Slovakiyanın baş naziri Robert Fiko Aİ-nin Rusiyaya qarşı sanksiyaları ölkəsinin milli maraqlarına zidd olarsa, onların qarşısını alacağına söz verib.

Musavat.com xarici mediaya istinadla xəbər verir ki, bu bəyanat Slovakiya parlamentinin hökuməti Moskvaya qarşı yeni Avropa sanksiyalarını dəstəkləməməyə çağıran qətnamə qəbul etməsindən sonra verilib.
“Əgər bizə zərər verəcək sanksiyalar olsa, mən heç vaxt onlara səs verməyəcəyəm. Mən Avropa İttifaqının konstruktiv iştirakçısı olmaq istəyirəm, lakin Slovakiya Respublikasının ziyanına yox”, - Fiko jurnalistlərə bildirib.

Slovakiya Aİ və NATO-nun üzvüdür, lakin Rusiyanın işğalı başlayandan sonra Ukraynaya rəsmi hərbi təchizatı dayandırıb.

Eyni zamanda, Fikonun kabineti Aİ-nin Rusiyaya qarşı tətbiq etdiyi 17 sanksiya paketinin heç birini hələ də bloklamayıb. Aİ hazırda Moskvaya qarşı 18-ci məhdudlaşdırıcı tədbirlər paketini hazırlayır.

Musavat.com