“Kiyev rejimi terror hücumu taktikasından istifadə edir”.

Gununsesi.info xarici KİV-ə istinadən xəbər verir ki, bunu Rusiya Prezidentinin mətbuat katibi Dmitri Peskov jurnalistlərə açıqlaması zamanı bildirib.

Peskov Ukraynanın cəbhədəki uğursuzluqlarına görə Rusiyadakı mülki strukturlara hücumlar təşkil etdiyini deyib:

“Bu hücumlar uğursuzluqlardan doğan çarəsizlik hərəkətləridir. Kiyev rejimi terror hücumu taktikasından istifadə edir”.

“Kiyevin hazırkı yanaşması ilə sülh razılaşması əldə etmək olarmı? Cavab aydındır ki, yox. Bunun üçün lazımi şərait yoxdur. Kiyev rejimi yalnız Qərbin Rusiyaya qarşı müharibəsində alət kimi istifadə edildiyi müddətcə sülhə can atmır və axtara da bilməz”, – deyə Peskov qeyd edib.

Ukrayna Müdafiə Nazirliyi və Türkiyənin "Baykar Makina" şirkəti Ukraynada pilotsuz təyyarələrin təmiri və texniki xidmət mərkəzinin tikintisinə dair müqavilə imzalayıb.

"Report" xəbər verir ki, bu barədə "RBC-Ukrayna" Ukrayna Müdafiə Nazirliyinin mətbuat xidmətinə istinadən məlumat yayıb.
Ətraflı

Saziş bu il yanvarın 23-də qüvvəyə minmiş Ukrayna və Türkiyə hökumətləri arasında yüksək texnologiyalar, aviasiya və kosmik sənaye sahəsində əməkdaşlığa dair çərçivə sazişi çərçivəsində imzalanıb. Bu, iki ölkə arasında müdafiə sahəsində əməkdaşlığı gücləndirəcək.

Ukrayna Müdafiə Nazirliyinin dövlət katibi Konstantin Vaşşenko bildirib ki, xidmət mərkəzinin yaradılması ölkənin müdafiə qabiliyyətinin gücləndirilməsinə mühüm töhfə olacaq və qələbənin yaxınlaşmasına kömək edəcək.

O, həmçinin əlavə edib ki, bu, təkcə pilotsuz təyyarələrə aid deyil, həm də ağır zirehli texnikalara və digər döyüş vasitələrinə aiddir.

“Son günlər bəzi dairələr tərəfindən Azərbaycan tərəfi ilə aparılan danışıqlarda Azərbaycan Respublikası ərazisindən ağır hərbi texnikanın çıxarılması prosesində iştirakımla bağlı müxtəlif məlumatlar verilir”.

Teref.Az xəbər verir ki, bu barədə Vitali Balasanyan bəyanatla şıxış edib.

O vurğulayıb ki, “Rusiya sülhməramlı qoşunları ilə əməkdaşlıq məsələlərinin əlaqələndiricisi təyin olunduqdan sonra Azərbaycan ərazisində yerləşən Rusiya sülhməramlı qoşunlarının vasitəçiliyi və iştirakı ilə müstəsna olaraq müəyyən edilmiş səlahiyyətlər çərçivəsində Azərbaycan nümayəndələri ilə keçirilən görüşlərdə iştirak etmişəm. Hərbi sektorda təhlükəsizlik-strateji məsələlərin əlaqələndirilməsi ilə məşğul olan müvafiq idarənin olduğunu nəzərə alaraq, mənim vəzifəmdə müvafiq qərarlar qəbul etmək səlahiyyətim yox idi və əgər olsaydı, heç bir icraat da etməzdim”.

Balasanyan qeyd edib ki, işlədiyi müddətdə və hətta bu gün də görüləcək işlər barədə danışmamaq, müəyyən məsələləri ictimailəşdirməmək daha doğrudur. \\KONKRET.az

ABŞ-ın keçmiş prezidenti Donald Tramp Rusiyanın Birləşmiş Ştatlardan daha çox nüvə silahına malik olduğunu iddia edib.

KONKRET.az xəbər verir ki, o, bu barədə Pensilvaniyada tərəfdarları qarşısında çıxış edərkən məlumat verib.

