiyyətə gəldi.
1962-ci ildə Kubaya ballistik raketlər göndərib sonra da bu addımın yaratdığı böhranın idarə edə bilməməsi üzərindən geri çağırması məğlubiyyət kimi qəbul olunan Nikita Xruşşov cəmi 1 il 5 aydan sonra vəzifəsindən uzaqlaşdırıldı.
Əfqanıstan müharibəsində uğursuzluq Mixail Qorbaçova “islahatlar adı altında” müharibəni başlamış köhnə, arzuedilməz qrupları kənarlaşdırmaq kursunu müəyyənləşdirməsinin əsas faktorları idi.
Bu addımların hamısının nə ilə nəticələndiyini elə SSRİ-nin aqibətində görmək olar.
Rusiya dövlətçiliyi yenilənə bilən quruluş deyil və liberal şərtlərlə yenilənmir , həmişə təhlükə yaranan kimi siyasi elita özü rəhbəri dəyişir.
Dünən Lukaşenkoya təşəkkür və ümumiyyətlə qiyamın yatırılmasında Batkanın adının hallanması Putinin özünü elitada müdafiə cəhdidir.
Təşəkkür Lukaşenkoya yox Vaynoya , Patruşevə və Qrızlova düşür, onlar hər şeyi həll edəndən sonra Batkaya təklif ediblər.
Telemüraciətdən sonra “prezident yanılır” deyə fikirindən dönməyən qiyamçını hakimiyyət daxilində kiminsə dayandıra bilməsi Putinin onsuz da laxlamış legitimliyini sındırdı.
Xüsusi ilə bu adam Ukraynaya hücumun əleyhinə olan, bunu prezidentin hələ ən güclü vaxtında aşkar səsləndirə bilən biridirsə demək ki, real alternativ var.
Lukaşenkoya nümayişkaranə təşəkkür və sonra səslənən fikirlər ( bəzilərini açmıram hələ ) daxildə Putindən güclü biri var həqiqətini gizlətmək üçün idi.
Amma Batka özünü Rusiyanın ( Putinin yox ) güvənli dostu kimi tarixə yazdı , rus dövləti bunu unutmaz, unutdurmaz…
Priqojin isə gəzən meyiddir, sadəcə zaman məsələsidir , çünki qiyam nəticəsində hakimiyyətə gələnlər belə ilk qiyamçını öldürür.
Mən onun tək, sığortasız belə riskə gedəcəyinə inanmıram və mütləq kənar qüvvə ilə ittifaqda idi.
3 gün ərzində Bayden də daxil 8 ölkənin rəsmiləri “Priqojin və qiyam bizlik deyil” mesajı verib, bir ölkədən başqa…
Əslində bu səssizliyin özü elə onu müdafiədir…
Yegana Haciyeva
 

Paşinyanıda aldadıblar....

Yaradılıb 28.06.2023 09:14 | Baxış sayı: 94
Ardını oxu...
Ermənistanın baş naziri Nikol Paşinyan 44 günlük müharibənin araşdırılması üzrə komissiyasının iclasında deyib ki, müharibə vaxtı bəzi silahların istifadə hüququ Ermənistana aid olmayıb. Bəs kimə aid olub? Paşinyan bu barədə heç nə deməsə də, söhbətin Rusiyadan getdiyi aydındır. Paşinyan iclasın qapalı hissəsində Ermənistan silahlı qüvvələrinin arsenalında olan həmin silahlar barədə ətraflı məlumat verəcəyini söyləyib. Baş nazir bu silahların Rusiya istehsalı olan “İskəndər-M” əməliyyat-taktiki raket kompleksi olub-olmaması ilə bağlı suala aydınlıq gətirməyib.
Azərbaycan prezidenti İlham Əliyev müharibədən sonra “İskəndər-M” raketi ilə bağlı Kreml qarşısında bir neçə dəfə məsələ qaldırıb. İlham Əliyev Rusiya istehsalı olan və bu ölkənin daxili istifadəsi üçün nəzərdə tutulmuş “İsgəndər-M” raketi qalıqlarının Şuşada tapılmasından sonra bu məsələni rusiyalı həmkarı Vladimir Putinlə müzakirə edib. “Bu çox həssas məsələdir, Azərbaycan xalqından gizlədə bilmərəm” – deyən İlham Əliyev Rusiya prezidenti ilə telefon danışığı zamanı bu sualı ona verdiyini və cavabı bilmək istədiyini vurğulayıb. Putinin cavabı olmayıb. Rusiya prezidenti nə cavab verə bilərdi? Kreml sahibi bəlkə də özünün əmriylə “İskəndər-M” raketi ilə Azərbaycan ərazisinə zərbə endirdiyini etiraf etməyəcəkdi ki. Rusiya genellarından biri Putinin xəbəri olmadan Ermənistana “İskəndər-M” raketi verə və ya həmin raketi Azərbaycana tuşlaya bilərdimi? Paşinyan son çıxışında buna işarə edib.
Elxan Şahinoğlu
Teref.az
 

Əliyev yeni raketlərlə uzaq mənzilləri “vurur” - İNCƏLƏMƏ

Yaradılıb 27.06.2023 12:28 | Baxış sayı: 125
Ardını oxu...
Prezident İlham Əliyev Müdafiə Nazirliyinin komando hərbi hissələrinin birində çıxışı zamanı vacib bir məlumatı diqqətə çatdırdı.

