Müdafiə Nazirliyinin "Müdafiə Nazirliyinin Mərkəzi Hərbi Baytarlıq Laboratoriyasında ərzaq məhsullarının müayinəsi, Azərbaycan Ordusunun Kinologiya Mərkəzində və Quru Qoşunların tabeliyində olan hərbi hissələrdə saxlanılan xidməti itlərin sağlamlıqlarının qorunması məqsədilə qidalı mühitlərin, reaktivlərin, tibbi ləvazimatların və dərman preparatlarının satın alınması" tenderi ləğv olunub.

DİA.AZ xəbər verir ki, buna səbəb tenderdə iştirak etmək üçün tender təklifi vermiş iddiaçıların sayı üçdən az olmasıdır.

Bu da Dövlət Satınalmaları haqqında qanunun 11.1-ci maddəsi ilə tənzimlənir. Həmin maddəyə görə tenderdə iştirak etmək üçün tender təklifi vermiş iddiaçıların sayı üçdən az olduqda satınalan təşkilat tenderin davamından imtina edir və bu barədə məlumatı tender elan olunduğu mətbuat orqanında 5 bank günü ərzində dərc etdirir və rəsmi internet saytında yerləşdirir.

Hər halda MN-nin tenderlərində iştirakçı sayının az olması kifayət qədər şübhəli məsələdir. Görünür, burada monopoliya olduğundan şirkətlər hətta ilkin rəqabətə belə maraq göstərmirlər.

"Vaqner" özəl hərbi şirkətin əsgərləri Krasnodardakı otellərin əksəriyyətini zəbt ediblər.

Axar.az xəbər verir ki, bu barədə “Astra” Teleqram kanalı məlumat yayıb.

Bildirilib ki, vaqnerçilər Krasnodardakı otelləri avqusta qədər bron ediblər və orada istirahət edirlər. Ancaq özlərini vəhşi kimi aparırlar: otel otaqlarını sıradan çıxarır, öz aralarında və otel işçiləri, o cümlədən sakinlərlə vaxtaşırı dava-dalaş salırlar.

Bildirilir ki, Milli Qvardiya bu gün səhər otellərdən birinə gəlib, çünki özəl hərbi şirkətin döyüşçüsü otel işçisinə hücum edib.

“Səhər bizdə Milli Qvardiyanın üç maşını var idi, vaqnerçilərdən biri otel işçisini az qala boğacaqdı. Ondan pul oğurlandığını düşünürdü, amma pul otaqdakı seyfdən çıxdı. Onlar dəhşətli dərəcədə pintidir, birbaşa çarpayıya “tualet etdikləri” də olur. Onlar səhər 7-dən gecəyə qədər içirlər”, - otellərdən birinin əməkdaşı deyib.

Qərb Ukraynadakı hərbi münaqişədən yorulur.

Axar.az xəbər verir ki, bunu Böyük Britaniyanın istefada olan vitse-marşalı Şon Bell deyib.

"Qərbin Ukraynaya silah tədarükü getdikcə çətinləşir, risklər və xərclər də artır. Müharibə yorğunluğu yavaş-yavaş gəlir və biz bəzi həqiqətlərin, bəzi tələlərin indi üzə çıxdığını görürük", - o bildirib.

Ukrayna ordusunda qadınların cəbhədə müxtəlif vəzifələrdə iştirak etmələri üçün hazırlıq prosesi davam edir.

“Qafqazinfo” xarici KİV-ə istinadən xəbər verir ki, Rusiya ilə Ukrayna arasında müharibə davam edərkən Ukrayna ordusunun 60 mindən çox qadından ibarət 128-ci Karpat Dağ Hücum Briqadası hazırlıqlarını həyata keçirir.

Briqadadakı qadınlar da cəbhə xəttində müxtəlif sahələrdə vəzifələrin öhdəsindən gəlmək üçün Zaporojye vilayətində hazırlıq işlərini davam etdirirlər.

Həmin hazırlıq işlərindən görüntüləri təqdim edirik:

Bu gün Vətən müharibəsinin şəhidi, “Vətən yaxşıdır” mahnısı ilə könüllərdə taxt quran Xudayar Yusifzadənin ad günüdür.

Şəhidimiz 1998-ci il iyulun 15-də Bərdə şəhərində anadan olub.

X.Yusifzadə 2004-2015-ci illərdə Bərdə şəhərində Bülbül adına 1 nömrəli Uşaq İncəsənət Məktəbində təhsil alıb.

O, 2016-2018-ci illərdə Dövlət Təhlükəsizliyi Xidmətinin “N” saylı hərbi hissəsində müddətli həqiqi hərbi xidmətdə olub. Daha sonra isə o, Dövlət Sərhəd Xidmətinin Sərhəd Qoşunlarının sıralarında müddətdən artıq həqiqi hərbi xidmət qulluqçusu olaraq xidmət edib və “gizir” hərbi rütbəsi alıb.

2020-ci ilin Tovuz döyüşləri zamanı general-mayor Polad Həşimovun şəhid olmasından sonra öz istəyi ilə Bərdə Rayon Hərbi Komissarlığına müraciət edib.