Tramp Rusiya ilə barışığın daha uyğun yol olduğunu dilə gətirib

“Birləşmək yaxşıdır. Onların bizdən daha çox nüvə silahı var”, – deyə eks-prezident bildirib.

O, həmçinin əlavə edib ki, Ukraynadakı münaqişəyə görə ABŞ indi çox axmaq və təhlükəli vəziyyətdədir.

“Bəkir Orucov nə danışıbsa, özü bilər. Amma nahaq danışıb, çünki dedikləri həqiqəti əks etdirmir”.

Bunu Gununsesi.info-ya eksklüziv açıqlamasında korpus komandiri general-leytenant Mais Bərxudarov həbsdə olan general-mayor Bəkir Orucovun onu ittiham etməsinə münasibətində deyib.

Qeyd edək ki, “Tərtər İşi” ilə bağlı məhkəmə prosesində mühakimə olunan general-mayor Bəkir Orucov korpus komandiri Mais Bərxudarovu ittiham edib.

O, məhkəməyə ifadəsində bildirib ki, işgəncələrin durdurulması üçün Mais Bərxudarova müraciət edib: “Mən baş verənlərdən narahat idim. Tez-tez Mais Bərxudarova məruzə edirdim. Hər dəfə də baş verənlərdən narahatlığımı bildirirdim ki, bu məsələlər varsa, Hərbi Prokurorluq, yaxud da başqa qurumlar araşdırsın. Onun cavabı isə mənə mənfi olmuşdu. Mənə dedi ki, nazir Zakir Həsənov ona zəng vurub. Nazir Bərxudarovdan Hikmət Həsənovun korpusunda baş verənlərdən nümunə götürməsini istəyib. Mais Bərxudarov mənə “Nazir dedi ki, nədən qorxursan, Hikmət kimi işləyin, hamısını ifşa edin” , – deyə son və qəti sözünü bildirdi”.

Mais Bərxudarov isə saytımıza açıqlamasında Azərbaycanın hüquqi dövlət olduğunu və hər şeyin qanunla həllini tapdığını deyib: “Nə danışırsa, danışsın. Mən indi telefonda nəsə danışa bilmərəm. Hər şeyə hüquqi qiymət verilir. Biz hüquqi ölkədə yaşayırıq”.

İyulun 24-də səhərin erkən saatlarında Rusiya Ukraynanın Dunay çayı üzərindəki Reni limanına dron zərbələri endirib.

Hücum çayın digər sahilində – cəmi 200 metr aralıda Rumıniya səmasını işıqlandırıb. Ukraynadakı müharibənin Rumıniya ərazisinə bu qədər yaxın gəldiyi olmamışdı.

Eyni zamanda Odessa da daxil olmaqla Ukraynanın ərzaq ixracı limanlarına zərbələr endirən Rusiyanın Prezidenti Vladimir Putin iyulun 17-də BMT-nin vasitəçiliyi ilə əldə edilmiş taxıl sazişindən çıxıb. Kiyev Moskvanı taxıl ehtiyatları və saziş üçün vacib infrastrukturu hədəfə almaqda ittiham edir.

Rusiyanın hücumlarını genişləndirəcəyi gözləntisi fonunda təhlilçilər Kremlin Ukrayna taxılını dünya bazarlarından çıxarmağa, eyni zamanda AB-nin, xüsusən də Mərkəzi və Şərqi Avropa ölkələrinin Ukraynaya dəstəyinə mane olmağa çalışdığını deyirlər.

Rumıniya limanlarında xaos
Rumın Akademiyasının Buxarestdə fəaliyyət göstərən Nikolae Yorqa İnstitutunun araşdırmaçısı Kosmin Popa deyir ki, Rumıniya limanlarında xaos yaradılması Ukraynanın taxıl ixracına mane olmaqla yanaşı əks istiqamətdə daşımalara və deməli, yanacaq və hərbi yardım daşınmasına da mane olardı.

Popanın sözlərinə görə, Dunay çayının hədəfə alınması təkcə gəmi daşımalarına deyil, eyni zamanda Rumıniya və Moldova ərazilərindən dəmir və avtomobil yollarına təsir edə bilər.

