Ermənistan ərazisindən açılan snayper atəşi nəticəsində hərbi qulluqçumuz şəhid olub
Sentyabrın 30-u günorta saatlarında Ermənistan silahlı qüvvələrinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından atəş açılıb. Bu barədə Müdafiə Nazirliyindən bildirilib.
Atəş nəticəsində hərbi qulluqçumuz Orucov Vüsal Xeybalı oğlu şəhid olub.
Bölmələrimiz tərəfindən cavab tədbirləri görülür.
Müdafiə Nazirliyinin rəhbərliyi şəhidimizin yaxınlarına dərin hüznlə başsağlığı verir.
Allah rəhmət eləsin!

44 günlük Vətən müharibəsi başlayandan Zəfərə qədər gedən yolda Azərbaycan ordusunun bəzi taktiki-manevr planları məlum olub.

Bu barədə “Xəzər TV”-də yayımlanan “Əks-hücuma 10 dəqiqə qalmış” sənədli filmində məlumat verilir.

Qoşunların hərəkət edəcəyi ərazilərin, xüsusilə də möhkəmləndirilmiş sədlərin yarılmasında “Tamkar” və “Pomins” qurğularından da geniş istifadə edilib.

“Tamkar” texnikaya qoşularaq daşınan minatəmizləyən qurğudur. Onun üzərindəki raket minalı sahəyə atılır və üzərindəki bombacıqlar minaları partladır. Nəticədə də 100 metr uzunluğa və 10 metr enə malik keçid açılır. “Pomins”i isə şəxsi heyət daşıyır. O da eyni prinsiplə partlayış yaradır və 50 metr uzunluğunda, 1.5 metr enində keçid aça bilirdi.

Suriyadan Şanlıurfanın Ceylanpınar rayonuna iki minaatan mərmisi atılıb. Güllələrdən biri Suriya ərazisinə, digəri isə Türkiyə tərəfinə düşüb.

Bu barədə Manset.az TGRT Haber-ə istinadən xəbər verir.

Gömrük qapısına və qəsəbələrə yaxın əraziyə düşən minaatan gülləsi sahə işçilərinin üstündən keçərək qarğıdalı sahəsinə düşdüyü bildirilib.

Hadisədən sonra bölgəyə çox sayda xilasedici, polis və jandarma qrupları gəlib.

Hadisə ilə bağlı araşdırmalara başlanılıb.

Ukraynanın bütün ərazisində hava həyəcanı verildi

Ukraynanın bütün ərazisində hava hücumu xəbərdarlığı elan edilib.
Manset.az xəbər verir ki, bu barədə TASS məlumat yayıb.

Bildirilib ki, əvvəlcə Kiyevdə, bir dəqiqə sonra isə bütün ölkə ərazisində hava hücumu xəbərdarlığı elan olunub.

Azərbaycanın Qarabağda keçirdiyi antiterror tədbirlərində şəhid olan daha 6 hərbçinin şəxsiyyəti müəyyənləşib.

Oxu.Az xəbər verir ki, Müdafiə Nazirliyinin bununla bağlı siyahısında 186 nəfərin adı qeyd olunub.

Xatırladaq ki, bundan əvvəlki siyahıda 180 hərbçinin adı qeyd edilmişdi. Eyni zamanda, lokal antiterror tədbirləri nəticəsində 511 hərbi qulluqçumuz və 1 mülki şəxs yaralanıb.

Şəhid olanlardan 12 nəfər isə Daxili İşlər Nazirliyinin hərbi qulluqçularıdır. Şəhid olanlardan 1 nəfər də mülki şəxsdir.

Rusiya 2024-cü ilin büdcəsində müdafiə xərclərini bu illə müqayisədə 68 faiz artırmağı planlaşdırır.

Demokrat.az xəbər verir ki, bu barədə Rusiya Maliyyə Nazirliyi məlumat yayıb.