Əliyev dünyada geosiyasi vəziyyətin gərginləşməsi, regionda yeni təhdidlərin mövcudluğu, Ermənistanda revanşist qüvvələrin baş qaldırması fonunda Azərbaycanın yeni silahlar alması prosesinin davam etdiyini açıqladı. Buraya böyük dağıdıcı qüvvəyə və yüksək dəqiqliyə malik uzaqmənzilli raketlər də daxildir.

Azərbaycan son illər, xüsusilə Vətən müharibəsindən sonra silahların idxalına dair yeni məlumatları təfsilatı ilə təqdim etmir.

Silah tədarükünə dair konkret hansı ölkələrlə kontrakt imzaladığını açıqlamır, görünür ki, bunun regional məsələlərlə bağlı bir əlaqəsi var.

Uzaqmənzilli raketlər strateji silahlar hesab olunur. Belə raketlərin təyinatı nəzərdə tutulan məsafə üzrə istənilən hədəfi məhv etməyə kifayət edir.

Azərbaycanın uzaqmənzilli raketləri dislokasiya edəcəyi ərazilər də maraq doğurur, məsələn, bunların Ermənistan sərhədi ilə yaxın yerlərdə yerləşdirilməsi Bakının mümkün eskalasiyalar zamanı ata biləcəyi atəşlərin koordinatı barədə fikirlər formalaşdırır.

Azərbaycan ballistik raketlər balansını artırmaqla çəkindirici güc bazası formalaşdırır və bu, regionda eskalasiyanı azaltmaqda faydalı iş əmsalını artırır.

Amma İlham Əliyevin qeyd etdiyi kimi, regionda yeni təhdidlər var, təhdid mövcuddursa, deməli, hərbi eskalasiya riski də qalmaqdadır.

Azərbaycan Ermənistanla münasibətlərin normallaşması üçün öz şərtlərinin təmini üçün uzaqmənzilli raketlər faktorunu ortaya qoyacaq.

Yəni İrəvanı xəbərdar edəcək ki, sülh gündəliyindən qaçıb başqa yol tutsa, həmin raketlərin atılacağı ünvan Ermənistan üçün fəlakətli olacaq.

Ermənistan regional təhdidlərlə sülh gündəliyi arasında özünü elə yerləşdirmək istəyir ki, fürsət düşən kimi hücuma keçsin.

Belə bir ssenaridə Azərbaycan Ermənistanı böyük miqyasda zərərsizləşdirəcək son həmlələrini edə bilər, lakin regional və geosiyasi kontekstdən də çox şey asılıdır.

İndi Azərbaycan-Ermənistan sərhədinin Naxçıvan istiqamətində hərbi insidentlər çoxalıb. Azərbaycan isə Naxçıvanla quru əlaqəsini təmin edəcək Zəngəzur dəhlizinin açılmasında inadkarlıq göstərir.

Əliyev uzaqmənzilli raketlərin gətirilməsini çarpaz olaraq Zəngəzur dəhlizi ilə bağlı yaranacaq təhdidləri ilə əlaqəli məzmunda qeyd edə bilər.

Azərbaycan Türkiyə ilə strateji müttəfiqlik əlaqələrini də irəliyə aparmalıdır, bunun hərbi-strateji ölçüləri elə bir səviyyəyə çatmalıdır ki, ittifaq modeli rəsmiləşsin.

Uzaqmənzilli raketlərin çoxluğu Azərbaycan-Türkiyə əlaqələrinə maneə yaratmaq istəyən qüvvələr üçün xəbərdarlıqdır.

Aqşin Kərimov - DİA.AZ
 

Kimliyindən asılı olmayaraq ölkəmin qanunlarını pozan,dövlət dilinə hörmətsizlik edən hər bir kəs cəzalanmalıdır