"Rusiyanın hücumları həm də dolayı yolla Ukraynanın qonşularına hücum deməkdir. Bu baxımdan, Qərbin Putinə… limitlərin olduğunu göstərən aydın və qətiyyətli reaksiyası ortaya qoyulmasa, vəziyyət get-gedə pisləşəcək", – Popa söyləyir.

"[Rusiyalılar] həm birbaşa, həm də dolayı yolla hücum edirlər… Onlar Rumıniyada çay və dəmiryol nəqliyyatını dağıtmaq məqsədi güdürlər. Məqsədsə Dunay çayının mənsəbindəki Rumıniya limanlarında tıxanma və qarışıqlıq yaratmaqdır”, – Popa deyir.

İlkin əlamətlər bunu təsdiq edir.

Gəmilərin tıxacı
İyulun 25-də Qara dənizin qərb sahilində Dunay çayının mənsəbində, Rumıniyanın Konstanta limanı yaxınlığında gəmilərin tıxac yaratdığı haqda xəbərlər yayılıb. Təhlilçilər deyirlər ki, bu hal potensial təhlükəli yolla davam edib-etməməklə bağlı qeyri-müəyyənlik yaradır.

İyulun 24-də “Reuters” Ukraynanın İzmayil liman terminalı yaxınlığında 30-dək gəminin lövbər saldığı haqda xəbər yayıb. Hücumdan bir neçə saat sonra Reni limanı yaxınlığında yük maşınlarının uzun növbəsi əmələ gəlibmiş. Bu növbənin görüntüsü “Twitter”də paylaşılıb.

İyulun 24-dəki dron hücumunda Renidə üç taxıl anbarının məhv edildiyi, 15 dronla gerçəkləşən hücumda yeddi liman işçisinin xəsarət aldığı bildirilir. “Reuters”in xəbərinə görə, taxıl ixracı və daşınmasının mümkün olmayacağı qorxusu iyulun 24-də dünyada taxıl və qarğıdalı fyuçerslərinin kəskin artmasına səbəb olub.

Hücumdan bir neçə saat sonra BMT-nin Baş katibi Antonio Quterres Rusiyanı Qara dəniz taxıl sazişinə geri dönməyə çağırıb. O, “əhalisini qida ilə təmin etməyə çətinlik çəkən həssas ölkələrə” dağıdıcı təsirlərlə bağlı xəbərdarlıq edib.

Rusiyanın niyyəti
Rumıniya Prezidenti Klaus Yohannis “Twitter”də hücumu qınayaraq onu “Qara dənizin təhlükəsizliyini ciddi riskə məruz qoyan eskalasiya” adlandırıb. Bir neçə yüksək vəzifəli Rumıniya rəsmisi də Rusiyanın bu hücumunu qınayıb.

Mayın 2-də AB beş ölkəyə – Bolqarıstan, Macarıstan, Polşa, Rumıniya və Slovakiyaya Ukraynadan gələn buğda, qarğıdalı, raps və günəbaxan toxumunun ölkə daxilində satışına qadağa qoymaqla öz ərazisindən digər AB ölkələrinə buraxmalarına icazə verib.

Ötən il Avropa Komissiyası “həmrəylik cığırı” təşəbbüsü çərçivəsində Ukraynanın buğda ixracına şərait yaradacağını elan edib və bunun üçün gərəkən infrastruktura milyardlarla avro investisiya yatıracağına söz verib. Vilnüsdə yerləşən Şərqi Avropa Elmləri Mərkəzinin eksperti Dionis Senuzanın sözlərinə görə, iyunun 15-də Avropa Komissiyası bu razılaşmanı sentyabrın 15-dək uzadıb.

"Rusiya Qara dəniz taxıl daşımaları ilə bağlı [yaratmaq istədiyi] qarışıqlıqdan Ukraynanın azı beş AB ölkəsi ilə münasibətlərini pozmağa və çətinləşdirməyə çalışır”, – Senuza deyir.
azadliq

ABŞ Rusiyanı Suriya səmasında "MQ-9 Reaper" pilotsuz təyyarəsini vurmaq cəhdində ittiham edib.

Bu barədə “Associated Press” xəbər verir.

ABŞ Hərbi Hava Qüvvələrinin mərkəzi rəhbəri, general-leytenant Aleks Qrinkeviç “Associated Press”ə bildirib ki, iyulun 23-də Rusiya qırıcısı Suriya səmasında Amerikanın "MQ-9 Reaper" pilotsuz təyyarəsini vurmağa cəhd edib.