Məlumata əsasən, yeni büdcə layihəsində müdafiə xərclərinin bu illə müqayisədə 68 faiz artaraq 2024-cü ildə 10,8 trilyon rubla (təxminən 111 milyard dollar) çatdırılması nəzərdə tutulub.

Qeyd edək ki, bu ilin ilk 8 ayında ölkə büdcəsində 2,3 trilyon rubl (təxminən 23,5 milyard dollar) kəsir yaranıb.

"Baykar" şirkətinin texniki direktoru Səlcuq Bayraqdar Türkiyə Prezidenti Rəcəb Tayyib Ərdoğanın kürəkənidir və onun şirkəti bu yaxınlarda özünün yeni nəsil pilotsuz döyüş təyyarələrini nümayiş etdirdi ki, bu da mövcud olanlardan daha çox silah daşıyaraq, daha sürətli və daha uzaq məsafəyə uçuş həyata keçirə biləcək.

Axar.az xəbər verir ki, bu sözlər "Blumberq"in məqaləsində yer alıb.

Məqalədə qeyd olunur ki, yeni nəsil pilotsuz təyyarələr Ukraynanın Rusiya qoşunları ilə döyüşmək üçün TB2 pilotsuz uçuş aparatlarından istifadə etdikdən sonra xaricdə getdikcə nüfuzu artan şirkətin artan ambisiyalarını əks etdirir:

"Baykar" son illərdə silahlı pilotsuz təyyarələrdən döyüş təyyarələrinə və döyüş gəmilərinə qədər məhsullar istehsal edərək, Ərdoğanın özünü təmin edən müdafiə sənayesi yaratmaq səylərinin əsas hissəsinə çevrilib. Rusiyanın Ukraynaya təcavüzündən sonra dronların xaricə satışı da durmadan artıb və Türkiyəyə Yaxın Şərqdən çox-çox kənarda daha böyük siyasi nüfuz qazandırıb.

Atası tərəfindən qurulan və ailəsi tərəfindən idarə olunan şirkətdə baş texnologiya direktoru olan Bayraqdar bildirib ki, yeni pilotsuz təyyarələr Türkiyənin Qara dəniz və Qafqazdan Şərqi Aralıq dənizi və Şimali Afrika sahillərinə qədər Türkiyənin hərbi təsirində inqilab edəcək. Onlar uçuş vaxtını və məsafəsini artırmaqla Türkiyəyə qitələrdə müşahidə aparmağa və hücumları aşkar etməyə imkan verəcəklər”.

Bildirilib ki, PUA-lar Ankaranın ölkənin cənub-şərqində, İraqın şimalında və Suriyada separatçılara qarşı on illərdir davam edən döyüşün gedişatını dəyişib. Hazırlanması və istismarı nisbətən ucuz olan pilotsuz təyyarələr son illərdə Azərbaycan və Liviya kimi uzaq yerlərdəki münaqişələri türk müttəfiqlərinin xeyrinə dəyişməyə kömək edib.

Yaxın Şərqdən kənarda belə, NATO-dan kənarda fəaliyyət göstərən və ya siyasi və ya maliyyə səbəblərinə görə ABŞ və ya İsraildən ala bilməyən ölkələr üçün türk pilotsuz təyyarələrinin xüsusilə dəyərli olacağı ehtimal edilir. Yeni pilotsuz uçuş aparatları ölkənin sərfəli qiymətlərlə yüksək keyfiyyətli hərbi texnika tədarükçüsü kimi reputasiyasını gücləndirəcək.

Beynəlxalq Strateji Araşdırmalar İnstitutunun müdafiə üzrə eksperti Fabian Hinzin fikrincə, bu, Türkiyənin mürəkkəb pilotsuz təyyarələr istehsal edən bir neçə ölkə arasında unikal mövqeyidir:

“İstər ABŞ-ın müttəfiqi olun, istərsə də ABŞ ilə probleminiz olsun, Türkiyə pilotsuz təyyarələrini faktiki olaraq heç bir siyasi xərc çəkmədən ala bilərsiniz".

