 |
|
|
Rusiya ilk dəfə ağır “ODAB-1500” bombası ilə Ukrayna ərazisini vurub.
Bu barədə Almaniyanın “BİLD” nəşri məlumat yayıb.
Qeyd olunur ki, bu bombanın atılmasından sonra səmaya 1 km hündürlüyündə tüstü buludu qalxıb. Qəzet yazır ki, ruslar bu bombanı Sumı rayonunun Velikaya Pisarevka kəndinə atıb. Tanınmış almaniyalı ekspert Julian Röpke qeyd edib ki, mülki əhalinin məskunlaşdığı ərazidə 1,5 tonluq bombadan istifadə edilməsi Rusiyanın Ukrayna şəhərlərinə qarşı müharibəsindəki yeni biabırçı addımıdır.
Qeyd edilir ki, bu bombalar SSRİ dövründən qalan termobarik mərmidir, hədəfdən təxminən 10 metr əvvəl aerozol şəklində yanan bir qarışıq buraxır və onu alovlandırır. Nəticədə böyük həcmli partlayış baş verir. Bu tip döyüş sursatları klassik döyüş sursatlarından daha böyük dağıdıcı gücə malikdir. İşğalçılar əvvəllər 170 kiloqramdan 500 kiloqrama qədər “ODAB”-dan istifadə edirdilər.