Rusiyaya məxsus döyüş təyyarəsi atəş açıb və PUA-ya ziyan vurub.

"Biz Suriyadakı Rusiya qüvvələrini bu ehtiyatsız, qeyri-peşəkar davranışa dərhal son qoymağa çağırırıq", - Aleks Qrinkeviç bildirib.

Sumqayıt Məhkəmə Kompleksində “Tərtər işi” üzrə həbs olunan 5 nəfərin - general-mayor Bəkir Orucov, Rahib Məmmədov, İntiqam Məmmədov, Ziya Kazımov və Ülvi Rəşidovun cinayət işi üzrə məhkəmə prosesi davam edir.

Musavat.com xəbər verir ki, 2021-ci ilin dekabrında Baş Prokurorluğun İstintaq İdarəsində “Tərtər hadisələri” ilə bağlı yenidən araşdırmalar başlanan zaman 2017-ci ilin mayında Beyləqanda da baş verən cinayətlər araşdırılıb.

Bu iş üzrə 62 zərərçəkmiş, 21 şahid var. İlk dövrdə araşdırmalar “Tərtər işi” ilə eyni icraatda aparılsa da, bu ilin fevralında “Beyləqan hadisələri” üzrə 5 nəfər barəsində cinayət işi ayrılaraq, Bakı Hərbi Məhkəməsinə göndərilib. Hakim qarşısına Beyləqan korpusunun qərargah rəisi olmuş, Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsini icra edən general-mayor Bəkir Orucov və daha 4 nəfər - snayper bölüyünün komandiri Ziya Kazımov, Təhqiqat bölməsinin rəis müavini olmuş Rahib Məmmədov, İntiqam Məmmədov və Ülvi Rəşidov çıxarılıb. Təqsirləndirilən şəxslərdən mayor Ülvi Rəşidovla polkovnik-leytenant Ziya Kazımov həbsdə deyil.

Hazırda məhkəmədə təqsirləndirilən şəxslər ifadə verirlər.

Ötən prosesdə təqsirləndirilən Ziya Kazımov ifadə vermişdi. Son proses isə təqsirləndirilən İntiqam Məmmədovun ifadə verməsi ilə davam etdirilib. Müdafiə Nazirliyinin Hüquq İdarəsinin Təhqiqat şöbəsinin baş zabiti - təhqiqatçısı vəzifəsində işləmiş İntiqam Şərif oğlu Məmmədov adam oğurluğu, külli miqdarda dələduzluq, rüşvət vermə, silah tətbiq olunmaqla vəzifə səlahiyyətlərindən sui-istifadə, işgəncə, qeyri-insani, yaxud ləyaqəti alçaldan rəftar və ya cəza vermə maddələri ilə ittiham olunur.

O, məhkəmədəki ifadəsində ittiham üzrə özünü təqsirli bilmədiyini, ona verilən göstərişləri, əmrləri yerinə yetirdiyini bildirib.

Hakimə “Mən kim idim ki? Nə göstəriş verilibsə, onu da icra etmişəm. İcra etməyə bilməzdim. İttihamda yazılanlar üzrə özümü təqsirli bilmirəm” deyib.

O, ifadəsində ittihamda adları yazılan Yasin Quliyevi və İlham Behbudovu ümumiyyətlə tanımadığını, onlarla heç vaxt təmasda olmadığını, onlardan izahat almadığını və alınması prosesində iştirak etmədiyini açıqlayıb.

Bildirib ki, bu şəxslərə qarşı qeyri-insani hərəkətlər etməyib, kimsəyə də belə bir göstəriş verməyib:

- Həmin prosesləri N saylı hərbi hissənin komandiri Mayis Bərxudarovun göstərişi ilə həmin korpusun zabitləri həyata keçiriblər. Bu proseslərə də komandirin tapşırığı ilə həmin korpusun zabiti Ülvi Rəşidovun özü və komandası rəhbərlik edib. Həmin şəxslərin hərbi hissəyə toplanması, orada saxlanması barədə bütün prosesləri hərbi hissə komandiri Mayis Bərxudarovun göstərişi ilə Ülvi Rəşidov təşkil edib. Mənə verilən tapşırıq korpus komandirinin idarəyə göndərdiyi siyahı üzrə hərbiçilərin izahatlarının alınması və rəhbərliyə təqdim etmək olub. 1 nəfərin izahatını almışam. Orada olan qara maskalı və silahlı şəxslərin heç biri mənə tabe olmayıb. Onlara komandanlığı ümumi olaraq Ülvi Rəşidov edib.

