Erməni jurnalist, RT-nin baş redaktoru Marqarita Simonyanın evinin yaxınlığınq pilotsuz uçuş aparatı (PUA) düşüb.

Gununsesi.info xəbər verir ki, bu barədə RİA agentliyi məlumat yayıb.

Bu, bir həftə ərzində onun Moskva vilayətində yerləşən evinin yaxınlığına düşən ikinci PUA-dır. Onun evinin yaxınlığında ilk dron avqustun 21-də vurulub.

“Bir həftə ərzində ikinci dəfə evimizin yaxınlığında dron qəzaya uğradı. Güclü düşür, sizə demək istəyirəm. Dördün yarısında oyanırsan, sadəcə yatmağa vaxt tapırsan”, – Simonyan bildirib.

Rusiya Müdafiə Nazirliyi hücuma görə Ukraynanı ittiham edib.

Ədliyyə nazirinin müavini – Penitensiar Xidmətin rəisi ədliyyə polkovniki Mirsaleh Seyidov Penitensiar Xidmətin Mühafizə alayında yaradılmış şəraitlə, həqiqi hərbi xidmət keçən qulluqçuların maddi-texniki və məişət vəziyyəti ilə tanış olub.

Axar.az xəbər verir ki, nazir müavini həmçinin əsgərlərin qida rasionu ilə maraqlanıb və onlarla nahar edib.

Eyni zamanda, bu gün Ədliyyə Nazirliyi Penitensiar Xidmətinin Mühafizə alayında həqiqi hərbi xidmətə çağırılmış gənc əsgərlərin andiçmə mərasimi keçirilib.

Azərbaycan Respublikasının Dövlət Himni səsləndirildikdən sonra Dövlət Bayrağı hərbi marşın sədaları altında təntənəli surətdə meydanın mərkəzinə gətirilmiş, gənc əsgərlər Vətənə, xalqa və dövlətə sədaqət andı içiblər.

Tədbir zamanı Ədliyyə Nazirinin müavini - Penitensiar xidmətin rəisi ədliyyə polkovniki Mirsaleh Seyidov gənc əsgərlərə Vətənə şərəf və ləyaqətlə xidmət etməyi, komandirlərin əmr və tapşırıqlarını sözsüz yerinə yetirməyi, ölkəmizin müdafiəsinə qalxmağa hər an hazır olmağı tövsiyə edib.

Nazir müavini qeyd edib ki, Azərbaycan Respublikasının Prezidenti Ali Baş Komandan cənab İlham Əliyevin rəhbərliyi altında ölkəmizin siyasi və hərbi sahədə əldə etdiyi uğurlara söykənən Azərbaycan əsgəri Qarabağda zəfəri təmin etmiş və 30 illik həsrətə son qoyub. O, məhz gənc əsgərlərin and içdiyi 26 avqust tarixinin də cənab Prezidentin Sərəncamına əsasən “Laçın Şəhəri Günü” kimi qeyd edildiyi günə təsadüf etdiyini qürurla vurğulayıb.

Gənc əsgər Nahid Məmmədov özünün və yoldaşlarının adından yaradılmış bütün şəraitə görə təşəkkürünü bildirib, xidmətləri zamanı Azərbaycan əsgəri adını qürürla daşıyacaqlarına və vətənimizə verdikləri anda hər zaman sadiq qalacaqlarına söz verib.

Əsgər valideyni Qarabağ müharibəsi qazisi Fərhad Mürsəlov bir valideyn kimi Azərbaycan əsgərinə bu gün göstərilən diqqət və qayğını yüksək qiymətləndirdiyini qeyd edib. O, gənc əsgərlərə öz tövsiyyələrini çatdıraraq, Vətən işində hər zaman qəhrəman və nümunəvi olmağı arzu edib.

Daha sonra Mühafizə alayının Xüsusi təyinatlı dəstəsi nümunəvi çıxışlarla fiziki və döyüş hazırlığını nümayiş etdirib.

Tədbirin rəsmi hissəsinin sonunda Azərbaycan Respublikasının ərazi bütövlüyü uğrunda canından keçmiş şəhidlərimizin ruhu yad edilib, milli qəhrəmanların abidəsi önünə gül dəstələri qoyulub.

Avropa ölkələrinin Ukraynanı F-16 qırıcıları və Mi-24V helikopterləri ilə təchiz etmək planları onların Ukrayna ətrafındakı münaqişədə artan iştirakını təsdiqləyir.

Teref.az xəbər verir ki, bunu Rusiya Xarici İşlər Nazirliyinin nümayəndəsi Mariya Zaxarova deyib.

“"Çexiya ordusu ABŞ-a məxsus döyüş helikopterlərini aldıqdan sonra Rusiya istehsalı olan Mi-24V helikopterlərini Kiyevə təhvil verməyə hazırlaşır. Bundan başqa, keçən həftə V. Zelenskinin bir sıra Avropa ölkələrinə səfərindən sonra Danimarka, Norveç və İsveç hakimiyyət orqanlarının F-16 qırıcılarını Kiyevə təhvil verməyi planlaşdırdığı məlum olub. Bütün bu hərəkətlər qərblilərin Rusiyaya qarşı düşmən münasibətini, onların Ukrayna münaqişəsində artan iştirakını təsdiqləyir” - Zaxarova bildirib./axar.az/

“Rusiya Könüllülər Korpusu”nun (RDK) əsgərləri “Vaqner” özəl hərbi şirkətinin silahlılarını onların tərəfinə keçməyə çağırıb.