Son iki onillikdə şirkətin qazancının 82%-ni ixracatdan əldə etdiyini deyən Bayraqdar son bir ildə istehsal gücünün 50% artdığını söyləyib.

Son lokal antiterror tədbirləri zamanı Azərbaycan 192 şəhid verərək Qarabağda separatizmin kökünü tamamilə kəsib.

Son tədbirlər ilə həm də “böyük Ermənistan” ideyası ifalasa uğrayıb.

Artıq Qarabağın heç bir yerində qondarma qurumun əski parçaları dalğalanmır. Torpağa ilk olaraq ayaq basan oğullar onları cırıq-cırıq edib, ayaqlar altına sərdilər. Aydın səmalara isə üçrəngli, ay-ulduzlu Bayrağımız ucaldılıb.

“Xəzər TV”nin mövzu ilə bağlı “23 saat 43 dəqiqəyə 192 can” adlı süjetini təqdim edirik:

Antiterror tədbirləri bölgədə yeni bir mənzərə ortaya çıxardı. Artıq separatçılar və qanunsuz erməni birləşmələrinin silahları, hərbi texnikaları müsadirə edilir. Amma bu zaman ortaya çıxan faktlar olduqca ilgincdir. Çünki ərazi baxımından kiçik bir bölgəyə bu qədər silah-sursatın toplanması bir sıra suallar yaradır. Bu fakt keçmiş münaqişə dövründə nəzarətsiz qalmış Azərbaycan ərazilərinin qanunsuz silahların saxlanılması kimi istifadə edildiyini təsdiqləmiş olur.

Teref.az xəbər verir ki, bunu Teleqraf.com-a hərbi ekspert, polkovnik Şair Ramaldanov deyib.

O qeyd edib ki, bununla bağlı beynəlxalq konvensiyalar var:

“Sadəcə olaraq keçmiş münaqişə zonasına beynəlxalq qurumlar nəzarət etmirdi. Beynəlxalq silahlandırma qurumları mütəmadi olaraq ölkələrdə yoxlamalar aparır. Demək olar ki, bu qurum hər il belə yoxlamalar keçirir. Ermənistanda da bu cür yoxlamalar olur. Amma Qarabağda işğal dövründə olan nəzarətsizlik ucbatından həmin qurum burada hansısa bir təhqiqat apara bilməyib”.

Polkovnik hesab edir ki, Qarabağda indi təhvil-təslim prosesi zamanı bu qədər silah-sursatın aşkarlanması tamam başqa mətləblərdən xəbər verir:

“Bir müddət öncə Ermənistanda olan revanşist qüvvələrin Azərbaycana qarşı təxribatlara hazırlaşdıqları məlum olmuşdu. Həmin qüvvələr Qarabağdakı qanunsuz birləşmələr vasitəsi ilə məhz bu silahlardan istifadə edərək öz çirkin məqsədlərini reallaşdırmaq niyyətində idilər”.

Şair Ramaldanov güclü Azərbaycan Ordusunun qabaqlayıcı tədbirləri ilə revanşistlərin bu niyyətlərinin alt-üst olduğunu bildirib:

“Hazırda Qarabağ silah-sursatdan təmizlənir. Bölgə silahsızlaşdırılır. Amma indiyə qədər Qarabağ dünyanın silah-sursatla ən çox çirklənmiş bölgəsi hesab edilirdi. İndi silahların təhvil alınması prosesi gedir. Amma burada fərqli yanaşmalar da ola bilər. Silahların təhvil verilməsi və təksilah anlayışları mövcuddur. Bu dəqiqə silahların təhvil alınması prosesi gedir. Ola bilsin bunun ardınca tərksilah edilməsi mərhələsi olsun. Kimlər ki silahı təhvil verməyib və yaxud bundan imtina edib, onlara qarşı addımların atılması qaçılmaz olacaq”.