Ukrayna boyunca bəzi bölgələrdə vəziyyət çox ağırdır.
Ajans.az xəbər verir ki, bu barədə Ukrayna Prezidenti Volodimir Zelenski öz sosial şəbəkə hesabında yazıb.

O bildirib ki, bu gün Ukrayna Silahlı Qüvvələrinin Ali Baş Komandanı Oleksandr Sırskinin məruzəsini dinləyib. Məruzədə Pokrovskoye, Limanskoye istiqaməti, Donetsk, Sumı və Xarkov vilayətlərindəki vəziyyət barədə məlumat verilib.

Prezident qeyd edib ki, "bəzi ərazilərdə vəziyyət çox ağır" olsa da, hər şey döyüş bölmələrinin "sabitliyindən asılıdır": "Mən Ukraynanın müdafiəsini təmin edən hər kəsə təşəkkür etmək istəyirəm. Rusiyanın niyyətləri dəyişmir və hər şey bizim müdafiə qüvvələrimizdən və Ukraynanın təhlükəsizliyindən - əsgərlərimizdən, dövlətə kömək edən hər kəsdən asılıdır".