Teref.az “oxu.az”a istinadən xəbər verir ki, 2014-cü ildən Rusiya-Ukrayna müharibəsində Ukrayna tərəfində vuruşan ultrasağ rus millətçiləri tərəfindən 2022-ci ilin avqustunda yaradılmış RDK hərbi birləşməsinin “Vaqner”çilərə ünvanlanan müraciəti “RDK” “Telegram” kanalında yayımlanıb.

“Göründüyü qədər, dünən sizin komandirləriniz və qurucu atanız riyakarcasına “edam ediliblər”. Onların Rusiya Federasiyasının ən yüksək hakimiyyət eşelonunun nümayəndələrinin göstərişi ilə öldürülməsi faktı hamıya aydındır. Ona görə də indi sizin qarşınızda çətin, lakin kifayət qədər məntiqli bir seçim dayanır: ya Rusiya Müdafiə Nazirliyinin sıralarında komandirlərinizin qatillərinin xidmətində durmaq, ya da öz şərəfinizi qoruyub Ukrayna tərəfinə keçməklə onların cəlladlarından qisas almaq”, – deyə müraciətdə qeyd edilib.

Onlar Ukrayna ərazisində hərbi cinayətlər törətməyən rusiyalı muzdluları “Rusiya Könüllülər Korpusu”nun sıralarına qoşulmağa çağırıblar.

RDK üzvlərinin sözlərinə görə, Ukrayna Silahlı Qüvvələri və Müdafiə Nazirliyi könüllü olaraq Ukrayna tərəfinə keçənlərin təhlükəsizliyinə zəmanət verir və onlara layiqli şərait yaradırlar.

Rusiya Hava Kosmik Qüvvələrinə məxsus Mi-8 hərbi helikopteri Ukraynanın nəzarətindəki aviabazaya enib.

Rusiya hərbi blogerlərindən biri helikopterin naviqasiya sistemində problem yarandığını, bu səbəbdən ekipajın ilk gördüyü aerodroma endiyini iddia edib.

Digər versiyaya görə isə pilot könüllü şəkildə Ukrayna tərəfə keçib. Günün başqa vacib xəbəri Krımın Tarhanqut burnunda Rusiyanın ən müasir S-400 “Triumf” zenit-raket kompleksinin Ukrayna ordusunun raket zərbəsi ilə məhv edilməsidir.
Əməliyyat dron kamerası ilə qeydə alınıb.

Bu kompleksin sıradan çıxarılması şübhəsiz ki, Krımın hava-raket hücumundan müdafiəsinə mənfi təsir edəcək və yarımadanın Ukrayna tərəfindən demilitarizasiyasını bir qədər asanlaşdıracaq.

“BMT Təhlükəsizlik Şurasının iclası zamanı Rusiyanın Qarabağdakı sülhməramlı kontingenti tənqid olunmadı. Çünki heç bir Qərb ölkəsi öz sülhməramlılarını ora göndərməyə hazır deyil”.

KONKRET.az xəbər verir ki, bunu erməni politoloq Sergey Melkonyan deyib.

“Qərb ölkələrinin diplomatları və ekspertləri ilə söhbətlərdən məlum olur ki, heç bir ölkə öz sülhməramlılarını Qarabağa göndərməyə hazır deyil. Hətta Aİ-nin monitorinq missiyasının necə reaksiya verdiyinin şahidi olduq. Bu fonda Aİ-nin “Qarabağ ermənilərini qorumaq” üçün ən azı 2000 silahlı sülhməramlı göndərəcəyini gözləmək doğru deyil. Orada belə söhbətlər belə aparılmır”, – deyə erməni politoloq bildirib.

Ukrayna Silahlı Qüvvələri(SQ) rusların birinci müdafiə xəttini yarıblar.

“AzPolitika.info” xəbər verir ki, “Teleqram” kanallarında strateji əhəmiyyətli Robotino kəndini azad edildiyini əks etdirən görüntülər yayılmağa başlayıb.

Daha əvvəl Qərb və Ukrayna mənbələri rusların minaladığı geniş ərazilərin minalardan təmizlədiyini bildirirdilər. Qeyd olunurdu ki, nəticədə Ukrayna SQ üçün geniş ərazilər açılır. Bu da nəticə etibarı ilə hücumların sürətini artıra bilər.

Ukrayna Müdafiə nazirinin müavini Anna Malyar da qoşunların Robotino kəndinə daxil olduqlarını təsdiqləyib. O bildirib ki, 47-ci briqadanın döyüşçüləri yerli sakinlərin “Bradley” BMP-lər vasitəsi ilə təxliyəsini təşkil ediblər.

“Döyüşlər davam edir, rus hərbçiləri Rabotinoyu artilleriyadan davamlı olaraq atəşə tutur”, - Malyar “Teleqram”ında yazıb və foto dərc edib.

Rusiya Müdafiə Nazirliyi Malyarın bəyanatını şərh etməyib.

Vağzalın damına edilən hücumda yanğın baş verib, beş nəfər yüngül xəsarət alıb.

Avqustun 19-dan 20-ə keçən gecə Moksvanın cənubunda, təqribən 500 km-də yerləşən Kursk şəhərində dəmiryolu vağzalına dron hücumu olub.

Bu haqda AzadlıqRadiosunun Current Time layihəsi xəbər verir.

Vağzalın damına edilən hücumda yanğın baş verib, beş nəfər yüngül xəsarət alıb.

Rusiya Müdafiə Nazirliyi Moskva istiqamətində başqa bir pilotsuz uçuş aparatının zərərsizləşdirildiyini bildirib.

Rostov vilayəti də gecə üç kamikadze dronun zərərsizləşdirildiyi haqda məlumat yayıb.

Rusiya isə Ukrayna şəhərlərini bombalamaqda davam edir.

Rusiyanın Ukraynaya hərbi təcavüzü 2022-ci ilin fevralından davam edir.