Təqsirləndirilən deyib ki, zərərçəkən Vurğun Əbilov epizodunda onunla yüngülvari əlbəyaxa olması hissəsində özünü qismən təqsirli bilir: “Bu hissədə də Vurğuna münasibətdə ağır nəticələr olmayıb”.

Təqsirləndirilən deyib ki, 6 may 2017-ci ildə Müdafiə Nazirliyinin Hüquq İdarəsinin rəisi Rauf Kişiyev onu və Elçin Əliyevi yanına çağırıb 1-ci Ordu Korpusunun tabeçiliyində olan hərbi hissələrin şəxsi heyəti arasında düşmən qüvvələri ilə əməkdaşlıqda şübhəli bilinən hərbi qulluqçuların aşkar edildiyini deyib. Bununla bağlı araşdırma başladığını, ordu korpuslarının təhqiqatçılarından qruplar yaratmaqla həmin hadisələrlə bağlı araşdırma aparılmasına zərurət olduğunu bildirib. Rauf Kişiyevin göstərişi əsasında tanıdığı hüquqşünaslardan 2-ci təhqiqat bölməsinin təhqiqatçıları Şahin Cəfərov və Rahib Məmmədovu, 6-cı təhqiqat bölməsinin təhqiqatçısı Təbriz Akbayev və Ruslanı, 1-ci Təhqiqat bölməsindən Emil Eyvazov, 8-ci təhqiqat bölməsindən Nahid Məmmədov və adlarını xatırlamadığı digər təhqiqatçıların ad-soyadlarını bildirməklə yaradılacaq qrupun tərkibinə daxil edilməsini təklif edib. Onun dediyi təhqiqatçıların adlarını Rauf Kişiyev Silahlı Qüvvələrin Baş Qərargah rəisi Nəcməddin Sadıkova verib. Bundan sonra əmr tərtib edilməklə bölmələrə həmin gün məlumat verilib.1 gün sonra onlar Tərtərin Şıxarx qəsəbəsində olan hərbi hissəyə gediblər. Orada l-ci Ordu Korpusunun komandiri general-mayor Hikmət Həsənovu, müavini polkovnik Babək Səmidlini, Həsənovun köməkçi Fuad Ağayevi, Müdafiə Nazirliyinin Xüsusi Təhlükəsizlik İdarəsinin rəisi polkovnik Ramin Əskərovu, 1-ci Təhqiqat bölməsinin rəisi Fərid Dəmirovu görüb.

Həmin hərbi hissəyə başları və gözləri bağlı vəziyyətdə olan hərbi qulluqçular gətirilib. Onlarda şifahi formada düşmən qüvvələri ilə əməkdaşlıqda şübhəli şəxs kimi dindirilməsini və sorğulandığı zaman döyülmələrini, bədənlərinə elektrik cərəyanı verilməsini SAT-ın hərbi qulluqçuları Cəfər Seyidovun nəzarəti altında icra ediblər.

Onlara sorğuda hansı sualların verilməsini, ümumilikdə hansı mövzu üzrə dindirilməsini Fuad Ağayev tapşırıb, Hikmət Həsənov da bu məsələlərdə Fuad Ağayevə göstərişlər verməklə ümumi olaraq aparılan dindirmələrə, işgəncə proseslərinə nəzarət edib. Onlar Rauf Kişiyevin nəzarəti altında, prokurorluğun müstəntiqləri də rəhbər heyətlərinin nəzarəti altında ərazidə saxlanılan şəxslərin dindirilməsini təşkil ediblər.

Təqsirləndirilənin sözlərinə görə, SAT-ın hərbi qulluqçuları dindirmək üçün bəzi vaxtlarda onların dediyi şəxsləri, bəzi vaxtlarda isə özləri istədikləri şəxsləri onların yanına gətirib. SAT-ın hərbi qulluqçularının üzləri bağlı olduğundan onların kimliyini bilməyib. Dindirmə üçün gətirilmiş şəxslərin əlləri və gözləri bağlı vəziyyətdə onların yanına gətirilib.