Yaradılıb 27.06.2023 11:58 | Baxış sayı: 92
Ardını oxu...
Kimliyindən asılı olmayaraq ölkəmin qanunlarını pozan,dövlət dilinə hörmətsizlik edən hər bir kəs cəzalanmalıdır
Azərbaycan Respublikasının Konstitusiyasına və Azərbaycan Respublikasının Əmək Məcəlləsinə əsasən əmək münasibətlərində dövlət dili ilə əlaqədar işçilər arasında hər hansı bir məhdudiyyət və ya ayrı seçkilik qoyulması qadağandır,
Azərbaycan Respublikasının Konstitusiyası
Maddə 21. Dövlət dili:
I. Azərbaycan Respublikasının dövlət dili Azərbaycan dilidir. Azərbaycan Respublikası Azərbaycan dilinin inkişafını təmin edir.
II. Azərbaycan Respublikası əhalinin danışdığı başqa dillərin sərbəst işlədilməsini və inkişafını təmin edir.
Azərbaycan Respublikasının Əmək Məcəlləsi Maddə 16. Əmək münasibətlərində ayrı-seçkiliyin yolverilməzliyi:
Əmək münasibətlərində DİLİNƏ GÖRƏ, həmçinin işçinin işgüzar keyfiyyətləri, peşəkarlıq səriştəsi, əməyinin nəticələri ilə bağlı olmayan digər amillərə görə işçilər arasında hər hansı ayrı-seçkiliyə yol verilməsi, bu amil zəminində bilavasitə və ya dolayısı ilə imtiyazların və güzəştlərin müəyyən edilməsi, habelə hüquqlarının məhdudlaşdırılması qəti qadağandır.
Azər Quliyev.
Teref.az
 

"Moskvada vəziyyət qarışsa bizə ümid etməyin"

Yaradılıb 26.06.2023 08:59 | Baxış sayı: 121
Ardını oxu...
Qazaxıstan prezidenti Kasım-Jomart Tokayevin Rusiyada baş verən hadisələrlə bağlı ölkəsinin Təhlükəsizlik Şurasının növbədənkənar iclasını keçirməsi anlaşılandır.
Rusiyada qiyam müvəqətti yatırılsa da, Astana min kilometrlərlə sərhədi olan qonşusunun ərazisində gələcəkdə oxşar hadisələrin baş verəcəyindən ehtiyatlanır. Astana Rusiyada Qazaxıstanın şimalını qarışdırmaq istəyən qüvvələrin varlığından da xəbərdardır. Dünən gün ərzində Kollektiv Təhlükəsizlik Müqaviləsinə üzv olan ölkələrin liderləri hörmət əlaməti olaraq Rusiya prezidenti Vladimir Putinlə telefonla danışıb, müxtəlif formalarda ona dəstəklərini ifadə ediblər.
Bu danışıqların fonunda Kasım-Jomart Tokayevin Vladimir Putinə “baş verənlər Rusiyanın daxili işidir” deməsi diqqətdən yayınmayıb.
Qazaxıstan prezidenti sanki bununla rusiyalı həmkarına demək istəyib ki, Moskvada vəziyyət qarışsa bizə ümid etməyin. Putinin ümidini yalnız Belarus prezidenti Aleksandr Lukaşenko doğrulda bilib. Putin həyatı boyu Lukaşenkoya borclu qalacaq.
Elxan Şahinoğlu
Teref.az

Priqojinin Lukaşenko ilə razılaşması birinci səhnəni sonu tamaşanın isə davamı etməsi ola bilər

Yaradılıb 25.06.2023 09:54 | Baxış sayı: 113
Ardını oxu...
Kreml sahibi Vladimir Putin hər zaman Rusiyanın böyüklüyündən danışıb, ancaq hazırda elə bir vəziyyətə düşüb ki, belaruslu həmkarı Aleksandr Lukaşenkondan Priqojinlə əlaqə saxlamasını xahiş edib. Əslində bu durum Putinin Rusiyanın suverenliyini şübhə altına almasının etirafıdır. Putinin Priqojinin yanına göndərdiyi generallar “Vaqner” rəhbərini yola gətirə bilmədilər. Priqojin onları alçaldaraq yola saldı. Belə olan halda Putin Lukaşenkoya möhtac qaldı. Priqojin Lukaşenko ilə telefon danışığından sonra qüvvələrini geri çəkdiyini elan edib, ancaq bu hələ flimin sonu deyil, açıq qalan suallar var:
1.Putinin Priqojin əleyhinə qaldırdığı cinayət işi xətm olunacaqmı, yoxsa qüvvədə qalacaq?
2.”Vaqner” muzdlu qruplaşması Putinin tələb etdiyi kimi Müdafiə Nazirliyi ilə müqavilə imzalayacaqmı?
3.“Vaqner” müqavilə imzalamasa tərksilah olunacaqmı və bu necə həyata keçiriləcək?
4.Priqojin başının dəstəsiylə Ukraynaya qarşı müharibəni davam etdirəcəkmi?
Priqojin aşpaz və muzdlu qruplaşma rəhbəri olmaqla yanaşı həm də manipulyasiya ustasıdır. Priqojinin rəhbərliyi altında Sankt-Peterburq şəhərində yüzlərlə proqramçıdan ibarət trol ordusu fəaliyyət göstərib. Məhz həmin trollar ABŞ-da prezident seçkisində Donald Trampın Hillari Klinton üzərində qələbə çalması üçün var gücləriylə çalışmışdılar.
Yəni bu cür trol ordusu yaradan Priqojinin Lukaşenko ilə razılaşması birinci səhnəni sonu tamaşanın isə davamı etməsi ola bilər.
Elxan Şahinoğlu
Teref.az

Dünyapress TV

Xəbər lenti