Azərbaycan Ordusunun Sərhəd Qoşunlarının giziri olan Xudayar Yusifzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı əvvəlcə Füzuli rayonunda sərhəd məntəqəsində xidmət edib, daha sonra isə Cəbrayılın və Zəngilanın azadlığı uğrunda gedən döyüşlərdə savaşıb. Xudayar Yusifzadə oktyabrın 22-də Zəngilan döyüşləri zamanı Ağbənd istiqamətində şəhid olub.
Bərdə şəhərinin Şəhidlər xiyabanında dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti, Ali Baş Komandan İlham Əliyevin sərəncamlarına əsasən Xudayar Yusifzadə ölümündən sonra “Vətən uğrunda”, “Zəngilanın azad olunmasına görə” medalları və “Azərbaycan Bayrağı” ordeni ilə təltif edilib.

2021-ci il fevralın 18-də Xudayar Yusifzadənin təhsil aldığı Bərdə şəhərinin Bülbül adına 1 nömrəli Uşaq İncəsənət Məktəbində onun büstünün açılış mərasimi olub.

Xudayar Yusifzadə ölümündən iki gün əvvəl Əliağa Vahidin “Vətən yaxşıdır” şeirinə bəstələnmiş mahnını ifa edib və bunu telefon vasitəsilə lentə alıb. Həmin video qısa müddət ərzində sosial şəbəkələrdə trendə çevrilib.

Qeyd edək ki, “Vətən yaxşıdır” təsnifinin musiqisi Əlibaba Məmmədova, sözləri Əliağa Vahidə aiddir. Təsnif Əlibaba Məmmədovun xeyir-duası ilə “Xudayar təsnifi” adlandırılıb.

Ermənistanda hərbi hissənin komandiri 19,5 milyon dram (təxminən 50 min ABŞ dolları) məbləğində rüşvət aldığı üçün həbs edilib.

“Report” yerli mətbuata istinadən xəbər verir ki, bu barədə Korrupsiyaya Qarşı Mübarizə Komitəsi məlumat yayıb.

Məlumata görə, V. M. toxuculuq fabrikinin direktoru V. E.-nin maraqlarına uyğun qanunsuz hərəkətlərə görə 19,5 milyon dram rüşvət tələb edib və məbləğin bir hissəsini alıb.

İstintaq materiallarına görə, şirkət 2023-cü ildə Müdafiə Nazirliyinin tədarükçüsü olub və texniki tələblərə cavab verməyən (kiçik ölçülü) 70 min ədəd alt paltarı təhvil verib. “Buna göz yummaq” üçün hərbi hissə komandiri anbar rəisi vasitəsilə şirkətdən rüşvət kimi 12 milyon dram tələb edib.

O da məlum olub ki, bu, birinci dəfə deyil. Analoji “xidmətlərə” görə 6,5 milyon və 1 milyon dram məbləğində rüşvət daha əvvəl, 2022-2023-cü illərdə alınıb. Söhbət yenə də kiçik ölçülü alt paltarları və qadın ayaqqabılarının tədarükündən gedir. Hərbi hissə komandirinə pul anbar rəisi vasitəsilə ötürülüb.

İyulun 13-də həmin şəxslər saxlanılıb, onlara qarşı ittiham irəli sürülüb. Şübhəli şəxslər həbs olunub.

Ukrayna Prezidenti Volodimir Zelenski NATO sammitinin keçirildiyi Vilnüsdən qayıtdıqdan sonra ölkəsindəki təhlükəsizlik vəziyyəti ilə bağlı xüsusi xidmət orqanlarının rəhbərləri ilə müşavirə keçirib.

“Report” xəbər verir ki, bu barədə dövlət başçısı teleqramda bildirib.

Müşavirələrdən biri Ukrayna Təhlükəsizlik Xidmətinin rəisi Vasili Malyukla olub. Bundan əlavə, ölkə başçısı Müdafiə Nazirliyinin Baş Kəşfiyyat İdarəsinin rəisi Kirill Budanov və Xarici Kəşfiyyat Xidmətinin sədri Oleksandr Litvinenko ilə görüşüb.

“Biz vəziyyəti çox diqqətlə təhlil edirik – müharibə ilə bağlı hər şeyi və daxili təhlükəsizlik üçün vacib olan hər şeyi”, - Zelenski deyib.

Avropa Parlamenti mövcud qıtlığı aradan qaldırmaq üçün Avropa İttifaqında (Aİ) sursat və raket istehsalının artırılması planlarını təsdiqləyib.

“Report” xəbər verir ki, bu barədə “RBC-Ukraina” Avropa Parlamentinin mətbuat xidmətinə istinadən məlumat yayıb.

Qeyd olunub ki, Sursat İstehsalına Dəstək Aktı (ASAP) Ukraynaya döyüş sursatı və raketlərin tədarükünü sürətləndirmək və təşkilata üzv ölkələrə arsenallarını doldurmağa kömək etmək üçün hazırlanıb.

Sənəd Aİ Şurası tərəfindən təsdiqləndikdən sonra qüvvəyə minəcək.

“Ukrayna ordusunda artilleriya mərmiləri çatışmazlığı yaranıb”.

“Report” “Reuters”ə istinadən xəbər verir ki, bunu Vilnüs Beynəlxalq Hava Limanında jurnalistlərin suallarını cavablandıran ABŞ prezidenti Cozef Bayden deyib.

O, xüsusilə, Ukrayna Silahlı Qüvvələrində artilleriya mərmilərinin çatışmazlığı yaşadığını bildirib. Bayden deyib ki, ABŞ tədarüklərini artırmaq üçün çalışır.