O bildirib ki, həmin şəxslərə mina partladılması zamanı elektrik cərəyanı verən cihazla elektrik cərəyanı verilməsi, plastik boru ilə SAT-ın hərbi qulluqçularının zor tətbiq etməsi barədə eşidib: “SAT-ın başında maska olan hərbi qulluqçuları 1-ci Ordu Korpusuna sorğulama üçün gətirilmiş şəxsi heyətin başlarına su tökməklə, bədənlərinin müxtəlif nahiyələrinə sillə və təpik zərbələri vurmaqla döyüb işgəncə veriblər".

SAT-ın hərbi qulluqçularının şəxsi heyəti əvvəllər yeməkxanaya aparmasına şahid olmasa da, daha sonra şəxsi heyəti bir cərgə halında kitelindən tutaraq yeməkxanaya aparmasını təşkil etməsini, əllərində olan vasitələrlə səs yaratmaqla, “səsin ardınca gəlin” demələrinə şahid olub. SAT-ın hərbi qulluqçuları cərgədə düzgün hərəkət etməyi bacarmayan şəxslərə əllərində olan plastik və metal materialdan olan vasitələrlə zərbələr vurublar. O, dindirdikləri Elçin Mirzəliyevin hospitalda ölməsini sonradan bilib.

Təqsirləndirilən deyib ki, Rauf Kişiyevlə Elçin Əliyev Bakıya qayıtdıqdan az sonra onu dəvət edərək Baş Qərargah rəisi Nəcmədin Sadıkovdan materialın daxil olduğunu deyiblər. Bildiriblər ki, 1-ci Ordu Korpusunda olduğu kimi 2-ci Ordu Korpusunda da düşmənlə əməkdaşlıq edən hərbi qulluqçular aşkar edilib. Onların izahatlarının alınaraq nəticəsi barədə Baş Qərargah rəisinə məruzə edilməlidir. Ona Baş Qərargah rəisi Nəcməddin Sadıkovun dərkənarı ilə materialı verib 29 may tarixində Beyləqan rayonunda yerləşən hərbi hissəyə göndəriblər. Material Mayis Bərxudarovun adından Baş Qərargah rəisi Nəcməddin Sadıkovun adına ünvanlanmış iki məktubdan və əlavə edilmiş siyahılardan ibarət olub. Beyləqanda Mayis Bərxudarovla görüşüb. O, məsələdən xəbərdar olduğunu deyib. Mayis Bərxudarovdan həmin məktubda adları keçən şəxslərin nəyə əsasən şübhələnərək adlarını qeyd etdiyini soruşub. Təqsirləndirilənin sözlərinə görə, Mayis Bərxudarov hərbi hissələrin komandirləri və ya tərbiyə işləri üzrə müavinləri tərəfindən həmin şəxslərin adlarının verildiyini deyib. Bundan sonra Mayis Bərxudarovun göstərişi ilə korpusun snayper hazırlığı bölüyünün komandiri Ülvi Rəşidov bu işdə ona kömək göstərməyə başlayıb. Bundan başqa, Mayis Bərxudarov mühafizə üçün N saylı hərbi hissədən hərbi qulluqçuları ayıracağını da bildirib.

30 mayda hərbi hissəyə gələndə artıq ona sorğu-sual üçün ayrılmış kazarmada çoxlu hərbçinin gətirildiyini görüb. Orada Mayis Bərxudarovun dediyi kimi, mühafizə üçün qara formalı, qara maskalı və silahlı hərbçilər olub.

Hər günün sonunda idarə rəisi Rauf Kişiyevə alınmış izahatlarla bağlı məruzə edib. Təqsirləndirilən deyib ki, saxlanılan hərbiçilər onların yanında döyülməyib.

Sorğu prosesində 3 hərbiçi düşmənlə əlaqə yaratmaları barədə izahat verib. Bu şəxslər MAXE Nizaməddin Piriyev, gizir Kamran Babazadə və əsgər Beydulla Abdullayev olublar. Nizaməddin Piriyev gizir Fərhad Qasımovun onu düşmən postuna aparıb orada düşmənə təhvil verdiyini və düşmənin onu həmin postda zorlaması, eyni zamanda özünün də bir neçə şəxsi düşmən tərəfə apararaq təhvil verməsi barədə izahat verib. Onlar Nizaməddin Piriyevdən etiraf izahatı aldıqdan sonra izahatın yoxlanılması məqsədilə orada saxlanılan Fərhad Qasımovu izahat alınması üçün yanlarına dəvət ediblər. Fərhad Qasımov izahatında Nizaməddin Piriyevlə düşmən tərəfə qisas almaq niyyəti ilə keçdiyini, Nizaməddini düşmənə təhvil vermədiyini və düşmənlə hər hansı əməkdaşlıq etmədiyini göstərib. Belə olan halda idarə rəisi Rauf Kişiyevə bununla bağlı məruzə edib. O isə ona hər iki şəxsin oradan Bakı şəhərinə gətiriləcəklərini deyib. Araşdırma apardıqları müddət ərzində gizir Kamran Babazadə izahatında əsgər Beydulla Abdullayevin onu düşmən tərəfə keçirərək onlara təhvil verdiyini və düşmən tərəfindən zorlandığını, düşmən hərbiçilərinin həmin zorlama proseslərini videoçəkilişlə lentə aldıqlarını bildirib. Və bu səbəbdən həmin videogörüntünün yayılmaması üçün düşmənin tapşırığına əsasən onlara zorlamaq məqsədilə bir neçə hərbiçini apardığını deyib. Kamran Babazadənin etiraf izahatından sonra Rauf Kişiyevə bu barədə məlumat verib. Həmin şəxs də Bakıya aparılıb.

Təqsirləndirilən deyib ki, Beyləqanda topladıqları 264 vərəqdən ibarət materialı idarə rəisi Rauf Kişiyevin imzası ilə Respublika Hərbi Prokurorluğuna göndəriblər. Hərbi Prokurorluq materialı geri qaytararaq leytenant Yusif Məmmədov barəsində artıq istintaq aparıldığını və paralel araşdırma aparılmasına zərurət olmadığını, Kamran Babazadə və Nizaməddin Piriyevin izahatları ətrafında əlavə araşdırma aparılmasını, digərlərinin isə mənasız və yalnız fərziyyələrdən ibarət olması ilə bağlı yazılı göstəriş göndəriblər. Yazılı göstəriş idarəyə daxil olduqdan sonra onun icraatına verilib. Göstərişə uyğun olaraq müxtəlif hərbi hissələrə sorğular verərək ehtiyata buraxılmış şəxsləri müəyyən edib, polis orqanları vasitəsilə həmin şəxsləri dəvət edərək izahatlarını alıb. Nizaməddin Piriyevin təkrar izahatını alıb. O da bildirib ki, düşmən tərəfə keçməklə bağlı Hərbi Prokurorluqda araşdırma aparılıb, Beyləqanda verdiyi izahatında həqiqəti deməyib. Bunu orada döyülmək qorxusuna görə yalandan düşmən tərəfindən guya zorlandığını izahatında göstərib.

Araşdırma dövründə alınan izahatlar əsasında Nizaməddin Piriyevin tabeliyində xidmət edən əsgərlərə ayrı-ayrı vaxtlarda zor tətbiq etdiyi, onları döydüyü izahatlardan göründüyündən barəsində Cinayət Məcəlləsinin 331.3-cü maddəsi ilə cinayət işi başlanıb və istintaqın aparılması üçün Respublika Hərbi Prokurorluğuna göndərib.

03.07.2017-ci il tarixdə ona verilmiş material üzrə Hüquq İdarəsinin rəisi Rauf Kişiyevin adından Baş Qərargah rəisi Nəcməddin Sadıkovun ünvanına yekun arayış tərtib edərək göndəriblər.

İntiqam Məmmədov deyib ki, sorğu-sual prosesində ona 68 nəfərin siyahısı təqdim olunub. Həmin şəxslərin əksəriyyəti ordudan tərxis edildiklərindən 63 nəfərin izahatı alınıb. Onların içində düşmənlə əməkdaşlıq etməsi faktı təsdiq olunmayıb.
“Yeni Müsavat”